حاسس إنى مش محترم !!!!!!

[Observer]

بصراحة ومن غير لف ولا دوران

أنا كمدرس

حاسس إنى إنسان مش محترم وأشعر كثيراً أنى عالة على بلدى وإنى ضيف ثقيل عليها

وإن الكام جنيه اللى بقبضهم آخر الشهر دول صدقة من الحكومة مش مرتب مقابل عمل

وحاسس كمان إنى جاهل لم أتعلم وعشان كدة الحكومة بتقولى روح امتحن الكادر

وحاسس إنى أقل واحد فى المجتمع بسبب تحكم كل الناس فيا

من وزير التعليم إلى وزير المالية إلى مدير المدرسة إلى .... إلى .....

من الآخر أنا حاسس إنى مليش قيمة ولا كرامة فى بلدى

وعشان كدة أنا بتمنى أسافر لأى بلد تانية وأشتغل أى حاجة

آكل منها عيش حتى لو ضحيت بكرامتى

على الأقل مش هازعل عليها

لأنى محستش بيها وسط أهلى فى مصر

أنا آسف جداً على كلامى

بس هى دى الحقيقة ..

[Abu Menna Mohamed]

اخي لا تيأس لعل الفرج يأتي من عند الله بس ممكن اقولك علي حاجة
ان الله لا يغير ما بقوم حتي يغيروا ما بانفسهم
ايه رأيك ما تيجي نغير ما بانفسنا و نجتهد في شغلنا و نخلص فيه كل في مكانه و اكيد ربنا يفرج همومنا
اخوك محمد عبد الواحد مدرس اول انجليزي
الفيوم - طامية

[مسيو منتصر الجميلي]

أخي :
كيف تقول ذلك أنت ، ألم تسمع ( اذا أردت أن تعرف عند الله مقاك فانظر فيما أقامك )
لقد أقامك الله في أشرف مهنة ، ألا وهي مهنة الأنبياء والرسل ، وان لم يقدرها هذا أو ذاك فانما ذلك لجهلهم وليس لدناءة المهنة ، أخي ان أجرك العظيم عندما تخلص في عملك عند الله ، ان تقدير الناس لك سيكون كبيرا عندما يرونك تعلم أبنائهم باخلاص واتقان ، مهنتنا عانى فيها الأنبياء فخذ حظك من المعاناة .
أخي : الطالب هو أيضا يقدر معلمه الذي يجد فيه اخلاصا وحبا بعيدا عن قصد المنفعة ، وهذا ما وجناه كثيرا من طلابنا فهو يتحدث عن ذلك المدرس ان همه النقود ويتحدث عن هذا بجميل الحديث لأنه وجد فيه أن كل القصد مصلحة طلابه.
أخي : أنت لست مهانا فلتعتز بمهنتك بعيدا عن نظرة الغير لها فليكن اعتزازا صادرا من ثقتك بنفسك وحبك لمادتك التي تعلمها.

[مستر محمد سلامه]

المشاركة الأصلية كتبت بواسطة abu menna mohamed

اخي لا تيأس لعل الفرج يأتي من عند الله بس ممكن اقولك علي حاجة
ان الله لا يغير ما بقوم حتي يغيروا ما بانفسهم
ايه رأيك ما تيجي نغير ما بانفسنا و نجتهد في شغلنا و نخلص فيه كل في مكانه و اكيد ربنا يفرج همومنا
اخوك محمد عبد الواحد مدرس اول انجليزي
الفيوم - طامية

عندك حق يا مستر محمد

[elastaza]

لو كل واحد فكر بنفس الطريقة اكيد مش هنقدر نتقدم خطوة لقدام ....ففى احيان كثيرة نردد مثل هذا الكام بل ونحياة فى مواقف كثيرة يومية نشعر فيها بضيق الدنيا رغم اتساعها.....ولكن هل الجانب المادى فقط هو مانعمل لاجلة اعلم انة ضروى ومهم لكن كدة بنكون حطينا من شاننا كتير وقللنا من مهنة هى من اسمى المهن فالجانب الاكبر من عملنا يحمل رسالة نحتسبها عند الله اولا .فتشكيل وصياغة عقول وفكر ووجدان اجيال قد يكون من بينهم فى يوم ما عالم او مفكر او قائد او زعيم يغير حياتنا او يضيف جديد ليها لفكرة تستحق ان نعمل من اجلها على امل ان ياتى يوم نشعر فية باننا اضفنا للحيا ة وحاولنا التغير للافضل واعتقد ان دى كمان فكرة مش بطالة نشتغل عليها

[t_orabi]

ظاهر الفرد دائما يعبر عما بداخله
إذا اردت أن ترتفع قيمتك عند الناس فارفعها عند نفسك أولاً
الإنسان دائما طبيب نفسه