|
||||||
| أرشيف المنتدي هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
05-05-2009, 10:45 PM
|
||||
|
||||
كفاياكم تخلف يا أولياء الأمور .. كفياك تخلف يا مجتمع ميت
السلام عليكم ورحمة الله وبركاته
فعلاً حرام اللي بيحصل .. لما أب لولد في أولي ثانوي وبنت في أولي ابتدائي يموت بسبب إهمال دكتور تخدير متخلف يبقي فعلاً حرام لكن في نفس الوقت مبلومش الدوكتور المتخلف ده هو متخلف خلاص وعرفنا انا بلوم أهله اللي أكيد فيهم نفس الحاسة اللي عنده مش فاهم أنا ليه كل ولي أمر يشرط علي ابنه او بنته يبقوا دكتور ومهندس أنا مش فاهم يعني ايه وجهه النظر المتخلفة تماما دي ( ياريت لفظة متخلفة تتفهم زي ما هيا لانها مش ذم دي حقيقة ومعني ) مش فاهم يعني ايه دكتور ويعني ايه مهندس عمالين كل يوم تطلعولنا واحد فاشل يلعب في أرواح الناس ويكون سبب في *** ناس بريئة بإهمالة وتعملولنا مهنددس يبني كباري بتقع وعماير بتقع علي دمغة اصحابها حرام اللي بتعملوه في المجتمع ده والله .. وربي ما حد أخر المجتمع ده غيركم أوعوا تكونوا فاكرين إن الشباب هايف كدا من الباب للطق .. كل إناء ينضح بما فيه ده كلام الناس العاقلين إن لو الشاب هايف يبقي أكيد طالع من بيت متسيب بيت مفيهوش حاكم ومفيهوش حد عنده المعرفة بتربية الأولاد لو الشاب طلع متخلف ومبيفكرش غير في البنات فمن جهلكم وتخاذلكم في تربيتهم انتوا السبب في تخلف المجتمع كله .. وعشان ابقي عادل والغضب مش مسيطر عليا كلياً فإنتوا غلطانين بنسبة 80 % لانكم اللي بانيين الجيل الحالي أصلا .. أكيد مفيش واحد بيبني بيت معوج ومش واخد بالو منه وهوا بيبنيه ويتفاجئ لما البيت يطلع مايل ف الآخر .. لاء لازم يطلع مايل عشان اللي بانيه مش معدول أصلا ً حرام عليكم .. علموا أولادكم صح .. كام فاشل اتولد وكام ضحية اتفنت بسببكم .. كان فيه ناس ممكن تبقي أدباء وعباقرة وفشلت في حياتها كلها بسبب تحكمكم في مستقبلهم علموهم إزاي يختاروا مش تختارولهم .. علموهم الأصل وهما يتفرعوا مع نفسهم مش عارف البلد دي استحملها علي إيه .. الواحد كان بيقول حكومة مش كويسة والشعب غلبان وكويس دلوقتي هيقول إيه ؟ حسبي الله ونعم الوكيل ربنا يهدينا جميعاً وربنا يصبر أهل الميت ويحمي بنته اللي محدش عارف ممكن بعد موت والدها يحصلها إيه والظروف تأثر عليها إزاي ومحدش عارف الولد ده مين هيحتضنه ويحاول يبني شخصيته صح ربنا يرحمه ويرحمنا
__________________
استعيدي نفسي مني إنني قدْ تُُــهتُ فـــىّ .. إنْ جَرحَتُكْ .... إعْفِ عنى واهْرَبي مني ... إلىّ !  |
|
#2
05-05-2009, 10:59 PM
|
||||
|
||||
|
فعلا والله حرام اللى بيحصل ده
بس الكلام مش ينطبق على الكل فى دكترة ذى الجزارين بالضبط بعمله المريض كأنه بهمية وفى دكترة عارفين ازاى يعملو المريض وبيعملو كل جهدهم علشان يعلجوه والباقى لله عز وجل وبالنسبة لامل اولياء الامور فى اولادهم فده بسبب انهم عايزين ولادهم احسن من غيرهم علشان الطب هو اعلى حاجة يكن الواحد يوصله لكن فى النهاية كل واحد ليه أمل فى الدنيا ممكن يكون الواحد نفسه يبقى دكتور بس حابب المجال مش مجرد منظرة واشكرك على الموضوع ورحم الله كل من مات بسبب دكتور فاشل او تحت انقاض مبنى لمهندس لا يراعى ربه فمأواهم النار وبئس المصير
__________________
 يامتلقح جوا قلبى وقلبى مش متين من حلاوتك جانى اسكر ادينى انسولين :D :D
|
|
#3
05-05-2009, 11:20 PM
|
||||
|
||||
|
مع احترامي للجميع بس احياناً بيبقى في سطحية في التفكير لبعض اولياء الأمور
بيبصوا لنفسهم مش لابنهم عشان يتفاخر قدام الناس بابنه دخل كلية الطب ولا صيدلة ومش مشكلة يفشل فيها كان ليا 2 زمايلي واحد كان داخل طب والتاني كان نفسه يخش هندسة بس والده عايزله طب عشان هو في طب الاتنين كانوا معادلة لحسن الحظ إنه الاولاني كان مجموعه اكبر ودخل طب من طلاب المعادلة والتاني ملحقش وراه طبعاً هو كان كاتب هندسة ووالده حطله قبلها طب بالغصب (في التنسيق) بس الحمد لله بقى بالاكراه مفيش غير هندسة وهو معايا دلوقتي تخيل انت نفسيتك حتبقى ايه لما تحس نفسك في مكان غير مكانك ما ياما ناس دكاترة ملهومش اسم وناس تانية دبلومات ومعاهد ومش ليهم اسم ده ليهم عمارات اللى بيحدد تجاهه ويدخله بينجح فيه وبيعمل وبينجز فيه كتير لكن نقول لمين
__________________
It was over 3 years since my last visit  |
|
#4
06-05-2009, 12:01 AM
|
||||
|
||||
|
موضوعك جامد يا احمد
اهمال + تسيب = ضياع هى دى المعادلة اللى اتحققت اب يتحكم فى مصير ابنه عايز يدخله طب غصب عنه او هندسة غصب عنه طبعا الولد بيدخل غصب عنهويذاكر ويعدى بس من غير حب للكلية ولا للمهنة يخرج ويتعين ويتحكم فى ارواح ناس والنتيجة زى محنا شوفنا موت وخراب ديار المشكلة مش فى الاهل بس المشكلة ليها كتر من فرع اهل وولد وراى وتنفسذ المفروض الانسان ميدخلش حاجة غصب عنه لان النتيجة زى محنا شايفين دا اسمه غباء ينم عن غباء ربنا يهدى الناس شكرا على الموضوع دمتم فى رعاية الله
__________________
 ......استودعكم الله الذى لاتضيع ودائعه.... ....closed 4 ever
|
|
#5
06-05-2009, 12:04 AM
|
||||
|
||||
|
اولا السلام عليكم
موضوعك حلو قوى يا احمد وكبير جدا لابعد الحدود انا عاوز اكلم فية كتير قوى بس مش هقدر اقول كل الى عندى فى رد واحد فهاجى تانى ان شاء الله بسم الله نبدا الاجبار مرفوض تمام وخصوصا فى حاجتين مينفعش يتم الاجبار عليهم ابدا لو تم الاجبار عليهم عمرهم ما ينجحو مهما حصل الحاجة الاولى الجواز والحاجة التانية الكلية بمعنى ان الاجبار فى الحاجتين دول بياثر فى شخصية الابن ومبيبقاش لة شخصية نهائى حتى لو ان الابن بييبقى عاوز يعتمد على نفسة والاستقلالية بنفسة يبقى معاة نقيضة وهوة الاباء الى مش عاطينة فرصة للتفكر وحتى لو فكر تفكيرة بيبقى فى الفاضى الراى الى بيتنفذ هوة راى الاب وغير كدة هوة الاب مش عارف ان ممكن ابنة يسقط نفسة عندا معاة ؟؟ اة طبعا ممكن وحصلت وكل واحد فى سن مراهقة لة طريقة فى الانتقام يبقى الاجبار لا يصح ابدا طيب لو اتكلمنا بنظرة الاهل ( الاب والام ) كل اب وكل ام عاوزين اولادهم احسن من اى حد واحسن منهم نفسة ويبقو اكتر نجاح وتفوق وازدهار فى حياتة بس المشكلة عند الاهل ازاى يبقو كدة ؟؟ فكل اب وكل ام يفكر ويخطط ويتكتك لابنة وينسى او يطنش تفكير الابن او تخطيطة لمستقبلة مع العلم ان لازم ان الشاب يعيش زى ما هوة مخطط لنفسة ومحدد طريق نفسة مش زى ماحدد مخطط لة بس بردة مش نسيبة على حل شعرة زى ما بيقولو لا الاهل يقفو جمبة بس مش بالاجبار بالارشاد والنصح والتوجية من الاب والام والاهل بصفة عامة فيها اية لو شفناهما تفكير الابن فى الموضوع دة ازاى وتفكير الاهل ازاى ونحطهم جمب بعض ونقارنهم ببعض نعرض ايجابيات كل فكرة لواحدها وسلبيات كل فكرة لواحدها ونشوف الاصح وناخدها ولو الابن متمسك بفكرته حتى لو غلط منجبروش انة يبعد عنها ابدا نسيبة يكمل بس هوة يتحمل مسئولية نفسة هوة معتش صغير احنا بنكلم على الشباب كل دة سببة ان الاهل فكرة كليات القمة لسة فى دماغهم يعنى طب وصيدلة وهندسة دى كليات قمة وطبعا دا غلط مفيش كلية اسمها قمة والتانية لا كل الكليات قمة فى مجالها بس ازاى نشيل الفكرة دى من تفكير الاهل نشيلها بسهولة جدا بس نبدا بنفسنا الاولونشيل من تفكيرنا احنا كشباب ان فية حاجة اسمها كليات قمة وكليات مش قمة ولو بدانا بنفسنا وكل واحد عرف الصح من الغلط المجتمع هيبقى كلة صح راجع تانى بكرة بعد الكلية يابو حميد ان شاء الله وربنا يرحم الميت ويصبر اهلة امين يارب العالمين شكرا على الموضوع يابو حميد جزاك الله خيرا واسف على الاطالة فى رعاية الله
__________________
لا اله الا الله ... محمد رسول الله
|
|
#7
06-05-2009, 07:43 AM
|
||||
|
||||
|
حسيت وانا بقرا الموضوع ان حضرتك هاين عليك تضرب اولياء الامور بالموضوع
 (مقدرش اقول تضربهم بحاجة تانية) .. المهم مشكلة الاباء والامهات انهم بيقولوا جملة واحدة عاوزين يحققوا اللى معرفوش يحققوا فيهم ..يحققوه ف اولادهم يعنى هما مدخلوش كليات القمة يبقى اولادهم يدخلوها مش عاوزين ولادهم يدخلوا تبع الميول اللى هما عاوزينه لا تبع ميول الاباء هو اللى بيحصل الموضوع ده شفته ف ناس كتيير ..حكايات كتير سمعتها ف المترو ف النت .. ومن اصحابى ف المدسرة شفتها ولمستها طب وميولنا احنا راح فين  محدش فكر منهم ان بسبب حبنا مثلا لمجال معين ممكن اننا نتفوق فيه وبكده هنحققلهم برضوا اللى هما كانوا عاوزينه كل اب وام عاوزين ابنهم او بنتهم ف حاجة من تلاتة ياطب ..ياصيدلة ..ياهندسة نادر لما يكون ف حاجة رابعة علشان يكون اسمه بشمهندس او دوك/ طب ماهو انا ممكن ادخل اداب ..حقوق..تجارة واخلص بتقدير واعمل رسالة وهيبقى نفس المسمى (دوك) مع اختلاف الوظيفة وهما يهمهم المسمى .. مش الوظيفة ..يبقى حق***هم هدفهم  يمكن اللى بيحصل ده بسبب انهم بيقولوا او بيطبقوا اكبر منك بيوم ..يعرف عنك بقرن مش بيسمعوا وجهات نظرنا..فاكرينا شباب تافه وصغير مش مسئول شباب نت واغانى وخلصت ..وحتى لو جوانا هدف هيتدمر بسبب انهم لمسوا ف بعض الشباب كده(التسيب)  تعتبر معادلة مش متزنة بس ف بعض الاسر المصرية بيكون ف اتزان ربنا يهدى الجميع شكرا ع الموضوع
__________________
 عجبتني كلمة من كلام الورق .. النور شرق من بين حروفها و برق حبيت أشيلها ف قلبي .. قالت حرام ده أنا كل قلب دخلت فيه اتحرق
|
|
#8
06-05-2009, 09:15 AM
|
||||
|
||||
|
اممممممم انا شايفه ان حضرتك متبنى اتجاه تفكير و بانى عليه كل النظريه بمعنى ان حضرتك بتقول ان سبب ان دوك التخدير عمل كده انه اتجبر فى الاساس على انه يدخل طب عشان كده حصل اللى حصل بس فيه مليون سبب تانى ممكن يخلوا الدوك ده فاشل بعد ما دخل الكليه عن حب شوفت ناس كتير داخلين عن حب و و الله بعد الترم الاول من سنه اولى و هما بيقولوا نحول صيدله طبعا مش بيتكلموا بجد عشان مش تقول غلطه اباءهم انهم مش حولوهم لما عرفوا انهم مش حابين الكليه انا قصدى هنا انهم فعلا كرهوها او ممكن حتى يكون السبب انه غلط لكل عالم هفوه و لكل جواد كبوه عادى يعنى و خصوصا فى مجال الطب ان الانسان فى بدايه حياته يغلط ز بيقولوا عليها غلطه مهنيه غير مقصوده ده طبعا مش بيسبب ان انسان يضيع حياه انسان بس زى ما بيقولوا كده مخاطر المهنه لو دخلنا بقى فى الموضوع بتاع حضرتك و هو اقتباس:
اممممممم
اها انا اكيد مع حضرتك فى حته ان فى ناس كتير بدخل اولادها غصب عنها الكليه عشان المنظر و مش عارفه ايه بس صراحه انا شايفه ان الانسان نفسه اللى بيقبل كده يبقى ضعيف الشخصيه و اى حد ممكن يقول لاء مش عايز و انا شوفتها عندنا اكتر من مره و بمجاميع تدخل طب مستريح بس قالوا لاء عايزين حاسبات فايدتها ايه انى اروح اقولهم اها موافق و انا من جوايا مكبوت و مش عايز و اول ما اطلع من البيت اسمع كل اللى يعرفنى و اللى مش يعرفنى قصيده جعلونى مجرما مش منطق انت اللى قبلت تبقى خلاص حب ما تعمل حتى تعمل ما تحب دخلت طب و انت مش حاببها حاول تحب المجال العملى فيها عشان هو ممتع فعلا و بالاضافه خلى ليك جوانب تانيه و محدش حيمانع مادام انت حققت اللى هما عايزينه منك فى البدايه اللى بتكلم عليه بملخص ان صحيح اولياء الامور غلط و بيعملوا حاجات كتير بدافع الحب و اننا اغلى حاجه عليهم بس ده مش يمنع اننا بردو غلط و ملوش اى لازمه او فايده اننا نقول هما غلط و هما و هما و نشيل اى لوم من على نفسنا و الله اللى عايز بيبقى بيبقى و اللى فعلا مؤمن بنفسه بيسيب اى حاجه عشانها كتير اوى سابوا الطب عشان الادب و بقوا اعلام اساسا و كتير اشتغلوا بالاتنين مع بعض يعنى مفيش انه اجبر على حاجه يبقى خلاص زى مثلا اللى فاكراهم من المحاضره دى الأديب الروسي انطون تشيخون الدكتور مصطفى محمود الدكتور يوسف ادريس و الدكتور العبقرى اللامع العلامه احمد خالد توفيق ملخص الكلام بتاعى ان فيه اسباب كتيره غير انه كان مش بيحب الطب عشان كده حصل اللى حصل و ان الانسان عنده القدره على رفض الاجبار و مع الاصرار على الرفض و تحمل مسئوليه القرار محدش حيقدر يعمله حاجه انه لو حصل الاجبار و وقع الفاس فى الراس لسه حياته فى ايده مش راحت يعنى ممكن يحاول يحب اللى فى ايده مع عمل حاجات تانى ممكن يبدع فيها اكتر فاولياء الامور مش عليهم كل الغلط و حتى لو عليهم جزء ممكن نلتمسلهم العذر موضوع جميل تعبنى فى الكتابه حتى و انا اساسا المفروض مش ادخل كويس بقالك سنه الا شهرين مش حطيت مواضيع هنا عودا حميدا فى رعايه الله
__________________
 In God's care HaPpiLy eVeR aFtEr |
|
#9
06-05-2009, 11:40 AM
|
||||
|
||||
|
والله موضوعك في غاية الاهمية لانه تقريبا يمس كل البيوت المصرية وانا بصفتي في اولي ثانوي ودخله علي الثانوية العامة فانا برضه بعاني من الموضوع ده يعني الكل عندي رافض اني ابقي مهندسة " بحجة ان الهندسة مش حلوة للبنات " بصرف النظر عن ميولي انا ايه ........ طبعا دي حاجة غريبة انه يكون الرفض طموح لكلية هندسة قمة زي ما بيقولوا يغني في الي عايزني اخش طب والي عايزني ادخل سياسة و اقتصاد
المهم الخلاصة تكمن في شخصية الانسان لو هو اصر علي شئ باذن الله حينفذه غصب عن اي حد " مع احترامي الكامل لجميع اولياء الامور" وربنا يرحم موتانا المفروض ان هذا الدكتور يحرم من مزاولة المهنة وشكراااا |
|
#10
06-05-2009, 06:16 PM
|
||||
|
||||
|
السلام عليكم
انا برده هقول رايى لانى برده تقريبا كان اهلى نفس النظام بصراحة انا بعد اولى ثانوى كنت عايزة ادخل كلية ادبية وخاصة انى كنت مقفلة التاريخ والفلسفة وانا اصلا من النوع السريع فالحفظ جدا بس ماما مكنتش راضية ابدا واصلا انا كنت بقول يعنى كده بس مترددة فالقرار بس بعد ما دخلت تانية وجبت مجموع عالى حسيت ان هو ده فعلا الخير ليا وحبيت واتمنيت جدا انى ادخل صيدلة والحمد لله دخلتها وبحب دراستى وكليتى وكل حاجة فالكلية ربنا يوفقنا جميعا ونقدر نخدم الناس بعلمنا فى رعاية الله
__________________
قال تعالى(يايها الذين ءامنوا اتقوا الله وكونوا مع الصادقين) وفى الختام ،،،،نترككم فى رعاية الله وأمنه والسلام عليكم ورحمة الله وبركاته
 |
|
#11
07-05-2009, 04:40 PM
|
||||
|
||||
|
بسم الله
السلام عليكم هو بعيدا عن الاباء عاوزين اولادهم يحققوا اللي هما فشلو في تحقيقه ممكن يكونو الاباء دول وبردو بسبب التخلف علمو اولادهم انو من البر انك تنفذ كل اللي بابا وماما يقولولك عليه يعني ما تقولش لا ابدا ما تفكرش عشان ما تقولش لا اللي نقولك عليه هو الصح وهو الاساس فكل واحد يقول لابنه يدخل الحاجة اللي الواحد ده بيحبها انا بحب الطب هاقول لابني ادخل طب بعيدا عن رغبته هو اللي اصلا مابقاش يعرف يكونها انا بحب الهندسة اقول لابني لازم تبقى مهندس وهكذا يعني ممكن تكون عائلة محترمة جدا لكن عندهم حتة تخلف كده وممكن تكون عائلة هايفة جدا فيطلع الولد هايف وعاوز يبقى دكتور عشان المنظر واللقب والبت اللي عينه منها وطبعا ده كله كوم الكلية كوم تاني خالص يعني الواحد فاهم ان ((بالنسبة للطب يعني)) الكلية دي حبة كتب هاتقراهم وتراجع قبل الامتحان بساعتين وتخش تحط الكلمتين وتطلع بامتياز بيتصدمو لما يدخلو ويشوفو الحلاوة اللي فيها وده كوم بردو وذمة اساتذة الجامعة والغش والشاي بالياسمين والوظايف كوم تاني خاااااااااااالص موضوعك رائع يا احمد وربنا يهدينا ويغفرلنا
__________________
لما تشوفو مشاركاتي ادعولي بالهداية والثبات ان كنت حية وبالمغفرة ان كنت ميتة أستودعكم الله الذي لا تضيع ودائعه
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 10:52 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
