سؤال للاساتذه الافاضل

[ahmed medhat]

هل عندما أقوم بالاقتباس من اعمال الاخوه الزملاء و اعيد تنسيق العمل و اضيف له ثم اكتب عليه اسمى جائز شرعا و بالتالى هل العائد المادى المترتب على ذلك سواء بطريق مباشر او غير مباشر يعتبر حلال ام هناك شبهه فى ذلك ؟ انا عن نفسى باكتب " هذا العمل مجمع و مقتبس من عده مصادر و من كتب خارجيه " و لكن هل هذا يكفى حتى لا اطعم اولادى الحرام ؟ ارجوا الافاده خاصه من الاخوه اصحاب الاعمال المنشوره و المرفقه فى انحاء المنتدى. و جزاكم الله كل خير.

مدحت سلامه

مدرس اللغه الانجليزيه بدكرنس دقهليه

[استاذ بدوى الدجوى]

لما انزل شغلى وازعل لما حد يقتبسه يتم الرد عليا وانت نزلته ليه اصلا صح؟
وبعدين حضرتك بتكتب مقتبس ومجمع يا عم مدحت كتر خيرك اوى
العملية مفتوحة جدااااا احنا بس بنقول ان المقتبس يضع لمساته ميبقاش نقل حرفى
شكرا لك يا فندم
مفيش حرمانية ان شاء الله

[Mr Hamada Hashish]

اعتقد ان اي حد بينزل اعمالة على المنتدي اكيد يعني يكون متاح للجميع سواء للنقل او التعديل علية ولكن البعض يرفض ولكني شخصيا كل اعمالى متاحة للجميع

[Mr Sayed2222]

المشاركة الأصلية كتبت بواسطة استاذ بدوى الدجوى

لما انزل شغلى وازعل لما حد يقتبسه يتم الرد عليا وانت نزلته ليه اصلا صح؟
وبعدين حضرتك بتكتب مقتبس ومجمع يا عم مدحت كتر خيرك اوى
العملية مفتوحة جدااااا احنا بس بنقول ان المقتبس يضع لمساته ميبقاش نقل حرفى
شكرا لك يا فندم
مفيش حرمانية ان شاء الله

والله اعلم

[مستر خالد غباشى]

والله الموضوع دة لااحد يستطيع الحكم فية لانة يحتاج الى استاذة فى الفقة...اما نحنفنرفع اعملنا ونتمى ان يستفيد اجميع منة

[مستر/ عصام الجاويش]

نقطه حرام وحلال دى محتاجه لفتوى من عالم فى الدين
بس عموما يعنى انا لو اخذت شغل غيرى وتركت اسم صاحب العمل الاصلى عليه ايه المشكله؟
انا سمعت الشيخ محمد حسان يقول من بركه العلم ان ينسب العلم والفضل لاهله يعنى مثلا تجد بعض الدعاه يقول كلام جميل وكانه يقوله من عنده وهو كلام علماء اخرين عموما يامستر لو انت بتتحرى الحلال والحرام فى هذه الامور اسأل عالم دين افضل

[AShraf1972511]

المصدر واحد هو الكتاب المدرسي والكل يجتهد من مصادر مختلفه
الحلال والحرام لا يمكن لااحد منا ان يقدم فتوي لاننا لسنا اهلا لذلك والله اعلم

[ahmed_burhany]

أنا مع رأي الأستاذ بدوي ان مفيش حرمانية ولا حاجة لان معظم الناس هنا بتحط شغلها ويبقي متاح للجميع ممكن تعدل عليه وتحط الحاجة اللي تتناسب مع طريقة شرحك انما لو واحد مش مسامح في شغله طيب بينزله ليه علي المنتدي أصلا
والله ولي التوفيق

[ahmed medhat]

جزاكم الله خيرا على الاهتمام و الرد

[مستر/ عصام الجاويش]

المشاركة الأصلية كتبت بواسطة ahmed_burhany

أنا مع رأي الأستاذ بدوي ان مفيش حرمانية ولا حاجة لان معظم الناس هنا بتحط شغلها ويبقي متاح للجميع ممكن تعدل عليه وتحط الحاجة اللي تتناسب مع طريقة شرحك انما لو واحد مش مسامح في شغله طيب بينزله ليه علي المنتدي أصلا
والله ولي التوفيق

الموضوع مش كده برضه يامستر المدرس بيرفع شغله اساسا لطلاب المنتدى مش للزملاء

لان بعض الزملاء فعلا ريح نفسه بيدخل المنتدى يجمع مذكرات ويكتب عليها اسمه وتكون سبب فى شهرته

احيانا بدون تعب انا مثلا نزلت شغل المنتدى ووجدت زميل رافع نفس الملف اللى انا مقدمه وكاتب اسمه عليه

طبعا انا زعلت لانى مش بانقل من كتب خارجيه ابدا انا باحضر من مرجع واعيد تقديم الماده العلميه بشكل يناسب الطالب اللى بادرسله يعنى قصدى اقول المستر يستاذن الزميل افضل لتحرى الحلال

[mr ashraf ezzat]

المشاركة الأصلية كتبت بواسطة استاذ بدوى الدجوى

لما انزل شغلى وازعل لما حد يقتبسه يتم الرد عليا وانت نزلته ليه اصلا صح؟
وبعدين حضرتك بتكتب مقتبس ومجمع يا عم مدحت كتر خيرك اوى
العملية مفتوحة جدااااا احنا بس بنقول ان المقتبس يضع لمساته ميبقاش نقل حرفى
شكرا لك يا فندم
مفيش حرمانية ان شاء الله

" كل من سألك فأعطه ؛ ومن أخذ الذى لك فلاتطالبه "

[Mr. Ayman Elsawy]

ربنا يجزيك الخير لسؤالك

[ebraheem]

اعتقد ان اى عضو له مشاركه فى المنتدى اكيد هو متاكد ان فى زملاء هيستخدموها فى شغلهم وطبعا اكيد بيكون راضى والا مكنش رفعه ولكن االحرام هو ان ينسب العمل لنفسه بون وجه حق وهنا الرقيب عليه اله سبحانه وتعالى وضميره

[مستر/ عصام الجاويش]

المشاركة الأصلية كتبت بواسطة ebraheem

اعتقد ان اى عضو له مشاركه فى المنتدى اكيد هو متاكد ان فى زملاء هيستخدموها فى شغلهم وطبعا اكيد بيكون راضى والا مكنش رفعه ولكن االحرام هو ان ينسب العمل لنفسه بون وجه حق وهنا الرقيب عليه اله سبحانه وتعالى وضميره

جزاك الله خيرا يامستر ابراهيم على هذا الرأي وانا مؤيدك فى هذا الكلام ومن المعروف للجميع ان المنتدى اصبح يستغل من قبل بعض اصحاب مكاتب الكمبيوتر الذين يدخلون المنتدى يحملون اعمال المدرسين ويعيدون تنسيقها ويعطونها لمدرسين مشاهير فى الدروس الخصوصيه ولكن علميا هم غير متمكنين اصلا ويكتبون اسمائهم عليها ويضعون عناوين جذابه عليها وهم لم يكتبوا حرف واحد فيها فهل هذا عمل مقبول؟

[m.1541]

لا فض فوك يا مستر عصام
نحن والله في زمن العجايب
انت محق تماما في ذلك ولكن ما حل هذه المشكلة؟