يمكن دلوقتي تفهم

[to help you]

مش فاهم ايه في القواعد الترم التاني
المباشر والغير مباشر
طيب خليك معايا
دول يا سيدي طريقتان لنقل الكلام
يعني سمعت حد بيقول حاجه وبتنقلها لحد تاني
مثلا سمعت نادر صاحبك بيقول ( أنا مسافر مع
عائلتي الاسبوع القادم ) يا له انقل كلام نادر
لو انت نقلت كلام نادر زي ما قاله بالظبط
يعني قولتلنا
نادر قال ( أنا مسافر مع عائلتي الاسبوع القادم )
يبقي انت نقلته بشكل مباشر
أما لو اتكلمت بالنيابه عنه وانت بتنقل كلامه يعني قولتلنا
نادر قال ان هو مسافر مع عائلته الاسبوع القادم
يبقي انت نقلت كلامه بشكل غير مباشر
في الانجليزي بقه وانت بتنقل الكلام بشكل مباشر يعني زي ما صاحبه قاله تضع الكلام اللي بتنقله بين أقواس صغيرة يعني تقول
Nader said " I will travel with my family tomorrow "
o أما لو بتنقله بشكل غير مباشر يعني بتتكللم بالنيابة عن الشخص
لا تضع الكلام بين أقواس
وقبل ما تنقل اللي قاله وتتكلم بالنيابه عنه ضع الرابطه that بس الرابطه دي هتتغير لو الكلام اللي انت بتنقله كان سؤال او جملة أمر
المهم بقه ان انت هتغير زمن الجمله اللي بتنقلها لماضي
يعني هتقول
Nader said that he would travel with his family the day after.
o
أيوه كلمة tomorrow اتغيرت لكلمة تانية
وانت بتنقل الكلام بشكل غير مباشر
اتحولت the day after
وعلي فكرة مش هي بس اللي بتتغير في كلمات كتير تانية موجودة فس جدول في اي مكان بيشرح المباشر والغير مباشر ياله بقه روح بص في مذكراتك وشوف الجمل اتحولت ازاي يمكن دلوقتي تفهم
لو فهمت قولي علشان اكمل شرح
لو مفهمتش انا اسف
ان ضيعتلك وقتك

[ابو عاطف2]

لا مش ضيعت وقتك والله انا كدهفهمت ولونى مكنتش فاهمها والله شكراا ليك جداااااا

[أريــــ الجنة ــــد]

أسلوب شرحك جميل ,, شكراً ليك