ياليته اكتمل

[حسام نصر عبد الحى]

أخيرا وبعد عناء شديد صرفت محافظة الدقهلية الكادر منذ أسبوع ولكن الجديد اليوم
مصيبببببببببببببببببببببببببببببة والله لو حصلت هتبقى مصيبة على الجميع
المشكلة ياجماعة أنه ورد الى الموظف القائم بعمل استمارة المرتبات ورد اليه الغاء نسبة الـ50% اللى اتقبضت فى الاول اللى جميع المدرسين قبضوها واستبدالها بالنسبة الجديدة لأنه لا توجد اعتمادات مالية لهذه النسبة

والمشكلةالاكبر ان معظم الناس واخده نسبة الـ50% والان يريد الغائها
مش تبقى مصيبة على اللى امتحن الكادر واللى ممتحنش

[دبدوب زهران]

ربما يكون الزملاء الذين خصموا منهم الكادر بعد ماقبضوه ح ياخدوامنهم ال 50% القديمة وربنا يسترلان الخواجة لما يفتقر يدور فى دفاتره القديمة

[توفيق رفعت عجيز]

المشاركة الأصلية كتبت بواسطة دبدوب زهران

ربما يكون الزملاء الذين خصموا منهم الكادر بعد ماقبضوه ح ياخدوامنهم ال 50% القديمة وربنا يسترلان الخواجة لما يفتقر يدور فى دفاتره القديمة

تعليق جميل
بس الواضح ان مفيش حد عارف حاجة

[الأستاذة هدى]

أول ما الأزمة المالية ضربت العالم أعلنوا ان مصر لم تتأثر بها
والان هيفتشوا ف دفاترهم ليه؟؟ هم كانوا مدايننا ؟؟؟؟ استلفنا منهم ومارديناش؟؟؟؟؟
وعامة لو هيخفضوا رواتب المعلمين يخفضوا رواتب وحوافز العاملين بالقطاعات الانتاجية كمان واللا مافيش غير المعلمين؟؟
عامة دى اشاعات ودائما ما اكره الإشاعات لانها تروج حلول للفشلة ولا اجد افشل من وزير ماليتنا فلا داعى لهذه الاشاعات رجااااااااااااااااااااااااء

[حسام نصر عبد الحى]

ياجماعة الكلام ده والله مؤكد ميه فى الميه محافظة الدقهلية ستوقف صرف ال 50% اللى صرفتها للناس من زمان ويتم استبدالها بالنسبة الجديدة
يعنى المثل بيقول ضربوا الاعور على عينه قال خسرانه خسرانه

[عاشقة الموج]

الله يسامح إللى عمل الكادر ,أصبح هو كل همنا ومكدر علينا كل حياتنا......

[roga]

السلام عليكم ورحمة الله وبركاته
الخبر ده صحيح وليس اشاعة ولكن ليس بهذا الشكل....
فى الاسكندرية فعلا تم فصل ال 50% فى كشف لوحده وتم عمل الكشوف والادارية ارسلته الى الادارة بالفعل
وكان التفسير ان الاعتماد خلص وهايجمعوا كل شهرين او ثلاثة ثم سيصرف
يعنى مش هايهننونا على الكادرين معا
سيصرف ولكن بعد حين
بعد ان يدخل البنوك ويشتغل ويعمل فوايد .... الخ الخ
زى مافعلوا بالظبط فى كادر المرحلة الثانية
احنا لسة صارفين يوم 12/4 اربعة شهور مع بعض وفيه مدارس صرفت من شهرين والفترة دى كانت فلوسنا فى البنوك
والكلام ده اكيد حدث فى اكثر من مدرسة بجوار مدرستنا

[حسام نصر عبد الحى]

نحن فى إدارة أجا التعليمية صرغنا 3 شهور فط
اما الشهر الرابع لم يتم صرفه حتى الان
اما خصم نسبة الـ 50% فهى مؤكده لعدم وجود اعتماد
لذا ارجوا من جميع المدرسين فى محافظة الدقهلية الامتناع عن الامتحانات وحاصة أن العام الدراسى اوشك على الانتهاء
وداخلين على الاختبارات

[مستر حاتم فتحي]

عليه العوض بدري

[ياسرمصطفى عمر]

انا من ادارة اجا وصرفنا الشهر الرابع من اسبوع ولم نسمع اى شىء عما قلته ارجو منك تسمية مصدرك وموقعه فى الادارة

[عصام جعفر]

سئلوا الكادر : مالك ياكادر بتنهز قال : بأ قضى طلبات للسعداء

[الأستاذة هدى]

المشاركة الأصلية كتبت بواسطة عصام جعفر

سئلوا الكادر : مالك ياكادر بتنهز قال : بأ قضى طلبات للسعداء

يعنى ايه؟؟؟

[حسام نصر عبد الحى]

نحن فى إدارة أجا التعليمية صرفنا 3 شهور فط
اما الشهر الرابع لم يتم صرفه حتى الان
اما خصم نسبة الـ 50% فهى مؤكده لعدم وجود اعتماد
لذا ارجوا من جميع المدرسين فى محافظة الدقهلية الامتناع عن الامتحانات وحاصة أن العام الدراسى اوشك على الانتهاء
وداخلين على الاختبارات

[ملكة الالغاز]

نحن فى ادارة الغنايم باسيوط صرفنا 3شهور ولسة الابع لم يصرف حتى الان بس خصموا 10%منة من الجميع اما موضوع نفلذ بند 50%دة لسة مسمعناش عنة حتى الان وياريت منسمعش وتعدى السنة على خير لان البدل النقدى لم نصرفة من شهر يناير وحتى الان ولو حصل موضوع 50%دة كمان يبقى ناكل زلط وربنا يستر علينا جميعا

[ماجد2003]

ارجو عدم نشر مثل هذه الاخبار الا بعد تحقيقها بالفعل

لأن دى سياسة الحكومة اشاعه بعد ذلك تتحول لحقيقة

رجاء رجاء عدم ترديد مثل هذه الاشاعات