الحكـــــــومة – لا مؤاخذه - بتســـــــتعبط!!

[FRANKENSTEIN]

بقلم أ/ محمد سامي
آه و الله العظيم ..

حكومة عماله تصرف يمين و شمال ، و تعمل إحتفالات هنا و هناك - كأنها دولة عظمى - في نفس الوقت الذي تؤكد فيه التقارير الرقابية الدولية على : تدهور الاوضاع في مصر ، وانعدام الشفافية، وارتفاع معدلات الرشوة والفساد والبيروقراطية، وكبت الحريات، وتوحش الاسعار، وزيادة الامراض المزمنة الناجمة عن زيادة معدلات التلوث البيئي (( مما ادي لاصابة 135 ألف مصري سنويا بالسرطان و الفشل الكلوي من جراء صرف نفايات 330 مصنعا في نهر النيل))..

كما تؤكد التقارير " تدني المستوي المعيشي واستفحال العشوائيات وزيادة الضرائب والرسوم لكافة الخدمات والمرافق وانهيار التعليم والصحة.. ومن ثم ارتفاع عدد فقراء مصر من 19% الي 43% ووفقا لما ورد بتقرير التنمية البشرية الصادر عن الامم المتحدة، فقد وصل عدد فقراء مصر ممن لايجدون قوت يومهم الي 10 ملايين و700 الف و24 مليونا تحت خط الفقر.. والواقع المر يؤكد ان عدد الفقراء يتعدي تلك الملايين بكثير وهذا مايؤكده بعض الخبراء والمختصين، بعض الدراسات والابحاث التي اشارت الي ان العدد يصل الي مايقرب من 45 مليونا وفقا للمفاهيم العلمية العالمية لمعني الفقر..

إذن لا بد أن تكون حكومتنا حكومة إستعباط ..

فاحدث صور تحيز الحكومة للاغنياء – في ظل كل ما ذكرناه- كانت مهزلة ( تزيين حي مصر الجديدة) وانفاق حكومة الدكتور نظيف 50 مليون جنيهاً - وفقا لتقديرات البعض- بمناسبة مرور 100 سنة علي انشائه.. يحدث ذلك رغم وجود عجز في موازنة الدولة بلغ 40 مليار جنيهاً، بخلاف حفنة من القوانين والامتيازات للهاربين بأموال البنوك والمحتكرين للأسواق، مما ادي الي تشريد الآلاف من العمال تحت مسميات مختلفة ودواع مفتعلة.

الحكومة- والتي بالفعل اصبحت حكومة أغنياء تحكم شعب فقير - تحتكر اجهزة الاعلام ، و القطاعات الحيوية..

هناك ضرورة للتخلي عن الانفاق غير الضروري والمتمثل في البذخ الحكومي، فمثلاً الـ 50 مليون جنيهاً علي تجميل حي مصر الجديدة كان يمكنها شراء او انتاج مليار رغيف عيش بسعر 5 قروش للرغيف ـ وهو المدعم ـ فالحديث عن الدعم أصبح مستفزا جدا ولا مبرر له علي الاطلاق!..

ولعل استجوابات البطالة والخصخصة وحوادث الطرق والمواصلات وانهيار المنازل والمدارس كان كفيلا باسقاط الحكومة، وخاصة اذا ماقورن ذلك بما يحدث بشواطئ الساحل الشمالي الذي لايتساوي اصحابه في دفع الضرائب مع الغلابة من ابناء هذا الشعب، وذلك من خلال مشروع قانون تعديل رسم تنمية الموارد وضرائب المبيعات، وفرض الرسوم الجديدة علي السيارات والتليفون المحمول والسجائر ورسوم السفر ومغادرة البلاد..

أليس هذا أجدى من (الدعم) ؟..

سلملي ع الدعم .

و المحصلة مانشهده اليوم من اوضاع اقتصادية وسياسية واجتماعية متدهورة، ملامحها الاساسية تقلص الطبقة الوسطي وبروز مجموعة واضحة من الاغنياء الجدد وتوسيع دائرة الطبقات الدنيا او الفقراء، ومن ثم فان التغيير في التركيبة الاجتماعية والاقتصادية ادي لضعف الحركة السياسية التي تعتمد علي وجود طبقة وسطي قوية تستطيع ان تعبر وتفكر وتدافع عن مصالح الوطن..الأمر الذي أدى إلى تخلي النظام بأكمله عن الطبقة الوسطي وانحيازه لاصحاب المصالح ، فارتفعت معدلات الفقر والبطالة وزاد حجم الدين العام الداخلي والخارجي حتي وصل لـ 130% عن اجمالي الناتج القومي وحدث كساد في الاسواق وعجز دائم في الموازنة العامة وزيادة في العجز التجاري مع الدول الاجنبية، كل ذلك كانت حصيلته تقهقر مصر للمركز 120 في تقرير التنمية البشرية نتيجة لسياسة حكومة اصحاب المصالح والاغنياء، والتي آن الاوان لتعديلها بل وتغييرها.

وتؤكد المؤسسات الدولية أن الفقير هو من يقل دخله عن 300 جنيه شهريا واذا كانت الاسرة تضم 3 أفراد يتقاضون 900 جنيه فهم بالفعل واقعين تحت خط الفقر، وبالتالي لاتوجد زيادة في الاجور بما يتناسب مع الاسعار وكذلك لاتوجد زيادة في الدعم تتناسب مع غلاء المعيشة، ومايحدث هو اتجاهات لتقليل الحوافز والمكافآت والعمل بنصف الاجر والوقت مما يزيد من الاعباء علي الفقراء لعدم وجود فرص عمل حقيقية، يحدث ذلك مع المعاناة المستمرة من البطالة وعجز المستشفيات والمدارس والدروس التي لم تعد مجانية، ولا توجد تأمينات حقيقية لذلك يشعر المواطن بزيادة الاعباء مع انعدام الدعم من اية جهة.

نعود من جديد و نقول :

الحكومة التي تتجاهل كل ما سبق ذكره هنا من ((حقائق)) ، و تهتم بتجميل الشوارع ، تبقى حكومة – ولا مؤاخذه- بتستعبط.

:D

انا مش معاك ولا مع محمد سامي مع احترامي لشجاعته

الحكومة بتستهبل مش بتستعبط


عيش مين يا عمي ابو خمس قروش دلوقتي بتلاقي فيه الوان من الحشرات ولا الرمل ههههههههههههههههههههه


ولا طابور العيش ويا سلام ع الالفاظ هههههههههههههههههههههههه

دا مش كلامي دا كلام سمعته في برنامج

طيب قولي 50 مليون جنيه لحي طيب لو طوروا مدينة هيصرفوا كام مليار

يا عمي البلد واكلها والعه والحكومة لابسة وعامة الشعب ماشية قالعه

يا عمي شوف الغلابة

شوف الشحاتين كتروا والمتسولين بأوا اكتر

ياااااااااااااااااه

حكومة متنقيه ع الفرازة بجد

والحظ لما يهاتي يخلي نظيف ساعاتي

والحظ لم يغني يخلي الاجرب مغني

[اسلام رشوان]

هههههههههههه

يا جماعة ربنا يجعل كلامنا خفيف علي الحكومة

الحكومة لا بتستبهل و لا بتستعبط

الحكومة بتت**** بس

[Assmaa]

يووووووووووه
انا زهقت من الكلام وبس
نفسي حاجة بجد تتغير
الحكومة دي خلاص راحت عليها
بس متهيألي ان لو الحكومة كلها اتشالت
اللي بعدها هتبقي العن منها
خلاص الشعب الغلبان ده راحت عليه
ده احنا كده عايشين ف هنا
الايام ال.... لسة جاية
علي يد حكومة نظيف
هه قال نظيف قال
شكرا ع الموضوع بات مان

[COoL HEaRT]

انا بايدك لأن الحكومه ديه بيكلوا حققوقنا اه بس اللى هييجى بعدهم هيبقوا عاملين زى الكلاب
الصعرانه وهيبهدلونا

بصوا يا جماعة

حكومة مش هتعمل حاجا لسبعين مليون واكتر

مش هتعمل حاجا لكل الشعب دا

لا حرام مش كفايا يا عيني عنيهم طالعه بيحسبوا بيسرقوا قد ايه وحسابتهم بره البنوك لا حرام هنظلمهم

احمد نظيف يا سلام حبيبي :D

ولا الباشا ياهااه حبيب العدلي :D

لالالالالالالالالالا دي حكومة بجد

ومننساش الاخ الشاذلي اللي رحلوه كدا

ولا وزير التعليم العالي واللي مش عالي

ولا وزير التربيه والتعليف سوري التعليم

البلد دي مش بتمشي بوشها لا بظهرها :D

وع رأي المثل خليك جمب الحيط

وادي ظهرك للترعه بس قلبوها مع قانون الطوارئ

ادي ظهرك للحكومة



الحكومة مش بتاكل حقوقنا ههههههههههههههههه

دي بتغتصب كل حقوقنا وربنا

بصوا يا جماعة بكرة الساعه اتنين في ميدان عام نعمل مظاهرة هههههههههههههههههههههه

هقول كلمة لكل واحد في الموضوع وانا اولهم


هنجني ايه بكلامنا دا ولا شئ

اخرتنا هنتبهدل في معتجلات وسجون :D

متتكلمش الا لكا تكون قادر تعمل وانا مش هقدرا اعمل فمش هتكلم



بس ليا اعتراض


الشوارع عندهم اهم مننا يعني سوري يجددوا الشوارع للسياح بس تلاقي الشعب ماشي بجلابيه مقطعه وماشي حافي

يسلام ع البلد :D

نظيف انهارة لازم تعرف حبك عاملي جنان :D



انا بحبك بحبك حب محبوش انسان :D

واه يا نظيف :D

وحيات اغلى جلبيه عندك

وميحرمنيش منك
وميبعدناش عنك

:D بكل الحب نؤيد نظيف :D

[amr_2010]

الشعب ده امتي هيعترض ولا امتي هيقوم
يا جماعه الشعب بقي عنده كبت هايجي يوم ويطلعه
فيوم كده وانا رايح المدرسه الاقي الناس مشيا في الشوارع عامله مظهرات وهتحارب الحكومه
اه والله هايحصل

حاميها حراميها

[COoL HEaRT]

بعد كل ده وتقول مش هكلم حرام عليك ثم ايه حكايه 70مليون شوف تعداد الصين كام
ومع ذلك.........................

بتقولي الصين ليه الشعب بينطق احنا حجر مش بننطق

شوفي حرية التعبير هناك

هنا لو قولتي الحكومة مية مية هتاخدي امن دولة هيفكروكي بتتريأي

[FRANKENSTEIN]

ههههههههههههههههههههههههههههه
شكرا ع ارائكم ومروركم

[بورسعيدى]

إذن لا بد أن تكون حكومتنا حكومة إستعباط ..

أسف ان قولت لك انك تأخرت كثيرا فى الوصول الى هذا الاستنتاج

( ولية لمؤاخذة)

[FRANKENSTEIN]

مش عارف والله يا استاذ مجدي

يعني مثلا اسعار المواد الاساسية زادت اربع مرات ق 40 يوم
غير انتشار سياسه الاعتصام المدتي نتيجه لتدني الاجور
غير اسمرار الرئيس 25 سنة و لسخ بيزود
غير الوزير عثمان محمد عثمان اللي بيقول 1.5 جنيه يوميا مبيعبرش عن الفقر
غير حاجات ياما اي

[كركركوكو]

السلام عليكم
ههههههههههههههههههههههههههههههههههه
والله العظيم بصراحه انا ارفض هذا الكلام
مالها الحكومه ياجدعان عمالين تقولو الحكومه الحكومه ماهي حكومتنا زي الفل اهيه
مالها بقي الحكومه

ههههههههههههههههههه

من الاخر وبدون (لامؤخذه )
محدش يزعل مني
مش الحكومه اللي بستعبط
ولا بتستهبل
احنا ياجدعان شعب جبان
عيشين وعلي قفانا واخدين
وسكتين ومرتاحين
خلاص خلاص مش مرتاحين
يبقي ساكتين ولقول الحق كاتمين
يبقي الي بستعبط فينا مين
احنا ولا هما ياحلوين
ده رائيي ومحدش يزعل مني لاني خلاص اتخنقت
انا لله وانا اليه راجعون
نحن شعب جبان اذا تكلم واحد الكل بيقف يتفرج عليه
وعشان كده الحكومه قويه ومسيطره علينا
من الاخر
لو لم نتحرك جميعا ونقوم بثوره مثل ثوره 1919
مش هنتحرر من اللي احنا فيه
السلام عليكم
وجزاكم الله كل الخيرعلي الموضوع

[The_Relativistic200]

الا بالحق
هو مين محمد سامى ده اصلا
عضو قديم
???
الحكومة يا عم لا بتستعبط ولا حاجة
العيب مش من الحكومة لواحدها
الشعب برضو بيشيل
فى تقرير مش عارف للامم المتحدة علينا
بيقولوا ان معدل انتاجية الموظف الامريكى 8 ساعات
والمصرى بتاعنا نص ساعة
ده معناها ان الموظف المصرى بيتمزون (لفظة جديدة من تأليفى) بتساوى يستهبل برضو
يعنى العنوان الاصح
الجكومة والشعب بيستعبطوا على بعض


واحشنى انت يا بيسو

بقالى كتير ما خنقتش عليك

[الاسطورة]

صباح الروقان يا بسام
تصدق والله انا برضو لما لقيت مستوى المواضيع نزل قعدت ادور فى الدفاتر القديمة

بالنسبة بقى للموضوع
والله الحكومة مظلومة
ها تعمل ايه الحكومة يعنى انا مش فاهم
مافيش موارد فى البلد
والشعب ما شاء الله كل يوم يزيدوا ميلون ولا حاجة
ها يعملوا ايه
وكل سنة وانت ومحمد سامى طيبين!