|
||||||
| أرشيف المنتدي هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#31
05-02-2011, 11:42 PM
|
|||
|
|||
مع كامل احترامي للكلام اللي مكتوب ده كلة الكلام دة غير حقيقي بالمرة ونمسك الامور بالعلاقنية شوية الصعيد فيه تقريبا 40 مليون مواطن الوجه البحري فيه 40 مليون هو الاخر السؤوال وجه بحري طلع فيه كام مليون والوجه القبلي فيه كام مليون وهل لو طلعت مظاهرة نقول حتي فيها 300 الف بني ادم في الصعيد ومش هقول مليونية هل كان الاعلام هيتجاهلها - مستحيل طبعا وبعدين العنوان مستفز غير بقي وجود حركة الاخوان المسلمين واندساسها وسط مجموعات المتظاهرين وانا برفض انه يتقال علي اهل الصعيد انهم نسوان او بنات ..الخ الخ لاني لو احنا نسوان يبقي مصر اصلها بلد النسوان لاني اظن الصعيد كان هو اصل الحضارة المصرية واسئلي الملك مينا وحضارة بلاد طيبة واسئلي اكتر من 35% من اثار العالم موجودة في الصعيد - تلتها فقط في الاقصر اللي بتتبع الصعيد ولو احنا نسوان ياستي الف شكر احنا زمان في التاريخ القديم الحريم او النسوان هما اللي حرروا مصر من حكم الهكسوس اللي ذلوا المصريين جاه الدور علي ابناء بحري يقوموا بالواجب ويردوا الجميل ...- مش كدة ولا ايه ؟!!! الصعيد طلعت فيه مظاهرات لكن كانت استحياء ...- لاني مكنش فيه الدافع المعرفي الكافي عند الناس علشان تطلع المظاهرات دي وباكد ليكي كمان علي كلامي اني المظاهرات دي طلعت ربما هي مش عارفة هي طلعت ليه لاني اللي بيحصل في بحري مظاهرات مستمرة ...انما هنا سمعتي اني اسيوط ليها 12 يوم مظاهرات مثلا هل سمعتي اني قنا فيها 12 يوم مظاهرات ...الخ واي حد بيقول اني الاعلام مش بيغطي هنا طيب ازاي مش بيغطي هنا وهل كل التغطية مطلوب انها تكون بالكاميرات اظن قناة زي الجزيرة تتمني فقط حتي وجود اشاعه بتقول اني فيه مظاهرات عارمة في الصعيد السؤوال قناة الجزيرة جابت كام خبر عن مظاهرات الصعيد وكام خبر عن المظاهراه في الوجه البحري وطبعا الجزيرة كل اعتمادها في الاساس علي فيديوهات متصورة من علي النت ومكالمات تليفونية هل لا سمح الله مفيش كمان تليفونات في الصعيد تكلم قناة الجزيرة انا عارف اني حصل مظاهرات في عدة مدن في الصعيد لكنها قليلة جدا جدا ومقدرش اشبهها بالمظاهرات الضخمة اللي حصلت في بحري يعني مينفعش اشبه مظاهرة فيها 2000 واحد بمظاهرة فيها نص مليون ! ويكون معلوم لحضرتك في الوجه البحري وبالاخص الاسكندرية والقاهرة والمحله ... للمتابع لحكرات المظاهرات في المدن دي هيعرف ...اني دي مش اول مظاهرات تتعمل عندهم وحركات التغير وتنظيمات الشباب عندهم كتيرة - غير المنظمات الحقوقية اللي عندهم تقدري تقليلي في الصعيد اخر مظاهرة بتنقد النظام طلعت امتى اصلي الامور تتاخد بالعقل انا مش مستغرب اني فيه مظاهرات تطلع في القاهرة لاني السنة اللي فاتت حركة شباب 6 ابريل طلعت بمظاهرة كبيرة وحركة كفاية من قبلها يعني اللي بيحصل في القاهرة ده مش لاول مرة بيحصل وتقدري تقولي عليها مظاهرة متطورة التطور دة حصل نتيجة المظاهرات اللي حصلت قبل كدة اما في الصعيد مفيش والمظاهرات بدات تقريبا في سنة 2004 بالله عليكي في الصعيد من سنة 2004 اذكري ليا اسم مظاهرة واحدة وليها تاثير وكانت ضد النظام المصري السؤوال بقي ليه الصعيد محصلش فيه مظاهرات - بمعني كلمة مظاهرات لاني اللي حصل في الصعيد دة مظاهرات لسة جديدة او هي اللي قلت عليها مظاهرات سنة 2004 الصعيد بختصار مطلعش مظاهرات بشكل حاشد لانه منفصل فكريا عن الوجه البحري - ومش قصدي اقول اغبية لا سمح الله - بس هما منفصلين ثقافيا عن ثقافة الحرية السياسية في شمال مصر اللي تقريبا بيكون الاعلام مسلط الضوء الاكثر عليه وده نتيجة لاني القاهرة والدلتا ومدن القناة والاسكندرية في الحيز الجغرافي قريبين من بعض ومؤسسات الدولة كلها مجتمعه في الجزء ده يعني طبعا اكيد حضرتك تعرفي مثلا اني القاهرة الكبرى دي تعتبر فيها 5 محافظات واكيد تعرفي اني كل وسائل الاعلام بكل مقوامتها وامكانياتها وركزي علي كلمة امكانيتها دي متركزة في الوجه البحري يعني الصعيد اقصى شئ فيه هتجدي مراسل لقناة ويبقي الف حمد وشكر لو المراسل دة معاه كاميرا بيصور بيها والف حمد وشكر لو لو فيه قناة ليها مكتب او فرع في الصعيد غير كدة الصعيد بـ ابناءة من ايام عهد السادات ويعتبر انفصل عن الدولة عمليا واصبح ابناءة لا يعتمدون عليها بشكل كبير في امور حياتهم وارقام العملين في الخليج من ابناء مصر هي خير دليل واللي اغلبهم من الصعيد بعكس الوجه البحري المتركز اغلب ابناءة داخل حدود محافظاتهم - يعني محدش كتير فيهم بيسار بكثافة زي ابناء الصعيد وده معناه اني معاناة ابناء الوجه البحري بتكون اشبه بالقنبلة الموقوتة في وجه الدولة واهم شئ بقي هو الثقافة المعرفية وخلينا نتكلم واقعيا بدون زعل المستوي المعرفي والثقافي هناك يعتبر اعلي بكتير من المستوي المعرفي في الصعيد خصوصا لو عرفنا اني مصر فيها نسبة جهل 45% ونسبة كبيرة جدا من الرقم دة في الصعيد انفتاح المجتمع القاهري والسكندري وبعض محافظات الدلتا منتشر عندهم ثقافة الانترنت اكتر من عندنا بكتير والدليل علي كدة شوفي كام موقع مصري اصحابة من الصعيد وكام موقع اصحابة من الوجه البحري وكام نسبة مستخدمي الانترنت في الوجه البحري وكام نسبة مستخدمي الانترنت في الوجه القبلي انا عارف اني كلامي ده بيزعل بعض الناس بس الحقيقة لازم تتقال الصعيد مش نسوان او عالم جبانة بالعكس الصعيد منقطة صعبة جغرافيا يعني منطقة مهئية جدا لاي صراع واكيد شفتي حتة قرية صغيرة اللي اسمها النخيلة اللي كان فيها عزت حنفي تاجر المخدرات وشفتي لما الداخلية فشلت في اقتحام الوكر بتاعه - واستعاتن بالقوات الخاصة من الجيش علشان تقدر تقتحم المكان بتاعه والصعيد اكبر نسبة سلاح موجودة فيه واكبر نسبة عصبيات قبلية موجودة فيه واكيد انتي عارفة اي اي خناقة كبيرة فيه بتقوم بالسلاح - مش بالسنج والمطاوي ! بس القصة كلها زي منا قلت فيه عوامل كتيرة بتدفع الناس في الصعيد انها ميكنش ليها قناعه داخلية نفسية تخليها تخرج علي النظام عندنا في الصعيد المجتمع قبلي - وبينظر واللي فيه بيحترم دائما كبير العيلة ومش هنكر واقول كتير عندنا بيحترموا الرئيس مبارك كا شخص وبقول كمان اني الرئيس مكنش بينجح في استفتئاتة الا بغالبية اصوات اهل الصعيد ممكن تقولي علينا ناس طيبين او دي عادتنا - سميها زي متسميها بس المظهاهرات اللي طلعت دي مظاهرات انطلقت شرارتها من الانترنت - من قبل مجموعة خالد سعيد ومجموعة 6 ابريل وحركة البرادعي للتغيير بالله عليكي الناس دي ليها وجود في الصعيد كام ناشط منهم منتمي للصعيد وهل عمل قبل كدة مظاهرات سابقة زي ما هما عملوا لو بتلومي علي الصعيد لومي كمان اهل النوبة اللي الدولة ظالماهم ظلم شديد جدا من ايام عبد الناصر له هما كمان معملوش مظاهرات المظاهرات دي طلعت تعبر عن مجتمعها اللي انطلقت شرارتها منه والمجتمع ده في القاهرة واخواتها مجتمع متاثر بثقافة معرفية معينة مختلفه عن الثقافة المعرفية لاهل الصعيد وانا بقول كلامي ده لاني المظاهرات دي او الثورة دي اصحابها هم جيل الانترنت وانا اعلم واكثر درايه من غيري بـ اقول نظرا لتواجدي في شبكة الانترنت من فترة ليست بالقصيرة وانا مش بلوم علي اهلنا هنا لاني المظاهرات والاحتجاج دي ثقافة حرام تظلمي الصعيد اللي متعودش علي الثقافة دي زي ماهو بردو الاخذ بالثأر ده ثقافة حرام تظلمي او تتريقي علي اي عيلة في القاهرة مش بتحب تاخد بالثأر وثقافة الاحتجاجات في القاهرة ووجه بحري لو انتي متابعه بدأت سنة 2004 مع ظهور حركة كفاية وهذكر شئ تاني بسيط في برامج التوك شو بزمتك ياشيخة اغلب حلقاتها كانت بتجيب شئ عن الصعيد مش كان كل شئ مختزل في محافظات الوجه البحري يعني حتي الاعلام اصلا ساهم بشكل كبير في شعور الناس هنا انهم منفصلين عن بلدهم وبردو الاعلام القاهري نمى وطور ثقافة الاحتجاج عن اهل القاهرة واخواتها بكثرة ما كان ينقلة دائما من اي تجمع او مظاهرة صغيرة - بعكس الصعيد المجهول تماما بالنسبة ليهم وانا سألت وقلت اخر مظاهرة حاشدة في الصعيد كانت امتى هقلك انا كانت في سنة 2010 - وقامت في اخميم - وكان عدد الحشود فيها 15 الف مواطن وسببها اعتراض اهل اخميم علي قرار المحافظة بنقل المقابر الخاصة بيهم - لمكان تاني يعني حتي لما بنتظاهر بنتظاهر بسبب اشياء في موروثنا الثقافي تعتبر حرمات ومن اصل التقاليد عندنا محدش بيتظاهر علشان مش لاقي ياكل لاني ده في نظر اغلب اهل الصعيد امر غير مقبول والمفروض البني ادم يتحمل الظروف ومتاعب الحياة ويصمد امامها في سبيل تحقيق هدفة - وده في اعتقاد اهل اتلصعيد من مقومات الرجولة ------------ الصعيد لما حصلت فيه فتن مع الاخوه الاقباط كانت بمثابة مدبحه زي مدبحة الكشح ومدبحة نجع حمادي تعرفي ايه سببهم بردو - شئ حصل مس العقيدة الاخلاقية عند الصعايدة حادثة الكشح وكما ورد الجرائد سببها واحد مسيحي - ضرب ست مسملة بالقلم - علشان كانت بتفاصل معاه في السعر حادثة نجع حمادي - قامت علشان البنت بتاعة فرشوط اللي اغتصبها واحد مسيحي يعني حتي شوفي مش حوادث علشان مختلفين معاهم في الدين او معتقدهم لا حوادث تمس الشرف عن اهل الصعيد يعني الصعايدة عندهم موروث ثقافي وتقاليد بالنسبة ليهم اشبه بالعقيدة حتي لو تم عولمتهم بالغزو الثقافي التكنولوجي - لاني فيه لحظات لو تم المساس ثقافتهم دي ممكن يحصل ما لايحمد عقباه - ووقتها لا تقليلي شرطة ولا حكومة يعني نفهم من كدة اني اهل الصعيد اغلبهم او في ثقافة اغلبهم فيه اشياء معينة هي اللي ممكن يثوروا ليها....غير انهم زي مقلت سياسيا او ثقافة ارتباطهم بالواقع الحالي او الواقع القاهري تعتبر بعيدة شوية وده مش بمزاجهم لاني المجتمع القاهري هو اللي طلعهم بنفسة وبـ اعلامه خارج اطار الاهتمام اللي يستحقة الصعيد... وبناءا عليه انا مقدرش احاسب الناس هنا علي ثقافتها - او مقدرش احاسبهم وانا معرفش ثقافتهم وحياتهم شكلها ايه ..ومقدرش احاسبهم وهما اصلا منسيين في كل شئ تقريبا وياريت يا جماعه محدش يحكي في الموضوع دة اللي بيحصل في بحري بيأثر علي الصعيد والعكس صحيح يعني لما كان فيه اضطراب امني في الاقصر ومدبحة للسياح ده اثر على مصر كلها اللي عاوز يحلل الامر يمسكة بالراحة وبدون عصبية واهانة للطرف الاخر ويشوف ايه السبب بالعقل وبالمنطق مش بالاهانة والتجريح ومحدش ينسى انها والله ثقافة - هو الصعيد كدة منطقة ليها عادات وثقافة خاصة بيها وبكل صراحة ثقافة الثورة المعلوماتية وعولمتها لسة لم تغزوا الصعيد وعلي فكرة انا ... للمرة التانية علي فكرة برد علي موضوعك اللي عنوانة مستفز ومهين في نفس الوقت ولو فعلا حد بيقول اني اهل الصعيد نسوان زي مبتقولي يبقي هاتي لينا المواقع واللينكات اللي مكتوب فيها كدة ويكون مكتوب من ناس ليها مصداقية مش مجرد شباب هايف ميعرفش عن الصعيد غير انه شوية زرع ونخل وترعه وحمير .. ! والاكل عسل اسود و مش ! انا مش بحجر عليكي التعبير عن وجهة نظرك بس انتقي الالفاظ - وعيب تنشري موضوع بالعنوان ده في المنتديات وكانك بتاكدي افكار الناس التافهه عننا الموضوع مش قصه اننا .. ننشر ونصحح الفكرة او الصورة عن.. اهل الصعيد ولو علي النشر الحمد لله بالامكانية نشر الموضوع في مئات المواقع العربية مش المصرية كمان لكن كل شئ نتكلم فيه بالعقل وبدون مبالغة يعني نقول اللي لينا واللي علينا الصعيد اه محصلش فيه مظاهرات كتيرة واهلة في عزوف عن التظاهرات دي طيب هيجي واحد ساذج يقلي ليه الاجابة بقي تحتاج سطور قد اللي كتبتها دي عشرين مرة يعني مش علشان الصعيد مطلعش مظاهرات يبقى دول نسوان لاء لازم نعرف ايه السبب في كدة ... وعلي فكرة كمان بحري فيه احزاب سياسية - صحيح تاثيرها ضعيف بس همها الاول علي الاقل تركز التاثير دة علي القاهرة ونواحيها - ولما ربنا يكرمها شوية ربما تفكر في الصعيد مع اني الحركة ليها تواجد قوي في اسيوط بس التواجد دة علي ارض الواقع مكنش موجود لانهم لم يجدوا من يتعاون معهم في المظاهرات - بعكس ما وجدو من تعاون او اندساس واختلاط في القاهرة واخواتها ................... وبالمناسبة .. الجنوب دايما بيكون مظلوم في البلاد العربية واقرب نموذج عندنا اهو جنوب السودان وجنوب اليمن وده بسبب الاهتمام الزايد بالجزء الشمالي من البلاد والنظر بشكل متدني لمناطق الجنوب ................... وياريت متغضبيش من كلامي اللي كتبتة انا داخل موضوعك انفي اغلب اللي مكتوب فيه واقول اني فعلا مكنش فيه مظاهرات في الصعيد تستحق انها يتقال عليها مظاهرات وفي نفس الوقت انا بدافع عن اهلي وبلدي او الجنوب اللي بنتمي ليه وبحاول بقدر الامكان اقول لبعض الجهلة ليه الصعيد معزول عن الاحداث دي - وكمان مش هبالغ واتبع منهج التهويل واقول ده حصلت مظاهرات حاشدة عندنا - لاني لازم الحقيقة تتقال ومعاها الترجمة او التفسير التابع ليها تحياتي
|
|
#32
05-02-2011, 11:56 PM
|
||||
|
||||
|
مع احترامي لكل ما قيل و سيقال الموضوع ليس موضوع صعايده همه عارفين انهم بيلعبوا على وتر حساس وان الكلام ده ممكن يثير الصعايده لان الكلام ده حساس جدا عندهم فالأقذار يريدوها فتنه بين بحري و قبلي و يريدوها سودان ثانية مثلما انقسمت السودان شمال و جنوب ويجب اننا ننتبه لمغزى الكلام وننتبه للحرب من كل الجهات فهي حرب نفسية و اشاعات و فتنة ربنا يقينا شرها
__________________
 |
|
#33
06-02-2011, 02:21 AM
|
||||
|
||||
|
هكذا من زمان نحن موضع سخرية يا صعيد مصر لاننا بعيدين عن الاضواء والاعلام والحكام واصواتنا دائماً لاتسمع بقوة
وعندما وصفنا وصفنا بالارهاب واننا منبعه ولكننا لانهتم بذلك لان الرجولة فعل وعمل لاكلام .... |
|
#34
06-02-2011, 02:21 AM
|
||||
|
||||
|
الأعضاء الكرام أبناء مصر الأوفياء نناشدكم عدم تكرار نفس المشاركة بموضوعات أخرى حتى لا يفقد الموضوع مصداقيته ويمل منه القارءفريق المنتدى يتفحص جميع المشاركات ونهيب بحضراتكم أن نرتقى بمشاركاتنا وننتقى الردود ولا داعى للتجريح والتشدد والعصبية هدفنا واحد ( مصر أولاً ) والأصلاح ثانياً حافظو على مكانة مصر وشعبها وليعلم الجميع أن كل من حولنا ينظر الى تصرفاتنا ونحن من علمهم العلم والأخلاق والكرم والجود والشجاعة والتضحية يمنع منعاً باتاً التوجه بالسب أو القذف أو التجريح لأى شخصية أو حزب أو جماعة
سواء الرئيس أو غير الرئيس يمنع السب والشتم نهائياً قل أنه على خطأ أو على صواب وافق على مبدأ حزب ما وانتقد الآخر لكن دون تجاوز وعلى الأخوة المشرفين والمراقبين القيام بحذف أى مشاركة تحمل سباً أو قذفاً أو إساءة يد بيد وعقولنا معا وقلوبنا متوحدة على التغير للأحسن والأفضل لا للأكاذيب والفبركة بعد اليوم شعارنا الصدق والشفافية الأعتراف بالسلبيات ومعالجتها تعزيز الصحيح واثابته وتصحيح الخطأ ورفضه
__________________
اطلبوا العلم، فإن عجزتم فأحبوا أهله، فإن لم تحبوهم فلاتبغضوهم هيا بنا نتعلم الديمقراطية  <!-- Facebook Badge START --><!-- Facebook Badge END -->
|
|
#35
06-02-2011, 02:54 AM
|
||||
|
||||
|
مصر فوق الجميع
|
|
#36
06-02-2011, 04:42 AM
|
||||
|
||||
|
اقتباس:
يبقى انت اكيد مش عايش فى مصرى بالمناسبة انت تجهل مايدور امام عينيك او تسمع فى اذنك او تحاول ان تتجاهل أو توقع العداوة او قل ماتشاء عنها اولا) انظر الى القاهرة ستجد اغلب قاطنيها من الصعيد أرجع الى الاحصائيات كما تستشهد أنت ليست القاهرة وحدها بل الجيزة والأسكندرية وأغلب محافظات الوجه البحرى ثانيا ) أول مظاهرات الغضب كانت فى مركزى سمالوط محافظة المنيا وأول ما تم حرقه( وهذا الاسلوب مرفوض ) كان الحزب الوطنى وتم التعتيم عليه بل اقسم الله ان قناة اللأخباريه اياها ذكرت هذا الكلام على استحياء فى شريط العناوووين ثالثا ) ان ما بالصعيد من عادادت وتقاليد انما هى موروثااااااات صعب ان تفهم معانيها او تدرك ابعادها فبلاش تتحدث عنها رابعا) تقول البعد الثقافى الصعيد ماله ايه كلهم بالنسبة لك جهله طبعا الاميه منتشرة اكيد اكيد أخى انظر حولك ستجد معلمك بالقاهرة وفى مدرستك اغلبهم من الصعيد طبعا عامل مش واخد بالك خامسا ) أذهب الى ميدان التحرير واسال عن اهل الصعيد سوف تجد اجابة شافيه وكافيه لعلها تخرس الألسنة رحم الله العقاد وطه حسين ورفاعة الطهطاوى والسيخ مصطفى عبد الرازق والشيخ جاد الحق والزعيم الخالد الذكر جمال عبد الناصر ولا بلاااااااااااش الدكتور مجدى يعقوووووووب سادسا ) اذا كان ال*** مرتبط بالصعيد سيدى دع هذا ال*** لاهله وبلااااااااش مقارنه لان الحقيقه موجعه بالنسبة لك سابعا ) وهبك الله نعمة رغد العيش وسعته وتعاير الصعيد بسفر أهل الى دول الخليج فاحمد الله انك تعيش على مايدره عليك بالعملة الصعبه الدولار والدينار والدرهم فهم رحال لاينتظرون الوظيفه الميرى اتمرغ فى ترابه لوحدك سيدى الفاضل فهم رجال يحملون مؤهلات عليا يعرفون من اين يجنون المال الحلال لا الجرى وراء ؟؟؟؟؟؟ بلاش ثامنا ) الطبيعة الجبلية الوعرة اه و الجو الحار نحمد الله عليهما اكسبانا الكثير والكثير من صفات وقيم وشموخ قلما نجدها فى مجتمع اخر وأخيرا وليس باخر انظر الى صفحة الحوادث فى اى جريده ستجد اغلب جرائمكم اداب الخاتمة مثال بسيط هل تعرف هدى شعراووووى أِشك لانك لو تعرف هدى شعراوى ماكنت تكلمت عن الصعيد وأهله في 16 مارس سنة 1919م بدأ كفاح هدي شعراوي السياسي عندما خرجت علي رأس مظاهرة نسائية من 300 سيدة مصرية للمناداة بلإفراج عن سعد زغلول ورفاقه، وخرجت لتواجه لتحد فوهة بندقية جند بريطاني، وشهد هذا اليوم التاريخي إستشهاد أول شهيدة للحركة النسائية، والتي أشعلت حماس بعض نساء الطبقات الراقية التى خرجن في مسيرة ضخمة رافعات شعار الهلال والصليب دليلاً على الوحدة الوطنية، وينددن بلإحتلال وتوجهت هذه المسيرة الى بيت الأمة. ومنذ ذلك التاريخ والمرأة المصرية تحتفل بالسادس عشر من مارس، بعد إختياره ليكون يوماً للمرأة المصرية. |
|
#37
06-02-2011, 11:46 AM
|
||||
|
||||
|
اقتباس:
بلاش تتكلم كتير عن الصعيد
__________________
 |
|
#38
06-02-2011, 12:15 PM
|
|||
|
|||
|
والله الصعايدة ارجل ومش علشان انا سوهاجي
بس اسالوا الي في المظاهرات واسالو كل الناس حتي الي في القاهرة حتلاقي اغلبهم صعايدة وبقول للي كتبوا كدة وانا شوفت دا فعلا في المحطة انتوا اكيد تعرفوا الصعايدةوتعرفوا طبعهم وهما دايما رجالة واسالوا الي في المظاهرات لية؟؟؟؟؟ شايلين صورة الرئيس الراحل جمال عبد الناصر هو دة مش صعيدي برضو
__________________
بسم الله الرحمن الرحيم "ومن يتق الله يجعل له مخرجا ويرزقه من حيث لا يحتسب" صدق الله العظيم |
|
#39
06-02-2011, 01:57 PM
|
|||
|
|||
|
الصعيد من يومة رجالة
وكلنا نعرف كدة وبعدين دا القاهرة كلها صعايدة اصلا وهما شايلين لية صورة جمال عبدالناصر وبهتفوا باسمة لما الصعايدة مش عجبينهم ولا يهمك دلوقتي اي حد بيقول اي كلام اخوك الاكبر مستر حاتم اسوهاجي وشد حيللك في الارقم للتواصل tomy201044*yahoo
__________________
بسم الله الرحمن الرحيم "ومن يتق الله يجعل له مخرجا ويرزقه من حيث لا يحتسب" صدق الله العظيم |
|
#40
07-02-2011, 07:53 PM
|
||||
|
||||
|
اقتباس:
ومصر فيها ناس من كل حته وكمان صعايده من الآخر قبلى وبحرى واحد ومتقلش ثقافه دلوقت فى نت وكل حاجه وعدد السكان فى القاهره معتقدش يساوى عدد سكان اى محافظة تانى
__________________
Don't cry over anyone who won't cry over  you  |
|
#41
07-03-2011, 02:39 AM
|
|||
|
|||
|
أختى صاحبة الموضوع أقدر أنك صعيدية جدعة وما استحملتيش أى كلمة على أهل بلدك الصعايدة من الجيزة لأسوان ، إلا أنك يا أختى وبدون قصد فتحتى باب للفتنة احنا جميعا فى غنى عنه ، فالصعيدى يعرف قيمة نفسه جيدا ومش كلمة كتبها طفل تافه مش مقدر الأمور تستدعى اننا نرد عليها ، فأهلنا فى وجه بحرى بيقدرونا كويس ، والمتدينين منهم يعرفوا قيمة الصعايدة كويس ، وكمان بنتجوز منهم وبيتجوزوا مننا ( كلنا مسلمين يا عالم ومصريين كمان ) ، واسكندرية كلها صعايدة دلوقتى امشى فى شارع خالد بن الوليد فى سيدى بشر وانتى تعرفى كلامى ( يعنى بالبلدى كده الشعب داخل فى بعضه ثقافتنا أخدوا منها ( فى الأكل أهلنا فى بحرى يموتوا فى الأكل الصعيدى والعيش الشمسى ، كمان فى الأفراح هناك تلاقى المزمار الصعيدى وفى بعض الأماكن بقيوا يضربوا نار زينا ودى مصيبة أحسن بعدين يتعلموا التار وتبقى مصيبة فعلا ونبقى احنا السبب ) ، وبالنسبة اللى بيتريقوا علينا فى النكت أو اللى كتبوا الجمل دى على القطر فدول العيال الصيص ( صيص بالصعيدى وبحرى يقولوا عليها سيس ومعناها عيال مالهاش لازمة )
ملحوظة للعيال الصيص : فكر كده ليه أغلب قوات الحرس الجمهورى بالذات من الصعايدة ومش أقصد حرس السفاح مبارك بس ، الحرس الجمهورى لأى رئيس مصرى ليه بيكون أغلبه من الصعايدة ؟ عارف طبعا ليه ، المهم فإحنا عارفين قيمة نفسنا فى مصر وفى الدول العربية كلها وعارفين عاداتنا وأخلاقنا كويس ، وأحرار بحرى يقدرون لأحرار الصعايدة قيمتهم كويس ، وفيه أخ هنا قال مش بعيد الحركات دى تكون من بقايا الحزب الوثنى عشان يخلوا الناس تمسك فى بعض والفوضى تنتشر أكتر ، بس وهنقفل على الموضوع ده عشان احنا وبحرى واحد والحكاية مش مستاهلة كلام اكتر من كده ، نفكر فى اللى جاى بعد ما رحل السفاح مبارك ، نفكر فى مرتباتنا اللى عايزين نعليها ( طبعا بعد لما ييجى رئيس جديد ان شاء الله لأنى ضد المظاهرات الفئوية دلوقتى نصبر شوية لحد ما اقتصادنا يستقر - اقتصادنا اللى كان مسروق أقصد- ، وبعدها نطالب بباقى حقوقنا لأن دلوقتى الحكاية مش ناقصة فوضى ، والجيش مش هيضرب الأرض تطلع فلوس ) |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 12:25 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
