ممكن وقفة لو سمحتم؟؟؟

الجويرية · #1 05-07-2009, 05:59 PM

السلام عليكم ورحمة الله وبركاته
ازى حضراتكم جميعا؟
اتمنى ان تكونوا بخير حال
معلش انا عاملة الموضوع ده علشان نقف وقفة وننظم نفسينا شوية
ونقسم الادوار بين الادارة
لانى حاسة الادارة كل سايح على بعضه
فياريت نحط نظام هنا نمشى عليه
ونوزع الادوار والاقسام مابينا
ونعرف ايه اللى لينا واللى عليا
لانى مش عارفة انا مسؤلة عن انهى ركن ولا اهتم بايه بالظبط وكدة
فمشتتة
ومش انا بس اللى حاسة بالتشتت ده لا الاعضاء معظمها بيقولوا كدة
فياريت نتنظم علشان نمشى صح
وجزاكم الله خيرا

..Just Stop · #2 05-07-2009, 06:05 PM

ربنا يسهل
شوفو عايزين تنظمو ازاى ونا معاكو

الاسطورة · #3 05-07-2009, 06:08 PM

امممممممممم طيب فى رأيك يا اية ممكن نبدأ التنظيم ده ازاى ...؟

الجويرية · #4 05-07-2009, 06:16 PM

اقتباس:

المشاركة الأصلية كتبت بواسطة MAHMOUD_TAHA

ربنا يسهل
شوفو عايزين تنظمو ازاى ونا معاكو

اقتباس:

المشاركة الأصلية كتبت بواسطة الاسطورة

امممممممممم طيب فى رأيك يا اية ممكن نبدأ التنظيم ده ازاى ...؟

يعنى ممكن نجيب الاقسام كلها هنا وكل واحد يشوف ايه اللى يناسبه ويتولاه
ومن رائى اننا ننضف الاقسام بمعنى ان فى كل قسم كم من الموضوعات المثبته مش نشيطة خالص
فنشيل من كل قسم الموضوعات المثبتة دى
ونبدا من جديد فى الموضوعات النشيطة
دى حاجة
كملوا انتوا بقى

الاسطورة · #5 05-07-2009, 06:19 PM

كلامك تمام
ونخصص حد يرد على المشاكل ف اقتراحات وحلول
وتجيب الاقتراحات هنا

وقبل كل ده عايزين طلب وهو
اضافة صلاحيات تغيير الاسم والرتبة لكل الاداريين

الجويرية · #6 05-07-2009, 06:22 PM

اقتباس:

المشاركة الأصلية كتبت بواسطة الاسطورة

كلامك تمام
ونخصص حد يرد على المشاكل ف اقتراحات وحلول
وتجيب الاقتراحات هنا
تمام جدا نتابع
واول ماندخل ندخل حجرة الاداريين
لان فى ناس مش بتدخلها خالص

وقبل كل ده عايزين طلب وهو
اضافة صلاحيات تغيير الاسم والرتبة لكل الاداريين

ايوووووة
اهم حاجة
الاستاذ عصام كان وعدنا انه هايدينا الصلاحيات دى بعد الامتحانات
وجه وقت انه ينفذ وعده لينا
ووعد الحر؟؟؟

..Just Stop · #7 05-07-2009, 06:45 PM

اقتباس:

الاستاذ عصام كان وعدنا انه هايدينا الصلاحيات دى بعد الامتحانات

بعد مانموت قريبا يعنى
هيسئلونا فى القبر ودا امتحاننا
يعنى بعد ما نموت هيتم وضع الصلاحيات رحمة ونور على روحنا
::::::::::::::
بالنسية للمواضيع المثبتة يسأل عنها مشرف القسم
يعنى بردو مينفعش نشتغل دون اللجوء اليهم قبل التنفيذ
يعنى كل الحكاية
لازم يبقا فيه اجتماع بين المشرفين

الجويرية · #8 05-07-2009, 07:11 PM

اقتباس:

المشاركة الأصلية كتبت بواسطة mahmoud_taha

بعد مانموت قريبا يعنى
هيسئلونا فى القبر ودا امتحاننا
يعنى بعد ما نموت هيتم وضع الصلاحيات رحمة ونور على روحنا
هههههه
ممكن التورية تنفع هنا
::::::::::::::
بالنسية للمواضيع المثبتة يسأل عنها مشرف القسم
يعنى بردو مينفعش نشتغل دون اللجوء اليهم قبل التنفيذ
يعنى كل الحكاية
لازم يبقا فيه اجتماع بين المشرفين

انا حسة ان المشرفين نايمين خالص الا القلة
والمواضيع المثبتة تقريبا حمضت محدش بيشارك فيها خالص
فمش عارفة ايه فايدتها
فلو كل واحد عرف ركنه ممكن يجتمع بمشرفى الركن ده
بس الاول لما نعرف احنا مين وعاوزين ايه
وجزاكم الله خيرا

..Just Stop · #9 05-07-2009, 07:27 PM

اوكى انا هتجمع مع مشرفين الاقسام الجديدة والمميزة

ياريت كل واحد فينا يحاول يتجمع مع مشرفين اقسام تانية
مش شرط نعمل اجتماع ساعتين تلاتة ومنوصلش لحاجة
المهم نعمل حاجة
دمتم فى رعاية الله

المجاهد فى سبيل الله · #10 05-07-2009, 08:26 PM

تمام
وانا كنت ناوى انى اجتمع مع مشرفات الركن الدينى
حظبط يوم فى الغرفة الصوتية واتعامل ان شاء الله
واكيد طبعا محتاجك معايا يا اية
لان انتى المسئولة عن الركن الدينى من دوقتى