|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
06-07-2009, 03:48 PM
|
||||
|
||||
وقفة ........... هام للفتيات
 إن شاء الله هتكلم علي موضوع الكثير و الكثير تكلم عنة ولكن يجب أن يكون من أكثر المواضيع التي تهم الفتاة لإن ذلك يخص دينها وحياتها أمام الجميع و أمام الله ::::::::::: وهو لبس المرأة المسلمة ::::::::::: أعلم أن كل الفتيات تحب أن تظهر بشكل أنيق أمام الجميع و أن يقولو أنها أجمل واحدة في العالم ولكن لا أريد المبالغة في ذلك لإن يوجد فتيات لا تحب ذلك و هذا نادراً فهل سألتي نفسك الناس بتبصلك الزاي و أنتي لبسة الضيق و الذي يفسر جسمك بلاش الناس عشان في بنات بتقول أنا مالي ومال الناس هوما إلي بيلبسو ولا أنا ولكن هل فكرتي في نظرة ربنا ليكي ؟؟؟؟؟؟؟؟؟؟؟؟ متقليش إن ربنا مش شايفك وعارف إنتي بتعملي إية أمام الناس و بتعملي إية من وراهم هناك بعض الفتيات يظنون أن الإسلام لا يهتم بحرية المرأة أو بلبسها و لكن بالعكس لية مفكرتيش في الموضوع بشكل تاني ......... إن إنتي بالنسبة لربنا جوهرة غالية لا يريد أن يمسها شوائب أو أي شئ يشوة منظرها و يريد ان تكون بمنزلة رفيعة وليس أن ترتدي الملابس الضيقة بذلك تكوني فتاة زي مبتقولو كووووووووووووووول و إذا إرتديتي الملابس الواسعة يقولو إية الخيمة الماشية دي إني في نظرهم خيمة لكن في نظر ربنا أميرة و سط غابة من الفاسدين و الذين يريدون أن تصبحي مثلهم أتمني أن أكون وصلت المعلومة لكل الفتيات يا راب البنات كلها ربنا يهديها و يعرفو الصواب من الخطأ أعلم أن الموضوع ليس شاملاً ولكن لقيت إني من واجبي إني أتكلم في الموضوع دة عشان أنا بنت زيكم وأعرف مشاعركم و أحاسسكم أترككم في رعاية الله 
__________________
|
|
#2
06-07-2009, 04:04 PM
|
||||
|
||||
موضوع روعه يا ساره
واكيد احساسك وصل يا قمر
__________________
just walk away ..just say good bye
dont turn around now..u may see me cry i must not fall apart ..or show my broken heart |
|
#3
07-07-2009, 02:36 AM
|
|||
|
|||
|
موضوع اللبس ده بيضايقنى جدا
انا بقيت اكره انزل الشارع علشان بحس ان الواحد بينزل ياخد ذنوب وخلاص اللبس كمان ف السوق وحش جدا الواحد بيلف قد مايلف ومشيلاقى حاجه عدله ربنا يرحمنا ويتجاوز عن سيئاتنا وشكرا ع الموضوع ياسارة
__________________
استغفر الله للمسلمين و المسلمات المؤمنين و المؤمنات الاحياء منهم و الاموات
|
|
#5
07-07-2009, 10:04 AM
|
||||
|
||||
|
شكرا على الموضوع
__________________
متغيبة لفترة ... برجاء الدخول لزائري قسم * بوابة محافظات مصر *
|
|
#8
07-07-2009, 02:54 PM
|
||||
|
||||
|
بارك الله فيكى ياسارة ياحبيبتى
وبالسبة للسؤالك يادورى الخمار فرض طبعا لكن النقاب فى جزء من العلماء بيقول فرض والجزء التانى سنه والاختلاف دة فى حد ذاته رحمه
__________________
 جدول حملة انا ملتزمة فى رمضان
|
|
#9
07-07-2009, 03:14 PM
|
||||
|
||||
|
جزاكى الله خيرا يا شهد الجنه احسنتى الاجابه على سؤال دورى
وجزاكى الله خيرا انتى الاخرى يا ساره على هذا الموضوع الرائع انتو تعرفوا يا بنات انا لما كنت فى اولى اعدادى وقررت انى ارتدى الخمار كانت نظرت امى لى الرفض لرغم انى ازهريه وسبحان الله بعدها بسنه او اثنين بالكتير امى اتنقبت والحمد لله انا كنت من اسبوع كده خارجه مع ماما وقابلتنا وحده جارتنا وكانت ماشيه معاها بنتها وكانت لبسه للاسف البادى بدون خمار هى كانت لبسه طرحه بس ما كانتش مغطيه دراعتها الاثنين المهم مامتها بصت لى وقالتلى ايه اللى انتى لبساه ده بصراحه ما عرفتش ارد لانها كبيره واكيد مش هاعرف اتكلم معاها بجديه لان ده لو حصل وفتحت الموضوع معاها الله اعلم كانت ممكن تعمل ايه مش بعيد كانت تقول على جاهله او متخلفه فى النهايه يارب اهدى بنات المسلمين للزى الشرعى السليم اسفه على التطويل وجزاكم الله خيرا يا ساره على هذا الموضوع والسلام عليكم ورحمة الله وبركاته
__________________
من لم يجعل الله له نور فماله من نور |
|
#11
08-07-2009, 04:33 PM
|
|||
|
|||
|
موضوعك جميل والله
ببجد عشان انتي كتباه باسلوبك واحساسك والله وصل كلامك جزاكي الله خيرا وجعله في ميزان حسناتك في رعاية الله
__________________
.الحمد الله .  |
|
#13
29-07-2009, 08:29 PM
|
||||
|
||||
|
مبدأيا انا بعتذر عن الإطاله
السلام عليكم ورحمة الله وبركاته أنا مبدأيا بعتتذر عن الإطاله بس لو بدأت/ي ف قراة الرد ومش عجبك تقدر/ي متكملهوش الرد ده كنت منزلاه موضوع وإتحط ف المواضيع المكرره ونزلته رد ف موضوع تاني بس بجد أنا مش عندي كلام أكثر من كده أقوله ولو إن مايقال في الزي الإسلامي بحر ليس له نهايه فعلا ومن غير مبالغه ,,ذكيه وجميله وجذابه أستحق عن جداره لفت إنتباه الجميع,, وهايده رأي عن نفسي أنا عايزه أعرف آرائكم انتوا كمان إيه؟؟؟؟ أكيد هتختلف بس مش كثير لأن ديه ثقه أنا عن نفسي ليا رأي ثاني إي ده مش فاهمين ولا أنا والله نفسي أفهم زيكم انت عندك كمان رأي ورأيك ك(راجل وولد ) أهم رأي أنا عايزاه وانتي كمان أكيد ليكي رأي(وهوا بقى الموضوع نفسه اللي بنتكلم فيه) العبارة ,,ذكيه جميله جذابه أستحق عن جداره لفت إنتباه الجميع,, وحده من صحابي كانت حاطاها ع الميل طبعا حاجه تشرف قوي لأن ده إحساسها وهيا لابسه الضيق والعريان قصدي لابسه بس محتاجه تلبس لبس خارجي هيا بقى بتحس إنها سعيده جدا وهيا ماشيه في الشارع رغم إن شكلها يكسف أنا عن نفسي بحس إن بدااخلي كمية سعاده لو أقسمت بالله أقسم برب العزه والجلاله إن الفرحه مايسعها قلب لما بمشي في الشارع عارفين ليه؟؟؟؟ لأن الرجاله اللي ماشيه وبتبص مش شايفه مني حاجه ومش هتشوف بإذن الله لأن هيا متستاهلش تشوف عارفين ليه؟؟ لأن أنا غاليه قوي قوي قوي أناجمانة؛لؤلؤه؛جوهره؛ لالالالا مش بس كدا أنا لوباعوني بمال الدنيا قليل عليا عشان كدا ربنا حفظني بصدفه غاليه قوي عشان كدا ربنا قالي إزاي أتكيف وأعيش وأبقى أسعد إنسانه في الدنيا وأنا جوه مجرد صفه قد تكون الصدفه دي حاجه صعبه وغريبه عند ناس كثير العيش بداخلها أما أنا بقى صدفتي أسهل حاجه فحياتي وأحسن وأفضل وأغلى وووووو...... . في حياتي من غيرها مش هخرج من بيتي.. من غيرها العواصف تخبط بيا يمين وشمال.. من غيرها أنا ولاااااااااااا شئ حتى لا شئ لاتفي بالغرض فين الثبات والإصرار على رأيك؟ البنت بتلبس كل يوم لبس شكل ولون ثاني وموديل جديد أنا بقى عندي 20 سنه أنا من 10 سنين متغرش لون أو شكل لبسي يعني نص عمري وأنا ف صدفه وحده عشان هيا غاليه عليا أكيد بدأتي تغيري .. إنتي فين صدفتك عارفين مش هيتغير ليه لأن ده لبس كل بنت ,,, أنا مش بقولها منظره أو رياء,, مجرد لفت إنتباه الجميع تشجيع على الإصرار بقولك إيه يافتاه أعطاك الرحمن الصون وصانك والعفاف وعفك.. هوا انتي كم مره غيرتي لون وشكل وموديل وستايل لبسك في سنه بس؟ بلاش سنه 6 شهور لا شهرين؟؟؟ كم مره؟؟ غرييييييييييييييبه مش عارفه كم مره؟؟ أه صح إعذروني أنا نسيت إن الموضه كل كم يوم تتغير عشان كدا مش لازم تفتكري كم مره عارفين المووووده,, الموضه,, على رأيهم للناس اللي عندهم إنفصام في الشخصيه يوم فررنساويه ويوم أميريكان ويوم هندي وللناس اللي عندهم إنعدام في الشخصيه عشان كدا الموضه بتحدد ليهم لبس معين هما ياحرام مش بيعرفوا ,,يتقموا,, اللبس اللي يناسبهم ياشيخه حراااااااااااااام عليك انتي فين عن نفسك؟؟ فين عقلك؟؟ فين إرادتك؟؟ فين الصدفه بتاعتك؟؟فين شخصيتك اللي بتقولي قووووووووويه؟؟ هوا إحنا فين أصلا؟؟ مش ممكن الرسل والأنبياء والصحابه رضي الله عنهم أجمعين تحت الأرض اللي إحنا عايشين عليها!!!!! أكيد الأرض إتغيرت أكيد هما تحت أرض لكوكب تاني مش ممكن الغفله بقى اللي إحنا فيها دي.. أنا مش بقول عملتي إيه لدينك ووطنك وأمتك؟؟؟ عملتي إيه لنفسك بس فين (وليضربن بخمرهن على جيوبهن) ؟؟ فين(ولا يبدين زينتهن)؟؟ فين ربنا فقلبك؟؟ فين قلبك نفسه؟؟أكيد مش عارفه هوا فين كل اللي فات أنا مش بطلب حاجه صعبه طبقي شرع ربنا على نفسك بسسسسسسسسسسسسسسس والله إحنا ماننفع نتخانق ف خناقة أطفال.. عشان الأطفال بيقولوا لما تبقوا صح إتكلموا.. أنا ليا طلب بس ....................... إيه شعورك كبنت وانتي ماشيه سواء منتقبه أو لابسه عبايات وواسع (أكيد مش هتعرفي توصفي شعورك بسهوله) وإيه شعورك وانتي لابسه التحجيبه الصغنتته على البنطلون الصغنتت على البادي اللي شاحتاه..؟؟؟؟؟؟ عايزه أعرف رأيك إيه ك راجل وولد ومذكر لما بتشوف الأصناف على قفى من يشيل من بتحترمه ومين بتستحقره وأنا بعتذر عن الإطاله بس الموضوع محيرني من بدري وبكتبه من بدري.. أختكم الزاهده ليتني طفله وهمي لعبتي
__________________
|
|
#14
29-07-2009, 10:06 PM
|
||||
|
||||
|
جزاكى الله خيرا
__________________
N0 CoMmEnT |
|
#15
30-07-2009, 12:52 AM
|
||||
|
||||
|
موضوعك رائع يا ليتني طفلة واحساسك كمان فانتاستك وهمتك وحماسك كمان
بس الكل زهق من الموضوع ده ده بيقول وده بيقول بس مش لاقي استجابة من حد كل بنت عايزة تقلد بقية البنات اللي بتجري ورا الموضة عشان ايه ده كله عشان تتعاكس وعشان الولاد يبصولها ويقولو الجميل ومش الجميل طب ليه ده كله فين الحياء فين صيانة النفس والعرض فين ابوها وامها وفين ضميرهم آسفة ع الاطالة شكرا علي موضوعك الرائع |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 09:33 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
