انفراد: «الداخلية» تفرض «قبضة إلكترونية» على جرائم شبكات التواصل الاجتماعى

[منار على]

المشاركة الأصلية كتبت بواسطة mido-199841

ديكتاتورية ؟

هى لسه بدأت---- دا احنا لسه فى انتقالية

فيه ناس نفسهم ومناهم تبقى فوضوية


لكن بمشيئة الله هذا الشعب سيدفنهم تحت أقدامه ليصل لاستقرارية

لأن من لا ينتفض قلبه حين يصحو من نومه كل يوم على خبر تفجير هنا وهناك يحصد أرواح أبرياء تقدموا طوعا وتطوعا للدفاع عن وطن

فمصريته خساره فيه----------ولا إيه ؟

• كلام جميل جدا وحقيقى جدا فعلا فيه ناس نفسهم ومناهم تبقى فوضى وفعلا مشكلتنا ان كتير تخلوا عن انسانيتهم من زمان اوى واستباحوا الدم المصرى وانا ضد اى دم مصرى يسيل ومن اى طرف لكن ميكونش التمن اننا نسمح بايدينا بمصادره حريتنا عشان الانسان من غير حريه عبد وانا على ثقه تامه ان نسبه كبيره جدا لايستهان بيها من المصريين الواعيين تماما لكدب الاعلام المصرى وكدب غيرهم عمرهم ماهيقبلوا دا تحت مسمى حفظ الامن العام لانهم ازكى واوعى من كدا بكتير

[Mr. Ali 1]

فيه ناس بتحب تعيش حياتها تطبل للحاكم وتهلل لكل قرار يتخذه

اعتادوا علي السير بجانب الحائط , بل منهم من يسير داخل الحائط !

لكن بمشيئة المولي عز وجل سيدهسهم هذا الشعب يوماً ما ليعيش الشعب حر .

من لا ينتفض عقله ويستوعب أن فزاعة الأمن القومي والاخوان يتم تمرير العديد والعديد من القرارات ( وسيظل هذا الوضع أطول فترة ممكنة ) القمعية والديكتاتورية والتي تطال كل من يعارض النظام , فليس له إلا أن يعيش كما يفرض عليه غيره وكما يري له !!

[منار على]

المشاركة الأصلية كتبت بواسطة حسين القاضى

فعلا والله .. مصيبتنا مش فى النظام المستبد ...... مصيبتنا فى اللى بيساعدوا النظام على الاستبداد...... أنتم كمان بتدافعوا عن مراقبة مواقع التواصل الاجتماعى ... خيبة سودة للحكومة تعلن عن وضع كاميرات داخل البيوت متوصلة فى كل جهاز كمبيوتر وتطلعوا تبرروا الكلام ده...... احنا واضح انه مكتوب علينا نعيش فى العالم السااااادس طول عمرنا .... لا حرية ...لا كرامة...لا خصوصية .... وكمان لا آدمية ...انا عاوز واحد بس يفكر لو الكلام ده اتعرض فى دولة بتحترم شعبها اللى هو اصلا محترم ..... هيكون رد فعل الشعب ايه؟؟؟
ووالله مش عاوز فيلسوف يقول لى علشان بيحاربوا الارهاب ؟؟؟ وانت علشان تقبض على كااام واحد ..تقيد حريتى انا ليه ؟؟؟ ويعنى الارهابيين المزعومين دول هيغلبوا فى التواصل بدون رقابة......
يارب اجعل لنا الجنة يارب ....

والله مع حضرتك الف حق كمان على فكره المشروع داكانهم فعلا بيحطوا كاميرات جوا البيوت لانهم ممكن يفتحوا كاميراتنا واحنا نت من غير ماناخد بالنا وعلى فكره النصيبه الاكبر اننا رقصنا قدام اللجان وبصمنا بالعشره كمان قدام العالم كله

[أ/رضا عطيه]

الناس شبعت من الكلام ده

الجيش يحمى ومايحكمشى وعصروا الليمون وغرقونا فى محيط حامض السيتريك

الأمن القومى دا حجة

ولقينا الجواسيس موظفين داخل مؤسسات الدولة ورسائل النشطاء محملة بالعطور (ياكبير --يابوب )

فيه واقع صنعه إرادة الشعب لايحتمل سوى طرفين لاثالث لهم

يامؤيد يامعارض

ولامجال للوهم والمتوهمين