دور تناحة

[JuMpO]

<div align="center">التناحة ...لو اتكلمنا عنها
(التناحة)
اللى هانتكلم عليها هى دور كده زى دور الانفلونزا او دور الكحة مثلا يعنى مش هانتكلم عن شخص تنح اصلا
بص معايا كده لو فى يوم مثلا كان معاك محاضرة ودور التانحة قايم معاك متقليش انك هاتنام ومش هاتنزل لا نفسك تشوف الناس والشارع وانت متنح كده تخايل معايا كده الاول قمت علشان تلبس هدومك وملكش نفس لاى طقم عندك وقلت هاتلبس ده وخلاص وفجاءة حسيت انك عايز تنزل الجامعة بالشبشب اهيهه هى حات كدة معاك .......يا تره هاتعمل ايه انا عن نفسى مقدرتش خالص مع انى مرة عملتها ونزلت الشارع بالشبشب واتمشيت كمان
خد دى كمان وانت عندك دور التناحة العالى ده وماشى فى الشارع وقابلت واحد صديقك جدا جدا بس مش نفسك تسلم عليه اصلى لسه هاتقلة ازيك وعامل ايه وهولسه هايحكى شوية وانت والله مش عايز مش عارف اهوه كده ......هى كده وفى نفس الوقت ده لقيت واحد تانى فى الشارع واحد متعرفهوش بس نفسك تسلم عليه تاخده بالحضن مثلا .....برضة هى جات معاك كده
مرة تالته وانت طبعا عندك دور التناحة ده فى المحاضرة ولسوء الحظ الحظ بتاعك قاعد فى البنش الاول يعنى فى وش الدكتور مصيبه مش كده هاتقلى مصيبه لية اقولك مصيبه ليه دلوقتى انت قاعد والدكتور بيتكلم فى موضوع مهم جدا ونوه انه ممكن يبقى الامتحان وانت منسجم معاه والله والمدرج هس هس والعيال كلها منتبها بس بعض منهم يعنى مش قوى وفجاة جت على بالك نكته او موقف ضحكك قوى ونفسك تضحك نفسك بصوت عالى تققه بس مش قادر هاتحس بالحرمان وهاتصعب عليك نفسك قوى والله انت فاهم ومقدر الموضوع ومش مهمل فى الدراسه بس هى طلبت كده متقليش تستاذن لان منظرك هايبقى وحش قوى وانت خارج كده مع نفسك
و دور التناحة برضه معاك ومش راضى يسيبك
وباباك بينادى عليك وانت مش عاوز ترد مش لانك ولد قليا الادب لا سمح الله بس اهوهه كده مش عاوز ترد ومش عايز تعمل نفسك نايم ولا هاتقول لمامتك لما تقلك انت مش سامع بابا وهو بينادى انك مش سامع ...... أنت مش عاوز ترد
ولما تكون مثلا قاعد مع صحابك وبتتناقش معاهم فى موضوع مهم والله والكل مركز ومنتبه وبعض الناس تلاقيها ثارت على بعض واتكلموا بصوت عالى وانت اللى فتحت الموضوع .......نسيت الموضوع كان ايه والله انت نسيت فعلا مش بتهزر ولا بتستهبل ......وانت مش سرحت بس اهوه هو كده جات معاك الحكايا كده .......مش عارف
لما مثلا تكون ماشى وفجاءة حسيت انك عاوز تقف هنا كده من غير اى سبب اهوه كده ولا نفسك تقعد فى الارض .
عارف لما تكون نفسك تعمل حاجة مش تعمل حاجة كده مهمة والناس كلها تعرفها بس
نفسك تعمل حاجة وخلاص
عارف لما تحس انك عاوز تبكى بصوت عالى بصوت عالى عالى عالى وتعمل زى الاطفال كده
برض هى طلبت معاك كده عارفين انا نفسى ابكى قوى</div>

[رفعت فوزى]

هههههههههههههههههههههههههههههههه
بجد موضوع جميل جدا
انا اصلى كنت اعرف واحد تنح
ههههههه