اهلا وسهلا بك فى بوابة الثانوية العامة ... سجل الان

العودة   بوابة الثانوية العامة المصرية > قصر الثقافة > إبداعات و نقاشات هادفة

إضافة رد
 
أدوات الموضوع انواع عرض الموضوع
  #1  
قديم 01-07-2009, 04:24 PM
الصورة الرمزية sh2awa _ 91
sh2awa _ 91 sh2awa _ 91 غير متواجد حالياً
طالبة جامعية ( كلية الصيدلة )
 
تاريخ التسجيل: May 2008
المشاركات: 1,252
معدل تقييم المستوى: 18
sh2awa _ 91 is on a distinguished road
افتراضي يوميات اتنين مش زي بعض


اية الاخبارات والاحوالات والحاجات الكتير دي
الموضوع دة بصراحة مش عارفة احطه فين فالي يدخل من الادارة يبقى يشوف يعني .
دي عبارة عن يوميات ومن تاليفي والله هههههههه
.. هي زي يوميات مواطن كدة .. بس دي بقى يوميات عمر و سلمى في cairo جاجة اشطاااااات اوي .. عمر هو شاب مصري طااالع عينه , حالته المادية زي الفل ... جيبه مش في انظف منه ... ( كناية عن شدة الفقر ) .!!! سلمى فتاة مصرية الحالة مباهوءة معاها ددان .. جيبها مش في اضخم منه ..( كناية عن شدة الغنى ) !!
طبعا لو فكرنا بقى الاتني دول عايشين ازاي ؟ ... اية الي بيحصل لما عمر بيروح الزمالك ولا المعادي , طيب اية الي بيحصل لما بيدخل chilis و cinnabon .. طيب اية الي بيحصل لما بيحب يتفسح ؟ ..... و اية الي بيحصل لما سلمى تنزل المطرية او تتمشى في شبرا او حتى تاخد جاولة في العباسية ؟؟ اية الي بيحصل لما تدخل عبده تلوث .. او تدخل تشرب عصير قصب عند حسين جراثيم !! .... اية الي بيحصل لما الاتنين يكونوا مع بعض في كلية واحدة .. و جامب بعض على بينج واحد !! ... مواوويييييييييييييييل كتير ... هاعرفهالكم ... وهاحكيها !!!




الحلقة الاولى .


المواطن عمر , شاب مصري طااالع عينه في البلد , الحالة المادية زي الزفت , ساكن في شبرا , عنده 7 اخوات , والده الحاج شكري بيبيع ترمس على كورنيش النيل , الوالدة الست ام عمر بتخدم 9 بني آدمين , عمر في كلية تجارة , بس طبعا محتاج فلوووووووس . فبيشتغل عشان يعرف يعيش . كل يوم بيشتغل شغلانة شكل . يصحى الصبح يلبس وينزل .. يروح عند عبده ثلوث .. ب 5 جنية يفطر ويشرب قصب من عند حسين جراثيم ومية مووووزززززززز يعني , يروح بقى الشغلانة الي بيشتغلها ,,, اول مرة راح يبيع سندويتشات في محل فول وطعمية ,, طبعا دا غير طموحة خااالص بس الدنيا وحشة ... دا حتى واخد الطريق موتو رجل رايح جاي ... المواصلات غالية !!! ,,, بعد ما خلص الدورية بتاعته .. ينزل بقى يستمشى في شوارع cairo في بدايةالامر .. ماشي لقى kfc عامل عرض جناااااااااااان خد واجبة عائلية ومعاها بيبسي و عيش وكول سلو .. و ب 89 جنية بس .. طبعا هو الصدمة كانت اكبر بكتييير من انه يستوعب الموقف ... يا ناس حراام الفراخ ب 89 جنية !! .. يعدي بعد كدة على chilis يلاقي ان البني آدمين الي داخلة غير الي بيشوفهم خااااااااالص ... ناس حرانة اوي ,,, وناس شكلها معاها فلوس بالعبيط يعني .. يقف يتفرج يلاقي واحدة بنت بشاوات كدة ماسكة بتاع ابيض في ايديها وعماله تهشتكه يمين وتهشتكه شمال .. وطلبتله طبق سوسيس بيكيني وحاجة مش مفهومة .... مين دة !! يلاقي ان الهانم ماسكة جيمي ... الهاو هاو بتاعها ...ركزوووووووو معايا ...يمشي يضرب كف على كف ,,, يعدي على سينابون ,, يلاقي الريحة اية ... حاسب تقع يعني .. يدخل يقول اما نتفرج . وفجأة بوم طااااااااااخ ديييييييييييييييش .... عمر فين ,,,, طبعا الراجل صاحب المحل اداله استمارة 55 اسعاف .. مين المتسول دة !!! . يجي عمر بقى يلعن البلد والي فيها والي ماسكينها ويفضل يعيط على حاله .... جيمي بياكل سوسيس بكيني وانا باكل سوسيس حميري من عند عبده تلوث ..!!!! يستمشى شوية تاني ,, يلاقي كائن غريب نازل من عربية .. بس هو مش عارف يحدد اية مواصفات الكائن دة ... هو شعره معمول ديل حصان , برفان حريمي , سلسلة دهب , خاتم , وماسك قطة !!! والسواق بيقول اتفضل يا باشا ... نهااااااااار مهبب !! عوضي على الرجالة , يقف يبصله كدة .. يلاقي الباشا بيقوله في حاجة يا انتا !!! طبعا عمر مات وهو واقف .... مشي عمر , يلاقي بنوتة قموووووووورة موووووووزززززززز بتتخانق مع سواق التاكسي الي عايز ياخد منها فلوس كتير .. يقوله عيب كدة يا استاذ انتا بتتخانق مع الانسة ليه وطي صوتك ............ تاني يوم بقى عمر مش نازل الشغل ... اكيييييييييييييد فخمتوا اية الي حصل امبارح ,,, ههههههههههه


نيجي بقى لسلمى ,,, دلووووووعة باباها , الوالد بيشتغل بسبس مان ,,, يعني معاه من الاخضر .. يعني يسقط الجنية المصري ... طنط اميرة هانم .. بسبس ومان بردوا ,, يعني كدة الحالة مباهوءة على الآلآلآلآلآلآلآلآلاخر , ساكنين في فيلا 4 ادوار في لزمالك ,, بردوا كلية تجارة .. اصل مش فارق معاها بقى تدخل تجارة تدخل اي حاجة .. بقول معاهم من الاخضر .. يعني عملة صعبة ,, ركزوووووووووووو معايا , طبعا كل 3 شهور بتغير العربية ,, يعني مثلا ينفع تنزل بعربيتها اكتر من 3 شهور , الملل وحش !! تنزل سلمى الصبح عشان تتمشى مع اصحابها , طبعا دا بعد ما اكلت الباتون ساليه و الكرواسون الخفيف بالمربى ... تنزل مع اصحابها .. بالصدفة يلاقوا محل اسمه عبده تلوث ... اية دة ؟؟ دا حاجة اوريجينال خاااالص ,, لما اروح هاخلي داد يعملي واحد زيه ,,, وتروح قايلة لأصحابها تيجوا ندخل نتفرج .. يقولولها لأ طبعا دا بيئة اي يا سلمى ,, قالتلهم نتفرج .. دخلوا لقوا منظر الساندويتشات !!!!! تروح توتي قايلالها كدة يا سلمى تدخلينا محل لأكل الحيوانات !!! ويسيبوها ويمشوا .. وطبعا هي طلعت معاهم بعد كدة....






__________________
why should I care wat people think of me Iam who Iam & who I wanna be
رد مع اقتباس
  #2  
قديم 02-07-2009, 01:29 PM
الصورة الرمزية hend ere
hend ere hend ere غير متواجد حالياً
عضو قدوة
 
تاريخ التسجيل: Jun 2008
المشاركات: 2,312
معدل تقييم المستوى: 19
hend ere is on a distinguished road
افتراضي

بما انها من تاليفك فمكانها ابداعات الاعضاء يا قمر
فى انتظار باقى الحلقات
__________________
صديقتى انتظرتك طويلا حتى فات الاوان فها انا امام جدار زمنى وقد ضاعت الامال
رد مع اقتباس
  #3  
قديم 02-07-2009, 01:47 PM
الصورة الرمزية hend ere
hend ere hend ere غير متواجد حالياً
عضو قدوة
 
تاريخ التسجيل: Jun 2008
المشاركات: 2,312
معدل تقييم المستوى: 19
hend ere is on a distinguished road
افتراضي

بجد جميله اوى والفكاهه فيها عاليه اوى
فى انتظار باقى اليوميات
مش تتاخرى علينا بقى
__________________
صديقتى انتظرتك طويلا حتى فات الاوان فها انا امام جدار زمنى وقد ضاعت الامال
رد مع اقتباس
  #4  
قديم 02-07-2009, 02:25 PM
sunsero2000 sunsero2000 غير متواجد حالياً
طالب جامعى (كلية تجارة)
 
تاريخ التسجيل: May 2008
المشاركات: 1,464
معدل تقييم المستوى: 18
sunsero2000 is on a distinguished road
افتراضي

ايه الحلاوه دى
متابع ان شاء الله
__________________
رد مع اقتباس
  #5  
قديم 02-07-2009, 05:47 PM
الصورة الرمزية sh2awa _ 91
sh2awa _ 91 sh2awa _ 91 غير متواجد حالياً
طالبة جامعية ( كلية الصيدلة )
 
تاريخ التسجيل: May 2008
المشاركات: 1,252
معدل تقييم المستوى: 18
sh2awa _ 91 is on a distinguished road
افتراضي

منورييييييييييين التوبيك واي خدمة وثانكس وحاجات كتييير كدوة ويتبع ان شاء الله وهحط الحلقة التانية النهاردة ان شاء الله
__________________
why should I care wat people think of me Iam who Iam & who I wanna be
رد مع اقتباس
  #6  
قديم 02-07-2009, 05:57 PM
الصورة الرمزية hend ere
hend ere hend ere غير متواجد حالياً
عضو قدوة
 
تاريخ التسجيل: Jun 2008
المشاركات: 2,312
معدل تقييم المستوى: 19
hend ere is on a distinguished road
افتراضي

فى انتظارها يا قمر
وبجد موضوع جامد جداااااااااا
__________________
صديقتى انتظرتك طويلا حتى فات الاوان فها انا امام جدار زمنى وقد ضاعت الامال
رد مع اقتباس
  #7  
قديم 02-07-2009, 06:03 PM
الصورة الرمزية sh2awa _ 91
sh2awa _ 91 sh2awa _ 91 غير متواجد حالياً
طالبة جامعية ( كلية الصيدلة )
 
تاريخ التسجيل: May 2008
المشاركات: 1,252
معدل تقييم المستوى: 18
sh2awa _ 91 is on a distinguished road
افتراضي

نرجع لعمر تاني , طبعا بعد العلقة الي عمر كالها من سواق التاكسي جاله كساح مصحوب بالشلل الرعاش مع بعض اعراض فقدان الذاكرة .. ما هو الي حب يعمل فلانتينوا عصره و زمانه !!! ام هند , نيجي بعد كدة .. عمر قعد يفكر .. هاعمل اية هاعمل اية .. بس لقيتها هاتفرج على التليفزيون ,, فتح التليفزيون طبعا هما القناة الولة والتانية بس مش لازم فشخرة و طنطيط ,. القناة الاولي .. حدث في مثل هذا اليوم , المرأة والطفل , اعلانات مش ليها لازمة ..... اسفاف المصريين بقى !! القناة التانية .. فيلم تقريبا من ايام جنكيز خان ,,, اية التأليش دة ,,, قال طيب انا هانزل امشي في الشارع شوية ,, طبعا بمنظره دة مش حد عرفه , لقى مين ماشي في الشارع ,,, واحدة كدة شكلها مش من المنطقة .. او تقريبا من عالم تاني , , ومعاها عربية جامدة موووووزززز هو كان فاكر ان المشاهير بس هما الي بيركبوها ,,, فبيسألها اي خدمة يا آنسة ( طبعا حب يعمل صاحب واجب و من اهل الحتة يعني ) قالتله تعرف عمر شكري ساكن فين لو سمحت !! قال في سره يا ابن المحظوظة ,,, مين عمر شكري الي حظه من السما دة ... والنعمة لاما اشووو .. اوء .. اوء.. اية دة دا انا ّ!!!!! راح طبعا فك الرباط الي على الجمجمة , والرباط الي كان رابط بيه ايده ,, ورمى العكاز في الارض .. وقعد يظبط في شعره ,, الست الوالدة شافته من الشباك .. وطبعا " اي دة يا ماوكوس على عينك .. وعمال عاملي فيها عيان والمرض ماسكك .. كاتك نيلة وانتا شبة ابوك .. اللهي ما يرجع !! وطبعا عمر راح حاطط وشه في الارض وقال مين الولية دي !! راح قايل لسلمى انا عمر ,, قالتله انتا !! طبعا عمر عرف ان هي هاتسيبه وتمشي بعد الموشح الي الوالدة اديتهوله ... قالها ايوة انا , قالتله الف سلامة عليك , انا عرفت ان انتا مريض , وكل الناس بتسأل عنك في الكلية ,,, قالها هو الموضوع اتنشر بالسرعة دي , قالتله اتفضل .. اية دة !!! عمر اول مرة يمسك بوكيه ورد زي دة .. دا كان كبيره بيتشعل على السور في حديقة العاشر من رمضان عشان يقطف وردة وبتبقى ريحتها زفتووووووووزززز ,,, قالها شكرا جدا ... ممكن تروحي بيتكوا دلوقتي .. طبعا عمر مش كان ينفع يقولها اتفضلي اشربي حاجة . هاتطلع ازاي في جنينة الحيوانات الي فوق دي ...

فسلمى استغربت الكلمة .. قالها آسف بس معلش عشان مش تتأخري ,, هي افتكرته جنتل بقى .. قالتله خلاص سلام والف سلامة عليك ............ ومشيت سلمى ,, وعمر واقف ,, عدت ساعة ,, اتنين ,, تلاتة ,,, وهو واقف ,, الوالدة قالتله اطلع يا مهبب .. قالها حاضر طالع .. وفي سره الهي يا رب تبتلي حارتنا بقنبلة نفاسة .. تسيب كل الناس وتفجر الي في بالي...


عمر طلع ببوكيه الورد .. والوالدة اشتغلت التحقيق .







__________________
why should I care wat people think of me Iam who Iam & who I wanna be
رد مع اقتباس
  #8  
قديم 02-07-2009, 06:58 PM
**تسابيح** **تسابيح** غير متواجد حالياً
طالبة جامعية <>المركز الثاني عن مسابقة العام في الاسبوع السابع
 
تاريخ التسجيل: May 2008
المشاركات: 4,220
معدل تقييم المستوى: 21
**تسابيح** is on a distinguished road
افتراضي

ههههههههه
ايه التأليف الجامد دي يا شيري
بجد جميلة اوووي
ان شاء الله تنزلي باي الحلقات
في انتظارك
__________________
والحب له قوانين آخري..!
رد مع اقتباس
  #9  
قديم 02-07-2009, 07:06 PM
الصورة الرمزية sh2awa _ 91
sh2awa _ 91 sh2awa _ 91 غير متواجد حالياً
طالبة جامعية ( كلية الصيدلة )
 
تاريخ التسجيل: May 2008
المشاركات: 1,252
معدل تقييم المستوى: 18
sh2awa _ 91 is on a distinguished road
افتراضي

ثااااااااانكس يا قمر على زوقك ونورتي التوبيك وان شاء الله انزل باقي اليوميات
__________________
why should I care wat people think of me Iam who Iam & who I wanna be
رد مع اقتباس
  #10  
قديم 02-07-2009, 11:15 PM
الصورة الرمزية hend ere
hend ere hend ere غير متواجد حالياً
عضو قدوة
 
تاريخ التسجيل: Jun 2008
المشاركات: 2,312
معدل تقييم المستوى: 19
hend ere is on a distinguished road
افتراضي

بجد جميله اوى
وفى انتظار باقى اليوميات
مش تتاخرى علينا الله يخليك
__________________
صديقتى انتظرتك طويلا حتى فات الاوان فها انا امام جدار زمنى وقد ضاعت الامال
رد مع اقتباس
  #11  
قديم 03-07-2009, 03:00 PM
sunsero2000 sunsero2000 غير متواجد حالياً
طالب جامعى (كلية تجارة)
 
تاريخ التسجيل: May 2008
المشاركات: 1,464
معدل تقييم المستوى: 18
sunsero2000 is on a distinguished road
افتراضي

شقاوه مش هزاؤ يعنى
مشكووووووره على الحلقات الدامده دى
__________________
رد مع اقتباس
  #12  
قديم 03-07-2009, 08:22 PM
الصورة الرمزية sh2awa _ 91
sh2awa _ 91 sh2awa _ 91 غير متواجد حالياً
طالبة جامعية ( كلية الصيدلة )
 
تاريخ التسجيل: May 2008
المشاركات: 1,252
معدل تقييم المستوى: 18
sh2awa _ 91 is on a distinguished road
افتراضي

اييييي خدمات يا ددعان
ههههه حلو اوي الي احنا بنقوله دة هههههههههههه النهاردة الحلقة التالتة ان شاء الله
__________________
why should I care wat people think of me Iam who Iam & who I wanna be
رد مع اقتباس
  #13  
قديم 03-07-2009, 08:30 PM
الصورة الرمزية sh2awa _ 91
sh2awa _ 91 sh2awa _ 91 غير متواجد حالياً
طالبة جامعية ( كلية الصيدلة )
 
تاريخ التسجيل: May 2008
المشاركات: 1,252
معدل تقييم المستوى: 18
sh2awa _ 91 is on a distinguished road
افتراضي

طبعا عمر لما طلع للست الوالدة .. هاتك يا اسألة وشتايم ووجع دبان على الآلآلآلآلآلآلآلآلآخر ... المهم . عمر قال انه هايروح الكلية تاني يوم ( طبعا انتم عارفين ليه )))) راح عمر الكلية وتقولوش رايح يتجوز ,, ركن الجاز على جامب وحاطط جيل x man
انما اية معديييي , وبرفيوم جامد بدل الفنيك الي كان بيحطه وتيشيرت آخر حاجة . وخلاص يعني عمر بقى حسين فهمي 1!!!!
وهو داخل الكلية .. كل الناس بتبصله .. هو دة عمر !! اية الي حصل ؟ !! سبحان مغير الاحوال ,
اول اما راح سأل على سلمى ,, طبعا كل اصحابه ضحكوا عليه ,, ياعم روح اجري هو انتا لاقي تاكل ... واشتغلوه بقى , دخل السيكشن وهو محطم نفسيا .... قعد وفجأة لقى مين قاعد قداااااااام خالص . ( سلمى ) راح عامل عبيط ورايح قاعد جامبها ,, وهي اول اما شافيته قالتله مين حضرتك !! قالها انا عمر بتاع بوكية الورد ,, هي طبعا مش عرفته .. يعني الي قدامها دة هو هو نفس الجربان الي شافته امبارح .. عااااتييييي ددان .. سلمى بتقول عايزة قلم .. راح مديلها القلم بتاعه .. ( طبعا عامل جينتل ) طيب العبيط هايكتب باية !! ما علينا القلب وحش بردوا . . عمر قاعد وطبعا عايز يكلمها وهي طبعا مش مستنضفة المنظر ,,, فبيقولها ممكن اسالك سؤال .! قالتلوا ممكن تخليك في نفسك ... ( كبرياء بقى ) قالها سؤال .... (خليييييييك في نفسك ) وبصوت عالي . وكل الناس سمعت .,.. ومن هنا بدأت حلقات توم وجيري بين عمر وسلمى .. وكشر عمر على انيابه .. ( حلوة دي ) وقال يا انا يا هي . اول حاجة عملها طبعا اخد القلم بتاعه .. بعد كدة هي قالتلهم ممكن تقوم تقعد في اي مكان تاني .. قالها لأ ...... طبعا رد ببرووووووود فظظظظظظييييييييييييع ... قالتله يا بارد .... قالها لسانك بينقط زفت مكرر , راحت قايلاله احترم نفسك يا بني آدم ,, .. مش رد عليها . وهنا بدأ يعترض البيه الي واقف يشرح .. انتا وهو وهي . بطلوا كلام ,, قالا حاضر يا عم الحاج براحة علينا حبة , وسلمى بتقوله انا مخنوقة منك قالها افتحلك المروحة .. !! قالتله انتا رخم اوي .. قالها لأ انا عمر .. قالتله والله هاقول لداد عليك .. قالها وماله خليه يجي هنا ينور ويشرف ,, وسلمى طبعا ماتت نفسيا !! فقال للي بيشرح ممكن تخليه يطلع برا !! عمر قالها تكونيش فاكراها كلية ابوكي .. قالتله لم لسانك . قاله ليه شايفاني مطلع برا وبقول هاو هاو .. قالتله انتا انسان مستفز .. قالها وانتي لسانك اطول من يوم القيامة ...
قالتله انتا مش جينتل .. قالها ما انا عارف ان انا عمر جيبتي التايهة ياختي ..

وكانت النتيجة ان طبعا الاتنين هايتردوا برا بس طبعا زي ما قولت قبل كدة .. سلمى بابا ها بسبس مان .. والراجل عارف فطبعا طرد عمر وساب سلمى .... ( مصلحة بقى ) عمر طلع وحلف انه هاياخد حقه .. بس بالمقالب ......


__________________
why should I care wat people think of me Iam who Iam & who I wanna be
رد مع اقتباس
  #14  
قديم 04-07-2009, 01:07 AM
الصورة الرمزية hend ere
hend ere hend ere غير متواجد حالياً
عضو قدوة
 
تاريخ التسجيل: Jun 2008
المشاركات: 2,312
معدل تقييم المستوى: 19
hend ere is on a distinguished road
افتراضي

حلوه الخناقه دى... قصدى الحلقه دى
بس ياريت تنزلنى حبه حلوين كده عاوزه استمتع بالموضوع على اد ماقدر
مش تتاخرى علينا فى الباقى الله يخليك
__________________
صديقتى انتظرتك طويلا حتى فات الاوان فها انا امام جدار زمنى وقد ضاعت الامال
رد مع اقتباس
  #15  
قديم 04-07-2009, 01:10 PM
الصورة الرمزية gamal saber
gamal saber gamal saber غير متواجد حالياً
طالب جامعى( كلية الحقوق)
 
تاريخ التسجيل: Mar 2007
المشاركات: 864
معدل تقييم المستوى: 0
gamal saber is an unknown quantity at this point
افتراضي

هههههههههههههههههههههه
بجد حلوة اوى يا شقاوة
مستنى الحلقة الجاية
__________________
اللهم صلى وسلم على سيدنا محمد وعلى اله وصحبة واجزة عنا خير ما جزيت نبيا عن امتة
ارداة + إخلاص + دعاء + تخطيط سليم = نجاح أكيد
gamal saber
رد مع اقتباس
إضافة رد

العلامات المرجعية


ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


جميع الأوقات بتوقيت GMT +2. الساعة الآن 02:53 PM.