لا للاضراب لا للاعتصام نعم للعمل نعم للاستقرار نعم للانتاج

[تامر محمود مراد]

والله انا معلم مساعد زييكم بقالي 9 سنين بشتغل اشتغلت اربع سنين بالاجر و5 بالتعاقد وعندي 29 سنه ولسه متجوزتش يعني مطحون بس مش هشارك في اعتصامات ولا اضرابات ومش هطالب باي حقوق دلوقتي ولو مفيش مرتبات هشتغل برضو انا مش اقل من الشهداء اللي ضحوا بارواحهم انا مستعد اضحي بمرتبي شهر وشهرين وتلاته
وده اقل شيء هقدمه لبلدي بلدنا ليها علينا حقوق وان شاء الله الناس هتستوعب خطورة الاضراب والاعتصام وهترجع اعمالنا علشان نبني مصر من جديد مصر اللي تحترم مواطنيها مصر الديمقراطيه مصر المتقدمه مصر الحريه احنا صبرنا 30 سنه نصبر كمان سنه ولا اتنين واكيد الناس الموجودة دلوقتي ناس شريفه وعايزة تخدم البلد بجد ياريت كلنا نبقي ايد واحده كل فرد في المجتمع يعود اللي عمله علشان نبني مصر بجد

[مستر واى]

كفايه حرام البلد بتضيع ارجوا غلق هذا المنتدى المثير امن الوطن اهم احنا مش حزبين ولا مسيسين احنا مصريين والانتخابات هتثبت للجميع اننا مش حزب وطنى ولا اخوان ولا جماعات كفايه مصر مش ميدان التحرير

[aleman]

ربنا يسترها يارب

[English101]

لأ وألف لأ للأعتصام والاضرااااااب .. نعم للأستقرار والهدوء .. واحمدوا ربنا على اللى وصلنا له

[تامر محمود مراد]

احنا عايزين نعطي الوزارة الجديده فرصه انها تشتغل وتنفذ خططها

[تامر محمود مراد]

ساذهب الي عملي ولن اشارك في اي مظاهرات فئوية مهما حصل

[تامر محمود مراد]

سنذهب كلنا للعمل غدا من اجل مصر

[hossammero]

أتمنى ان نكون يد واحدة متعاونيين .

كما أتمنى الإنضمام الى جروب ( مدرس بالقلم الرصاص )
http://www.facebook.com/?ref=home#!/...913864265&ap=1

[تامر محمود مراد]

طبعا الناس شاكه فيا وبتقول ده ياما غنى يا اما حزب وطنى
انا والله مدرس زيكم ومستوايا المادى عاادى
والمظاهرات او الاعتصامات دلوقتى ..... ليها ضرر كبير على الدولة بأكملهاا
احنا الوزير قالنا هنتعيين وهنتثبت بس مش كل حاجة عاوزنها دلوقتى دلوقتى
ازاى ده الراجل ماسك بقاله اسبوع ..... يا جماعه احنا بنقبض وراتبنا شغاال
والله العظيم فيه نااس ما لاقيه شغل ولا معاها فلوس تاكل ولا تأكل عيالها احمدوا ربنا الى النعمه الى فى ايديكم
وخلونا نشتغل وفى نهاية السنة لو محدش اتعيين يبقى نعمل أعتصاام كلنا وانا اولكم
بس دلوقتى مش ينفع الجيش تعب معانا جدا بقى عين بره وعين جوا على امن البلد مش عارف يلاقيها منين
ولا هو عشان الجيش مش بيتكلم معانا وسايبنا نعبر عن راينا يبقى نعملها فوضى وكله يعتصم
وبعدين حط نفسك مكان والد التلميذ لما يلاقى ابنه السنة بتضيع عليه بسبب ايه فلووس ملعون ابو الفلوس
الى غيرت الناس بالشكل ده وأســـــــــــف ع الاطــــــــــــــــاله

[تامر محمود مراد]

English101


هو ده الكلام الصح تسلم

[تامر محمود مراد]

بكرة هو اول ايم العمل وسوف اذهب الي عملي ولن استمع لدعوات المخربين

[مستر ابو عبد الرحمن]

يا جمااااعه كفايه اعتصامات واضرابات بجد بلدنا بتضييييييييييييع

[احمد محمد عبد المجيد]

طول ما التحرير مستمر طول ما المفسدين بيقعوا

تحيا مصر

[drfayoum2010]

معك حق يا استاذ تامر واوافقك الراى تماما

واريد ان اوجه كلمة الى مستر واى يا اخى اين كنت ايام الثورة اين كنت عندما ضحوا هؤلاء الشهداء بانفسهم

والله لو انك كنت معهم ما كنت لتقول هذا الكلام ولا تدعو الى مثل هذه الاعتصامات والاضرابات

فمن ذهب الى ميدان التحرير وكان على استعداد ان يضحى بنفسه من اجل هذه البلد لاحس بهذه البلد

يا مستر واى لقد صبرت ثلاثون عاما ولم تطالب بحقك فهل لك ان تصبر شهور حتى تستعيد بلددنا وضعها وتعود الى الاحسن وسوف يحصل كلا منا على افضل مما كان يتمناه

كفانا اضرابات واعتصامات واتركوا البلد تفيق فسوف يحاسبنا الله على تقصيرنا فى حق هذه البلد

[تامر محمود مراد]

المشاركة الأصلية كتبت بواسطة drfayoum2010

معك حق يا استاذ تامر واوافقك الراى تماما

واريد ان اوجه كلمة الى مستر واى يا اخى اين كنت ايام الثورة اين كنت عندما ضحوا هؤلاء الشهداء بانفسهم

والله لو انك كنت معهم ما كنت لتقول هذا الكلام ولا تدعو الى مثل هذه الاعتصامات والاضرابات

فمن ذهب الى ميدان التحرير وكان على استعداد ان يضحى بنفسه من اجل هذه البلد لاحس بهذه البلد

يا مستر واى لقد صبرت ثلاثون عاما ولم تطالب بحقك فهل لك ان تصبر شهور حتى تستعيد بلددنا وضعها وتعود الى الاحسن وسوف يحصل كلا منا على افضل مما كان يتمناه

كفانا اضرابات واعتصامات واتركوا البلد تفيق فسوف يحاسبنا الله على تقصيرنا فى حق هذه البلد

هو ده الكلام المظبوط ربنا يفتح عليك كمان وكمان