سقطة لمعتز الدمرداش فى برنامج 90 دقيقة

[Mr.Hani]

سقطة وقع فيها معتز الدمرداش فى برنامجه 90 دقيقه منذ يومين

عندما كان يناقش موضوع اعتذار الرجل لزوجته فى لوحة كبيرة

فقد اتصل به واحد من الجمهور

وطلب من معتز أنه كان من الواجب حضور أحد رجال الدين

فى تلك المناقشة للموضوع

تخيلوا رد عليه معتز بقوله:

" غالى والطلب رخيص "

هل طلب رجل من رجال الدين رخيص عند معتز

لا حول ولا قوة الا بالله

[khas123]

عموما جايز تكون فلتة لسان أو مش قصده او دي مجرد مجاملة

[Mr.Hani]

المشاركة الأصلية كتبت بواسطة khas123

عموما جايز تكون فلتة لسان أو مش قصده او دي مجرد مجاملة

المفترض ان الراجل ده مذيع

ودارس وعارف ان اى كلمة بتخرج منه

بيتأثر بيها ملايين الناس ليس فى مصر فقط

وإنما فى كل دول العالم

فازاى تكون فلتة لسان

وبرده ازاى تكون مجامله

لا حول ولا قوة الا بالله

[احمد رضا]

مش عارف انا يمكن عندي رأي مُخالف شوية
" غالي والطلب رخيص " دي من التراث الشعبي للمصريين
من باب المُجاملة
كمان فعلاً لا مشقة ولا مجهود ف اني اخلي رجل دين يجي يعني
لإن ده واجبه مش محتاجه وسايط وكلام كتير يعني
وبعدين " إن بعض الظن إثم "
فياريت حد من اللي متضايقين وبيتكلموا كدا
يتصل بيه يسأله بشويش لعل وعسي
مش يروح يدعي عليه ويتحسبن
الإسلام مأمرناش بكدا اكيد

شكرا للموضوع

[Mr.Hani]

يا سيدى الفاضل

المفترض زى ما قلت ان ده شغلته مذيع

يعنى عارف قدر كل حرف بيقوله

ولو من التراث الشعبي زى ما بتقول

يبقى يستخدم فى مكانه

لو طلب منه المتصل احضار احد الوزراء كان هيقوله كده

لا اعتقد

للدرجة دى رجل الدين أصبح رخيصاً عند الاستاذ

[مستر أحمد دعبس]

التمس لاخيك العذر

[عاشق الارسنال]

الاعمال بالنيات الراجل بيتكلم بشكل عام وتلقائى اكيد ميقصدش يقلل من رجال الدين زى منتا فاهم

[Pure Moon]

طب معتز قالها بعفويه اكيد ميقصدش ان رجال الدين طلب رخيص
وبعدين احنا ساعات منقصدش برخيص يعنى شيئ ملوش قيمه
ساعات بناخدها بمعنى انها شيء فى المتناول يعنى سهل علينا نجيبه
بس من الناحية التانية نقول انه اعلامى كبير المفروض يكون حذر فى كلامه
اكتر من كدة بس مأظنش انه يقصدها بالمعنى المقصود الى انتوا بتتكلماو عليه
جلا من لا يسهو
وغفر الله لنا وله
مش شايفة انه موضوع يستاهل الهالة دية كلها

[الطلاوى]

اعتقد ان معتز بيرحب بالفكرة ويستطيع الإتيان برجل الدين وهذا يدل على سرعة تلبيه رجال الدين لمثل هذا المطلب ولا اعتقد ان رجل الدين رخيص بمعنى الكلمه التى تلفظ بها معتز وربما لايقصد بها شيئا فرجل الدين له مقام كبير فى مجتمعنا

[منال حلمى]

انما الاعمال بالنيات ولكل أمرأ مانوى

[BaNZeR]

هي جملة عامة الله اعلم قالها يقصد بيها ايه
بس حتى لو كان المقصود غلط

انت عمال تقول ازاي مذيع يقول كده وهو عارف الناس بتتأثر بيه

هو خلاص المذيع بقى ملاك ومش حينفع يغلط تاني
مهو المذيع زيه زي اي واحد بيتكلم وبيغلط
وبعدين قالك كثرة الكلام توقع في الزلل

والمذيع وظيفته إنه يتكلم

خلاص بقى مش كلمة حنقلب عليه الدنيا
ورخيص ممكن يعني سهل مش لازم يعني وحش

[amour_amour88]

المشاركة الأصلية كتبت بواسطة mr.hani

سقطة وقع فيها معتز الدمرداش فى برنامجه 90 دقيقه منذ يومين

عندما كان يناقش موضوع اعتذار الرجل لزوجته فى لوحة كبيرة

فقد اتصل به واحد من الجمهور

وطلب من معتز أنه كان من الواجب حضور أحد رجال الدين

فى تلك المناقشة للموضوع

تخيلوا رد عليه معتز بقوله:

" غالى والطلب رخيص "

هل طلب رجل من رجال الدين رخيص عند معتز

لا حول ولا قوة الا بالله

خلاص بقينا مركزين دوت نت منتبهين دوت كم يعني حضرتك سايب كل المصايب اللي بتحصل وجي تتصدر ع الهايفه

عادي يعني كبر ايه اللي حصل او حيحصل لم نناقش موضوع زي دا خلينا بلد متحضر

[براءة]

اعتقد كان قصده من الكلمة دى ان الطلب سهل
وبعدين انا شفت لحلقة دى ولم تلفت نظرى او تستوقفنى تلك الجملة
اعتقد حد غيره لو كان متصل طلب وجود احد رجال الدين كنت هتلاقي وش المذيع اتسمر
بس هو اتشجع للفكرة ولم يقصد تلك الكلمة وليس هنالك من لا يخطأ

[أم عمار قائد الأحرار]

فعلا اكيد انها فلته لسان لان من المعلوم ان هذه الجكله شاع تكرارها كثير في مصر

وبعدين يا اخت ان الله ستير يحب الستر فمن المفروض اذا سمعتي هذا حولي توصليها لهذا الرجل بأي طريقه انه اخطا ولكن لا تنشريها وربنا يحفظكم ويبارك فيكم

[d00ry]

انا شايفة برده اه فلتة لسان او احتمال يكون قاله كدة من باب الترحيب بالفكره