حد عنده طريقه اصحي بيها بدري

[amrlover.com]

انا بنام الساعه 3 وبصحي1الظهر انا بجد نفسي اصحي بدري الساعه 5 عشان ذاكر لان ده احسن وقت للمذاكره حتي لو بحط منبه فبرضه مش بصحي لاني بنام متاخر فحد يعرف طريقه انام بيها بدري ارجو الرد سريعا شكرا

[أيمن الوزير]

عزيزي

إن النوم متأخرا والاستيقاظ أيضا متأخرا عادات سيئة وقد لازمتني فترات طويلة

ولكني أحمد الله أنني تخلصت منهما

والحل كي تتخلص من تلك العادة المملة

1- أن تكون صاحب إرادة ولست مجرد إنسان يسيطر عليه هواه فعليك أن تقول لنفسك : سأنام مبكرا وتحدد موعدا تنام فيه ثم تبدأ في التنفيذ مسيطرا علي هواك
2- ولكن تبدأ تدريجيا . فالعادات التي تعودنا عليها ليس من السهولة تغيرها ولكن أيضا ليس من المستحيل بل من الممكن عن طريق التدريب وتعويد النفس – إذا كانت نفسا قوية وليست هوائية - ( فقد كنت تنام في الثالثة حاول أن تنام في الواحدة لمدة معينة ولتكن أسبوع ثم الثانية عشرة ) بالتدريب والتعويد وقهر النفس
3- ابدأ نفذ لا تسوف ولا تؤجل فطلبك في مساعدة يدل علي رغبتك ولكن تأجيلك قد يدل علي ضعف شخصيتك وقلة إرادتك نعم قد تجد صعوبات في البداية ولكن من قال أن الطفل يجري بمجرد أن يولد
4- أسأل نفسك : أيهما أفضل ثم نفذ بعمل الأفضل الذي اختاره عقلك ولا تتبع هواك فيضلك
ولكن سأسأل نفسي معك أيهما أفضل

استيقظ مبكرا فأشعر ببركة اليوم وأن اليوم طووووووووووويل وأمامي وقت كافي لإنجاز كل ما هو مطلوب مني مذاكرة , ترويح عن النفس , إنجاز عمل والله حيث أثبت أن ساعة الصبح كلها نشاط وحيوية وأنها تعادل أكثر من ثلاث ساعات في المساء وجرب
كما أن نوم النهار حتي الظهر مضر بدليل أن الإنسان يستيقظ ظهرا فيشعر أن اليوم مر خيره بل يستيقظ محبطا ونوم ساعة بالليل تعادل ساعات بالنهار يستريح فيها الجسد أكثر (وجعلنا النوم ثباتا ) لقد جربت الحالتين وفي التبكير كل الخير ووالله لو جربت ستنسي أن هناك مصطلح اسمه ( الهم والحزن ) بل ستشعر بسعادة بالغة وجرب

وأخيرا إذا كنت تصدق بأن النوم مبكرا والاستيقاظ مبكرا عادة سليمة فلماذا تصر علي العادة السيئة
ابدأ .... كن صاحب هدف ........ حاول تحقيق هدفك وحلمك كي تصل ......... ولكن بالتدريج ......... إذا كنت صاحب إرادة ....... فإن سيطرت عليك نفسك ........... فحاول مرارا وتكرارا ............. فالنفس تتعود مع التدريب والترويض
وصدق الشاعر
والنفس كالطفل إن تهمله شب علي حب الرضاع وإن تفطمه ينفطم

ولأني أحبك كتبت لك

[amrlover.com]

شكرا يابرنس بس انا جربت كتير انام قبل كده بس فشلت انا نفسي ف طريقه اضبط بيها الساعه البيولوجيه بتاعتي

[أيمن الوزير]

ساعتك البيولوجية التي تتحدث عنها داخل عقلك ولكنك أنت الذي ترفض الخير لنفسك

[amrlover.com]

انا بجد نفسي اضبطها بس بطريقه تنفع معايا

[Nona 3la ToOol]

بص ياعمرو انت دلوقتى بتنام من الساعة 3 لحد 1 الظهر يعنى تقريبا 10 ساعات تقريبا فانت ساعتك البيولو جية دلوقتىخدت على انك تنام 10 ساعات حاول تنام النهاردة الساعة 1مثلا او 2 ياسيدى هتلاقى نفسك نمت 10 ساعات وقمت لوحدك الساعة 11 او 12 وابدا تدريجيا انك تقلل من باليل وتحاول تصحى بدرى لان الصبح بيبقى اكتر فترة المخ يقدر فيهاانة يستوعب كمية من المعلومات كويسة لو انت بتذاكر او ثانوية عامة وحاول كمان انك بعد ماتوصل للمعاد اللى انت نفسك تصحى فية تقلل تدريجيا من عدد ساعات نومك لان النوم الصح بيبقى غالبا 7 او 8 ساعات بس فانت علشان كدة كتير من الاوقات تلاقى نفسك بعد ماصحيت من النوم مصدع او محتاج تستريح شوية قبل ماتبدى مذاكرة
وربنا معاك ياجميل ويارب اكون قدرت افيدك بحاجة

[amrlover.com]

الف شكر ليكي بس انا مش بيجلي نوم ع الساعه واحده

[soha fouad]

بص لو عندك اخوات رخمين خليهم يجربوا معاك ده
1- انا عندي قوة جاذبة للنوم فظيعة بلزق في السرير ومش بقدر اقوم من النوم
وعشان اقوم ازاكر بخلي اخواتي يفتحوا النور مثلا يعملوا دوشة يزعقوا جنب ودني وكانت ممكن توصل لحد المية الساقعة

2-ولو انت بتشرب قهوة او شاي وكده يعني حاول تبطلها عشان تحس انك عايز تنام وتدخل تنام

بس الحل الاول جامد طحن
والمنبه خلاص عادة وبطلت دلوقتي احنا في عصر الرخامة

وابقي ادعيلي يا برنس

[master666666]

بص انا كنت بعمل خلطة سحرية جامده كانت بتخليني اطبق لليوم الي بعده


ممكن اقولهالك علي الخاص

[amrlover.com]

اوكي ابعتهالي بسرعه يامعلم