قرار نهائي : مسلم ولا كافر

[BaNZeR]

أركان الإسلام خمسة

شهادة الا إله إلا الله وأن محمداً رسول الله
الصلاة الصوم الزكاة الحج

اعتقد الكلام ده كنا بناخده كلنا في اولى ابتدائي او أقل

سيبك من الحتة ده دلوقتي

باسلوب طفولي :
تقدر تحل مسائل الرياضيات بدون ما تفهم القاعدة او القانون ؟
اكيد لأ
حتفضل تحل كل المسائل وتخلص الواجب حيبقى صح ؟
اكيد لأ عشان مفهمتش القاعدة او الأساس من الأول

باسلوب هندسي
لما بتيجي تبني عمارة
حتقدر تحط الطوب والاسمنت قبل ما تأسس الحديد والخرسان ؟؟؟
أكيد لأ
طيب افرض بنيت على طول بالطوب والاسمنت وعملت عشرين دور
مع مرور عشرين يوم حتيجي عربية تخبط في المبنى تلاقيه اتقلب الناحية التانية
ليه ؟
عشان محتطش الأساس


باسلوب طبي
لو جالك عيان من قبل ما تسأله عندك ايه حتديه الدواء ؟
أكيد لأ
طيب وايه اللى حيحصل لو عطيته أي دوا مش حيخف ؟
طب انا مكشفتش عليه في الاول عشان اعرف أساساً المرض عنده ايه

باسلوب أدبي
هل تقدر إنك تكتب موضوع او مقال بدون ما تحط هدفك او هدف الموضوع ؟؟
أكيد لأ
طيب وافرض اطلقت خيالك وفضلت تكتب في أي حاجة
حتلاقي نفسك بتكتب عالفاضي وحتقف في النص ومش عارف ترجع لأصل الموضوع
لإنك محتطش الاساس اللى حتمشي عليه

باسلوب ديني
هل تقدر تبقى مسلم بدون ما تمر بالشهادة بالله وأن محمد رسول الله ؟؟
أكيد لأ
طيب لو صليت وصمت وزكيت وحجيت حكون اسلمت ؟؟
برده لأ
طب ليه ؟؟
اصلك سبت الاساس

*********************************
انا مش قلت في البداية اركان الاسلام خمسة واولهم الشهادة

الركن الأول في الاسلام ما ابسطه وما أهمه
جعله الأصل اول اركان الاسلام
والشهادة واضحة والاعتراف بالله ورسوله صريح
يبقى متقوليش اسيب الاساس واعتبر نفسي مسلم


حتقدر تقول عالشيعي مسلم وبيصلي وبيصوم وبيحج قبل ما يكون بينطق الشهادة كاملة ؟؟؟

هو ده هدف موضوعي

الكلام جالي بعد ما قريت الموضوع
http://www.thanwya.com/vb/showthread.php?t=116579


كان في الأول واحنا في اعدادي واصحابي بيتكلمو
كل واحد فينا لازم يفتي وخلاص
نصنا يقول الشيعة مسلمين والتانيين يقولو لأ الشيعة مينفعش يكونو مسلمين
وانا من اللى كان بيقول حرام نكفر حد اهم في الآخر مسلمين
كنت بقول

دلوقتي انت يا سني (بتكلم على ناس شفتهم في الموضوع المذكور)
أولاً انت مش سني
انت مسلم زي ما انا مسلم
لأنه الاسلام واضح وهو صنف واحد مش صنفين و لا تلاتة

ثانياً والكلام كان كتير ووضح اهداف الشيعة التي تسيء لكلمة الاسلام والمسملين

ثالثاً ما سبب تمسكك بهؤلاء وتعاطفك معهم لأنهم مجرد يصلون
هل صلاتهم نافعة ؟؟
قبل ما ترد تذكر إنك بتقرأ قرآن في البداية والقرآن آياته تعظم من مكانة الرسول
وفي التشهد بتقول الشهادة ؟؟
هل هما بيقولوها ؟؟
في الحالتين حيبقوا بيخالفوا نفسهم


انا مش مفتي ولا انا عالم ولا حتى سياسي ولا افهم ولا اعرف عن الشيعة غير الكلمتين اللى قريتهم في الموضوع السابق

عشان كده انا مش ححط ردي او رأيي وسأترك لكم الكلام

انا بس حطيت وجهة نظري وقلت اعرضهالكم


متنسوش إنهم قالوا
جبريل خاين ونزل الرسالة على محمد بدلاً من علي
متنسوش إنه علي كان عنده وقتها (حسب ما فاكر) 7 سنين
يعني المفروض النبي بتاعنا كان يبقى عنده 7 سنين لما شال الدعوة

كله منه جبريل الوحش
وإذا فسد القائد فسد الجيش
وإذا كان الروح الأمين مش أمين يبقى الملايكة مش محل ثقة
يبقى كده بنخالف آيات كتير من كلام ربنا

ويبقى ربنا - وحاشا لله - مش قادر يجيب ملايكة محل ثقة

اللى يقدر يرد عالكلام ده او معتبره عادي يتفضل يدافع عن الشيعة

ومنتظر آرائكم

[هانى الشرقاوى]

بداية يا اخى انا أعلن اختلافى معاكى فى الموضوع ده
ومن صيغتك الساخرة وتهكمك الواضح من سياق الموضوع
الحقيقة هو الموضوع كبير وطويل جدا أكثر مما تتخيل ولذا أنا أفضل حاليا النقاش فى التلت نقط دى وبعدها نشوف الموضوع وصل لحد فين.........

يا أخى ليس من حق المسلم أن يحكم على أحد بالكفر
1- إن أسلوب الحوار في القرآن يمنع ذلك يقول تعالى يعلمنا كيف نتحاور مع الآخرين " قُلْ مَنْ يَرْزُقُكُمْ مِنَ السَّمَاوَاتِ وَالْأَرْضِ قُلِ اللَّهُ وَإِنَّا أَوْ إِيَّاكُمْ لَعَلَى هُدًى أَوْ فِي ضَلَالٍ مُبِينٍ (24) قُلْ لَا تُسْأَلُونَ عَمَّا أَجْرَمْنَا وَلَا نُسْأَلُ عَمَّا تَعْمَلُونَ (25) قُلْ يَجْمَعُ بَيْنَنَا رَبُّنَا ثُمَّ يَفْتَحُ بَيْنَنَا بِالْحَقِّ وَهُوَ الْفَتَّاحُ الْعَلِيمُ : سبأ 24 : 26 ". فالمسلم لا يعطي لنفسه القرار المطلق بأنه على حق وفي نفس الوقت لا يتهم خصمه على طول الخط بأنه على الباطل وإنما يقول : واحد منا على الحق والآخر على الضلال : " وَإِنَّا أَوْ إِيَّاكُمْ لَعَلَى هُدًى أَوْ فِي ضَلَالٍ مُبِينٍ " ثم يقرر مسئولية كل فريق على ما اختاره لعقيدته " قُلْ لَا تُسْأَلُونَ عَمَّا أَجْرَمْنَا وَلَا نُسْأَلُ عَمَّا تَعْمَلُونَ " بل أن في الآية الكريمة من أدب الحوار مالا تتصوره أعظم الحضارات الإنسانية المتفتحة فالآية لا تثبت فقط التساوي في المسئولية الفردية على ما يختاره كل إنسان في عقيدته – وذلك في حد ذاته مكسب لو تعلمون عظيم – ولكن تزيد عليه الآية بأن على المسلم أن يتواضع فيصف أعماله بأنها إجرام بينما لا يصف أعمال خصمه بنفس التهمة " قُلْ لَا تُسْأَلُونَ عَمَّا أَجْرَمْنَا وَلَا نُسْأَلُ عَمَّا تَعْمَلُونَ " لو قالت الآية لا تسألون عما أجرمنا ولا نسأل عما تجرمون لكان التساوي في الوصف والاتهام مقبولا . ولكن أدب الحوار القرآني يفرض على المؤمن به أن يتواضع وأن يرد السيئة بالحسنى فإذا كان خصمه مثلا يتهمه بالضلال والإجرام فعليه أن يرد بقوله " قُلْ لَا تُسْأَلُونَ عَمَّا أَجْرَمْنَا وَلَا نُسْأَلُ عَمَّا تَعْمَلُونَ ثم في النهاية فالله وحده هو صاحب الحق في الحكم على عقائد الناس وقد حدد لذلك يوما معينا اسماه يوم الدين حيث يجمع الخلق جميعا ثم يحكم بينهم على ما كانوا فيه يختلفون وعلى المسلم في حواره أن يرجئ الحكم عليه وعلى خصومه إلى الله يوم الدين " قُلْ يَجْمَعُ بَيْنَنَا رَبُّنَا ثُمَّ يَفْتَحُ بَيْنَنَا بِالْحَقِّ وَهُوَ الْفَتَّاحُ الْعَلِيمُ "
2- وآيات كثيرة في القرآن ركزت على أرجاء الحكم على عقائد الناس إلى يوم القيامة ومنها جاء الآمر للنبي عليه السلام نفسه بأن يترك الحكم لله وحده يوم القيامة " وَإِنْ جَادَلُوكَ فَقُلِ اللَّهُ أَعْلَمُ بِمَا تَعْمَلُونَ (68) اللَّهُ يَحْكُمُ بَيْنَكُمْ يَوْمَ الْقِيَامَةِ فِيمَا كُنْتُمْ فِيهِ تَخْتَلِفُونَ : الحج 68 :69 " وذلك هو الجدال بالتي هي أحسن والذي تعلمه النبي من القرآن حيث يرجئ الحكم على الناس إلى الله يوم القيامة فالله وحده هو الأعلم بمن ضل عن سبيله وهو وحده الأعلم بالمهتدين " ادْعُ إِلَى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ وَجَادِلْهُمْ بِالَّتِي هِيَ أَحْسَنُ إِنَّ رَبَّكَ هُوَ أَعْلَمُ بِمَنْ ضَلَّ عَنْ سَبِيلِهِ وَهُوَ أَعْلَمُ بِالْمُهْتَدِينَ : النحل 125 " وحتى في التعامل مع أهل الكتاب يقول الله تعالى للنبي " وَلَوْ شَاءَ اللَّهُ لَجَعَلَكُمْ أُمَّةً وَاحِدَةً وَلَكِنْ لِيَبْلُوَكُمْ فِي مَا آَتَاكُمْ فَاسْتَبِقُوا الْخَيْرَاتِ إِلَى اللَّهِ مَرْجِعُكُمْ جَمِيعًا فَيُنَبِّئُكُمْ بِمَا كُنْتُمْ فِيهِ تَخْتَلِفُونَ : المائدة 48 " والمشكلة أن بعض الناس قد منح نفسه الحكم على الآخرين يدخلهم الجنة أو النار حسب هواه وهو بذلك يعطي نفسه سلطة قصرها رب العزة تعالى على ذاته وحرم منها خاتم الأنبياء والمرسلين ونحن تأدبا بالقرآن لا نسير على منوالهم فنحكم عليهم بأقوالهم وإنما ندعوهم إلى قرآة القرآن بقلب مفتوح وندعو لنا ولهم بالهداية .
3- إن الله وحده هو الأعلم بخفايا القلوب " وَاللَّهُ أَعْلَمُ بِإِيمَانِكُمْ بَعْضُكُمْ مِنْ بَعْضٍ : النساء 25 " والنبي في حياته لم يكن يعلم إيمان المحيطين به وكان من بينهم منافقون مردوا على النفاق " وَمِمَّنْ حَوْلَكُمْ مِنَ الْأَعْرَابِ مُنَافِقُونَ وَمِنْ أَهْلِ الْمَدِينَةِ مَرَدُوا عَلَى النِّفَاقِ لَا تَعْلَمُهُمْ نَحْنُ نَعْلَمُهُمْ : التوبة 101 " فهل يا ترى أوتي بعض الأئمة والأشياخ والأمراء في عصرنا من علم القلوب الذي لم يكن للنبي في حياته ؟ والله وهو الأعلم وحده بخفايا القلوب – لم يصدر قرارا بكفر طائفة ما بأجمعهم وإنما كان يستثني الأقلية ونرى ذلك في وضوح في حديث القرآن عن أهل الكتاب " وَلَوْ أَنَّهُمْ أَقَامُوا التَّوْرَاةَ وَالْإِنْجِيلَ وَمَا أُنْزِلَ إِلَيْهِمْ مِنْ رَبِّهِمْ لَأَكَلُوا مِنْ فَوْقِهِمْ وَمِنْ تَحْتِ أَرْجُلِهِمْ مِنْهُمْ أُمَّةٌ مُقْتَصِدَةٌ وَكَثِيرٌ مِنْهُمْ سَاءَ مَا يَعْمَلُونَ : المائدة 66 " ثم يشيد القرآن بإيمان الأقلية من أهل الكتاب " لَيْسُوا سَوَاءً مِنْ أَهْلِ الْكِتَابِ أُمَّةٌ قَائِمَةٌ يَتْلُونَ آَيَاتِ اللَّهِ آَنَاءَ اللَّيْلِ وَهُمْ يَسْجُدُونَ (113) يُؤْمِنُونَ بِاللَّهِ وَالْيَوْمِ الْآَخِرِ وَيَأْمُرُونَ بِالْمَعْرُوفِ وَيَنْهَوْنَ عَنِ الْمُنْكَرِ وَيُسَارِعُونَ فِي الْخَيْرَاتِ وَأُولَئِكَ مِنَ الصَّالِحِينَ (114) وَمَا يَفْعَلُوا مِنْ خَيْرٍ فَلَنْ يُكْفَرُوهُ وَاللَّهُ عَلِيمٌ بِالْمُتَّقِينَ : آل عمران 113 : 115 " وكما قسم القرآن أهل الكتاب إلى أقلية سابقة في الأيمان ثم أمة مقتصدة متوسطة ثم أكثرية مفرطة فإن القرآن قال عن المسلمين أيضا" ثُمَّ أَوْرَثْنَا الْكِتَابَ الَّذِينَ اصْطَفَيْنَا مِنْ عِبَادِنَا فَمِنْهُمْ ظَالِمٌ لِنَفْسِهِ وَمِنْهُمْ مُقْتَصِدٌ وَمِنْهُمْ سَابِقٌ بِالْخَيْرَاتِ بِإِذْنِ اللَّهِ: فاطر 32 " . ووصف الأكثرية على العموم من أبناء أدم بقوله تعالى" وَإِنْ تُطِعْ أَكْثَرَ مَنْ فِي الْأَرْضِ يُضِلُّوكَ عَنْ سَبِيلِ اللَّهِ إِنْ يَتَّبِعُونَ إِلَّا الظَّنَّ وَإِنْ هُمْ إِلَّا يَخْرُصُونَ : الأنعام 116 " والمعنى المقصود أن الله تعالى ليس منحازا لأحد ولم يعطي سلطة لبعض الناس ليحكموا على خصومهم بالنار لمجرد اختلاف الرأي والفكر وأنه تعالى جعل أمامنا الفرصة متكافئة لنتسابق في الخيرات ثم يجمع بيننا يوم القيامة فيحكم بيننا فيما نحن فيه مختلفون " المائدة 48 " .

[BaNZeR]

النقاط الثلاثة تصل لفكرة رئيسية وهي عدم الحكم على احد بالكفر
أنا متفق معاك تماماً في الكلام

ولو لاحظت في موضوع لم اذكر بلفظ صريح أنهم كفار
لكن عادة أنا فقط أقول أنهم لن يدخلوا في دائرة الإسلام

هي ممكن تكون في نفس المعنى بس القصد يختلف

أحب بس أنوه إنه آخر جملتين مكنوش سخرية ولا حاجة ولكنها الحقيقة
وهما كده بيخالفوا نفسهم في كلام كتير من كلام ربنا

وياريت تكون قريت الموضوع اللى كان بعنوان
حزب الله يحذر مصر من ملاحقة نصر الله

مجرد انتساب هؤلاء للاسلام يسيء للاسلام وافكاره
وبعدين دول ناس بيحاربوا المسلمين اشد ما بيحاربو اليهود
وإذا كانوا بيحاربوا اليهود فعلاً فده بناء على (ساعد جارك إنه يطفي الحريقة قبل ما توصلك)
وهما مش حيستنوا لما اسرائيل تجيلهم لأنهم الخطوة الجاية على طول

يعني مش موضوع جدعنة منهم ولا حاجة

ولو أي حد غير مسلم عاب عالاسلام من منطلق شيعي مش حتقدر تقوله لأ او غلط
مانت اعترفت بالمنهج الرافضي او الشيعي إنهم مسلمين
يبقى اسلامهم صحيح
يبقى اللى حيطلعلك غلطة منهم حيبقى عنده حق

بس ده كانت كل الفكرة
والعنوان انا لما حطيته حطيته من منطلق إنه الجدال في الموضوع عن الشيعة دايماً يقولك ده مسلم ولا كافر

[هانى الشرقاوى]

المشاركة الأصلية كتبت بواسطة banzer

النقاط الثلاثة تصل لفكرة رئيسية وهي عدم الحكم على احد بالكفر
أنا متفق معاك تماماً في الكلام

ولو لاحظت في موضوع لم اذكر بلفظ صريح أنهم كفار
لكن عادة أنا فقط أقول أنهم لن يدخلوا في دائرة الإسلام


هي ممكن تكون في نفس المعنى بس القصد يختلف

أحب بس أنوه إنه آخر جملتين مكنوش سخرية ولا حاجة ولكنها الحقيقة
وهما كده بيخالفوا نفسهم في كلام كتير من كلام ربنا

وياريت تكون قريت الموضوع اللى كان بعنوان
حزب الله يحذر مصر من ملاحقة نصر الله

مجرد انتساب هؤلاء للاسلام يسيء للاسلام وافكاره
وبعدين دول ناس بيحاربوا المسلمين اشد ما بيحاربو اليهود
وإذا كانوا بيحاربوا اليهود فعلاً فده بناء على (ساعد جارك إنه يطفي الحريقة قبل ما توصلك)
وهما مش حيستنوا لما اسرائيل تجيلهم لأنهم الخطوة الجاية على طول

يعني مش موضوع جدعنة منهم ولا حاجة

ولو أي حد غير مسلم عاب عالاسلام من منطلق شيعي مش حتقدر تقوله لأ او غلط
مانت اعترفت بالمنهج الرافضي او الشيعي إنهم مسلمين
يبقى اسلامهم صحيح
يبقى اللى حيطلعلك غلطة منهم حيبقى عنده حق


بس ده كانت كل الفكرة
والعنوان انا لما حطيته حطيته من منطلق إنه الجدال في الموضوع عن الشيعة دايماً يقولك ده مسلم ولا كافر

صحيح انت مقلتش بلفظ صريح هما كفار
بس كلامك كله يوحى بكده وانت كمان فى قرارة نفسك تقصد ده
انا مقلتش اسلامهم صح ولا أنا اللى اقول الحكم لله وبرده مقولش انهم كفار خارجين عن الملة الدين لله مش لينا
انا مدخلتش فى موضوع السياسة لانه كبير وبعيد عن موضوع الدين
وبصراحة أفضل السكوت دلوقتى والا دخلت فى نفس الخانه اللى انت صنفت فيها الشيعة
مشكور