إلى أعضاء المنتدى

[gomaa]

يا أحبابى فى الله
والله
يا جماعه انا والله كل ما شوف هذه الأوضاع أحس أنى أمام ناس أطفال
والله العظيم أنى ولا أحد غلط فى حق لا فلورا ولا مهره
لكن كل واحد حاسس أنه بيمن على المنتدى لمًا يكون عضو فيه
ولو كان الواحد عمله خالص لله ما كان يؤثر فيه أى شئ بل كان كبر دماغه حتى لو فيه غلط وكان الموضوع عادى
يا جماعه أرجوكم
أن حد كتب أنه ماشى وحيسب المنتدى بلاش نعقد نعيط له عشان يفضل
بل ولا واحد يرد عليه
وشكرا"

[Miss_CaR!zma]

حضرتك قلت اللى بنفكر فيه كلنا استاذى
كل يوم حد يقول هسيب المنتدى
ايه اسبابك....?
ولا حاجه بس علشان تجنب المشاكل
حقيقى لعب عيال
اشكرك استاذى على الخطوه دى
وفعلا محتاجين للصرامه دى
وياريت نتعامل مع بعض بجديه اكتر وبكده مش هيبقى فيه مشاكل

جزاك الله خيرا

[LA STELLA]

انا اصلا مش عارفة فى ايه


ناس كتير فعلا اختفوا من المنتدى و انا مش عارفة ليه


حدثت خلافات مفاجئة و المواضيع دخلت فى بعضها



لا حول ولا قوة الا بالله

[egypty3000]

فعلا استاذ جمعه

الفتره الاخيره كترت المشاكل

وبعدين يقولو هيسيبو المنتدى

يا جماعه

دعوه لكل اعضاء المنتدى ان كل واحد يسامح التانى

[LA STELLA]

Originally posted by egypty3000@Jul 6 2006, 01:22 AM
فعلا استاذ جمعه

الفتره الاخيره كترت المشاكل

وبعدين يقولو هيسيبو المنتدى

يا جماعه

دعوه لكل اعضاء المنتدى ان كل واحد يسامح التانى

[snapback]151679[/snapback]

او حتى ع الاقل نفهم ايه اللى حصل اصلا عشان نعرف نتكلم

[محمد عماد الدين]

You are very serious

REALLYTHAT IS TRUE...........................

[Miss_CaR!zma]

ماهى يا هبه المشاكل بتبقى بسبب ان الناس عايزه تفهم
معظم المشاكل بتبقى سوء فهم او بندى للموضوع اكتر من حقه او رغبه فى احداث ضجه لا اكثر مش فى اى سبب فى صالح المنتدى

[محمد عماد الدين]

وبعدين فيه اصلا فى عقلية
الانسان بوجه عام
انه حاسس انى كلامه هو اللى صح والباقى غلط
يعنى كلامه مش عاوز فيه ولا جدال ولا نقاش
يعنى (سيف)
وطبعا الصفه دى موجوده فى ناس كتير(الا االصابرين منهم)..

[LA STELLA]

فى اساليب متعددة عشان نفهم


بس احنا دايما بنختار الاسلوب الغلط

و فى اساليب للفهم عشان توصل لحل

[Miss_CaR!zma]

اكيد اساليب الحل كتير
بس مش عايزين ومش بندور

[LA STELLA]

احنا ممكن نفهم و نحل بههدوووووووووووووووووووووووء


نسينا الهدوء و نسينا انفسنا ايضا و نسينا ديننا برده ... لان ديننا يدعو الى التفاهم ..

يعنى لازم نفهم عشان نقدر بس مش نهجم ع العضو الغلطان.... نشوف اسلوب يراضى كلا من الطرفين ويشعر كلا منهما بالذنب و كذلك الكرامة و العزة ........ و كمان نكسبهم ال2 ........ بس الغلطان غلط كبيييييييييير اوى اوى ده نواجهه و نطابه بالاعتذار و نكسبه ايضا


.....للحديث بقية........لانه موضوع يطول شرحه...

[محمد عماد الدين]

فى بعض الموضوعات لزملائى المهددين بالرحيل

انا قرأتها
بس والله وبصراحه وبدون ان تشعروا بسخريه منى انا والله
حسيت انى بتفرج على فلم عربى والله فلم

ازاى معرفش............................................. .......

[sama_91]

انا فعلاا بجد عايز اعرف ايه اللى بيحصل
لان بجد ده هزار والحكايه بجد زادت عن حدها
مش كل شويه عضو او عضوة يقولنا ان هو هايمشى ويسيب المنتدى
لازم نعرف ايه اللى حصل لدرجه انهم يسيبوا المنتدى
يا جماعه بجد لازم نساااعد بعض

[اينشتاين]

اولا باشكرك يا استاذ جمعة على الموضوع الحساس اللى فتحته

ثانيا لازم كل عضو فى المنتدى يحط فى اعتبار نفسه انه المنتدى مش هيتوقف على شخص مهما كان مؤثر فلو سمحتم يعنى بلاش كل شوية حد يهدد بالرحيل ويحسسنا ان المنتدى من غيره هيضيع انا عن نفسى اما سيبت المنتدى وكان لظروق خارجة عن ارادتى ورجعت تانى والحمد لله لاحظت ان فيه اعضاء جدد نشيطين جدا وروحهم سمحة جدا ومحترمين جدا جدا جدا يعنى المنتدى مش هيضيع عشان واحد ويا ريت يا جماعة نفتكر الفضل الكبير للمنتدى ده وما حدش يحط فى اعتباره ان هو بيمن على المنتدى او بيصرف عليه من جيبه
ودمتم

[محمد عماد الدين]

كنا معكم فى حلقه من حلقات مسلسل الاطفال اليومى

انتظرونا غدا فى حلقة جديده ومثيره من مسلسل(المختفى وانا)