اعراب الكلمات

[moustafaatchy]

السلام عليكم ورحمة الله وبركاته

لو سمحتم عايز اعراب الكلمات اللي تحتها خط :
1- ملأت الكوب ماء.
2- تعود سيدنا أن يدعوه شيخاً.
3- ارنفع الإسلام مكانة.

[kariem120]

تقريبآ أنا مش متأكد .......
الماء:مفعول به ثانى منصوب بالفتحة
مكانة:تمييز منصوب بالفتحة
يدعو:فعل مضارع منصوب بعد أن
والهاء:ضمير مبنى فى محل نصب اسم ان
شيخأ:خبر أن مرفوع بالضمة...........دا تقريبآ انا مش متأكد

[moustafaatchy]

متشكر جدا على ردك
أنا متفق معاك في اعراب مكانة ، و ماء
أما اعراب شيخاً فمش متفق معاك فيه لأن :
1-أنْ (بسكون النون( حرف نصب ، يعني (يدعو) : فعل مضارع منصوب بالفتحة الظاهرة ، و(الهاء) : ضمير متصل مبني في محل نصب مفعول به
أما أنَّ اللي تقصدها من أخوات إنّ ، بس مش هي دي
2- ماينفعش خبر أنّ يكون منصوب زي ما قلت (ده إذا اعتبرناها أنّ مش أنْ ).

اللي خلاني أسأل في إعراب (شيخاً) إن واحد قالي إنها تمييز منصوب ، بس أنا شايفها مفعول به ثاني ، فعايز أتأكد منكم

[hosammosaad]

ماء : تمييز منصوب
شيخا : مفعول به ثان

[hosammosaad]

امكانة : تمييز منصوب
انا متاكد

[moustafaatchy]

طيب ماء تمييز ليه ؟

[aboelsisy]

لان اى فعل يدل على الزيادة او النقصان مثل ملأ امتلأ زاد نقص قل طاب فاض ازداد كثر .....+ اسم نكرة منصوب ...يعرب تميزا