مستني إيه؟؟؟

[wafa2y]

بسم الله و الصلاة و السلام علي رسول الله
يا شباب من أغرب قصص السلف قصة الإمام الفضيل بن عياض
إنتوا متخيلين إن الفضيل هذا الإمام العظيم كان سارق
إنت بتقول إيه سارق !!!!!!!!! مش من دقيقة كنت بتقول إمام
أيوة إستني بس عليا
قصته كالأتي
في ليلة من ذات اليالي و هو بيقفز من علي سور إحدي البيوت عشان يسرق هذا البيت و بينما هو يسرق إذ يسمع رجل و هو يقيم الليل و يقول قوله تعالي:
"ألم يأن للذين آمنوا أن تخشع قلوبهم لذكر الله و ما نزل من الحق"
أول ما سمع هذه الكلمات و قعت في قلبه و فورا قرر إن حياته كلها تتغير
و إن هو يتوب لربنا
فظل يردد "بل آن يارب آن يارب"سبحان الله
أهم حاجة إن هو قرر التوبة فورا مش بعد كام شريط سمعه
مش بعد كام شاب نصحه
مش بعد كام درس حضره
و إنت آن ولا لسه ما آنش؟
كل واحد فينا يسأل نفسه
إنت مستني إيه
مستني إيه عشان تتوب و ترجع لربنا
عشان تتوب توبة رجل حقيقي
مستني إيه عشان تتوب توبة راجل
لو إنت مش مستني حاجة
في حاجة مستنياكم كلكم و هي ملك الموت
ملك الموت مستني اللي هو مش مستني حاجة
كفانا غفلة يا جماعة
مستني إيه صاحبك و دفنته بإيديك
الزلزال و الإعصار شوفتهم بعنيك
مستني إنك إنت إيد تتقطع أو رجل تطير
مستني إنك تمرض ؟؟؟
مستني لما صاحبك يموت؟؟؟
مش خايف إن يكون إنت اللي عليك الدور!!!!!
قولي بس مستني إيه عشان تتوب و ترجع إلي الله
الشاب اللي بيقولك أنا عايز أدخل الجامعة عشان أعيش
و اللي يقولك أنا مستني أخلص عشان أتقدملها و أعيش
و اللي يقولك مستني أسافر دوله من دول الخليج عشان أعيش
مستني إيه؟؟
مستني لما يطلعلك كرش و تدخل البيت و تحط باطك بطيخة و في إيدك التانية جرنال؟؟؟
يبقي أنا عابز أقول للمستني حاجة تحصل إن بعد كل اللي حصل ده ما فيش حاجة تفوقك
أومال إيه اللي هيفوقك؟
لو زلزال تسونامي و إعصار كاترينا
لو كل ده مفوقكش يبقي مش هيفوقك غير زلزال يوم القيامة
أو ضربة من مطرقة من ملك من الملائكة؟؟
مستني إيه كل واحد يجاوب علي السؤال ده
و لو في ناس فعلا مستنية حاجة تقولي
و لو مش عارفين قولولي و أنا أكملكم إنتوا مستنين إيه و إيه الحل
و إن شاء الله نكون كلنا عون لبعض
و ناخد بإيدين بعض للجنة بإذن الله
و إن شاء الله هيكون لموضوعي بقية

[هنا الفقي]

حضرتك بصراحة الكلام رائع جدا ومؤثر جدا جدا
ربنا يتوب علينا ويغفرلنا يااااااارب
ومستنين بقية موضوعك ان شاء الله
جزاك الله خيرا

[الجويرية]

بجد ما شاء الله طريقة عرض الموضوع جميلة جدا جدا
وفعلا الناس مستنينين ايه
كفايانا غفلة بقى
وربنا يجعلناممن يستمعون القول ويتبعون احسنه
ومنتظرين تكملة الموضوع
وجزاكم الله كل خير

[المجاهد فى سبيل الله]

السلام عليكم ورحمة الله وبركاته
حقيقى من المواضيع الى اثرت فيا جدا
واحية فيا حاجات كتيره جدا
انا اول مره اسمع الكلام ده من الدكتور حازم شومان انت من المنصوره وعارف انه كان بيدى درس فى مسجد السلاب
بجد انا سمعت منه الكلام ده
زرفت عنيا بالدموع
وولله قولت كما قال ان يا رب ان يارب
وفعلا تغيرت مسرى حياتى بعد ما سمعت هذه الكلمات من الدكتور حازم
بارك الله فيك اخى الكريم على التذكره
ولله فى وقتها
هو كنت فى فترة نفور وانت دوقتى ذكرتنى برضه وانا فى نفس الموقف