|
||||||
| حى على الفلاح موضوعات و حوارات و مقالات إسلامية |
 |
|
|
أدوات الموضوع | انواع عرض الموضوع |
|
#1
02-05-2009, 11:15 PM
|
||||
|
||||
لو بتحبها أو بتحبيه بجد..أدخل بس لما نشوف
من أصعب الفتن التي يعصف بالشباب هي فتنة الحب، حيث تجد الشاب يتعلق قلبه بفتاة ويحبها بشدة، ونراها تبادله نفس الحب، ونجده يجلس معها يتبادلان الحديث حول الحب ويؤذن الإمام للصلاة، ولكن لا يلتفت الشاب له، فهى أصبحت
عنده أهم من الصلاة. المسألة مهمة جدًا، فاحذروا أن يمر الوقت منكم هدر، فمن يقول: إنني أحاول التمتع لأننى لن أعيش إلا مرة واحدة، نعم ولكن لو مت على المعصية ماذا ستكون آخرتك؟ فمن مات على شئ بعث عليه، فقد روي عن رسول الله ـ صلى الله عليه وسلم ـ أنه قال: "اغتنم خمسا قبل خمس: حياتك قبل موتك، وصحتك قبل سقمك، وفراغك قبل شغلك، وشبابك قبل هرمك، وغناءك قبل فقرك". فأيها الشاب لا تجعل حياتك حقل تجارب، بأن تصاحب الفتاة سنتين أو أكثر، وترى طباعها وتقول أن وجودك بالجامعة فرصة، فالبنات من حولي كثيرات، أما لو تخرجت فلن أقابل إلا القليل من زميلاتي في العمل، وهنا يجب أن أجرب أي الفتيات أفضل، ولكن المثل يقول: "الذي بيته من الزجاج لا يقذف الناس بالحجارة". فلا تأخذ بنات الناس علي سبيل التجارب لأنه عندما تنجب البنات سوف يكونن تجارب للآخرين، شئت هذا أم أبيت، بعلمك أو بغير علمك، لأنه "كما تدين تدان." حديث صحيح رواه "أحمد" أن شابًا ذهب إلى النبي، وقال: يا رسول الله إئذن لي في الزنا. فَهَمَّ بِهِ بَعْضُ الصحابة، فقال لهم الرسول: دعوه. ثم قال للشاب: ادنو مني. فأقترب منه، فسأله الرسول: أترضاه لأمك؟ قال: لا. قال:أترضاه لأختك؟ قال: لا. قال: أترضاه لعمتك أو لخالتك أو لابنتك؟ قال: لا يا رسول الله. فقال له: "كذلك الناس لا يرضونه لأمهاتهم، ولا لبناتهم، ولا لعماتهم، ولا لخالتهم، ولا لأخواتهم". ثم اقترب منه الرسول ـ صلي الله عليه وسلم ـ ومسح علي صدره وقال: "اللهم اغفر ذنبه، وطهر قلبه، وحصن فرجه". وما أجمل هذا الدعاء، فيقول هذا الشاب: وما كنت التفت إلى شئ بعد ذلك بعد دعاء النبي صلي الله عليه وسلم. وهنا نقول انه لا يحيق المكر السئ إلا بأهله، فيجب أيها الشاب أن تسلك المسلك الحلال، وهو الزواج، وتعف نفسك، وترغب في إنشاء بيتٍ مسلمٍ، وتعف أختًا مسلمةً، وتكون عندك ذرية صالحة، تعرف الله وتعبده، وتتبع الدين الإسلامى. _______________________________ وطبعا كل واحد هيقولي يا عمي فيها إيه ما الناس كلها عارفة ما والدها عارف ووالدتها عارفة بس يا حبيب قلبي لازم تفتكر الأية دي: "يَوْمَ لا يَنفَعُ مَالٌ وَلا بَنُونَ إِلا مَنْ أَتَى اللَّهَ بِقَلْبٍ سَلِيمٍ"و قوله تعالي: "وم يفر المرء من أخيه وأمه وأبيه وصاحبته وبنيه لكل امرء منهم يومئذ شأن"يبقي اللي نفهمه من الأيتين اللي فاتو إن لا طاعة لمخلوق في معصية الخالق لأن كل واحد هيسأل عن نفسه فقط و لو كان ولي أمر هيسأل عن رعيته يبقي حتي إنت لو مش خايف علي نفسك خاف علي والدك اللي هيتحاسب علي ذنوبك و سيئاتك لأن هو المسئول عنك ________________________________ طب الحل أعمل إيه بحبها!!!!!! أعمل إيه بحبه!!!!!و إنت جاي تقولي الكلام ده ؟؟؟؟؟ أه و هقولك كلام أحلي كمان اللي بيحب حد بيخاف عليه أه يبقي إنت شكلك مش بتحبها يا حبيب قلبي ؟؟ لأ طبعا بحبها إزاي بتقول كده؟؟ بقولك كده عشان اللي بيحب حد بيخاف عليه إزاي مش فاهمك؟؟ براحة عليا بس هقولك أهوه دلوقتي إنت اللي بتحبها تقدر ترميها قدام قطر؟؟؟ لأ طبعا إنت هتهزر من أولها؟؟؟ خلاص خليكوا معايا إنت لو بتحبي حبيبك تقدري ترميه في البحر بأيدك؟؟؟ لأ طبعا لو سمحت بلاش هزار طب علي فكرة خدو بالكم إنتوا الأتنين إنت هترميها مش قدام قطر لأ هترميها في نار جهنم اللي هي نار دلوقتي عبارة عن جزء من سبعين جزء من نار جهنمن بجد!!!!!!!! و إنتي مش هترميه في البحر ل لأ إنتي هترميه في برد سقر و ما أدراكي ما سقر الناس زي ما هتتعذب في الجحيم بالنار هتتعذب في سقر بالبرد يبقي بعد كل ده لسه عايز تأذيها؟؟؟ بعد كل ده عايزة تأذيه؟؟؟ يااااااه ده إنت بتكرهها كره يا جدع طب و الحل؟؟؟؟ هما كلمتين " ياحبيب القلوب أنت حبيب أنت أُنسِي وأنت مني قريب ياطبيباً بذِكرهِ يتداوى كل ذي علةٍ فنِعْم الطبيب طلعت شمس حبه في القلوب واستنارت فما تلاها غروب " يعني عايز إيه من الكلام ده؟؟؟ عايز أقلكوا حاجة إن ربنا سبحانه و تعالي هو الأولي بالمحبة دي إن الرسول صلي الله عليه و سلم أشرف المرسلين و أشرف الخلق أجمعين هو أولي بالمحبة دي لو بتحبها يا سيدي خليك في الحلال لأ يا عم إنت مالك ما إحنا هنرتبط لما نخلص جامعة هقولك حاجة واحدة إنت عمرك تقدر تاخد حاجة من ربنا غصبن عنه معاذ الله إيه الكلام ده يا عم محمود إنت هتخرف لأ بس خليك معايا قلب اللي بتحبها في إيد مين؟؟؟ مش سامع بتقول ميين؟؟؟ لو مش عارف أنا بقي هقولك "قلوب العباد بين إصبعين من أصابع الرحمن يقلبهما كيف يشاء" يعني..... يعني يا حبيب قلبي قلبها و قلب والدها ووالدتها بأيد ربنا يعني لو عايز تاخدها عن معصيته يبقي إنت دخلت في معادلة ما أعتقدش إنك ممكن تحلها لأنك خسران خسران لكن لو أردتها في طاعة ربنا مش عايز أقولك إن ممكن والدها هو اللي يطلبك يبقي تركزوا في كلامي ياشباب لو فعلا هنبدأ صح لو فعلا نيتنا صافية مش داخلين نضيع وقت مش داخلين نجامل زمايلنا إحنا عايزين ناس عندها عزيمة ناس فعلا عايزة الطريق الصح و ربنا يهدينا أجمعين و السلام عليكم و رحمة الله ودي حبة دروس للي عايز يسمعها صدقوني هتساعدكم جامد الوقاية من فيرس الفالنتين http://ia331432.us.archive.org/0/ite...-13-2-2009.AVI فيرس الفالنتين http://ia310825.us.archive.org/1/ite...h-6-2-2009.AVI الشباب و الجامعة http://way2allah.knoz4arab.com/media...hdaya/shbab.rm
__________________
Mahmoud Wafaay
Control - Engineer Mansoura university  
|
|
#2
03-05-2009, 12:30 AM
|
|||
|
|||
|
السلام عليكم
جزاك الله خيرا اخى الكريم حقيقى كلامك جميل جدا ومنظم وطريقة عرض اكثر من رائعه ولكن هناك بعض الاراء الاخرى حول موضوع الحب ولكنى افضل ان احتفظ بها وعدم عرضها هنا لعل وعسى والله اعلم علشان لا اتحمل الوزر
__________________
الذكريات مش مجرد كلام بتبقى حاجه محفوره فى القلب
|
|
#3
05-05-2009, 02:51 AM
|
||||
|
||||
|
السلام عليكم
ازيك يا محمود عامل اية ندخل فى الموضوع اولا لازم نفرق بين الحب كممارسة وسلوك وبين الحب كمشاعر فحلال ربنا سبحانة وتعالى فلو كان مشاعر فقط فدة حلال وانا سالت فيها كتير وهثبتلك كلامى دلوقتى اما اذا تحول الحب الى سلوك كلمسه وضمه فى الحاله دى يكون حكمه حراما وينتج عنه سلبيات كثيره جدا اكيد فاهمنى فى النقطة دى ان شاء الله نقطة تانية الحب امر ليس باختيارى ولا باختيارك ولا باختيار اى انسان عشان يتحاسب علية وقد رفع الله التكليف عن الانسان فيما ليس لة اختيار فية صح ولا انا غلطان ؟ فالحب يدخل القلب دون اختيارة من الشخص نفسة وانا سمعت شيخ قال ان الحب اضطرارى وليس اختيارى فهو على شكل العطشان للماية والجعان للطعام ودى حاجة مش فى ايدة وفية شيخ تانى قال على الجزء دة ان العشق نوع من انواع العذاب والانسان العاقل لا يختار عذاب نفسة إن الحب كحب مشاعر واحاسيس من أجمل ماوهبنا الله فالحب يدخل القلب بدون استئذان الحب الحقيقي بين أي شاب وشابة هو الذي ينتهي بالزواج ولايستمر طويلا بسبب العب وما شابة يارب تكون فاهمنى ومش الحب انة حب وخلاص على راى واحد صاحبى الحب بيبقى غرضة الزواج ولا يطول فترة طويلة لأنه كل ماطال أصبحت إحتمالات نهايته قوية فاهمنى يابوب ؟ كان فية مثلا سمعتة زمان بيقولك (( الزواج ي*** الحب )) دة مثل كذب وغلط خالص لية بقى لان الزواج هوة الى بيحلى الحب وبتبقى العلاقة كلها فى الحلال وبالزواج بينتقل الحب من مرحلة العشق والكلام دة الى مرحلة المودة والرحمة والاستقرار الى ربنا قال فى الجزء دة "ومن اياته ان خلق لكم من انفسكم ازواجا لتسكنو اليها وجعل بينكم مودة ورحمة ان فى ذلك لايات لقوم يتفكرون " كدة الحب مش حرام ولكن اللعب ببنات الناس تحت اسم الحب هوة الى حرام راجع تانى ان شاء الله فى رعاية الله
__________________
لا اله الا الله ... محمد رسول الله
|
|
#4
05-05-2009, 10:36 AM
|
||||
|
||||
|
أولا السلام عليكم
ثانيا يا محمد يا حبيب قلبي إنت فاهمني غلط أنا عارف كل كلمة إنت بتقولها هو أنا مش بشر ولا إيه المسألة اللي قصدي عليها هي "علاقة الحب" يعني إن واحد يفضل ماشي مع واحدة و بيكلمها علي طول ده مافيش خلافي فيه إن هو لا يجوز ليه؟؟؟ لأن كل ثانية عداد الذنوب شغال يعني زي ما إنت عارف العين تزني و زناها إيه.... النظر و اليد تزني و زناها إيه..... اللمس و الأذن تزني و زناها.... السمع و الرسول صلي الله عليه و سلم قال: "أن أضرب بمخيط في رأسي خير لي من أنا ألمس إمرآة" المقصود هنا الأجنبية يعني اللي مش من المحارم يبقي إزاي حد هيحلل علاقة أقل حاجة فيها زنا و غير كده و كده و الفرج يصدق كل ذلك و يكذبه و إنت أكييد فاهم قصدي إحنا بشر بردوا تيجي حكاية إن الحب ده حاجة إجبارية معاك يا محمد والله مين في الدنيا مش عارف بس زي ما أنا قلت اللي بيحب حد عمره بيرميه بإيديه في النار بس إن هو يمني النفس و يعصي ربنا عشان دي حاجة جبليه فيه ده مش صح لو كده عندك الشهوة هي حاجة جبلية يبقي الواحد يعصي ربنا عشان هي حاجة فيه؟؟؟ لأ طبعا يبقي اللي أنا قصدي عليه المهزلة اللي بتحصل في المسلمين تلاقي جروب النصاري واقفين مع بعض و جروب المسلمين أفجر منهم يعني بيحاربوا ربنا و عمر ما حد يدخل حرب مع ربنا و يكسب و زي ما أنا قلت من ترك شيء لله أبدله الله خيرا منه و الشاهد علي كده قصة حصلت و هي كالأتي : "أحد الشباب كان علي علاقة حب مع إحدي الفتيات وكان يحبها حبا جما فعندما من الله عليه بالإلتزام قال الله لايجب أن نستمر في هذا الطريق و تركها لله و أنتقل مع أهله للسكن في منطقة أخري و يذكر الشاب أنه كلما ذكرها يمرض مرضا شديدا(غصبا عنه يعني فعلا في حاجة إسمها حب إحنا مش مختلفين) و عندما قرر الزواج سمع عن أخت في منطقته يضرب بها المثل في الحشمة وتساعد علي تحفيظ نساء الحي و الأطفال و تطلب العلم فزكاها له بعض الناس فعندما تقدم لخطبتها وجاءت اللحظة التي يري فيها خطيبته(هو ليه 3 مرات يشوفها قب الزواج) و جدها هي الحب القديم" شوف سبحان الله سبها لله ربنا جابهالوا في الحلال معلش أنا لازم أمشي عشان عندي إمتحان عملي كمان ساعتين ولسه في حاجات مخلصتهاش يلا سلام في رعاية الله
__________________
Mahmoud Wafaay
Control - Engineer Mansoura university
|
|
#5
05-05-2009, 05:03 PM
|
||||
|
||||
|
السلام عليكم اخى فى الله عمر ماكان دين الله الاسلام عسر بل يسر اخى الإسلام قائم على الحب ويدعو إلى الحب علماء الدين يقسمون الحب في الإسلام إلى أكثر من نوع أولها وأعظما بالطبع هو "الحب الإلهي وياتى بعد ذلك حب النبى عليه الصلاة والسلام ثم الحب ف الله وهو الذي يحدث بين ناس لا تجمعهم مصلحة فيتبادلون النصح والمحبة والإخلاص لوجه الله تعالى دون انتظار أي مكافأة دنيوية النوع الأخير من الحب يحدث بين الرجال وبعضهم البعض وبين النساء وبعضهن البعض ويحدث أيضا بين الرجال والنساء معا.. هذا هو الحب الذي يجمع بين قلبين فيقرب ما بينهما ويمتزجان معا وكأن كل واحد منهما هو نصف متمم ومكمل للآخر.. ليكون السؤال هل هذا الحب الذي يجمع ما بين شاب وفتاة هو حب يتفق مع الإسلام؟طبعا والدليل......اقرأ ما كتبه د.محمد المسير أستاذ العقيدة والفلسفة بكلية أصول الدين بجامعة الأزهر في كتابه "الحب والجمال والإسلام" فهو يصف الحب الذي يجمع بين الرجل والمرأة بأنه "الحب الذي بدأت به الحياة البشرية مضيفا أنه هو أساس الوجود وذلك استنادا لأن الله عز وجل قد خلق "آدم وحواء" وأسكنهما الجنة ثم أهبطهما الأرض لتنتشر الذرية من بعد ذلك تريد دليلا آخر.. إليك الحديث النبوي الشريف الذي روي فيه عن سيدنا محمد عليه الصلاة والسلام قوله: حُبـِّبَ إليّ النساء، والطيب وجُعِلتْ قرةُّ عيني في الصلاة وعلماء الدين استقروا على قاعدة فقهية مهمة وهو أنه لا حكم شرعي فيما استقر في القلب وإنما الحكم يتعلق بآثار ذلك الشعور وما يترتب عليه من حلال وحرام.. هو ذات القاعدة المطبقة تماما على الحب بين الرجل والمرأةكما اننا جميعا نعلم حب قظز لجلنار او محمود لجهاد وقد دعا لهم الشيخ عبد السلام بأن يجمعهم الله على طاعته فان كان حرام فكان من الاولى ان ينصحه بان يترك هذه الافكار الغريبه الدين يسر فما اجمله لقد خلقنا الله بهذه المشاعر الرقيقه ولكن هذه لم تكن دعوة للوقوع فى الخطأ اتمنى تكون وجهه نظرى وصلت وهناك ادله اخرى كثيرة ف امان الله
__________________
بدايه جديدة
|
|
#6
05-05-2009, 05:46 PM
|
||||
|
||||
|
اقتباس:
فعلا شكرا لحضرتك
بس أنا أسف إني أقول لحضرتك إن بردو حضرتك مفهمتيش أنا قصدي إيه و مشوفتيش ردي اللي فات اللي هو بيتفق مع حضرتك في كل كلمة ياريت لو حضرتك تقريه و منتظر رأي حضرتك مرة أخري و بضيف ليه "و ما تركت في أمتي قتنة أشد علي الرجال من النساء" و أنا في إنتظار رد حضرتك مرة أخري في أمان الله
__________________
Mahmoud Wafaay
Control - Engineer Mansoura university
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 09:31 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
