محتاج مساعدة عن شكل امتحات المرحلة الثانية 2009

باسم باشا · #1 12-05-2009, 03:21 PM

بسم الله
طبعا الجدول نزل بمميزاته وعيوبه
وربنا يستر

الواحد طبعب بيذاكر ويحل على قد ما يقدر بس

الواحد لازم يكون متابع التصريحات والكلام

بس الكلام كتر قوي ومحدش عارف الصح من الغلط

ناس تقول الامتحان هيكون فى مستوى السنة اللى فات2008
وناس تقول هيكون اسهل

انا عايز اعرف الوزير قال ايه بالظبط
والامتان هيكون شكله اية
وكام نسبة الذكاء والتراكمي في الامتحان

عشان الواحد يبقى عال حسابه هيقل قد اية

ههههههه

وهل هيكون في اولمبياد وايه هي الامبياد اصلا وبتيجي منين

انا بذاكر من كلة والحمد لله
بس عايز اعرف هل الامتحان هيركز على كتاب الوزارة
ولا دليل التقويم عشان اتقال كلام كتير في كدا

وبزات في الفيزياء

ويريت الي يكتب اي حاجة يكون متاكد منها ولو من موقع اخباري يكتب اسمه

ويريت يكون مدرس من المدرسين الافاضل

Rien · #2 13-05-2009, 01:30 AM

اقتباس:

المشاركة الأصلية كتبت بواسطة باسم باشا

انا عايز اعرف الوزير قال ايه بالظبط

وهو الوزير السنة اللى فاتت لما قال الامتحانات مش هاتخرج عن مش عارف ايه
كان كلامه حقيقى ؟
بعدين لما تعرف دلوقتى الامتحان جاى سهل ولا صعب ولا من برا المنهج
هل قدامك حاجة تانية تعملها غير انك تعمل اللى عليك وتذاكر كويس ؟
كل اللى اقدر اقوله لحضرتك
اعمل افضل ما عندك
وقتها مهما حصل ف الامتحان هاتوصل للى عايزه
بس كدة
وبلاش تسمع كتير ف الكلام اللى مالوش لازمة ده
واللى 170% مش بيكون اكتر من كلام جرايد او اشاعات ناس فاضية

zalto · #3 13-05-2009, 08:32 AM

السلام عليكم و رحمه الله وبركاته و سلام الله ورحماته لنا جميعا..........في برنامج 90 دقيقه بتاع معتزالدمرداش استضاف الاستاذ عبد اللطيف الخبير في شئون الامتحانات الثانوية وقال ان الامتحان ان شاء الله هيكون من كتاب الوزاره و هيركز علي النقاط البارزه فيه

باسم باشا · #4 13-05-2009, 10:13 AM

الف شكر زالت ومس رحمة

بس كمان الموضوع مستمر

amrlover.com · #5 13-05-2009, 10:33 AM

يارب يكون الكلام ده صح يارب

Rien · #6 14-05-2009, 12:03 AM

اقتباس:

المشاركة الأصلية كتبت بواسطة zalto

السلام عليكم و رحمه الله وبركاته و سلام الله ورحماته لنا جميعا..........في برنامج 90 دقيقه بتاع معتزالدمرداش استضاف الاستاذ عبد اللطيف الخبير في شئون الامتحانات الثانوية وقال ان الامتحان ان شاء الله هيكون من كتاب الوزاره و هيركز علي النقاط البارزه فيه

ماكنتش عايزة اقول انى سمعت نفس الكلام ده بالحرف السنة اللى فاتت
عشان ماحدش يُحبط
بس هو ده اللى حصل
وكان نازل على لسان الوزير اعتقد