لو العقلاء هكذا ................ احب ان اكون....

[tet0]

اخوانى أخواتى ... الشنبات والانسات ... وبعد ..

أولا الموضوع ده كان فى سوق الدنيا قبل كده بس نصحونى أعرضه على أهل المنتدى

وثانيا أدعوكم جميعا لنقولها صريحة...نحن المجانين وسعداء بذلك .....

برررررراحة عليا ده أنا لسه طازة فى الجنان ... متفهمونيش غلط ..

وادونى فرصة أستعرض معاكم مواصفات مجنون هذا العصر وبعديين اختاروا واحكموا..

ونرجع للفصحة




* من يحب بلده ويحلم ويسعى للنهضة بها ويكون دائما متفائل وواثق من توفيق الله له طالما أنه يسعى .

( فيرد سى عاقل أفندى: انت اتجننت .. أنت هتغير الكون..خليك واكــعي..بلدك مين ياعم واحنا خدنا منها ايه بس )

* من يتوب الى الله ويصبح متدينا بعد سنين الضيــــاع ,,, هذا ان لم يطلق عليه ارهابى .

( فتقول الست العاقلة الراسية للى مايجيلها بلهارسية :ياعينى عالواد شوفتى ياختي ايه اللى جراله ,بقى بعد ماكان مبيبطلش ضحك وتنتييت بقى مكتئب على طول واستشيخ ياختى وبقى يصلى بانتظام ,,فترد جارتها(اللى مايجيلها بلهارسيا):ياعينى للدرجة دى ربنا يشفيه )

* من يحب لأخيه ما يحب لنفسه فيساعد غيره .

( فيقول سى عاقل:أنت اتجننت ده الناس تستعبطك وتستغل هبلك ده واسمحلى أكون أولهم سلفنى تلاته جنيه ومتخافش مش هاردهم زى اللى قبلهم أصل أنا أحب أثبت على مبدئى )

* من يعيش ليموت...ولكن وربه راضى عنه.

( فيرجع سى عاقل-أو اسمحولى أقول سى جاهل- ويقول:يابنى مش هتبطل جنان ما كلنا هنخش الجنة بس ساعة الحظ متتعوضش وأنت لسه صغير ياأخى عيش حياتك..ثم فين الأربعين جنيه اللى طلبطهم منك )

ونجى بقى لمبادئ سي عاقل:

الجبن والندالة أول طريق النجاح.

احييني النهاردة وموتنى بكرة.

اللى يعوزه البيت يحرم على الجامع _حتى صلاته.

اللى تغلبه اللعبه.

ســـنة لقلبك وساعة لربك.

خــدنى معاااااااااااااك ..اذا كنت هاتفسد.

رشوة ايه أستغفر الله وأنا وش ذلك دى عربون محــبة.


افتحوا معايا قاموس سى عاقل باب الضاض - المكسور طبعا - وان لقيته ,

طبعا مش هتلاقى كلمة ضمير لكن هتلاقى أول كلمة ضــلمة.

لأ و سمعه تقيل فى شوية حاجات :

أيه.. بلدى .. أمتى ...واجباتى.. سيبك ياعم من الكلام اللى مش جايب همه ده..

وادينى حقوقى الأول... وهات هات بس الربعوميت جنيه اللى قلتلك عليهم.

ومن خلال هذه الصورة السوداويه أدعوا جميع المجانين أمثالى

لنتحد سويا ونرى العاقلين الجنان اللى على أصولة

وكيف أننا نلهو ونمر ح ونضحك ونعمل

ولكن بما يرضى الله .



هاه ..مين عايز يكون "عم المجنون أو ستنا المجنونة " و مين عايز يكو ن "سى عاقل أفندى أو الست العاقلة الراسية " ...

وسأكون أول من يعلن أنى مجنووووووون و بجملة الجنان :

وأحلى خمس حاجات فى الدنيا تلاته الميه و الهوا .

وأخيرا السلام الوطنى للبدنجان :

مجنون مجنون مجنون ...

مجنون مجنون سيبونى مجنون وسعيد بجنونى..

و عن اذنكم بقى عشان الحالة جت وهنروح المولد



اه مستنى أعرف رأيكم فى المفاهيم والأوضاع الجديدة

[اينشتاين]

مش دايما الكلام ده بيحصل زى ما انت بتقول كده

[zizo2_2]

شكرا ليك يا تيتو على الموضوع

[tet0]

شكرا معتصم على مرورك

و يا اينشتاين معظم الناس كدة

انت مش عايش معانا و لا ايه

[اينشتاين]

ههههههههههه

لاء عايش ومش عايش

طبعا النماذج دى كتيرة بس التحدث عن النماذج السلبية دون النماذج الايجابية يعتبر نقص فى الموضوع

ولا انت ايه رأيك

[coo_girl_ool]

لا اجد تعليق مناسب على هذا الموضوع سوى ان اقول اننى اتمنى ان اكون من المجانين وربنا يثبتنى على جنانى

[اسماءفريد]

دلوقتي هوا دا السايد يا اينشتاين

اللي انا عاوزه يتكلم عنه بقي نادر علشان كدا مش مستاهل انه حد يتكلم عنه

[اينشتاين]

دلوقتي هوا دا السايد يا اينشتاين

اللي انا عاوزه يتكلم عنه بقي نادر علشان كدا مش مستاهل انه حد يتكلم عنه



انا مش معاكى فى الرأى ده

[tet0]

أنا مع رأى اسماء لأن فعلا هو ده السائد


شكرا على المرور بالموضوع

تسلمواااااااااااااااااااااااااااااااااااااا