البحث عن عماد الكبير بطل كليب التعذيب لكن ((كبلطجى)) هذه المرة !!!!!

[الأستاذة هدى]

المشاركة الأصلية كتبت بواسطة Mr.Hani

مصر بلد المضحكات المبكيات
من نصدق؟ الصحافة أم عماد أم المن أم نصدق أنفسنا أم لا نصدق أحد مما ذكرت؟
معقول دى مصر؟!!!

كده القضية اتلخبطت خااالص .. نصدق مين والا مين والا مين وسط العالم المجانين معلش القافية حكمت

وطبعاً دى مش مصر .. مصر بعد الكوبرى أول شارع ع اليمين

نورت الموضوع دكتور هانى ...

[الأستاذة هدى]

المشاركة الأصلية كتبت بواسطة emadcom

و لسة إحنا بكرة هنشوف العجب

المشاركة الأصلية كتبت بواسطة emadcom

ضباط الشرطة هما اللى بيصنعوا الناس دى و بيستخدموها كمرشدين وبلطجية أثناء الانتخابات و ضد الناس الكبار اللى ليهم مشاكل شخصية مع الضباط ,, دى سياسة يا جدعان

نعم يا اخى وهذا من العجب .. الذى رأيناه وسنراه !!!!!!

نورت الموضوع اخى الكريم

[الأستاذة هدى]

المشاركة الأصلية كتبت بواسطة علاء سيف

الاخت الغالية أبله هدى




والله من الاول مش مرتحاله وحاسس ان الظابط ده اتظلم وكان ابن ناس فعلا والواد شكله مجرم وبتوع حقوق الانسان الدولاريين ولعوها
عموما ربنا يهدي وكل عام والجميع بخير

مشكور اخى الغالى استاذ علاء ..
نورت الموضوع ..
بس الظابط ده ما اتظلمش اوى يعنى

هو عمل حاجة الناس كلها شافتها الا انا برده

بس هو اكيد يستاهل العقاب حتى يكون عبرة لغيره من الضباط

لكن هذا يعلمنا ان "لا دخان بدون نار " ..
يعنى هذا العماد الكبير كبير فعلاً فى البلطجة وربما كان هذا سبب ماحدث له .. لأن ربنا سبحانه وتعالى بيخلص

ولكن هذا ليس مبرر لأن يتحول الضابط لمجرم، والا وجدنا لخبطة عارمة كتلك التى أشار اليها مستر هانى فى مشاركته !!!!!!!!

نورت الموضوع اخى الغالى ولا حرمنا الله من مشاركاتك

[الأستاذة هدى]

المشاركة الأصلية كتبت بواسطة rawy2009

سبحان الله ولا حول ولا قوة الا بالله

الا يكفى هذا الرجل انه ذاق الامر نفسه حتى يزيق به اخرون
نعم ابله هدى انها دموع التماسيح
البلطجية الايام دى كتروا قووووى.......

‏ هى دى بلطجة على الحكومه ولا ايه .............!!!!!!
ولا سكوت منها ............!!!!!!!!!!!!!!
ولا ايه بالظبط......!!
هو لما بيبلطج على الحكومه الا يبلطج على زملائه
ادعو الله ان يسلمنا من كل من تسول له نفسه( سائق كان او ضابط او.....الخ)
بالبلطجة والتجبر وفرد العضلات واكل اموال الناس بالباطل.
واتمنى من الجهات المعنية ان تطبق عقوبات رادعة؛ حتى يكونوا عبره لامثالهم، وحتى ينعم المجتمع بالامن .

بالفعل اخى الفاضل استاذ راوى البلطجية كتروا اوووووى

اعتقد انها ظاهرة تحتاج لدراسة .. انتشار الجريمة وكثرة البلطجية !!!!!!!!!

القانون السائد الآن حتى بين الحكومة والشعب هو البلطجة المتمثلة فى عقود الإذعان
يعنى تدفع وبعدين تشتكى .. يعنى الأسعار تزيد ولازم غظماً واقتادراً تنفع مهما كان

وده نوع من البلطجة الحكومية ضد الشعب الغلبان برده

لذا الأخ عماد الكبير حالة تحتاج لتساؤل ..
هل بلطج عليه الضابط فلمَ يبلطج على زملائه مع ان من ذاق الظلم عرفه
هل كان بلطجى قديم بالفعل ؟؟ اذن لمَ لم ينته ويتعظ عندما رأى العقاب الواقع على الضابط ألم يعلم ان الجريمة لابد لها من عقاب ؟؟!!!!!!!

أسئلة كثيرة تتبادر وتتداخل فى هذا النموذج الغريب !!!!!!!!!

[الأستاذة هدى]

المشاركة الأصلية كتبت بواسطة ghoneem84

هذا الشخص ما فيه الان بسبب الحكومة

ربما يا اخى الكريم لكن هذا ليس مبرر ليستكمل البلطجة على زملائه ..
ومن المفترض ان من ذاق طعم الظلم لا يظلم غيره !!!!!!!

تحياتى لحضرتك ونورت الموضوع

[الأستاذة هدى]

المشاركة الأصلية كتبت بواسطة مجرد حلم

ظابط مظلوم ؟ وكمان ابن ناس ؟ ايه يا اخ اللى بتقوله هو خلاص بقى فى عقليتنا انهم ولاد ناس وباقى الشعب ولاد شوارع

شكراً لمرورك الكريم

[الأستاذة هدى]

المشاركة الأصلية كتبت بواسطة لا اله الا الله 1000

سلم عماد الكبير، بطل فيديو التعذيب الشهير والمتهم فى أحداث شغب بولاق، نفسه لرجال مديرية أمن الجيزة بعد محاصرته داخل قرية بنى مجدول التابعة لمركز كرداسة بمحافظة 6 أكتوبر بعد هروبه إليها واختبائه بها لمدة 3 أيام،حيث حاصرته قوات الأمن وضيقت الخناق عليه حتى أجبرته على تسليم نفسه خوفا من مواجهة رجال الشرطة.

كان عماد الكبير قد تم اتهامه فى إثارة أعمال الشغب والعنف بشارع ناهيا بمنطقة بولاق الدكرور وإطلاق الأعيرة النارية مما أسفر عن إصابة 21 مواطنا وتحطيم 8 محلات تجارية.

تعود أحداث الواقعة عندما تلقى اللواء محسن حفظى مساعد وزير الداخلية ومدير أمن الجيزة بلاغا من الأهالى بنشوب مشاجرة بالأسلحة النارية والبيضاء بشارع ناهيا فأمر بانتقال رجال المباحث إلى محل الواقعة وإجراء التحريات وتبين للواء كمال الدالى مدير الإدارة العامة لمباحث الجيزة أن مشادة كلامية نشبت بين عماد الكبير وسائق بموقف ناهيا يدعى على الزهيرى، بسبب رفضه دفع إتاوة لعماد الكبير"كارتة" وتطورت المشادة إلى مشاجرة استعان خلالها الكبير بعدد كبير من أصدقائه وتوجهوا لمنزل السائق وتعدوا عليه بالضرب وأثناء محاولة جيران المتهم من أصحاب المحلات التجارية الدفاع عن السائق وحمايته أطلق عماد الكبير وأصدقاؤه عددا من الأعيرة النارية أسفرت عن إصابة 21 ثم قاموا بتحطيم 8 محلات تجارية، وفر هاربا عقب الواقعة، بينما تم ضبط عدد من المتهمين من بينهم "محمد.ش" نجل عم عماد الذى أمرت النيابة بحبسه 4 أيام على ذمة التحقيق، كما أمرت بإخلاء سبيل باقى المتهمين بضمان مالى، وأمرت النيابة بسرعة ضبط المتهم الهارب عماد الكبير.

وبإجراء التحريات تبين لرجال المباحث أن المتهم يختبئ داخل قرية "بنى مجدول" بكرداسة وبالتنسيق مع الإدارة العامة لمباحث أكتوبر بإشراف اللواء أسامة المراسى مدير الأمن تمت محاصرة القرية وبتضييق الخناق عليه قام بتسليم نفسه لرجال المباحث التى ألقت القبض عليه دون أى مواجهة وتمت إحالته إلى النيابة للتحقيق

الحمد لله الذى بنعمته تتم الصالحات ...

مشكور اخى الفاضل على نقل هذا الخبر والمتابعة ..

تقبل تحياتى وتقديرى

[الأستاذة هدى]

المشاركة الأصلية كتبت بواسطة ا/توفيق عزت

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ

صحيح يا دكتور علاء سيف الكيميائى
ازاى ظابط ابن ناس
و واحد بلطجى مش ابن ناس
تحصل بينهم مشكلة
يتفرج عليها الناس
كان المفروض الناس اللى فى النيابة
يشوفوا كويس شكل الظابط و يعرفوا انه ابن ناس
و يشوفوا البلطجى و يعرفوا انه ابن مش ناس
و بعد كدة يقبضوا على اللى ابن مش ناس
و يسيبوا ابن اللى ناس
هو ايه؟؟؟؟ ما فيش مقامات فى البلد و لا ايه ؟؟؟؟؟؟؟؟؟؟


:07811 1rg3:

حلوة حكاية الناس والناس والناس دى اوى
نسيبنا من سيرة الناس احسن
من راقب الناس
عاش فى الوسواس

[الأستاذة هدى]

المشاركة الأصلية كتبت بواسطة مريم زيدان

لييييييييييييييييييه !!!!!!
هو انت مشفتش فيديو التعذيب ولا اييييييييييييه ؟؟
الفيديو منتشر على اليوتيوب يا استاااذ
بجد تعليق مستفز جداااااااا
يعنى هما حكموا على الظابط ظلم يا سلاااااااااام
لاهعيط لا انا هعيط بجد

لالالا اوعى تعيطى يا استاذة مريم يا اختى ....
هأزعل والله

[الأستاذة هدى]

المشاركة الأصلية كتبت بواسطة مريم زيدان

لا ده الظابط ابن المفترية صور عماد الكبير بالفيديو و هو بيهتك عرضه عشان يذل عماد
و يفضحه فى الشارع و نشر الفيديو يعنى دى بلطجة ظابط جواه غل دفين مش مجرد فقدان اعصاب للحظة وخلاص
و لو كان عماد بيتبلطج دلوقتى اعتقد انها حالة نفسية و بيعمل كده من اللى شافه ، كرامته اتهانت المسكين

وايه دخل الأمهات بين البلطجية بقى
لا انا كده مش هالعب معاكم خاااااالص

[faten forever]

شكرا ياأستاذه على الخبر

وعلى الردود التى تتسم بخفه الدم المصرى !!

[الأستاذة هدى]

المشاركة الأصلية كتبت بواسطة faten forever

شكرا ياأستاذه على الخبر

وعلى الردود التى تتسم بخفه الدم المصرى !!

مشكورة يا استاذة للمرور الكريم ...

أما خفة الدم المصرى فقد اتبعت بعلامة تعجب وهذا يثير التساؤل ؟؟؟!!!

وعلى كل خفة الدم المصرى طبع كل مصرى وهذا واضح من مشاركات الجميع هاهنا ... كل سنة والشعب المصرى بكل خير ..

[عاشقة الموج]

تم زرع أنواع مختلفة من البلطجة الحكومية و بعض أفراد الشعب
و جاء ميعاد الحصاد و كل يوم نسمع عن الجديد لأنواعها
شكراً مس هدى على الخبر
مازال يؤكد على أهمية ( امش جنب الحيط )
و كل الأمثال الشعبية على هذا المنوال
دام الجميع بسعادة و كل سنة و أنتم بخير

[الأستاذة هدى]

المشاركة الأصلية كتبت بواسطة عاشقة الموج

تم زرع أنواع مختلفة من البلطجة الحكومية و بعض أفراد الشعب
و جاء ميعاد الحصاد و كل يوم نسمع عن الجديد لأنواعها
شكراً مس هدى على الخبر
مازال يؤكد على أهمية ( امش جنب الحيط )
و كل الأمثال الشعبية على هذا المنوال
دام الجميع بسعادة و كل سنة و أنتم بخير

يبدو اننا سنمشى جوه الحيط وليس بجواره اختى الغالية

دمتِ بكل ود وكل عام والجميع بخير ...

نورتِ الموضوع يا اجمل موجة