خاطبة دوت كوم

[tet0]

<div align="center">مصر سنة 1906

"جلنار" هانم تجلس مع "قاسم" باشا وبجوراهما بنتهما "سعدات"، يستمعون جميعا إلى الراديو العتيق الذي يذيع أغنية "ارخي الستارة اللي في ريحنا" للست "منيرة المهدية"! ، تتمايل "سعدات" على نغمات الأغنية ثم تقول الأم للأب وكأنها لا ترى أمامها بنتها أصلا:
"بديعة" الخاطبة زارتني النهارده، وقالت لي إن "شوكت" ابن "شفيق" باشا عاوز يخطب بنتك "سعدات"..

ينظر الأب لابنته التي ترقص كأفعى الكوبرا على أنغام "ساحر" هندي!:
عظيم.. والله البت هبلة وتستحق كل خير.. خليه ييجي يوم الأربع.. وربنا يعمل ما فيه الخير..

وييجي "شوكت" ولا يرى العروس طبعا.. ويتفق الجميع على كل التفاصيل..

وعندما يخرج "شوكت" ومع والده والخاطبة يمد يده إلى جيبه ويخرج منه 23 سحتوت ويعطيه للخاطبة قائلا لها:
حلال عليك.. إنت جبتِ لي هدية من السما!

***

مصر سنة 2006

"داليا" تجلس أمام جهاز الكمبيوتر، تضع السماعات في أذنها وتستمع إلى موسيقى ميتالك من ام بى ثرى بلاير..

لا تدخل على مواقع الشات لأن دي موضة وانتهت.. تدخل على مواقع الزواج المنتشرة بكثرة في الشبكة العنكبوتية.. تكتب بيانتها بدقة.. جميلة.. بيضاء.. ذات عيون عسلية.. ممشوقة القوام.. تحب الرومانسية..
-طبعا غني عن القول إنها سمراء ذات عيون ضيقة سوداء عندها سمنه مفرطه وتعشق أفلام الرعب..

على بعد عدة كيلومترات منها.. يجلس "أحمد" أمام جهاز الكمبيوتر.. وأمام نفس موقع الإنترنت.. يكتب بيانات من يرغب في الارتباط بها بدقة مماثلة!.. ثم search... همممممممم... هي دي.. "داليا".. طبعا لأنه دفع رسوم الاشتراك في الموقع.. فسيظهر له تليفونها وإيميلها..

ألو.. "داليا".. "أحمد"... طب نتقابل.. طب بابا.. طب ماما.. مأذون.. زفة... فرح وزغاريد.. لولولولولولوللولولولىىىىى
حد والنبي يا جماعة يدي نقطة الفرح لموقع الإنترنت!

***

حصلت وبتحصل
ورغم أننا في القرن الحادي والعشرين
ورغم أنه من المفترض أن المجتمع دلوقت أكثر انفتاحا من زمان
إلا أن دور الخاطبة لسه ماماتش صحيح هي خلعت الملاية اللف واليشمك والخلخال ولبست مكانه زراير الكيبورد والروتر اللي بيوصلّك على الإنترنت...

بس تقريبا الدور هو هو
يعني الخاطبة كانت بتوفق راسين في الحلال
ومواقع الزواج على الإنترنت بتوفق برضه راسين..
في الحلال برضه؟
همممم
محتاجة نظر دي..

هو طبعا الأعمال بالنيات..
بس يا ترى يا هل ترى مواقع الزواج المنتشرة على الإنترنت دي كلها بتوفق راسين في الحلال فعلا ولاّ أحيانا –بعد الشر بعد الشر- بتوقع في الغلط؟

وده يخلينا نسأل سؤال في البداية إيه اللي يخلي نسبة كبيرة من الشباب ترفض زواج الصالونات -يعني والدك أو الدتك يرشح لك بنت تروح تشوفها وبالعكس- في حين تلاقيه مقبل جدا على مواقع الزواج في الإنترنت مع أنها برضه زواج صالونات بس مودرن شويتين؟ وليه كل السنين اللي عدت علينا دي مخليانا نلجأ في أحيان كتيرة لوسيط ثالث عشان يوفق راسين في الحلال؟


يعني الخاطبة زمان
وموقع الإنترنت دلوقت

<strike>[s]وهنا جه السؤال اللولبى على رأى بوحه :</strike>[/s]</span>
<span style="color:#FF0000">هو جيلنا ده ماعندهوش ثقة في نفسه
فمحتاج حد تاني يرشح له دايما؟
حتى ولو كان الحد ده جهاز كمبيوتر أصم؟
ولاّ الأمر له أسباب تانية ممكن حضراتكم تنورونا بيها؟
جول لي ولا تخبيش يا زين
هل ممكن تروح العين للعين
وينشبك قلب بقلب
من خلال مواقع الزواج الإنترنتية؟
وإيه اللي يخليك تجرب حظك مع الخاطبة الإلكترونية دي؟
ويا ترى شايف إنها تطور طبيعي وعادي ومنطقي لطرق الزواج؟</div>

[Merooo]

شكرا تيتو على الموضوع.

بس انا بصراحة اعتقد ان مواقع الزواج دى
فااااااااااااااااااااشلة.

بذمتك انت تثق ان تتجوز واحدة من على موقع زواج.

وبعدين بصراحة انا شايفة ان فيها اهانة كبيرة اوى
للبنت ،يعنى اية بنت تدخل تكتب بيانهتها ومواصفاتها
وتقول والنبى حد يجى يتجوزنى.

معلش انا انفعلت شوية.
بس للاسف اعتقد ان المواقع دى بتستخدم لاغراض تانية.
وحسبنا الله ونعم الوكيل.

[اينشتاين]

اعتقد ان ده اهانة للبنت

يعنى ازاى بنت تدخل تكتب بياناتها وتقول والنبى انا عايزة اتجوز


اعتقد المجتمع هو السبب ف كده

[Assmaa]

امممممم
مش عارفة
انا اعرف ناس اتجوزت بالطريقة دي
وكان جواز ناجح جدا
بس ليه يعني
عادي
شكرا ع الموضوع

[فتاة_الإسلام]

أولاً شكراً على الموضوع يا تيتو
ثانياً أنا شايفة إن البنت كأنها بتبيع نفسها، واللي عاجبه ياخدها.. أعتقد إن دي فعلاً إهانة جداً وتقلل من إحترام الفتاة لنفسها وبتقلل أيضاً من احترام الزوج لها.
دة لو كانت المواقع دي ناجحة من الأول أصلاً

[فتاة الاسلام]

انا من رايى الصراحة ان مواقع الزواج دى مش ناجحة وان نجحت هتكون فى نسبة لاتذكر لقلتها
اولا: فرقت اية المواقع دى عن الاعلانات فى الصحف؟
ثانيا: هل شاب متدين او مسلم عاقل او انسان عاقل هل يقبل التزوج بفتاة تعرض مواصفاتها بهالطريقة وتنتظر من يوافق بمواصفاتها ؟
انا لو شاب استحالة افكر بالزواج منها ما انا ممكن اقول لنفسى مش جايز تكون قابلت شاب عن طريق الموقع لكن محصلش توافق وتتكرر المقابلات واكيد طبعا فى غياب الاهل
انا شايفة انها بتقلل من احترام الفتاة وللاسف الفتاة هى اللى بتقلل من احترامها بنفسها لما بتدخل على المواقع دى وتتكتب كدة
المفروض ان ربنا خلقنا مصونات كالؤلؤة اللهم اهديهم
لكن انا اجاوبك على سؤالك تيتو الشاب بداو يتجهوا لطريقة دى كنوع من الفضول علشان يواكبوا العصر بكل ما فية من تطور
لكن فى اراء بتقول ان المواقع دى بتقلل من نسبة العنوسة؟؟؟؟؟؟؟؟( رغم انى مش متفقة معاها)

شكرا تيتو على الموضوع الهام دة

[tet0]

بصراحة شكرا انا مش عارف اقولكم ايه


انتم بجد اسعدتونى بنقدكم للموضوع


تسلموا