وزير التعليم يقفلها للاداريين .. لا حوافز و لا اى زيادة!اتكلوا على الله و ارفعوا قضية

[الاستاذ/توفيق عزت عبدالعزيز]

الجمل في كفر الشيخ:
لن يتم الجمع بين الحافز وأي بدلات أو مكافآت للإداريين
تطوير التعليم الابتدائي.. ولا إلغاء للصف السادسكتب سيد جاد وعصام القلا:تفقد الدكتور يسري الجمل وزير التربية والتعليم والمهندس أحمد عابدين محافظ كفر الشيخ عددا من مدارس كفر الشيخ وتابع الأنشطة الرياضية والفنية والثقافية وزار مدرسة مسير للتعليم الأساسي وتفقد المكتبات والمعامل.
ناقش الوزير الطلاب في مدي الاستفادة من الدروس الاعتبارية والمناهج علي "السيديهات" التي تقدمها الوزارة حيث أشاد الطلاب بها وانها حققت الاستفادة في اجراء التجارب المعملية واعداد البرمجيات.
وقام الوزير بزيارة مدرسة اللغات التجريبية بكفر الشيخ وتفقد المعامل وناقش الطلاب في مدي الاستفادة من معامل اللغات.
أوضح الجمل ان الوزارة تقوم بتكثيف الدورات التدريبية لمعلمي المرحلة الاعدادية علي كيفية تطبيق نظام التقويم الشامل حيث ان المرحلة الاعدادية تشهد تطبيقه هذا العام ولأول مرة وسوف يطبق العام القادم علي الصفين الثاني والثالث الاعدادي.
وأوضح الوزير انه بالنسبة لحافز الاثابة 75% بقانون المحليات فقد أفادت وزارة المالية انه بالنسبة للاداريين فان القانون 154 حدد الحد الأقصي للاثابة هو 75% بشرط أن هذا الحافز لا يتم الجمع بينه وبين أي حوافز أو بدلات أو مكافآت أخري وان مكافأة ال 200 يوم التي تصرف لهم تعادل 83% وبالتالي هي أعلي من الحد الأقصي وبذلك فان الاداريين لم يندرجوا تحت هذه الفئة.
وأشار بالنسبة للتعاقد مع معلم مساعد تم تلبية جميع طلبات كفر الشيخ من المتعاقدين وفق احتياجاتها الفعلية وتم التعاقد مع 2920 معلما مساعدا في المرحلة الأولي وتم التعاقد هذا العام مع 8720 معلما مساعدا.
وأكد الجمل ان حوالي 62 ألف معلم ومعلمة سيؤدون امتحانات الكادر في شهر ابريل القادم وهم الذين لم يوفقوا في مجال أو مجالين خاصة ان نسبة النجاح في امتحانات أغسطس الماضي بلغت 86% وسيتم ادراج الناجحين في امتحانات ابريل القادمة في الكادر فورا.
وبالنسبة للصف السادس الابتدائي فلن يتم الغاؤه مطلقا ونعمل علي تطوير العملية التعليمية بالمرحلة الابتدائية.
أضاف أن الوزارة تقوم حاليا باعداد البنية المعلوماتية لجميع المدارس الثانوية بالتنسيق مع وزارة الاتصالات حتي يتسني اعداد جميع المدارس لتطبيق التقويم الشامل والتعلم النشط علي طلاب الصف الأول الثانوي عام 2010/.2011

[walidbadr]

الإداريين لا بيدرسوا في الفصول ولا صوتهم بيتبح زي المدرسين، ولا بيراقبوا في الامتحانات ولا بيسهروا في التصحيح زي المدرسين، وطول النهار قاعدين على المكاتب بيشربوا شاي ويفطروا وسط كومة من الأوراق، ومعظمهم بقلظ من كتر القعدة، والله العظيم كل مرة أروح فيها الإدارة أري فيها هذه المشاهد... ناس قاعدين على المكاتب بيشربوا شاي وياكلوا،
ومع ذلك بيقبضوا مكافأة الامتحانات زي المدرسين.
مش عارف عاوزين إيه تاني؟

[SSB - ABO - A2S]

dfgfgyu jkgdd jhcgdcuy

[ahmed arfa]

المشاركة الأصلية كتبت بواسطة walidbadr

الإداريين لا بيدرسوا في الفصول ولا صوتهم بيتبح زي المدرسين، ولا بيراقبوا في الامتحانات ولا بيسهروا في التصحيح زي المدرسين، وطول النهار قاعدين على المكاتب بيشربوا شاي ويفطروا وسط كومة من الأوراق، ومعظمهم بقلظ من كتر القعدة، والله العظيم كل مرة أروح فيها الإدارة أري فيها هذه المشاهد... ناس قاعدين على المكاتب بيشربوا شاي وياكلوا،
ومع ذلك بيقبضوا مكافأة الامتحانات زي المدرسين.
مش عارف عاوزين إيه تاني؟

هههههههههههههههههه

ياعم كانوا مشوها وخلاص اى حسنه تيجى من الحكومه

[ا/السيد سليم]

ايضا المعيشة غاليه الله يكون في عون الجميع

[هدى مجدى]

كفاية على الإداريين مكافأة الامتحانات اللى خدوها بالأونطة و هى أساسا فى مقابل العمل فى امتحانات النقل و ليس النوم فى المكاتب فى المديريات و الإدارات
ليس للإداريين أى حق فى كادر المعلم أبو طباشيرة و لا لأى فئة بخلاف المعلم الذى يدرس داخل الفصل و طفحان الدم
و إن كان على غياب الطلبة فمهمة الإداريين هى اتخاذ الإجراءات القانونية ضد الطلبة الغائبين و حصرهم يوميا و بسبب تقصير الإداريين فى عملهم تخلو المدارس من الطلاب ؟؟
أما عن كون الإداريين بينهم شهادات عليا فالإدارى بالتعليم من حملة الشهادات العليا منتدب إما من المالية أو العدل و كلاهما حوافزه حدث و لا حرج فكفاية عليهم مرتباتهم و حوافزهم السوبر من جهاتهم الأصلية و عليها طبعا مكافأة الامتحانات التى لا يقومون بأى عمل فيها
و بالمناسبة أكثر من90 % من المدرسين غلابة جدا و لا يعطون دروس خصوصية و هؤلاء هم هدف الكادر الخاص
أما المدرسين حملة الدبلومات فعددهم ليس كبيرا و من المفروض حسب القانون ألا يحصلوا على الكادر الخاص إلا بعد الحصول على مؤهل عالى تربوى و كذلك يجب أن يحصل غير التربويين على مؤهل تربوى و هذا هو الخطأ الذى وقعت فيه وزارة التعليم عند تطبيق الكادر الخاص ....
تحياتى

[توفيق رفعت عجيز]

ممكن نبطل نتكلم بلغة المدرس والاداري والفني والكلام الفاضي اصلا الكادر ده ظلم المدرس نفسة فكيف يتساوي مدرس التربية الرياضية ايلي كل عمله انه يرمي الكرة للطلابة وهما يلعبوا ومدرسة الاقتصاد ايلي معظم اليوم قاعده مش بتعمل حاجة وبتاع الاعلام التربوي وبتاع التكنولوجيا كل دول مثل مدرس الرياضيات او الانجليزي او العلوم او الدراسات وبعدين ايه مؤهلات عليا ومؤهلات مش عليا يا بتوع التربية والتعليم عامل ايون عامل في الاتصالات او في الضرائب العامة او حاصل علي اعدادية عندهم راتبة وحوافزة احسن من مدير مدرسة.

[mahmood1888]

الاخ العزيز الفاضل توفيق رفعت عجيز
اذا كنت لاتعلم شىء عن مادة فلا تتكلم لانك لو اطلعت على دراسه التربية الرياضية واطلعت على مناهج التربيه الرياضية فى الكليات لم تقول كلمتك هذه
حصة التربية الرياضية يا استاذى العزيز ليست كرة ترمى للطلاب ولا لعب زى ما حضرتك فاهم اقرى واتثقف واعرف هدف التربية الرياضية الاول وبعدين اتكلم
اتحداك لو اشتغلت حصه تربية رياضية ودرستها من اول الحصه لاخرها انا متاكد انك سوف تنقل للمستشفى فورا واسال حضرتك وافهم مدرس التربية الرياضية دارس قد ايه تربوى
ثانيا اكثر المدرسين تفاعل بالمدرسة مدرسى التربية الرياضية من كنترول وشئون طلاب وتنظيم
انا فكرت كثير ارد عليكوطنشت وقلت لنفسى سيبك منه ده جاهل عن المعلومه بس لقيتك سايق فيها
قبل ما تتكلم وتقول كورة اسال حصه التربية الرياضية كيف تدرس
وشوف انت مدرس ايه واشرح حصتك بعد ما الطلبه تطلع من حصه التربية الرياضية دا اذا كنت عتعرف توصل المعلومه اصلا
وشكرا يا مدرس الذرة

[kimiko]

ياعم تربية رياضية ايه اللى بتتدرس دى انت مش عايش فى الدنيا و اللا ما دخلتش مدارس انت بتتكلم عن اللى المفروض يعمله مدرس التربية الرياضية لكن الواقع بيقول انه بتاع العاب ( مش مدرس العاب حتى )

[منى حموده]

الاخ توفيق رفعت عجيز
بلاش تتكلم عن مدرسين التربية الرياضية ولا مدرسات الاقتصاد المنزلى ولا اى مدرس نشاط فى اى مدرسة
قولى انت مدرس رياضة بتعمل ايه فى المدرسة كل شغلتك بتخش تدى الحصة وتقعد تستنى الانصراف ده لو ما انصرفتش بعد حصتك على طول علشان تروح تدى درسك بره
تعالة شوف مدرسات الاقتصاد المنزلى ولا مدرسة الكمبيوتر مثلى فى المدرسة
معايا ثمانية فصول اولى ثانوى ب 16 حصة وكثافة الفصل 45 طالبة وانا مدرسة اولى فى المدرسة ومحدش تانى معايا يعنى لوحدى فى القسم وشايلة المدرسة كلها وعليهم شايلة شغل الحكومة الالكترونية كله واتحداك لو عرفت بيتعمل فيها ايه
وشايلة شغل الجوده فى المدرسة واتحداك برضه لو انت عملت جزء من المطلوب فيه
وشايلة كنترول المدرسة من برنامج رصد الدرجات لبرنامج استخلاص النتيجة لطباعة الاحصائيات اللى بتطلبها المدرسة والادارة
وشايلة كمان وحدة تدريب المدرسين بالمدرسة يعنى بادرب المدرسين على الحاسب الالى فى المعمل
ومسئوله عن تصوير حفلات المدرسة والحصص النموذجية واى ندوة تتم داخل المرسة واى اجتماع ثم تحويل كل ذلك الى فيلم
باستخدام موفى ميكر او حتى بور بوينت
وكمان كتابة اى مطبوعات تتطلبها المدرسة على الكمبيوتر
وباقوم بدور امين معمل يعنى ماضية على العهدة بالمدرسة وكمان عاملة لنظافة المعمل عندى
وبعد كل ده مطلوب مننا يكون المعمل مفتوح من 8 صباحا الى 2 ظهرا سواء فى حصة او مفيش
وفى الاجازات لازم نعمل خطة نشاط الاجازة وبتيجى متابعات عليها فى اى وقت
يعنى حتى الاجازات مش بنعرف ناخدها زيك وزى مدرسين العربى والانجليزى والرياضيات
بعد كل ده قولى سياتك انت بعمل ايه فى المدرسة من ده كله ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
كل واحد فاكر انه بس هو اللى بيشتغل فى الدنيا دي
قولى مدرستك ايه ومحافظتك يه ؟؟؟؟؟؟ ولو انى احساسى بيقول انك من مكان ما بس مش حا اقول عليه دلوقتى !!!!!!!!!!!!!

[emtech]

نحن لا نمانع من اخذ الادارى حافز ولكن ليس بكلمة ايش معنى المدرس ياخد كادر ناهيك عن سبهم العلنى للمعلمين فى التليفزيون ومنها قولهم ان المدرس يعطى دروس وباع ضميره وتلاعب بالامتحانات وهذا عيب عليهم فنحن نؤيدهم برغم ان هذا ليس حقهم فقط ولكن حقنا ايضا وقول لهؤلاء القلة عيب

[حاتم الطائى]

كفى مهاترات اسيها الزملاء وما قودر سيكون ويلا نبص للتلميذ والفصل ولا ايه رايكم

المشاركة الأصلية كتبت بواسطة walidbadr

الإداريين لا بيدرسوا في الفصول ولا صوتهم بيتبح زي المدرسين، ولا بيراقبوا في الامتحانات ولا بيسهروا في التصحيح زي المدرسين، وطول النهار قاعدين على المكاتب بيشربوا شاي ويفطروا وسط كومة من الأوراق، ومعظمهم بقلظ من كتر القعدة، والله العظيم كل مرة أروح فيها الإدارة أري فيها هذه المشاهد... ناس قاعدين على المكاتب بيشربوا شاي وياكلوا،
ومع ذلك بيقبضوا مكافأة الامتحانات زي المدرسين.
مش عارف عاوزين إيه تاني؟

لا يأخي كلنا فى حقل واحد ولاتتم العملية التعليمية الابهم هم جند مجهول
وهم أصحاب بيوت واولاد وكفى
حب لاخيك كما تحب لنفسك

المشاركة الأصلية كتبت بواسطة kimiko

ياعم تربية رياضية ايه اللى بتتدرس دى انت مش عايش فى الدنيا و اللا ما دخلتش مدارس انت بتتكلم عن اللى المفروض يعمله مدرس التربية الرياضية لكن الواقع بيقول انه بتاع العاب ( مش مدرس العاب حتى )

أنت صاحب رسالة (كاد المعلم أن يكون رسولا)
لماذا هذا المنطق المغلوط نحن فى مركب واحد
أرى لاداعى لمثل هذه المهاترات

[Mr. Medhat Salah]

المشاركة الأصلية كتبت بواسطة ahmed arfa

هههههههههههههههههه

ياعم كانوا مشوها وخلاص اى حسنه تيجى من الحكومه

ابدا دول مستهولوش بيهنوا كل شخص عايز اي خدمه منهم كان اي واجد فيهم رئيس وزراء يقول انا مشغوووول النهارده فوت علينا بكره