ارجو لمساعدة من الخبراء والاساتذة

[mohammed_h]

مش فاضل غير شهر واحد على الامتحانات ولسة مخلصين المناهج والواحد بيراجع ومتوتر جامد بس المشكلة اني مش لاقي وقت اراجع فيه كل الي حليته في السنه من كتب خارجية وكده والمشكلة دلوقتي اني كنت مظبط نفسي اني اخلص النماذج وكتاب المدرسة في شهر 5 بس مش عارف علحق ولا لأ ودلوقتي مش عارف احط جدول مناسب اراجع بيه ومش عارف ابتدي ازاي واهتم بايه
ارجوووووووووووووووووووووووووووووووكم عجلو بالرد عليا يا اخواني ضروووووووووري وسيبولي طريقة اذاكر بيها في الشهر ده وتكون مضمونه
اخوكم محمد

[abdelRhman772007]

صلى على الحبيب محمد الأول كده
الحكاية مش محتاجة كل التوتر ده
لو كنت من الناس اللى بيحلوا كتير و عايز تحل النماذج و كتاب المدرسة
استلف من حد صاحبك كتاب 100% مسائل مختارة هتلاقى فيه
مسائل مختارة من النماذج و متجاوبة فى كتاب الإجابات طبعاً
و ممكن تحل من كتاب 100% مراجعة لأن ليه ميزة أنه تقريباً جايب كل الأفكار المشهورة
وعموماً ممكن تجيب المعلم مراجعة للمسائل المتوقعة
و ممكن تجيب مراجعات تانية كتير
عموماً شوف ايه اللى يمشى معاك
على فكرة الناس اللى فى المنتدى زمانهم حفظوا الكلمتين دول لأنى مكررهم كتير
عموماً يا رب تكون استفدت من كلامى حاجة
و ننتظر رد باقى الأساتذة و الزملاء
ربنا يوفقك

[الاستاذ محمد سرور]

اولا لازم تستمتع بوقتك من غير ضغوط ...لانها مرحلة زى اى مرحلة
وتأكد ان الله لا يضيع اجر من احسن عملا
ولا انت لم تحسن عملا

ثانيا لابد من ترتيب افكارك قبل كل شىء

فمثلا ابدأ بالتفاضل واعرف كل درس ايه افكاره وخطوات حله
ثم التكامل

وطبعا المفروض انك حليت امتحانات
يبقى الان دور النماذج واللى يفضل لضيق الوقت انك تحل زى ما زميلك قال لك حل المسائل المختارة من اى كتاب خارجى
مثلا 100%

واطيب امنياتى بالتوفيق