|
||||||
| أرشيف المنتدي هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
14-08-2006, 10:11 AM
|
|||
|
|||
إقروا الموضوع ده وبلاش تحطموني :D
__________________________________________________ __ دي قصة واحد صاحبي .. كان عادي خالص وعايش بس يا خساره راح ينام مره و بيصحوا الصبح ملقهوش عالسرير لسه بعتلي ايميل امبارح بيحكيلي الي حصله << عزيزي محمود ... أخبارك ايه ؟ يا رب تكون كويس .. انا هحكيلك إلي حصلي من أول ماصحيت من نومي .. قمت من النوم عادي جدا ... زي كل يوم بس لقيت نفسي في شقه شيك اوي ... و ببص في المرايا لقتني كبرت كبرت كبرت يا محمود بقيت بتاع 35 سنه كده .. قرصت خدي و دعكت عنيا بس هيه نفس النتيجه انا الاول حسبت نفسي لسه في الحلم ... وبعدين رحت عشان أنزل لقيــت واحده قاعده في الصاله قالتلي -داد صباح الخير قلتلها: صباح النور ردت: مام بتقولك انها رايحه مشوار وجايه على طول قلتلها: انتي مين قالتلي : نعم .. انا شوشو يا داد بنتك (وبعدين الجرز رن يا محمود) شوشو: دا اكيد تلاقيه ميشوشوما اخويه انا : طب متروحي تفتحي شوشو: ليه امال الروبوت بيعمل ايه هيفتح هوه ميشوشوما : هاي يا معلم انته صحيت انا : اه صحيت ميشوشوما : انا كنت عند عمو تامر عشان اجيب صاحبي بيسا يقعد معايا انا : والله طب كويس ميشوشوما : اصل بيسا كان عنده دور سرطان كده و خف عشان كده مجاش معايا انـا : إيه ده خف ... كويس جدا تلاقيه راح لدكتور كويس بقى ميشوشوما :دكتور إيه بس يابابا هو السرطان محتاج دكتور دا طنط نانسي لما عرفت انه عنده ورم على طول اديتله الدوا انا : امممممممممم الحمدلله ... امال ماما فين (كنت عايز أشوف انا إتجوزت مين يا محمود  )ميشوشوما : تلاقيها راحت تشتري حاجه وجايه يا معلم متقلقش أنــا : كنا عايزين نتعرف بيها بس يعني ميشوشوما : هاهاهاهاهاها تتعرف بيها ازاي يعني؟ انا : انــته صدقت انا بضحك بس هاهاهاهاهاها  (( وبعدين الواد ميشوشوما فتح التلفزيون)) شوشو : غير الأغنيه الرخمـه دي يا ميشوشوما انـا : ليه يا شوشو بس دي بينها حلوه شوشو : طويله اوي يا داد تصدق انها 50 ثانيه أغنيه دي ولا فيلم انا : لا لا يا ميشوشوما غير بسرعه ايه ده يا اخي ميشوشوما : ماشي يا معلم هغير اهو انا : هات روتانا سينما يا ميشوشوما تلاقي عليها فيلم ميشوشوما : روانا سينما ..... على قمر إيه القناه دي معرفهاش انـا : اه صحيح تلاقيها قدمت اوي بقى دي كانت قناة زمان كده مش هتقدر تغمض عنيك ميشوشوما : تفطر ايه يا بابا انا : مدام فطـار يبقى أكيــد يعني فول وطعميه ميشوشوما : إيه ده يا حاج .... طعميه انته عايز تموت ولا ايه محدش عاد بياكل طعميه بعد حمى الطعميه و هبل الفول انــا : لا لا لا يا ميشوشوما هوه الفول إتهبل ...لا حول الله يا رب .... واحنا إلي زعلانين عالفراخ .... طب فيه اكل ايه يعني لسه ميشوشوما : مشيها همبرجر بقى أنـا : لو الكاتشب لسه سليم إبقى حطلي شويه عالسندوتش ميشوشوما : ماشي يا داد (و بعد الفطار يا محمود) ميشوشوما : أنا هقوم أذاكر جغرافيـا عندي امتحان على النت بعد ساعتين انــا : طب اوك لو عايز اي مساعده يعني أنا موجود انا عفريت جغرافيا ميشوشوما : انا هذاكر خريطة العالم بتعرف فيها انـا : دي لعبتي يا ميشوشوما وريني كده (( وبصيت يا محمود في خريطة العالم ويا رتني مابصيت )) أنــا : إيه ده يا ميشوشوما الخريطه دي غلط امال فين مصر والسعــوديه وفلسطين و سوريــا .... ميشوشوما : إيه يا بابا أنا بقلك بذاكر جغرافيا مش تاريخ يا مان  __________________________________________________ __________________ رديت على صاحبي : إيه ده يا أحمد لا لا لا انته شكلك بتهزر معايا عالعمـوم انا مستني ايميلك التاني
__________________
<span style="color:#FF0000">[SIZE=2][color=#006600] أوعوا تفكروا انها خلصت لا لســـه .....دي نماذج الإجابة لوحدها قصه .... يكتبلك على معادله درجه وهيه ملهاش لزمة ... وحاجات كتير في نماذج الإجابة تخلي العقل يطير .... والطلبة بقت محتاره .... كانت ناويه طب و شكلها هتبقى تجاره .... وبنت خالتي ساره كانت أخر شطاره ... و هببت في الفرنساوي ونوت على تجاره .... ولا زم تكتمل جوانب الحضاره .... المصححين مش عايزين يصححوا الورق .... دا غير الورق إلي إتحرق .... و رئساء اللجان إلي بيأخروا الورق ...تلت ساعه نص ساعه أو يفرقوا بعد اللجنـه عشان الطلبة ميدخلوش على أهاليهم إديهم فاضيه ... ميصحش ... وبعد منسلم الورق بروح لمدرســـي الي مقلبني طول السنه ... مذكره و مذكرة مراجعه و حصه و حصه إضافيه ... أقلاقي المستر يا إما فلسع زي بتاع الفرنســاوي أو يا إما تنح قدام نوع الخليــه زي بتاع الكيميــاء او يا إما قاعد يفر المذكره على العصر العباسي التاني يا ترى هيلاقي العوامل المؤثره ولا هياخد بالــ ....ناس فاضيه ....وياحرام يا حرام يا حرام ...الأبهات و الأمهات كل إمتحان يقولوا سيبك من إلي فــات و خليك في إلي جي إلي إتكتب إتكتب ... وآآآآه علي إتكتب .... دا له العجب ... ويقتضي الإنصــاف .... انهم جايبين التفاضل و الجبر و الإنجليزي بتوع تانيه مفهومش أي صعوبه ... بس أكيد الدفعه بتاعة السنه الجاية هيتنفخوا فيهم ....يا رب إستر عليهم وعلى آهاليهم و ذويهم .... يا رب أعد علينا امتحانات منظمه كهذه أعواما عديده وأزمنة مديدة وكل الإمتحانات تيجي ظريفه زي الفرنساوي كده او تكون أصعب سنه عشان عنصر السهوله مش مطلوب اوي .... وفي الختــام أحب اقول إني لما بشوف ورقة الأســئلة ببقى نفسي أ ... أ ... أمسكها ققطعها و قلها انتي دمرتيلي الحيــاه ... طب أ...أ... قولوا معايا |
و انا كمان هستنى الميل التانى |
#3
14-08-2006, 01:04 PM
|
|||
|
|||
ثانكس حابي عالرد
__________________
<span style="color:#FF0000">[SIZE=2][color=#006600] أوعوا تفكروا انها خلصت لا لســـه .....دي نماذج الإجابة لوحدها قصه .... يكتبلك على معادله درجه وهيه ملهاش لزمة ... وحاجات كتير في نماذج الإجابة تخلي العقل يطير .... والطلبة بقت محتاره .... كانت ناويه طب و شكلها هتبقى تجاره .... وبنت خالتي ساره كانت أخر شطاره ... و هببت في الفرنساوي ونوت على تجاره .... ولا زم تكتمل جوانب الحضاره .... المصححين مش عايزين يصححوا الورق .... دا غير الورق إلي إتحرق .... و رئساء اللجان إلي بيأخروا الورق ...تلت ساعه نص ساعه أو يفرقوا بعد اللجنـه عشان الطلبة ميدخلوش على أهاليهم إديهم فاضيه ... ميصحش ... وبعد منسلم الورق بروح لمدرســـي الي مقلبني طول السنه ... مذكره و مذكرة مراجعه و حصه و حصه إضافيه ... أقلاقي المستر يا إما فلسع زي بتاع الفرنســاوي أو يا إما تنح قدام نوع الخليــه زي بتاع الكيميــاء او يا إما قاعد يفر المذكره على العصر العباسي التاني يا ترى هيلاقي العوامل المؤثره ولا هياخد بالــ ....ناس فاضيه ....وياحرام يا حرام يا حرام ...الأبهات و الأمهات كل إمتحان يقولوا سيبك من إلي فــات و خليك في إلي جي إلي إتكتب إتكتب ... وآآآآه علي إتكتب .... دا له العجب ... ويقتضي الإنصــاف .... انهم جايبين التفاضل و الجبر و الإنجليزي بتوع تانيه مفهومش أي صعوبه ... بس أكيد الدفعه بتاعة السنه الجاية هيتنفخوا فيهم ....يا رب إستر عليهم وعلى آهاليهم و ذويهم .... يا رب أعد علينا امتحانات منظمه كهذه أعواما عديده وأزمنة مديدة وكل الإمتحانات تيجي ظريفه زي الفرنساوي كده او تكون أصعب سنه عشان عنصر السهوله مش مطلوب اوي .... وفي الختــام أحب اقول إني لما بشوف ورقة الأســئلة ببقى نفسي أ ... أ ... أمسكها ققطعها و قلها انتي دمرتيلي الحيــاه ... طب أ...أ... قولوا معايا |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 06:22 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
