حاول تجاوب----

[saraosama]

دى يا جماعة شوية اسئلة و نشوف اية هى افضل اجابة من وجهة نظر كل عضو و معلش بعضها سياسى

1-افضل مكان للنوم ----------
2-حالة تصيب برامج التلفزيون فى رمضان---------
3-اغرب قصه سمعتها------
4-قول اغنية سمعتها دلوقتى ليها هدف-----

[midoragab]

بص يا بني *افضل مكان للنوم (في سرير بابا حسني عشان احس بأمان )

*الحالة لبرامج التليفزيون ( تحس فيها بعض التفاهة و الملل )

*اغرب قصة سمعتها ( ان حسني زهق و قال اسيب الحكم بس مش لجمال )
لعلاء هههههه

* اغنية ليها هدف ( اغنية الاستاذ شعبان عبد الرحيم ) يا عم عربي اصحي

و دة من وجهة نظري

سلام بأى الحق اجري باي

[_the_sad_smile_]

همممممممممم
افضل مكان للنوم حضن ماما طبعا
برامج التلفزيون فى رمضان هبل بعيد عنك بنكون فى رمضان وهيا فى وادى تانى
اغرب قصة قصة حبيبة بالنسبالى اصل انا قعدت اعيط واتاثرت اوى مع انى عمرى مكنت كلمتها ولا عرفتها
اغنية خليك طيب لمصطفى محمود بحبها اوى
انا حاولت اجاوب بس زى مقولتى

[نغم البحر]

<div class='quotetop'>إقتباس(thestar90 @ Aug 3 2006, 06:57 PM) [snapback]178890[/snapback]</div>

دى يا جماعة شوية اسئلة و نشوف اية هى افضل اجابة من وجهة نظر كل عضو و معلش بعضها سياسى

1-افضل مكان للنوم ----------فى حجرتى على سريرى فى هدوء وراحة بال
2-حالة تصيب برامج التلفزيون فى رمضان--------- التفاهة اللى مافيش قبلها ولا بعدها3-اغرب قصه سمعتها----قصة عضو من اعضاء منتدانا كلو مخدوع فيه وهو حقيقة زبالة متزوج ويدعى انه شاب مازال اعزب والادهى انه مسجل باكتر من 7 عضويات ولامم عيلته كمان عاملهم عزوته هنا ينفعوه وقت زنقة والاغرب ان مراته كمان عضوة هنا وبترد على مواضيعه حقيقى عضو ( .......... ) حط اسوا كلمة فى الدنيا بين القوسين وبدون ذكر اسمه الله يسهله بقى ..4-قول اغنية سمعتها دلوقتى ليها هدف----- اغنية بصراحة مافيش اغانى هادفة اليومين دول كلو فى البتنجان هههههههه[/b]

[The Lord Of The Rings]

1- افضل مكان للنوم هو امام افلام اليومين دول

2- برامج التليفزيون في رمضان بيحصلها حالة اغماء من الصيام عن البرامج الهادفة

3- أغرب قصة سمعتها كانت عن شاب توفى يوم زواجه و كان قد كتب وصية قبلها احس بانه سوف يموت شاباً و يكون عبرة و عظة للناس

4- أغنية ليها هدف .......لا يوجد

مع تحياتي

[saraosama]

يا جماعة اجابتكم جميلة اووى
اما عن نفسى------
1-افضل مكان للنوم --------مجلس الشعب
2-حالة تصيب برامج التلفزيون فى رمضان--------(اسهال)
3-اغرب قصة سمعتها-----هى الحقيقة شفتها و هى قصة فيلم التجربة الدينماركية
4-اغنية ليها هدف-----------(بوس الواوا):D -----مفيش طبعا

[الدمعة الحزينة]

-افضل مكان للنوم ----------على التختة فى حصة الفلسفة
2-حالة تصيب برامج التلفزيون فى رمضان---------التفاهة - والتقليد _ لا تهدف لشئ
3-اغرب قصه سمعتها------ ان الحمار هيروح المدرسة علشان يتعلم انجليزى
4-قول اغنية سمعتها دلوقتى ليها هدف-----مفيش اغانى ليها هدف خالص

[miro200]

1-افضل مكان للنوم ----------(في الحمام ممكن لا بلاش نتعري قدام الاجانب)
2-حالة تصيب برامج التلفزيون فى رمضان---------(كتر المسلسلات اللي ملهاش لزمة)
3
غرب قصه سمعتها------(والله القصة عشتها مسمعتهاش من حد وهي الولد اللي مات وهو رايح يتجوز يوم فرحة ياعينى وكان راكب علي فسبا فسبا فسبا واتقلبت بيه هو وصاحبة وماتوا الاتنين والعروسة كان شكلها يقطع)
4-قول اغنية سمعتها دلوقتى ليها هدف-----(اغنية ....الفرح بتاعت محمد نور)

[saraosama]

شكرا يا ميرو على ردك

[FRANKENSTEIN]

افضل مكان للنوم في مكاااااااااااان هادي زي الشجرة
برامجد التلفزيون ربنا يشفيها
واغرب قصة ان التنسيق قل السنة دي
والاغنية اللي ليها هدف بوووووووس الواوا

[saraosama]

مرسى لمرورك بات مان بس الصراحة انت اول واحد يقول ان التنسيق قل السنة دى --يمكن عشان كدة هى حكاية غريبة:P

[خالد_khalloda]

1- أفضل مكان للنوم: أوضتي بس يا سلام لو يكون فيها تكييف
2-حالة تيب برامج التليفزيون في رمضان: قلة أدب وتنفيذ لتعليمات أمريكا
3-أغرب قصة سمعتها: هي بصراحه أحسن قصة واللي حكاها الشيخ صفوت حجازي لما عمل ندوة عندنا في الجامعة وهي قصة حقيقية عن طفل يهودي بقى من أكبر الدعاة للأسلام وأسلم على أيده أكتر من خمسة مليون شخص أسمه الشيخ جادالله القرئاني
وأن شاء هابقى أكتب موضوع أحكي فيه القصه العظيمة دي
4-أغنية ليها هدف: هو ممكن تقول أغنية ليها معنى وكلماتها معبرة و بجد مؤثرة وهي أغنية دواير بتاعت فيلم أوقات فراغ اللي بيغنيها مروان خوري
بس وهو دة رأيي المتواضع طبعا

وشكرا ليك يا STAR

[saraosama]

مرسى يا خالد -----بس ارحمونى و ربنا انا بنت --- انا بنت --ماشى

[خالد_khalloda]

معلش أنا أسف والله يا STAR

أصل أنا مادخلتش المنتدى من زمان أوي فماكنتش أعرف بصراحة

وعلى العموم شكراااااااااا ليكيييييييييييييييييييييييييي يا أنسهSTAR هانم

[اينشتاين]

والله يا نجمة عارف انك بنت ( مش كل شوية تحلفى بقى )

1 - افضل مكان للنوم طبعا سريرى بس لو فى تكييف تبقى احلى حاجة
2- الحالة بقى اللى بتصيب التليفزيون فى رمضان نقدر نقول عليها خيبه رهيبه
3-اغرب قصة سمعتها هاحتفظ بيها لنفسى
4-اغنية ليها هدف اغنية قصاد عينى بتاعت الكينج

بس