الحقو شاب اخوكم قبل انتحاره

[ps3vsxboxvswii]

السلام عليكم
ارجو من السادة المشرفين يسمحوني لو حطيت موضوعي مش في مكانه بس انا مش عارف اركز اصلا لاني في اللي مكفيني والله يعني سامحوني لو غلط المهم
انا طالب تالتة ثانوي وحالي مايعلم بيه الا ربنا فوضي عارمه قبل الامتحانات وفي الاجازة وشكلها هتبقي في كل حياتي المهم مش هدوشكم معايا
انا ليا طلبين اول طلب هو طلب غريب وممكن يكون اغرب حاجة ممكن تشوفوها بس ياريت محدش يترئ المهم انا لسه ماعملتش البطاقة بسبب اهمالي وشوية ظروف مرضية والمذاكرة طبعا المهم عاوز اعملها بس مش من الجامعة يعني عاوز اعملها في الاجازة ديه ممكن تساعدوني وتقلولي اعملها منين اروح المدرسة يعني ولا اروح فين
تاني طلب انا لسه مخدتش رقمي السري بتاع التنسيق ومش عارف اعمل ايه او اجيبه منين فوالنبي الحقوني
وبلاش حد يهزر والنبي عشان انا فيا اللي مكافيني اللي هيساعد يرد واللي مش عارف حاجة يوفر تريئته لنفسه ومع صحابه علي القهوة بس مش هنا ياريت بعد اذنكم تقدروا تسموني اكتر طالب مهمل او اي حاجة بس المهم حد يساعدني عشان انا غرقان والله

[Dr_toka]

حضرتك ممكن فعلا تروح المدرسه انا عملت بتاعتى هناك
بس بيتهيالى لو مش مفصول بسبب الغياب
يارب اكون قدرت اساعد

[Bent 3bdo]

[quote=ps3vsxboxvswii;1392993]

السلام عليكم

ارجو من السادة المشرفين يسمحوني لو حطيت موضوعي مش في مكانه بس انا مش عارف اركز اصلا لاني في اللي مكفيني والله يعني سامحوني لو غلط المهم
انا طالب تالتة ثانوي وحالي مايعلم بيه الا ربنا فوضي عارمه قبل الامتحانات وفي الاجازة وشكلها هتبقي في كل حياتي المهم مش هدوشكم معايا

انا ليا طلبين اول طلب هو طلب غريب وممكن يكون اغرب حاجة ممكن تشوفوها بس ياريت محدش يترئ المهم انا لسه ماعملتش البطاقة بسبب اهمالي وشوية ظروف مرضية والمذاكرة طبعا المهم عاوز اعملها بس مش من الجامعة يعني عاوز اعملها في الاجازة ديه ممكن تساعدوني وتقلولي اعملها منين اروح المدرسة يعني ولا اروح فين

علشان تعمل بطاقه
لازم تروح الاول تجيب الورق م السجل المدنى
وتملاه
وتمضيه م المدرسه وبعدين تروح تكمل بقى ف السجل
مش عارفه ان كان هينفع بقى تمضيه م المدرسه دلوقتى ولا لا
بس جرب مش هتخسر حاجه
واكيد لازم قبل النتيجه
لان بعدها هيدوك ملفك ويكسروا وراك قله ولا هيبقى ليهم علاقه بيك

تاني طلب انا لسه مخدتش رقمي السري بتاع التنسيق ومش عارف اعمل ايه او اجيبه منين فوالنبي الحقوني

وبلاش حد يهزر والنبي عشان انا فيا اللي مكافيني اللي هيساعد يرد واللي مش عارف حاجة يوفر تريئته لنفسه ومع صحابه علي القهوة بس مش هنا ياريت بعد اذنكم تقدروا تسموني اكتر طالب مهمل او اي حاجة بس المهم حد يساعدني عشان انا غرقان والله

هو انا معرفش الرقم السرى ده هنستخدمه ف التنسيق ولا لا
انا كل اللى اعرفه ان هى علشان تتأكد موادك
معرفش بقى هناخد رقم جديد مع النتيجه ولا ايه النظام

يارب اكون قدره اساعد

[Rien]

اعتقد ان حضرتك من حقك تعمل البطاقة تبع المدرسة طالما لسة النتيجة ماطلعتش
والرقم السرى
ممكن تسأل ف مدرستك واكيد هاتلاقيه
الموضوع بسيط ان شاء الله ماتقلقش اوى كدة

[ps3vsxboxvswii]

والله متشكر اوي اوي ياجماعة فعلا المنتدي ده منتدي ممتاز ويستحق حبنا ليه والله ده انا كنت قلقان وزهقان والله رفعتوا روحي المعنوية شكر للجميع

[Sharp]

اعتقد كدة ان الرقم السري بتاخدة مع الاستمارة بتاعة النتايج من المدرسة

[pureheart]

بص الرقم السرى مهم و ده اللى انت حتدخل بيه
على النت عشان التنسيق و بيبقى فى المدرسة
و اعتقد انك لازم تروح تجيبه