طرائف لجنة الامتحانات

goodgirl12 · #1 28-05-2009, 01:06 PM

ياريت كل واحد يحكيلنا عن المواقف اللي شفها في لجنة الامتحانات و يقولنا اللي زعلوا و اللي ضحكو يالا احكولناا

Its My Life · #2 28-05-2009, 05:27 PM

بالنسبالي انا عدي عليا يوم في تالته اعدادي ملهوش مسيل

بيتهيألي انا عمري مزعلت أد اليوم ده

نبدأ الحكايه

انا كنت جيبه في الترم الاول الدرجه النهائيه في الرياضه

وكنت معروفه اوي ان انا شطره في الرياضه

وكنت الوحيده الي جبت الدرجه النهائيه في المدرسه

بصرف النظر بقا عن الي حصل في مسابقه اوائل الطلبه علشان المدرسين اختاروني علشان الرياضه وخزلتهم جامد جدا ومعرفتش احل حاجه في الامتحان وكان منظري زباله

اما في يوم الامتحان بتاع اخر السنه كان اسهل بكتير جدا من امتحان الترم الاول

وكان المستر بتاعي متعشم فيا ان انا اجيب الدرجه النهائيه بردو

وعينك متشوف الا النور

في لجنه الامتحان قاعده باحل ومظبطه نفسي على الاخر

وبعدين اكتش ان انا كتبه نص الاجابه في الورقه تمام

والنص التاني كتباه بالمشقلب

طبعا ارتبكت جدا ومعرفتش اكمل الامتحان

وكمان المرقبين ماشاء الله كانوا ازكياء اوي

اخدوا مني الورقه وفضلت معاهم وقت كبير جدا بيحاولوا يعدلوها

ويفكوا الدبابيس بتاعه الورقه

وفي الاخر رجعوهالي زي مهي

طبعا اعصابي تعبت جدا وفضلت اعيط لما جالي جفاف

وغلطت اربع غلطلت في الامتحان

وعلى التهزيق الي اخدته من المدرس بتاعي

بس بعد معرف الحقيقه صالحني

ونقصت درجه واحده بس في الاخر اساسا معرفش ازاي

وبس كده

بس والله كان موقف وحش اوي

لان كان في ناس كتير متعشمين فيا

بس للاسف كان في ناس تنيه مكنتش بتتمنا ان يحصل غير كده

ياله ربنا يسامحهم

لسه في موقف تاني بس مضحك بس خليه مره تانيه بقى

Its My Life · #3 28-05-2009, 05:28 PM

من ساعتها وانا ضيعه في الرياضه لحد مكرهتها

goodgirl12 · #4 28-05-2009, 08:21 PM

هههه معلش يا ستي المهم النتيجة و اهو طرائف الامتحانات كلنا بنمر بيها و كل واحد و ظروفه طب انا افتكر مثلا المراقبة اللي دخلت علينا اللجنة و في ايدها ازازة مية و عمالة ترش جمبنا و كلنا سبنا الامتحان و ركزنا معاها و في الاخر سألنا عن الحكمة في رش المية على الارض قالت عشان تطري القعدة !!!!!!!!
و ياسلام بقى لما ورقك يبقى ناقص و عبال ميغيروه يبقى نص الوقت بيسلم على النص التاني و الامتحان على مشارف النهاية و لا اللي كل شوية تخش تقولك نصايح و تعليمات اللي ورقته ناقصة يقول و الا لجنة خاصة و اللي ورقته مقطوعه و الا لجنة خاصة مفيش شخبطة و الا لجنة خاصة مفيش تسطير بالجاف و الا لجنة خاصة الواحد يبقى قاعد حامل هم اللجنة الخاصة بدل الامتحان و ادي حال الدنيا و حال الثانوية الكوسوية التخويفية و تحية جمهورية مصر العربية