مرحبا بطلبة طب الجدد

[ahmed monsif]

السلام عليكم
اهلا بيكم يا اطباء المستقبل
انا عارف ان الثانوية كانت شاقة عليكم جدا والتنسيق طبعا كمل عليكم
لكن ابشروا ففي كلية الطب راحة تامة فالمواد سهلة جدا وبسيطة جدا
اسالوا مجرب واسالوا الطبيب
ايوة سهلة جدا بس للي يذاكر من اول السنة ويعرف ان المشوار بدخول الكلية ابتدا ماانتهاش
والراحة مافيش راحة لازم تذاكر بس مش كل الوقت
واعوعي تسيب حاجة ماتذاكرهاش انت في طب يعني كل درس تسيبة بحياة مريض
ومستني استفساراتكم عن الكلية وعن المواد الدراسية بيها
وعن طريقة المذاكرة وهاتذاكر من اي كتب
وعن المشرحة واول يوم هايعدي ازاي
ولو اني عارف ان مافيش حد دخل طب بعد التتنسيق العالي دة
اخوكم
د/احمد عبد المنصف

[haitham2005]

شكرا على اهتمامك بطلبة الثانوية العامة.
الواحد طبعا حزين لما يحدث حولنا من حروب وآخرها حرب لبنان والحزن الذى عمّ أخيرا بين طلاب الثانوية العامة
بعد ظهور نتيجة التنسيق.
ولكن الحمد لله ربنا سترها مع الواحد .
سوف ادخل بإذن الله تعالى طب المنصورة وطبعا الواحد عايز بعض الارشادات قبل دخول الجامعة.
واتمنى لكل الطلبة والطالبات النجاح فى الحياة الجامعية القادمة مهما كانت.
وشكرا ..............

[Flower]

<div align="center">طبعا انا كمان برحب بكل طلبه الطب الجدد

وبقولهم دراسه الطب ممتعه جدا,,,بس عايزه اجتهاد بجد وحد يكون حابب دراسته كويس...

وعايز يكون دكتور ناجح..

ومافيهاش لعب او استهتار..

محتاجه تركيز..وان الطالب يكون مؤمن بدراسته وعارف انه باذن الله بعد كده هيعالج المرضي ويخفف الامهم...

ويخلص نيته لوجه الله تعالي

وربنا يوفقكم جميعا وتجيبوا تقديرات عاليه..</div>

[zizo2_2]

مبروووووووووووك لكل الأعضاء الجدد

[اسلام رشوان]

اوكي
ممكن اعرف اي معلومات عن الدراسة في كلية طب الاسنان

يا ريت حد يقولي حاجة

[ahmed monsif]

طبعا انا بشكر الدكتور هيثم
الدكتورة فلاورز
الدكتور اسلام
استاذ زيزو
واتمني اني اقدر افيدكم ان شاء الله

بالنسبة ليك يا دكتور اسلام
طب اسنان عبارة عن 5 سنوات
السنة الاولي ا هي اعدادي اسنان وفيها بتدرس مواد يعني معلش مالهاش دعوة شوية باسنان
وهي مواد في علوم
لذلك لابد ان تستعد جيدا لان السنة دي تعتبر اساس للدراسة ليس اكثر
والله اعلم لان دراستي طب بشري وهذه المعلومات من اصدقائي في اسنان