لمن يهمه الأمر!!!!!!!!!!!!!!

[محود ابوريه]

بسم الله الرحمن الرحيم
وقل اعملوا فسيرى الله عملكم ورسوله والمؤمنون
صدق الله العظيم


وأنا مدرس بلأجر أعمل وأعمل لله ورسوله بمعنى انه مفيش دخل يذكر الترم كله حوالى 260 جنيه بالرغم من انى صرفت فى الترم حوالى 150 جنيه او اكتر مواصلات . واللى يضحك مكافأتى بتاعت الامتحانات 90 جنيه مصرى فقط لاغير بعد الخصومات
التخصص علوم المؤهل باكالوريوس علوم وترية بيولوجى
ولما سألت السيد المسئول : اللى هو موجه اول العلوم رد عليا وقال

( ياستاذ محمود احنا بنحاول نجيب لكم عقود بس العقود دلوقتى لمدرسين الموسيقى والحاسب الالى والمسرح بسسسسس )
ورنا يسهلك يابنى !!!!!!!!!!!!!!!!! الشاى يافرحات مع السلامه ياستاذ

جانى خاطر ان السيد المسئول بيقوللى عى طول
لكن مواد العلوم الرياضيات والدراسات والحاجات دى ملهاش لازمه مواد بتاعت وقتها لكن المواد التانيه هتوصل اولادنا وينافسو على الاوسكار وجوائز ايمى وام تى فى ( ده الكلام الل دخل دماغى) .



السؤال بقه ؟؟؟؟؟؟؟؟؟؟؟؟



امتى؟ خريج كلية التربية ( الحاصلين على الباكالوريوس واليسانس ) يبقى مدرس ) ؟ (ج ) فى المشمش
وفين؟ حقه لو اشتغل بالحصه (ج) عند ربنا
وازاى؟ ياخد حقه ( ج ) بالدعاء على المسئولين .
ولمتى ؟ تظل مصر هكذا ( ج ) لحد مناد الاوسكار وكاس العالم وكاس القارات الخ
ولماذا ؟ احكى عن مشكلتى
( ج ) عشان حد يقولى اى حاجه اعملها اروح اشتغل فى محل كشرى يعنى ولا قهوجى ( مع العلم انهم بيدخلو فلوس اكترمن المدرسين )







م أ م ربنا يسترها عليكم ( علشان اشتغل بالحصه تانى يمكن الحال يبقى غير الحال )

[alfares3000]

لا تحزن ولاتحمل نفسك أكثر مما تحتمل فليس العيب عيبك انت اجتهدت فى حين كان غيرك يتسكع فى الطرقات وذاكرت فى حين كان غيرك يسهر فى المقاهى وبحثت عن عمل فى حين غيرك يبحث عن طرق للسرقة والمشى الحرام فما ذنبك فى كل ما عملت ؟؟؟؟؟؟ لا ذنب فأصبر والله معك انت ومن مثلك وفرج الله قريب ولا تجعل الشيطان يتملك منك فيضلك عن سبيل الحق واوعى تكره مصر فليس العيب فيها ومصر جميلة و الظلم والظلمه عمرهم قصير وربنا يوفقك ان شاء الله هذا ما أستطيع مساعدتك به وليتنى استطيع فعل اكثر من ذلك فى خدمتك ولن أتأخر ودمتم بالف خير

[d00ry]

روح لوزير التربية والتعليم

[d00ry]

انشاء الله هيكون فى حل للموضوع ده عنده

[محود ابوريه]

على فكره انا فكرت فى السفر للخارج بس ورب الكعبه انا عايز مجهودى لولاد بلدى عشان مايجيش ابنا الدول التانيه ويقولو احنا اكتر علما منكم فى حين ان علمهم اساسه احنا والجميع عارف كده
بس انا عايز اسأل سؤال

؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ليه الحكومه بتعمل كده




المدرس ياخوانا هو ايه



هو البدايه


والوسط


والنهاية




بداية التنشئه وحجر الاساس وكلنا فاكرين مدرس المرحله الابتدائيه بكل تفاصيله مظهره وشكله وطريقة كلامه وحتى ضربه لينا مهما طال عمرنا مبننساهوش
ولهذا فإن مدرس المرحل الابتدائيه هو الاهم من مدرس الجامع مع احترامى لأساتذة الجامعه فهم فى علمه الاقوى ولكن مدرس الابتدائى هو اللى بينشئ الجيل السوى والسليم
زمان كنا لما نعمل حاجه غلط نخاف من المدرسعن ابونا وامنا وعشان كده ابائنا وامهاتنا كانو يقولو دايما للمدرس اكسر واحنا نجبس بس د كان امتى

زمــــــــــــــــــــــــــــــــــــــــــــــــ ـــــــــــــــــــــــــــــــــــان ياتعليم

دلوقتى تروح ورا الشمس لو فكرت حتى انك تهدد عيل من العيال اللى هما اساسا اولادك ومستقبلك وانت بقيت مدرس عشانهم عشان تربيهم الخخخخخخخخخخخخخخخخخخخخخ



والوسط فهو اللى بيوجه الطلبه للطريق الصحيح فالمدرس الكفء يجعل من الطالب امتدادا له ليس بالجينات والوراثه ولكن بالاخلاق والقيم طبعا كل واحد فى اخوانا المدرسين بيفتكر مدرس له فى اى مرحله وبيستخدم ولو جزء من طريقته ليــــــــــــــــــــــــــــه عشان اتأثر بيه وهو مش واخد باله
المهم فهو الوسط حيث ييبنى عقول الابناء بالعلم بعد المرحله السابقه اللى هيا مرحلة الاخلاق ولذلك الوزاره اسمها التربيه (والتعليم ) التربية الاول وبعدين التعليم الخخخخخخخخخخخخخخخ وكلنا عارفين اللى عايز اقوله


والنهاية المدرس بقه دوره فى النهاية بيوصل ابنه الطالب الى المستقبل اللى هى الكلية اللى حياته كلها هتتبنى عليها



انا عارف طولت عليكم


بس الموضوع بجد خطير


ومحتاج كلام كتير
بس بجد انا تعبان من اللى بيحصل


مدرسين بره قاعدين
وجوه مدرسين ( مش كلهم ) مستواهم مش قد كده وكلنا عارفين


الكلام اللى بقوله معروف
وعذراااااا للتطويل

انا مدرس بالحصه اى نعم لسه صغير بس فى دماغى امل فى تحقيق مستقبل افضل سيبونا من السياسات اللى سيادة الوزير بحطها وكل يوم على حال
الموضوع الكبير ان الطلبه خلاااااااااااااااااااص معدوش بيفكروا فى المدرسه اللى كان حلم من احلامى انى ادخلها وادرس فيها واقف على السبوره والطلبه يحبونى واحبهم يتأثرو بيا وأثر فيهم

معلش الصبر جميل
وإن الله مع الصابين
وربنا يسهل وبكره يكون احلى
وياريت ياريت الساده المسئولين اللى هيقروا موضوعى يضيفو حتى ولو امل يحسس كل المدرسين ان لسه فى تعليم مش
اى كلام

والسلام ختام
محمود البنا

[محود ابوريه]

المشاركة الأصلية كتبت بواسطة d00ry

روح لوزير التربية والتعليم

الموضوع مش موضوع وزير ولا غفير بقولك الموجه الاول مش معبرنى تقولى الوزير
على فكره فى مدارس دخلها مدرس العلوم فى نهاية شهر اكتوبر يعنى بعد شهر من الدراسه
وبيقولو مفيش عجز دول اللى تحت ربنا علم بيقه باللى فوق
الوزير بيقول كلام حلو قوى فى التليفزيون
بس الموضوع مش موضوع كدر وفلوس ياجماعه انا مؤمن بالرسالــــــــــــــــــــــــــــــــــه
اللى هى انى أكون معلم ( مدرس يعنى ) مش معلم تانى هههههه
وشكر على الرد

[محود ابوريه]

المشاركة الأصلية كتبت بواسطة alfares3000

لا تحزن ولاتحمل نفسك أكثر مما تحتمل فليس العيب عيبك انت اجتهدت فى حين كان غيرك يتسكع فى الطرقات وذاكرت فى حين كان غيرك يسهر فى المقاهى وبحثت عن عمل فى حين غيرك يبحث عن طرق للسرقة والمشى الحرام فما ذنبك فى كل ما عملت ؟؟؟؟؟؟ لا ذنب فأصبر والله معك انت ومن مثلك وفرج الله قريب ولا تجعل الشيطان يتملك منك فيضلك عن سبيل الحق واوعى تكره مصر فليس العيب فيها ومصر جميلة و الظلم والظلمه عمرهم قصير وربنا يوفقك ان شاء الله هذا ما أستطيع مساعدتك به وليتنى استطيع فعل اكثر من ذلك فى خدمتك ولن أتأخر ودمتم بالف خير

بحب مصر
وبجرى على اكل العيش وبيطلع عينى وعين اللى جابونى وبحاول اعلم الجيل ( شويه منه على الاقل ) بطريقه صح وأنا احسن من غيرى ( الحمد لله ) غيرى مش لاقى خالص ( ربنا يرزق الجميع ) بس المهم انتا عارف انى بدأت موضوعى بية كريمة تحث على العمل ودى برضه رساله للناس كلها محدش يقعد حتى الأولاد اللى عندى فى ثانوى واعدادى بقولهم فى الصيف يروحو يشتغلو لو حتى مش هيدو حاجه لباباه او مامته بس المهم يشيل من عليهم ولو جزء صغير عشان يتعلم يعتمد على نفسه الخخخخخخخخخ


وشكرا على ردك وربنا يرزق الجميع

[Abu Menna Mohamed]

احييك و ربنا معاك و استبشر خيرا ان شاء الله !

[d00ry]

والله انا مش عارفة اقولك اية بس ممكن تدى دروس و امرك لله

[محود ابوريه]

المشاركة الأصلية كتبت بواسطة abu menna mohamed

احييك و ربنا معاك و استبشر خيرا ان شاء الله !

اولا شكرا على الرد
ثانيا انا بحاول اتفائل
اكيد كل مدرس صح مؤمن برسالته يتمنى انه يعمل بجد واجتهاد من أجل مصلحة اولاده اللى هى مصلحة البلاد

شكرا ليك ودعواتك ان يكون بكره احلى

ماهو لازم حد يبشر بالخير
ربنا بعت الرسل الانبياء وماهم الا مبشرين ومنذرين
{وما نُرْسِلُ الْمُرْسَلِينَ إِلَّا مُبَشِّرِينَ وَمُنْذِرِينَ } [ الأنعام: 48] ، [ الكهف : 56]
وفي ذلك يقول صلى الله عليه وسلم : " يسروا ولا تعسروا ، وبشروا ولا تنفروا " (البخاري)
ومن حكمته صلى الله أنه استعمل أساليب التبشير في إيقاظ الهمم والتنشيط للطاعة، ومن ذلك قوله : " بشر المشائين في الظلم إلى المساجد بالنور التام يوم القيامة" (صحيح سنن ابن ماجة) وصلى العشاء مرة بأصحابه، وقبل أن ينصرفوا قال لهم : "على رسلكم. أبشروا. إن من نعمة الله عليكم أنه ليس أحد من الناس يصلي هذه الساعة غيركم " (البخاري) قال أبو موسى الأشعري : فرجعنا ففرحنا بما سمعنا من رسول الله صلى الله عليه وسلم.

[محود ابوريه]

المشاركة الأصلية كتبت بواسطة d00ry

والله انا مش عارفة اقولك اية بس ممكن تدى دروس و امرك لله

أكيد هاكون بدى دروس هأكل عيلتى منين يعنى ( بينى ووبينك محدش يعرف حاجه ماشى )
بس والله جالى موجه مرة المدرسه لاقانى كاتب على السبوره من اولها لاخرها وكان ناقص اكتب على هدومى تعرفوا قالى ايه



( انت كاتب كير ليه ياستاذ محمود حاول تكتب العناصر بس )
وقالى فى موضوع تانى :
( أهم اجه الورق بتاعك اللى هو """ كشكول التحضير , التاريخ والحصص , اكون ماشى مع خطة توزيع المنهج "" وهكذا

مش عارف ده ممكن نقول عليه ايه

هسيبكم انتم تقولوا