ارجو من كل واحد مساعدتى

ahmed_06000 · #1 15-05-2009, 07:35 AM

السلام عليكم ورحمة الله

انا فى اولى ثانوى

واخترت فرنساوى ماده تانيه وماشى فيه حلو

ينفع بعد ما اخلص السنه ديه فرنساوى عادى احول واخد

المانى لاننى خايف من الفرنساوى بالذات من تانيه ث

لان الالمانى معروف انه اسهل بكتيييييييير

والفرنساوى معروف انه فه تركات كتييير

فانا مش عايز اندم بعد كده

هل يمكننى انى احو المانى بعد اولى واذكره فى الاجازه؟

ارجو منكم ان ترشحوا لى انى اكمل فرنساوى ولا اخد المانى

soha fouad · #2 15-05-2009, 10:32 AM

بالنسبة انك تحول : اه ممكن تحول

بس اولى ثانوي اهميتها انك بتتأسس في اللغة وبتاخد فكرة عنها
وفي تانية تبدأ تذاكرها وتشتغل

لو انت عارف حد يمشي معاك في الالماني في الاجازة ويفهمك وتذاكر منهج اول تاني ممكن ده يساعدك

وربنا يسهلهالك ان شاء الله

Rien · #3 16-05-2009, 01:25 AM

اقتباس:

واخترت فرنساوى ماده تانيه وماشى فيه حلو

ف رأيى
بلاش تحول
انت خلاص بدأت ف لغة وتقريبا فهمت القواعد الاساسية كويس
وجمعت شوية كلمات والاساسيات اللى هاتكمل عليها ف تانية
وطالما ماشى فيه حلو
يبقى بلاش تشتت نفسك لمجرد انك خايف
اولا الفرنساوى سهل جدااا ومافيهوش اى تعقيد
ثانيا اى حاجة هاتدرسها هايكون فيها تريكات ممكن تخدعك ف الامتحان لو ماركزتش
يعنى الالمانى برضو ممكن تطلعلك فيه حاجات صعبة وتنقصك
وايه يضمنلك ان امتحان الالمانى ييجى اسهل من الفرنساوى اصلا ؟!
بصراحة انا ماعرفش حرف عن الالمانى
بس درست فرنساوى وكنت باحبه جداا
خلاصة الكلام
طالما بدأت ف حاجة كمل عليها
الموضوع هايبقى صعب اوى بجد لما تبدأ من اول وجديد
ليا اصحابى السنة اللى فاتت عملوا النظام ده
اخدوا فرنساوى ف اولى وف تانية حولوا ايطالى
وبجد درجاتهم كانت وحشة اوى بالرغم من انهم شاطرين
عشان ماقدروش يلموا المنهجين ف سنة واحدة
ممكن تصلى استخارة والوقت قدامك عشان تفكر براحتك
وربنا يوفقك

ahmed_06000 · #4 16-05-2009, 08:19 PM

اقتباس:

المشاركة الأصلية كتبت بواسطة عديها !!

ممكن تصلى استخارة والوقت قدامك عشان تفكر براحتك
وربنا يوفقك

شكرا بجد على النصيحه

انا فعلا فكرت فى كلامك فحسيت ان ملهاش لزمه بعد ده كل ده احول

لانى بجد صح انا فهمت الفرنساوى حلو اوى السنه ديه