نتشرف برأيك

M.Sherif · #1 24-01-2009, 06:56 PM

سيتم إن شاء الله تثبيت أحد الموضوعات الجيدة المفيدة المتعلقة بقسم الكادر
في الموضوعات المثبتة لفترة تعتمد علي نجاح هذا الموضوع لاستمراريته
و يمكن لحضراتكم اختيار الموضوع الذي سيتم تثبيته
(( لفترة لا تزيد عن اسبوع ))
عن طريق ذكر اسم الموضوع و صاحبه و رابط الموضوع لكي يسهل الوصول اليه
و سيتم تجميع الأصوات و اختيار الموضوع الأكثر ذكرا و اختيارا
و بعد فترة سيتم الغاء التثبيت عنه و تثبيت موضوع اخر هام ... وهكذا
ليأخذ كل موضوع حقه

ليس عليك أخي الحبيب إلا أن تكتب هنا في هذا الموضوع
عنوان موضوع أعجبك و رابطه و اسم صاحب الموضوع

و إذا تم الاجماع علي موضوع معين أو أخذ أصوات أكثر من غيره فسيتم تثبيته فورا

بانتظار اختياراتكم
و جزاكم الله خيرا

جمال سراج · #2 24-01-2009, 10:26 PM

جميل ورائع
هبدا انا واختار موضوعك الجميل والله مش تحيز ليك
الموضوع مسابقة شامله فى جميع التخصصات
الرابط ده
http://www.thanwya.com/vb/showthread.php?t=97600

اقولك ليه من وجهة نظرى والناس كلها حرة تختار او لا وانا حر انا كمان
اولا لانه شامل اى مادة واى حد ممكن يشارك
ثانيا بصراحة زهقنا من مواضيع العربى والتربوى والمواد الاكاديمية بمعناها الصرف - اتعمل فيها كتير ودى خلى لها قسم بكامله
لانى شايف ان كتير اصبح يعمل قص ولزق وتجميل وافلام تحت مسميات جديدة والفيلم هو هو مع تغيير الادوار
وعلى فكرة يا عم شريف ودا كلام فى سرك انا وكتير غيرى يقدر يعمل قص ولزق وافلام ومهرجانات مش بس افلام بس ملوش لازمة
اذا كان اصلا المواضيع المعروضة فى المواد 90 فى المايه من مواقع انا عارفها - عاوزين اللى يعمل موضوع يبتكر او يجيب حاجة كدة حلوة
وثالثا فى موضوع مسابقة رياضيات يالله نغش ونعمل مسابقة رياضيات بس مش هاختاره عشان مكنش متحيز لمادتى رغم انه شياكة خالص
وايضا موضوع خاص بمهارات اللغة العربية للاستاذة نانا احمد من وجهة نظرى شيك ويستحق التثبيت على طول وبصراحة واسف فى التعبير انا بجد مش عارف ليه بتوع العربى مش بيشاركوا فيه- هو لازم كل واحد فيهم يعمل موضوع عشان يشارك فيه
ولا بيردوا على مواضيع بعض ولا ايه
بصراحة انا اتابع مواضيع بعينها بس غاية فى الاهمية وكتبت مواضيع فى تخصصى وغير تخصصى وفى التدريب اللى بقوم بيه وفى اللغة مش رياضة تخصصى بس
اخيرا احيى نشاطك وطموحك واخلاصك وتفانيك واتقانك لعملك التطوعى
لك منى كل الحب والتقدير والتحية والاحترام للجميع

جمال سراج · #3 24-01-2009, 10:30 PM

عاوز اقول بس حاجة معلش
الموضوع بقيمته من وجهة نظرى مش بكثرة عدد المشاركين فيه - بردو دى وجهة نظرى
فيه مواضيع كتير فيها مشاركات بسيطة او لا توجد مشاركات بالمرة وغاية الروعة والفائدة منها كتير
وفيه سخافات وللاسف تقابل بمشاركات كتير
مش عارف انا صح ولا غلط ولا ايه
عموما ايا كان انا احترم وجهات نظر الاخرين واقدر نتيجة خبرتى وجهة نظرى دون المساس بحقوق الاخرين المتمثلة فى الاحترام باى حال
شكرا ومتاسف اخدت مساحة كبيرة من موضوعك

نعمه محمود · #4 24-01-2009, 10:36 PM

اتفق مع مستر جمال سراج في اختياره فهذا الموضوع يستحق التثبيت.لانه في صميم الكادر

جمال سراج · #5 24-01-2009, 11:11 PM

اقتباس:

المشاركة الأصلية كتبت بواسطة نعمه محمود

اتفق مع مستر جمال سراج في اختياره فهذا الموضوع يستحق التثبيت.لانه في صميم الكادر

شكرا استاذة نعمة
والله دون اى تحيز ومش عشان حضرتك اختارتى نفس الموضوع اللى اخترته انا
ربنا يعلم انى اكن لحضرتك بصفة شخصيه كل احترام وتقدير ومواضيع حضرتك كلها ذات الطابع العام غايه فى الروعة وتستحق التثبيت ايضا
بسم الله ماشاء الله ربنا رازقنا هنا بنخبة ممتازة من الزميلات اللى زى حضرتك او ان شئتى حضرتك سميها باقة لانها اشبه بالزهور الانيقة والرقيقة والجميلة - نتعلم منهم كل المعانى الجميله وتضيف الى خبرتنا خبرات
والله اخشى الا اذكر احدا منهن عشان كدا خليها على العموم!!!!!!!!!
بارك الله فى حضرتك والزميلات الافاضل ونفعنا بعلمكم وجمعنا بكم على الخير وفى الخير باذن الله

دام الجميع بكل خير

معلشى يا عم شريف سامحنا
دايما بعشمنا مواضيعك هيا مواضيعنا عشان كدا بنسرح شوية من حلاوتها
تحياتى لك وللجميع