|
#1
08-07-2009, 01:59 AM
|
||||
|
||||
يبقى أتجوز ليه.. وأنا مالي؟
      ******* أنا مرتبطة إذن أنا سعيدة والموقف ده بيتكرر كتير يمكن مش بنفس السيناريو لكن بأشكال تانية ماتختلفش كتير بيحاول فيها طرف من أطراف العلاقة إنه يتحكم في الطرف التاني، ويحاول يضمن لنفسه كل المميزات من غير ما يبذل أي مجهود أو يقدم أي حاجة، على اعتبار إن الطرف التاني محتاج له و"هيموت من غيره"، وخصوصاً في ظل ارتفاع سن الزواج وزيادة نسبة العنوسة.. صحيح فيه بنات بتتصرف نفس تصرف "العريس" إياه، وتفضل تشرط وتتشرط ولا كأنها ملكة زمانها ولكن النتيجة بتكون زي ما البنت اللي فوق عملت، ورفضت الموضوع كله وإحساسها إن الارتباط بإنسان بالشكل ده معناه التعاسة الأبدية "في حالة الاستمرار" أو الانفصال السريع مع وجود طفل أو طفلين.. وطبعا بيكون الوضع اللي هي فيه أصلا "من غير ارتباط" أفضل 100 مرة من أي وضع تاني  ولكن ومن ناحية تانية فيه ناس بتقبل بالأوضاع دي خوفاً من شبح العنوسة والوحدة وعدم الارتباط والرغبة في الاستقرار وتكوين أسرة ووجود أبناء و.... و.... و والفكرة دي -اللي هي الارتباط وخلاص بأي شكل وبأي صورة والخوف من الوحدة والعنوسة- بتكون موجودة ومسيطرة بشكل كبير على البنات وبالذات اللي تخطوا الثلاثين فكتير من اللي بيوصلوا للسن ده من غير ارتباط بيبدأوا في التقهقر والتنازل عن أي أحلام أو مطالب أو أمنيات بتكون البنت عايزاها في شريك حياتها وبيكون عندها أو عند أسرتها استعداد للقبول بأي خاطب مهما كانت عيوبه أو مهما كانت أوجه الاختلاف على أي مستوى بينهم، وده كله علشان يطّمنوا عليها، وإنها بقت في "ذمة راجل"، وإنها هتضمن الأسرة والبيت والحياة المستقلة و... و... و.. وبالتالي هتكون سعيدة اقتباس: ولكن السؤال هل الطريقة دي فعلاً هتحقق السعادة، يعني هل السعادة هتتحقق بمجرد الارتباط ولا الارتباط ده مجرد وسيلة لتحقيق السعادة... وفي هذا اختلفت الأقوال ******* الجواز بين الخوف عليه والخوف منه  منى: نفسي أعرف بجد الغلط فين؟ وإيه اللي بيحصل وبيخلّي أي حد يُعجب بيّا ميكملش معايا؟... ده أنا بشهادة معظم اللي حواليّا جميلة، ومؤدبة، وهادية.. يمكن علشان كده! والزمن ده مبقاش عايز إلا الناس الروشة. طيب يعني مفيش فايدة  مي: يعني هيحبني ولا هيرضى يتجوّزني على إيه ده أنا تخينة وقصيرة، صحيح شخصيتي قوية وعندي عيون بشهادة الجميع ولا عيون المها وشعري طويل وناعم لكن برضه ده مش كفاية أكيد هيسيبني، طيب وأنا أستنى ليه؟.. هاسيبه قبل ما يسيبني  سلمى: بالذمة إيه اللي أنا قلته ده؟!... هو أنا هافضل كده على طول اللي في قلبي على لساني. هو يعني ماينفعش أتعلم أزوق كلامي شوية.. أكيد طبعا هيفكر ألف مرة قبل ما يكلمني تاني  نهى: لازم العلاقة دي تنجح وإلا العيلة كلها هتشمت فيّا وأصحابي هيتّريقوا عليّا.. لازم... لازم... لازم  نجلاء: مش قادرة أحس بالسعادة اللي أنا فيها دايما خايفة من المستقبل ومن تكرار تجارب اللي حواليّا وباسأل نفسي على طول إمتى هيبطل يحبني  شروق: وأنا عليّا من وجع القلب ده بإيه؟... يعني اللي خلقه ماخلقش غيره، وحتى لو مفيش غيره.. أنا خلاص مش هاعذب نفسي تاني.. أنا مش محتاجة لحد في حياتي، وأقدر أعتمد على نفسي في كل حاجة... أنا خلاص قررت أن لا حب بعد الآن ******* والأفكار دي وغيرها زي : الحب وجع قلب لو متجوزتش قبل سن الثلاثين يبقى ضعت خلاص لازم أحمي نفسي من الوقوع في الحب لازم أعمل له اختبارات كتير علشان أتأكد إنه بيحبني الأفكار دي رغم اختلافها الظاهري إلا إنها كلها وبلا استثناء بتعكس اهتمام زايد جدا بالحب والارتباط وكمان الخوف منه ******* جواز آه....آه  فـ"منى"، و"مي"، و"نهى"، و"سلمى" ممكن يكونوا اتأخروا شوية في الجواز أو بمعنى تاني ماتخطبوش، أو ماتجوزوش وهما "لسّه في اللفة" فبيكون عندهم قلق زيادة شوية من التأخير ده وحتى لو دخلوا في علاقة بيكونوا قلقانين جدا من فشلها ومابيحطوش في دماغهم للحظة واحدة إن استعجالهم ولهفتهم على الجواز واعتبار إن من غيره هيكونوا كائن ناقص وملهوش أهمية، وإن الجواز هو "كل الحياة" واللا جواز يعني الموت الزؤام ومابياخدوش بالهم كمان إن "اللهفة" دي هي سبب من أسباب التأخير ده؛ لأنهم بيكونوا في حالة قلق وتوتر دائم وده بيظهر من غير حتى ما يتكلموا فبيظهر من النظرات والحركات وبشكل غير مباشر وده بيخلي الطرف التاني يقلق ويطرح ألف سؤال عن سبب هذه "السربعة" بل والاستهجان منها وبالتالي الزوغان وده لأنه بيحس إن فيه "حاجة غلط" فبدل ما يكون هو اللي مستعجل وعايز يثبت حبه ويبين اهتمامه "خصوصا يعني في الأول" بيلاقي إن الطرف اللي قدامه أضاف ليه مسئوليات، وبدل ما هو اللي بيدور على الرعاية والاهتمام بيلاقي نفسه مطالب إنه يوفرهم ومش معنى كده طبعا إن الزوج مش مطالب بتوفير الرعاية لزوجته وأولاده لكن اللهفة والاستعجال دي بتتفسر بعدم رضا عن الحياة الحالية ورغبة في التخلص منها، ومعنى كده إنه بيحس إن الفتاة محملة بالهموم ومعندهاش القدرة أصلاً للعطاء، وبالعكس هتاخد من استقلاليته وانطلاقه وهتحمله همومها ******* وعلشان نكون أكثر وضوحا _بس من غير ما الأولاد يزعلوا_ أكتر حاجة بتخلي الشباب يأجِّل فكرة الجواز هو الخوف من المسئولية وأن تزيد عليه واجبات تجاه طرف أو أطراف تانية  لكن مش معنى كده إن الشباب أو الجنس الذكوري مابيقدّمش حاجة أو بياخد بس؛ لأن بمنتهى البساطة مفيش حد بيكون عايز يحس إنه كائن طفيلي أو عالة على الآخرين وبياخد وبس فده شعور متعب لأي حد لكن العطاء وتقديم العروض الأفضل جدا يكون باختياره الحر والمطلق وإنه هو نفسه يكون عايز يقدم علشان "عايز يقدم" مش لأنه مضطر لكده فلما يسأل نفسه إيه اللي ممكن أقدمه ليها علشان أحافظ عليها وأخليها تستمر في حبي أفضل كتير لما يسأل نفسه يا ترى إيه اللي هتاخده مني، ولاّ إيه الخسائر اللي هتجيلي من ارتباطي بيها ففي الحالة الأولى أصبحتِ مهمة فعلا بالنسبة له وحاسس إنِّك إضافة حقيقية ليه مش عالة عليه ولا هتشيّليه بس همومك وهموم أولادك _اللي هم أولاده برضه_ وكمان بقى متأكد إنك هتكوني سند ومساعد ليه مش بس في البيت لكن في الحياة عموما لكن فكرة الخسارة أيا كانت بتخليه يعيد التفكير مرة واتنين وتلاتة ويختار في الغالب إنه يبعد خوفا من إنه يخسر السعادة اللي هو فيها فعلا ******* جواز لأ... لأ  سارة: هيجنني بجد هيجنني فشوية يبقى ملهوف عليّا وباحس إنه مش ممكن يستغنى عني ولا يقدر يبعد ثانية واحدة ولا يبطل يحبني، وشوية تاني باحس ولا كأني في باله أصلا وإنه يقدر يبيعني في لحظة واحدة من غير أي ذرة تردد يا ربي هو أنا كان إيه اللي خلاني أحب ما أنا كنت عايشة سعيدة ومبسوطة وملكة زماني لا باسهر ولا باحتار وعايشة حياتي 24 قيراط، وحتى لو واحدة رمت كلمة كده ولا كده ولا كنت باحط في بالي أصلا وكنت عارفة إن أنا كويسة قوي ومش ناقصني حاجة إيه بس اللي حصل لي وإزاي سِبت نفسي أوصل للمرحلة دي ويا ترى ممكن أرجع تاني زي الأول ولاّ ده بقى شيء صعب خلاص والموقف ده بيحصل لبنات بتتأخر برضه في الارتباط بس من غير ما يكون عندها لهفة ولا سربعة لكنهم بيكونوا رافضين أصلاً الفكرة وبيحاولوا يقنعوا نفسهم إن حياتهم أكيد هتكون أحسن وهم لوحدهم من غير ما حد يضايقهم أو يقيدهم أو يفكر يخونهم ويبقوا مضطرين لخدمة حد ورعايته وتلبية طلباته أو إن حد يتحكم فيهم وفي مشاعرهم ويسبب لهم التعاسة أو الحيرة والقلق في حالة الغياب أو في حالة عدم الاهتمام وبيكونوا خايفين من الهجر والفراق والعذاب في البعد والقرب نتيجة للي بيشوفوه ويسمعوه وبيخافوا يكرروا التجارب دي وبيفضلوا يبعدوا عنها أحسن والحالة دي هي نوع برضه من الاهتمام الزايد بالحب والارتباط وإن كان بياخد شكل عكسي تماما لكن النتيجة بتكون واحدة وهي "عدم الارتباط" نتيجة للخوف منه ******* الجواز جواز لا هو حياة ولا كمان موت والخلاصة واللي عايزين كلنا نعرفه مع بعض ونحطّه في بالنا كويس قوي إن الجواز مش نهاية المطاف وإن في الحياة حاجات كتير قوي حلوة غير الارتباط ومن ناحية تانية ماحدش يقدر ينكر إن الارتباط مهم لتحقيق الاستقرار والأمان وغيرها من أهداف ولكن ده عمره ما هييجي بالتسرع واللهفة وعدم تحكيم العقل كويس قبل الإقدام على خطوة مهمة زي دي بيترتب عليها مش حياة طرف واحد لأ ده كمان بيأثر في حياة أطفال مالهمش أي ذنب في إساءة الاختيار بمعنى أوضح الارتباط مش زي الهواء والميه اللي من غيرهم فعلا تكون نهاية الحياة لأي كائن حي "لكن هو وسيلة علشان حياتنا تكون فيها حاجات حلوة أكتر، وعشان ده يتحقق يبقى مش لازم نستعجل ونقعد نلوم القدر إننا مالقيناش الإنسان المناسب ونحط في اعتبارنا إن كل شيء بأوان وإن حتى لو مالقيناش الطرف التاني فممكن جدا الحياة تستمر؛ لأن فيها حاجات كتير قوي تستحق إنها تستمر عشانها وماندخلش في علاقة لمجرد الهروب من البيت مثلا أو التخلص من الحياة اللي عايشينها ونحاول ندور على الحاجات الكويسة واللي أكيد موجودة ونركز فيها ونطورها وكمان مانخليش الخوف هو المحرك والدافع لينا لخسارة أي شكل من أشكال السعادة سواء اللي احنا فيها فعلا أو اللي ممكن نحصل عليها من الارتباط معلش طولت عليكم بجد بس موضوع بجد مهم اوى وشدنى
__________________
 جدول حملة انا ملتزمة فى رمضان
|
|
#2
08-07-2009, 02:06 AM
|
||||
|
||||
|
يووووووه بردو الموال ده
احنا بقينا عايشين في مجتمع متخلف والحموات عاوزين عروسة من تايوان مافيهاش غلطة طب ازاي يعني العوانس وصلوا ل15 مليون مش عارفين هيروحوا فين بعد كده يا جماعة مفيش حد كامل عاوزها مؤدبة زي خضرا الشريفة وجميلة شبه ماريا شارابوفا بتاعة التنس وطويلة زي غادة عبد الرازق ومتدينة زي عبلة الكحلاوي000000والخ الخ الخ
|
|
#3
08-07-2009, 02:59 AM
|
||||
|
||||
|
اقتباس:
عايزاله بنت يتحلف بيها كل حاجة فيها حلوة ومعقوله بس مش لدرجة غادة والكتورة عبلة والكلام دة محدش كامل ياقمرى ونورتينى بجد ياحبيبتى
__________________
جدول حملة انا ملتزمة فى رمضان
|
|
#4
08-07-2009, 08:36 AM
|
||||
|
||||
موضوع جااامد بالذات الكاريكاتير اللى فيه ..........شكرا ياشهـــد على التوبيك ده انتى كل يوووم تنزلى بموضوع احسن من اللىقبله وكده احنا مش هنشتغل..
 تقبلى مرورى.  
__________________
لا اله الا انت سبحانك انى كنت من الظالمين آخر تعديل بواسطة eng.sabry elbrins ، 08-07-2009 الساعة 08:46 AM
|
|
#5
08-07-2009, 08:49 AM
|
||||
|
||||
|
انا مش عرفه الناس حطه الموضوع ده في دماغها ليه
سيبوا الدنيا مشيه في حالها وهي هتسلك
|
|
#6
08-07-2009, 02:14 PM
|
||||
|
||||
|
هههههههههههههه
شكرا ليك يااستاز صبرى ربنا يكرمك ويبارك فى حضرتك وشكرا للمرور لايابوسى مش هتسلك غير لما الواحد يتغير
__________________
جدول حملة انا ملتزمة فى رمضان
|
|
#8
08-07-2009, 03:07 PM
|
||||
|
||||
|
والله بينى وبنكم الطرفين محدش فيهم معاه يتجوز وبيرمى حموله على الطرف الاخر
سواء كانت العروسة او العريس البلد بقت فى الضياع مفيهاش فلوس ولا فى شغل كويس والله واحد صاحبى خاطب وعايز يتجوز رايح يشتغل فى شركة ادوية عارفين الراتب كام 550 جنيه تكفى ايه ولا ايه ولا هيحوش كام علشان يتجوز يلا ربنا يستر ويعدى الايام دى بخير فين ايام زمان الى بيحكى عنها جدى يااااااااااه بسمع منه حاجات جميلة وكان فى خير والناس كانت مبسوطة تقبلى مرورى
__________________
|
|
#9
08-07-2009, 04:18 PM
|
||||
|
||||
|
معتقدش ان الموضوع يستاهل كل ده
سورى اختلف معاكى المره دى يعنى الانسان المفروض ميفكرش كتير فى قدرة ونصيبه لانه لو فضل يفكر فيه مش هيعمل اى حاجه يعنى هقدر اشتغل ولا لا ...... هتجوز ولا لا ..... يا ترى عريسى / عروستى هتريحنى ولا لا مش هنخلص واللى مكتوب له حاجه هتجيله ويخليه فى حياته وشغله و يهتم بالاشياء اللى مسئول عنها ده هدفنا فى الدنيا مش التفكير فى حاجه مش هيفيدنا اى تفكير فيها دى وجهة نظرى ومن الطبيعى انها ممكن تكون غلط فى رعاية الله
__________________
 || Be Creative Or Die ||
|
![الصورة الرمزية :: [ K A B B O W ] ::](image.php?s=7d52f42a09d7fe5ff7bb76418e8c45d3&u=193817&dateline=1255128557)
|
#10
08-07-2009, 05:27 PM
|
||||
|
||||
|
بارك الله فيكم ياجماعة واحترامى طبعا لوجهه نظركم بس
انا مش دة رايى انا حاطة الموضوع للنقش فقط وشكرا لمروركم الكريم
__________________
جدول حملة انا ملتزمة فى رمضان
|
|
#11
08-07-2009, 05:51 PM
|
||||
|
||||
|
لا حول ولا قوة إلا بالله
والله يا جماعة الموضوع ده عاوز نقاش على مستوى العالم كله بس فيه موضوعات أهم يعنى مثلا واجبنا نحو ديننا الجميل
|
|
#12
08-07-2009, 11:34 PM
|
||||
|
||||
|
السلام عليكم
اة لية كدا بقا انتى كدا وضعتى ايدك على الجرح يصى يا شهد فى اسباب للعنوسة وفى اسباب للفساد الى عند الشباب والاسباب دى كلها اعتقد انها معروفة بس حقول على اية ولا على اية ولا على اية.............................؟ الى انا حسيتو فى طريقة الموضوع ان الشباب هما السبب ودا غلط طبعا بردة لازم نعرف ظروف الشباب دى اية لما يشوفو مواقع ...............؟؟ يبقا يتجوز لية لما بيشوفو قنوااااات ...........؟؟ يبقا يتجوز لية لما يكون فى بيوت ..............؟؟ يبقا يتجوز لية لما يبقا عاوز يعمل الى هو عاوزة يبقا يتجوز لية ويشيل بيت وعبا لية؟ طبعا دا مش كل الاسباب السبب الاهم والرئيسى غلااء الاسعار تعالى نشوف كدا غرفة النةم بكام الشبكة الى العروسة عاوزاها بكام والى والى والى ..........................؟ طبعا الكلام دا معروف دول اسباب اعتقد انها اكيد تاثر على البنت وطبعا فى حجات يااااااااااااااااااااااااااااااااامة جدات انا مش حتكلم عنها يبقا الشباب لة ظروفة بردة ومتنسيش البطالة الى احنا فيها وقلة العمل والشغل يبقا مش الشباب السبب ولا دا بردة زنب الالبنات الى عاوزة تتجوز ويكون ليها بيت وزوج وحياة سعيدة مش بايد الشاب ولا بايد البنات بردة ولا كلامى غلط مش حطول اكتر من كدا بس اقوليك اية بقا منك لله يا الى فى بالى مكنا سا كتين لازم يعنى تفتحينا هههههههههههه بس حقيقى باهنيكى على الموضوع الجميل دا يا شهد بارك الله فيكى فعلا موضوع هاااااااااااام جداااااااا ولازم دراسة لة جزاكى الله خيراااااا فى رعاية الله
__________________
قلب لايحتوي حُبَّ الجهاد ، قلبٌ فارغ .! فبالجهاد كنا أعزة .. حتى ولو كنا لانحمل سيوفا .. آخر تعديل بواسطة صوت الامة ، 08-07-2009 الساعة 11:36 PM
|
|
#13
09-07-2009, 12:16 AM
|
||||
|
||||
|
بارك الله فيكم ياجماعة وجزاكم عنى الف خير
وبجد بجد ياصوت الامة انت كدة جبت المفيد وشكرا للاضافة فعلا وايه دة ياهارك ابيض بتدعى عليا كدة علنى شاهدين يااعضاء الله يسامحك
__________________
جدول حملة انا ملتزمة فى رمضان
|
|
#14
09-07-2009, 01:10 AM
|
||||
|
||||
|
رد الاستاذ صوت الامة مقنع جدا بس انتا جايب الغلط على
 الشباب طيب مال تيجى نبص على البنات سورى يعنى مش كلهم اما اغلبهم الى لابسة بنطلون استرتش ومحزق على الاخر مبين كل عوراتها والى اعوذ بالله بنات الليل المنحرفين الى كتروا الايام دى اكيد الشاب منا هيبص ويتكلم مع دى ويعمل الخطيئة الى بقى معظمهم بيعملها من الاخر علشان منطولش على بعض الغلط فينا احنا الطرفين اجمعنا كل ده بسبب البعد عن الدين وسنة نبينا الهادى محمد (صلى الله عليه وسلم) الحل هو انك تتقى الله فى كل شئ انا مش هقول خليك ملاك لان مفيش حد ملاك كل ابن أدم خطاء يعنى حاول بقدر الامكان انك تبتعد عن الغلط بجد مواضيعك هايلة وجميلة وهادفة تقبلى مرورى
__________________
|
|
#15
09-07-2009, 01:36 AM
|
||||
|
||||
|
بارك الله فيك يااستازى الكريم
وشكرا لاضافة حضرتك الجريئة والجميلة
__________________
جدول حملة انا ملتزمة فى رمضان
|
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 04:32 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
