عندى إستفسار

[lovemoon]

يا جماعه انا داخل 2 ثانوى ان شاء الله

وسمعت ان لو واحد معاه بطوله فى لعبة بياخد عليها 6 % فوق مجموعه فى الثانويه العامه

فهل الموضوع ده صحيح ولو صحيح هل هو لسا موجود ولو موجود فنظامه إيه

هل بيتاخد على الكليات العسكريه والرياضيه فقط ولا على جميع الكليات

[smileheart]

ايوة الكلام دة صح ان شاء الله
لكن لازم تكون بطولة على مستوى كبير مش مثلا على مستوى النادى فقط
و كمان الدرجات بتختلف اللى بتاخدها يعنى الاول مش زى التانى مش زى التالت فى الترتيب فى البطولة
و على فكرة اخذ الدرجات دى عايزة دوخة كبيرة يعنى لازم تبقى محضر نفسك لاى حاجة
يعنى انا اختى بتلعب و اخدت الحمد لله درجات لكن بعد مطلعت عينينا لانهم بيطلبوا مش عارفة توقيع مين و ختم ايه و حاجات كتيرة
على العموم فى المدرسة هيقدروا ان شاء الله يفيدوك

الله معك

سلام

[lovemoon]

ألف شكر يا سمايل على ردك وربنا يوفقنا جميعا

[جميله]

بصراحه انا مش عارفه و من قال لا اعرف فقد أفتى

[علمي علوم]

الدرجات دى بيسموها الحافز الرياضى بس مش عارفة هى كام درجة بالظبط وزى ما قال سمايلهارت
وربنا يوفقك يا رب

[أحمد خليل]

<div align="center"><span style="font-family:Arial Narrow">السلام عليكم ورحمة الله وبركاته</div></span>

بخصوص درجات الحافز الرياضي اللي بتسأل عنها ياlovemoon فالطالب بيخدها لما يكون دخل بطولة جمهورية سواءً عن طريق المدرسة أو النادي وحصل على مركزمتقدم يعني من الثلاثة الأوائل في البطولة في نفس السنة اللي هياخد فيها الثانوية العامة
وهي مبدوخش كتتتتر كل اللي عليك انك لما تسحب ملف التنسيق تروح تسحبة من المكتب الرئيسي في القاهرة وتقول لهم هناك انك عايز الملف بتاع الحافز الرياضي

وانا ليا واحد صحبي كان علمي علوم السنة دي ودخل بطولة جمهورية بتاعت الأندية في رمي الجلة وخد المركز الأول على مستوى الأندية وكان جايب حوالي 97% وشوية كسور لما خد درجات الحافز الرياضي بقت نسبته حوالي 101% وشوية يعني هو زاد بالعربي كده 16 درجة اي 4% تقريباً
وربنا يوفقك ويوفقنا جميعا :D

[مهرة]

السلام عليكم
نسبه الدرجات الخاصة بالحافز الرياضى 4%
وهى بتكون بسبب التفوق الرياضى ( اى تمارس اى رياضة وتاخد احدى الميدليات الثلاثة على مستوى الجمهوريه )
ولو انت لسه هتشترك فى بطوله ما

يبقى من الافضل ان تختار لعبة فردية


اتمنى ان اكون قد افدتك

..

[lovemoon]

ألف شكر يا جماعه على ردودكم ونصائحكم

ربنا يوفق الجميييع