آخر أخبار المعلم المساعد

[a7med_3adel81]

أعلنت وزارة التربية والتعليم عن بدء اجراءات
التعيين لبعض مدرسي التعاقد بشرط أساسي
قيام كل مدرس مساعد بتعليم 15 فرد لا يعرفون
القراءة والكتابة من أجل منحهم شهادة محو الأمية

بالتأكيد لا يوجد إعتراض من جانب أي إنسان للقيام
بذلك لكن المثير في الأمر أنه مطلوب مني الجري
في الشوارع والبحث عن الناس أم ماذا .؟......

من لديه معلومة إضافية عن هذا الأمر أو غيره

يتفضل بوضعه هنا كى تعم الإفادة

[elmister]

كلام ليس له اى اساس من الصحة لان الوزير امس قال الشروط بالضبط
1- اجادة الانجليزى
2- مؤهل تربوى
3- icdl
4- اجتياز اختبار الاكاديمية
5- تقرير من مدير المدرسة
6- تقرير كفاءة من التوجيه الخاص به

[shima sayed]

انا معلمة متعاقدة انجليزي بمحافظة قنا وقد وصل المدارس عندنا ورق من الاكاديمية يخص شرط التعيين الذي حدد 1- الرخصة الدولية icdl
2- مؤهل عال تربوي
3- دبلومة لغير خريجي كليات التربية
4- تقرير كفاءة من التوجيه وادارة المدرسة
5- اجتياز اختبارات الكادر في مجالات التربوي التخصص المهارات الاساسية في اللغة العربية والجديد المهارات الاساسية في اللغة الانجليزية وكل هذا لمن امضي عام علي تعاقده

[misterzook]

يا جماعة كم راتب شهر يوليو؟ فى ادارات صرفت 350 و اخرى 328 وكلها تابع لمحافظة 6 اكتوبر ارجو الافادة بشأن المرتب فى بقية الادارت او المحافظات حتى نتخذ اللازم

[momo44055]

الشرط بتاع محو اميه 10 أو 15 فرد ده شرط مش حقيقى ده إكيد قرار من المحافظ أو مدير المديرية لان فى محافظة البحر الاحمر لم نسمع بالكلام ده خالص

[ممدوح سليمان]

يا متعاقدين ما تتعبوش نفسكم هي الحكومة خسرانة ايه من كونكم متعاقدين طالما انتوا اغلبيتكم مبسوطين وهي مبسوطة بالتوفير في النفقات والعمر بيعدي يبقي ما فيش مشكلة

[ميدوكساب]

جاء منشور إلى المدرسة يطلب من المتعاقدين الذين ينتهي عقدهم في نهاية الشهر الحالي سرعة التوجه للإدارة التعليمية لتجديد العقد سنة ثالثة

[zemosat]

لو سمحت أتأكد من الكلام ده هل التجديد للى رسبوا ولا كل الناس اللى رسب على اللى نجح

[العروبة2]

ربنا يسترها
نفس الكلام سمعته من الإدارة عندنا تجديد لمدة عام لحين إشعار آخر

[vip_ame]

عادى جدا

بالمنطق الناس اللى عقودهم هاتخلص هايقبضوا ازاى الشهور دى وعلى اى اساس هايستمروا فى مدارسهم؟

و ان شاء الله التعيين على الدرجة المالية الثالثة فى شهر 7 اللى جاى

[تسنيم رمضان محمد فرج]

احنا كمان فى طنطا لسة كاتبين عقد جديد لمدة عام مع العلم أنى قد نجحت فى اختبار الأكاديمية وقدمت الicdl

[شهريااار]

المشاركة الأصلية كتبت بواسطة vip_ame

عادى جدا

بالمنطق الناس اللى عقودهم هاتخلص هايقبضوا ازاى الشهور دى وعلى اى اساس هايستمروا فى مدارسهم؟

و ان شاء الله التعيين على الدرجة المالية الثالثة فى شهر 7 اللى جاى

أتفق معك تماما هو دة التحليل الصح بس يارب الناس تفهم وتتطمن

[mena gerges123456]

محلي الغربية:
محو أمية 5 مواطنين
شرط التعاقد مع المدرسين
أوصت لجنة محو الأمية وتعليم الكبار بالمجلس المحلي بمحافظة الغربية بتفعيل البروتوكول المبرم بين مديرية التربية والتعليم وفرع محو أمية تعليم الكبار بالمحافظة بشأن عدم التعاقد أو تجديد التعاقد مع المدرسين إلا بعد محو أمية خمسة مواطنين وذلك كشرط للتعاقد.
دعت اللجنة خلال جلستها الشهرية التي عقدت الليلة الماضية برئاسة إبراهيم أبوعيسي وحضور محافظ الغربية اللواء عبدالحميد الشناوي. إلي العمل علي زيادة فصول محو الأمية علي مستوي المحافظة

http://www.almessa.net.eg/ المصدر

[pyony]

انت بتقول 5 احنا عايزين عندنا10 وذلك للعقد الحصة وسالنا فى المدرية قالوا ده قرار محلى فاربنا يستر

[nourhan200005]

حسبى الله ونعم الوكيل
انا من الغربية بس جددنا العقد عادى بدون شروط ودى كمان كان شرط اول ماعملنا العقد من اكثر من سنتين بس محدش اعطى له اهتمام ولم يتنفذ