في حملة مستنياكم يا أجدع بنات وشباب في مصر

[Dr.Nariman]

بسم الله والحمد لله والصلاة والسلام على رسول الله صلى الله عليه وآله وسلم

ازيكم يا جدعان ويا جدعات؟ انا بحضر برنامج رمضان اللي بدعو الله سبحانه وتعالى أن يكون برنامج نافع لنا جميعا...انتوا دايما في بالي وكل الحاجات للي بتبعتوالي بتفيدني جدا في التحضير ودايما بحاول اجاوب على اسئلتكم من خلال البرامج والتفاعل عشان تكون كل البرامج والأنشطة التي نقدمها منكم وإليكم

بدأنا صيف جديد، ورمضان على الأبواب، وزاد عند كثير مننا وقت الفراغ...مستعدين؟

صلوا على النبي..

انا جي أقول لكم انهارده عن حملة عاملها فريق العمل، هدف الحملة فتح أبواب العمل الخيري أمامكم عشان نبني بلدنا بجد ونكون بحق عباد ربانيين خلفاء لله في الأرض

اسمها "حملة عطاء مع فريق الداعية مصطفى حسني"

الفريق وفر لكم بيانات العديد من الجمعيات الخيرية في شتى المجالات: شنط رمضان، تجميع ملابس، اعادة استخدام اوراق مستعملة، كفالة أيتام، تنظيف شوارع، قوافل مساعدات، علاج للمرضى غير القادرين، مساعدة المكفوفين، دروس تقوية للطلبة، مساعدة أطفال مرضى السرطان.... وأنشطة تانية كثيرة

بدعوكم من كل قلبي أن تشتركوا في هذه الحملة

ازاي اشترك في الحملة؟

1- كلنا هندخل على قاعدة بيانات الجمعيات، وهنختار أكبر قدر من الأنشطة اللي نقدر نعملها، وحالا هنتصل بالجمعيات ونعرف ازاي نقدر نساعدهم وهنقوم نساعدهم بكل اللي نقدر عليه من وقت ومجهود..

2- في أنشطة محتاجة ناس تشتغل من البيت، لو ماتقدرش تروح جمعية تقدر تساعد من البيت..كلنا لينا دور في هذه الحملة

3- وكمان هيكون عندنا كل أسبوع "نشرة أخبار العمل الخيري" هنتعرف فيها على مواعيد الحملات والأنشطة اللي في خلال الأسبوع القادم، عايزكم تبعتوا النشرة دي لكل اللي تعرفوهم. بفكركم بالحديث الشريف: "..الدال على الخير كفاعله"، لازم كلنا ننشر بيانات الجمعيات وأخبارها في كل مكان.. موعدكم مع النشرة كل يوم جمعة بإذن الله

4- ابعت لنا صور إيجابية وصور سلبية من بلدك، صورها بالموبايل او بالكاميرا بتاعتك، ابعت لنا صور إيجابية عشان نتعلم منها وصور سلبية عشان نناقشها ونحلها ومانكررهاش في بلادنا بإذن الله

5- احكي لنا هنا في هذا الموضوع عن خواطرك عن العمل الخيري، صور لنا الأماكن اللي بتروحها، واحكي لنا قصص الناس الطيبين اللي شفتهم، هنفتح كلنا قلوبنا وهنقرأ الخواطر ونحس بالمشاعر ونشوف الصور اللي مننا كلنا مع العمل الخيري

6- هيكون عندنا أحداث تفاعلية هامة في شهر يوليو بإذن الله للعمل الخيري الميداني، تابعوا أخبار الحملة عشان تعرفوا المواعيد بإذن الله

اسأل الله تبارك وتعالى أن يكون هذا المجهود فيه نفع لنا جميعا، كلنا أخوة يجب أن نكون كالبنيان لنبني الأمة ونرفع شأنها ونكون نسيج نافع فيها بإذن الله

انشروا شعار الحملة في كل مكان، وهقرأ خواطركم عن الحملة وعن خبرتكم مع العمل الخيري وهناقشكم فيها بإذن الله هنا في هذا الموضوع، عايزين كلنا نساعد الخلق ونحكي لبعض عن خواطرنا واستفدنا ايه وايه الأشياء الإيجابية اللي عايزين ننشرها وايه الأشياء السلبية اللي عايزين نعالجها

بشكر كل الجمعيات الخيرية التي لم تبخل علينا بكل سبل التعاون، واسأل الله أن يرفع شأن العاملين عليها في الدنيا والآخرة، اللهم آمين

للدخول على قاعدة بيانات الجمعيات اضغط هنا


لمشاهدة فيديو اطلاق الحملة اضغط هنا


صلوا على سيد الخيرين
أخوكم
مصطفى حسني

[bent aboha]

ممكن تفسير اكتى
وياترى ده متعلق بجميع المحافظات ولا مناطق معينة