هل نستحق دخول ثانوية عامة اصلا؟

العم الكبير · #1 23-07-2011, 01:19 AM

سؤال فى دماغى هل نستحق دخول ثانوية عامة اصلا؟.....انا مشترك فى المنتدى من زمان و قعدت اتفرج على الخلاف فى الفترة الماضية ازاى مستوى طلبة فى ثانوى او جامعات يوصل الحوار بينهم ايا كان الخلاف للمنطقة دى بنشتم بعض و اتهامات و كلام كتير على بعبع احنا و اهالينا خلقوه ....اللى جايبين مجاميع تضمن لهم كلياتهم بيقولوا احنا و الباقى لا و اللى جايبين اقل بيقولوا غشاشين و ماحنا احسن و الاتنين مش فاهمين ...او مش عارفين يتكلموا بموضوعية و بيستخدموا السخرية كحل ليهمو مش فاهمين ان كلنا مش متعلمين انا و انتم ...انا جايب 98 رياضة لكنى مش متعلم مش علشان الكلام الفارغ المحدود عن الغش و غيره لا انامعملتش بحث واحد عن الرياضة البحتة او فيثاغورث ده التعليم اللى لما حاولوا يقلدوه الطلبة بقوا يشتروا البحوث .....فكروا بره الصندوق بيل جيتس مخدش ثانوية رفض علشان يتعمق فى دراسة شاف فيها مستقبله ....مارك زوكر برج اللى احنا بنفعه على الفيس بوك كون ثروة 7.5مليار دولار فى 7 سنين علشان عمل حاجة بيحبها مش علشان اهله يا ريت تحاولوا تقروا كتاب السر و اتمنى ان الردود تكون موضوعية

Lna Allah · #2 23-07-2011, 01:23 AM

ما شاء الله

انا متفقه مع حضرتك

بالتوفيق يارب

مصطفى اسماعيل عبد الله · #3 23-07-2011, 01:25 AM

بكل موضوعيه كلامك ممتاز جدا لكن انت مش تكلمنى عن بيل جيتس قبل ما تكلمنى عن المدارس الثانويه فى مصر احنا ما عندناش الامكانيات دى احنا عندنا عقول بشريه والله نفسها تبتكر وعلشان كده احنا لازم نحاول نفكر بموضوعيه ونقول ان اللى حصل فى الجامعات مش هنغيره احنا وبعدين لو الاخ اللى جاب99 واللى انتوا زعلانين منه قوى خايب فعلا طب عمل ايه فى ثانيه ثانوى رغم صعوبه الامتحانات غش برضو؟

العم الكبير · #4 23-07-2011, 01:30 AM

اقتباس:

المشاركة الأصلية كتبت بواسطة مصطفى اسماعيل عبد الله

بكل موضوعيه كلامك ممتاز جدا لكن انت مش تكلمنى عن بيل جيتس قبل ما تكلمنى عن المدارس الثانويه فى مصر احنا ما عندناش الامكانيات دى احنا عندنا عقول بشريه والله نفسها تبتكر وعلشان كده احنا لازم نحاول نفكر بموضوعيه ونقول ان اللى حصل فى الجامعات مش هنغيره احنا وبعدين لو الاخ اللى جاب99 واللى انتوا زعلانين منه قوى خايب فعلا طب عمل ايه فى ثانيه ثانوى رغم صعوبه الامتحانات غش برضو؟

اولا انا معجب انك اتخذت الموضوعية منهج و طريقة فى الحوار اما عن المحاربة ضد التعليم فانا متاكد ان كل طلبة علمى علوم ميعرفوش فيزاليوس وده كان موجود فى العصر المظلم لاوروبا و كان الفكر ممنوع لكنه حارب الجميع لا ثبات موهبته و قام باول تشريح للجسم البشرى و كانت النتيجة قتله ...الفكرة مش فى النظام الفكرة فى الرغبة فى التنوير

طالب الابداع والتميز · #5 23-07-2011, 01:29 AM

شكرا اخى على الموضوع ... وفعلا نظرة صادقة وموضوعية وواقعية ... ولكن السؤال موجه للأشخاص غير المناسبين ...
أن أسلم - بل كلنا نسلم - بأن التعليم فى مصر لا يحتاج إلى تعديل بل إعادة تعمير ... الموضوع لا يخصنى أو يخص طالب الثانوية
وإنما هى مسئولية الكبار ...

Lna Allah · #6 23-07-2011, 01:30 AM

هوا بردو الطالب ضحيه

ضحيه لنظام تعليم فاشل

ضحيه لمجتمع مش مثقف بالدرجه المطلوبه

ضحيه لفساااااااااد مالي البلد

بس بردو

فيه ناس ربنا بيكرمها

وربنا يكرمنا معاهم

بالتوفيق للجميع

malk sami · #7 23-07-2011, 01:31 AM

صراحة أدب الحوار أهم حاجة ، واحترام وجهة النظر الأخرى ، وفعلا أنا على أمل اني أخلص التعليم الفاشل اللي بدأناه وضيعنا عمرنا فيه مثلا يعني ايه بدرس انجليزي 9 سنين ومش فاهمة جملة على بعضها بينطقها واحد أجنبي , يعني ايه أدرس فرنساوي بطريقة عجيبة ولما أقول للأستاذ الفرنسيين مش بينطقوا كدة يقول هو ده الفرنساوي الصحيح,
لما أسمع فيلم أجنبي و أشوف الطلبة بتطبق الفيزياء ازاي في حياتهم بمعنى الكلمة ، الكلام كتير لكن أنا ان شاء الله ناوية أكون مختلفة.

العم الكبير · #8 23-07-2011, 01:37 AM

اقتباس:

المشاركة الأصلية كتبت بواسطة malk sami

صراحة أدب الحوار أهم حاجة ، واحترام وجهة النظر الأخرى ، وفعلا أنا على أمل اني أخلص التعليم الفاشل اللي بدأناه وضيعنا عمرنا فيه مثلا يعني ايه بدرس انجليزي 9 سنين ومش فاهمة جملة على بعضها بينطقها واحد أجنبي , يعني ايه أدرس فرنساوي بطريقة عجيبة ولما أقول للأستاذ الفرنسيين مش بينطقوا كدة يقول هو ده الفرنساوي الصحيح,
لما أسمع فيلم أجنبي و أشوف الطلبة بتطبق الفيزياء ازاي في حياتهم بمعنى الكلمة ، الكلام كتير لكن أنا ان شاء الله ناوية أكون مختلفة.

جوول صح انت صح انا صديقى بيترجم افلام انا معرفش اعمل كد و تساوينا فى درجة الانجليزى ...هو عمل الصح و انا بقلده لم يلتزم بالمدرسة نجاحه فى المستقبل يعتمد على رغبته فى النجاح هو ده اللى ممكن يغير هو ده مفهوم الثورة فى التعليم

x_hunter2008 · #9 23-07-2011, 01:40 AM

قمة الاتفاق معاك وانا فى مشكلة بتواجهنى عشان الموضوع ده برده انا عاوز ادخل علوم وهنا عاوزينى ادخل طب والحمد لله انا جايب 99.6 يعنى المشكلة كلها فى الاختيار!!!!!!!!111

Lna Allah · #10 23-07-2011, 01:42 AM

اقتباس:

المشاركة الأصلية كتبت بواسطة x_hunter2008

قمة الاتفاق معاك وانا فى مشكلة بتواجهنى عشان الموضوع ده برده انا عاوز ادخل علوم وهنا عاوزينى ادخل طب والحمد لله انا جايب 99.6 يعنى المشكلة كلها فى الاختيار!!!!!!!!111

فعلا محدش مقدر كلية علوم خاالص

العم الكبير · #11 23-07-2011, 01:46 AM

اقتباس:

المشاركة الأصلية كتبت بواسطة x_hunter2008

قمة الاتفاق معاك وانا فى مشكلة بتواجهنى عشان الموضوع ده برده انا عاوز ادخل علوم وهنا عاوزينى ادخل طب والحمد لله انا جايب 99.6 يعنى المشكلة كلها فى الاختيار!!!!!!!!111

برافو عليك لكن متعملش كده علشان سمعت من حد او عايز تبقى عالم و خلاص عندك كام يوم قبل باب التنسيق ادخ على ويكبيديا و اقرا فى مجالك حمل تجارب ناس تانية خليك رغبتك تمتلكك و اجعلها حافز لاقناع الاخرين من خلال فكرك و وعيك بالمادة اثبت انك بتفكر صح و شوف هدفك قدامك كانه بيتحقق ده مش كلامى كل ده فى كتاب اسمه السر عمل مبيعات خرافية

x_hunter2008 · #12 23-07-2011, 02:08 AM

اقتباس:

المشاركة الأصلية كتبت بواسطة العم الكبير

برافو عليك لكن متعملش كده علشان سمعت من حد او عايز تبقى عالم و خلاص عندك كام يوم قبل باب التنسيق ادخ على ويكبيديا و اقرا فى مجالك حمل تجارب ناس تانية خليك رغبتك تمتلكك و اجعلها حافز لاقناع الاخرين من خلال فكرك و وعيك بالمادة اثبت انك بتفكر صح و شوف هدفك قدامك كانه بيتحقق ده مش كلامى كل ده فى كتاب اسمه السر عمل مبيعات خرافية

لا متقلقش خالص من ناحية الموضوع ده الفكرة من دماغى انا وقريت تجارب ناس تانية والموضوع متملكنى للغاية وتقريبا تعمقت فى الكلية حاليا اكتر من الناس اللى دخلوها حتى انا بجد بعشق الكلية دى بس للاسف هى مش وخادة حقها خالص هنا فى مصر بس على الاقل لو انا استفتحت الموضوع بعد كده غيرى واكتر كمان هيعملوا زيى وشكرا على النصيحة وهبقى اشوف كتاب السر ده باذن الله

Nesma Mohammed · #13 23-07-2011, 01:46 AM

أولا: عايزة أقول لحضرتك مينفعش تحكم على طلبة الثانوية كلهم من خلال خمسة ستة شوفتهم بيتابدلوا الألفاظ أو كدة مع انى لسه مشوفتش بس حبيت أوضح مينفعش نحكم على فئة كاملة من خلال ستة شوفناهم بيشتموا بعض
ثانيا : عايزة أوضح لحضرتك حاجة غايبة بردو محدش يقدر ينكر ان كان فيه غش كتييييييييييييييييييييييييييييييييييييير السنة دى واللى ينكر يبقى بيكذب على نفسه بس مش معنى كدة ان كل اللى جايب 98 و 99 غش هنا بردو مينفعش نعمم ممكن قلة قليلة فعلا غشوا وربنا عمره ما هيوفقهم ف حاياتهم وى مشكلة المفروض متشغلناش

العم الكبير · #14 23-07-2011, 01:53 AM

اقتباس:

المشاركة الأصلية كتبت بواسطة nesma mohammed

أولا: عايزة أقول لحضرتك مينفعش تحكم على طلبة الثانوية كلهم من خلال خمسة ستة شوفتهم بيتابدلوا الألفاظ أو كدة مع انى لسه مشوفتش بس حبيت أوضح مينفعش نحكم على فئة كاملة من خلال ستة شوفناهم بيشتموا بعض
ثانيا : عايزة أوضح لحضرتك حاجة غايبة بردو محدش يقدر ينكر ان كان فيه غش كتييييييييييييييييييييييييييييييييييييير السنة دى واللى ينكر يبقى بيكذب على نفسه بس مش معنى كدة ان كل اللى جايب 98 و 99 غش هنا بردو مينفعش نعمم ممكن قلة قليلة فعلا غشوا وربنا عمره ما هيوفقهم ف حاياتهم وى مشكلة المفروض متشغلناش

انت مجموعك كام؟؟؟ ششششششششششش....ايه اللى انا بقوله ده؟مش عايز اعرف انا عايز اعرف انت واثقة من قدرتك على النجاح و لا لا....انا عارف انك تقدرى تنجحى علشان انت مش اقل من اىحد المشكلة الحقيقية انك مش عارفة ايه موهبتك شغلتى نفسك بالثانوية و المجموع و التنسيق و نسيتى قدراتك اللى متفرقش عن قدرات مدام كورى فى مجالك ده اللى انا بقوله

ningooooo · #15 23-07-2011, 01:57 AM

و الله كلام حضرتك كلام محترم للغاية و حضرتك يعني اتفرج علي طريقة كلام الطالب مع المعلم او اهله و انت تعرف مستوي تدني الاخلاق او حتي اقف في البلكونه
و الكلام اللي حضرتك بتقوله اعتقد ان كلنا عارفينه و اللي مكنش يعرف كده اكيد ظالم نفسه و اكبر دليل علي كده ان كلنا ابسط مثال بنفكر هناخذ كورسات ايه
و للاسف احنا اصلا معنجناش وقت نعمل فيه ابحاث
لاننا بنتعامل مع واضعي امتحان مستواهم سطحي بيتبعوا اسلوب الهوجة دون اي معاير
يعني عندك مثلا الفيزياء ده منظر امتحان!!!!!!!!!!!!!!!!!!!
انا و احد من الناس مثلا نسيت سؤال للاسف مشفتوش و انا عارف اني غلطان مع ان الفيزياء دي اكتر ماده كنت بحبها جدا و متعمق فيه لكن لما اشوف الاقي معظم مصر جايبه 50 و اكيد معظمهم يستحقوا لكن مثلا لو كان الامتحان فيه افكار كان اللي مستواه متوسط يقع في حاجه فيبقي كل واحد ظهر مستواه لكن كده في ناس جابت مجاميع مكنتش تتصور انها تجيبها في يوم و بقي في دماغهم انهم كده خلاص عباقرة و يستحقوا كليات قمة كلهم
و انا مش قصدي حد و الله