البحث عن عماد الكبير بطل كليب التعذيب لكن ((كبلطجى)) هذه المرة !!!!!

[مريم زيدان]

المشاركة الأصلية كتبت بواسطة علاء سيف

اشكر الاخوة على التعليق بس ياريت يتسع صدرهم اكتر للخلاف في الرأي
ولا اظن ان التهكم من سمات الحوار المثمر

ما اقصده ليس ان من حق الضابط ان يعذب احد ولا انه لم يخطئ
ولكن تصور كده عندك طالب زي عماد ده في فصلك اكيد هاتعامله بطريقة مختلفة شوية
ويجوز تفقد اعصابك معاه لانه مستفز
راح اشتكاك والادارة حققت معاك اكيد سيادتك هاتاخد خصم وجزا
ويمكن نقل وتطلع المدرس المفتري في برامج التوك شو
وبعدها يرجع هو زي ماكان وهيفضل يبلطج على التلاميذ ويفرض عليهم اتاوة
ماقلته انه هل خطأ الضابط يستحق ضياع مستقيله؟
وانا لم اشاهد الكليب فقط سمعت عنه
وهل عماد بهذة البراءة وانه ملاك وضحية كما حاولت ونجحت جمعيات حقوقية مدعومة من الخارج في تسويقه لنا
دمتم بخير

لا حضرتك غلطان
المدرس حاجة و ظابط الشرطة حاجة تانية
المفروض ان ظابط الشرطة هو اللى بيحمى الوطن
و مينفعش يفقد اعصابه خاااااااالص
لان المفروض انه متدرب نفسيا و المفروض انه كل يوم بيقابل جميع انواع المجرمين و البلطجية
يعنى كل يوم بيشوف جميع انواع الاستفزازت
و عموما مش من حق اى ظابط شرطة انه يعذب و يهتك عرض مواطن مهما كان عمل
و بالنسبة لموضوع عما الكبير فتعذيبه مكنش مجرد ظابط فقد اعصابه و غلط
لا ده الظابط ابن المفترية صور عماد الكبير بالفيديو و هو بيهتك عرضه عشان يذل عماد
و يفضحه فى الشارع و نشر الفيديو يعنى دى بلطجة ظابط جواه غل دفين مش مجرد فقدان اعصاب للحظة وخلاص
و لو كان عماد بيتبلطج دلوقتى اعتقد انها حالة نفسية و بيعمل كده من اللى شافه ، كرامته اتهانت المسكين

[علاء سيف]

الاخت العزيزة احترم وجهة نظرك واخلاف لايفسد الود الا في مصر طبعا

المشاركة الأصلية كتبت بواسطة مريم زيدان

لا حضرتك غلطان
المدرس حاجة و ظابط الشرطة حاجة تانية
يعني المدرس اللي هايبص للواد المتشرد بس ولا هايضربه عصايتين هاترحموه؟؟؟؟
المفروض ان ظابط الشرطة هو اللى بيحمى الوطن
و مينفعش يفقد اعصابه خاااااااالص
أظن لأنه مش بشر؟؟؟أو راتبه الاف مؤلفة؟؟؟ أظن حضرتك لاتعرفي ضباط في الواقع وانا لدي معارف واقارب وارى معاناتهم عن قرب

و عموما مش من حق اى ظابط شرطة انه يعذب و يهتك عرض مواطن مهما كان عمل
طبعا طبعا حضرتك معاكي كل الحق في هذا وهذ ما كتبته انا في المشاركة السابقة ايضا

و لو كان عماد بيتبلطج دلوقتى فمش ذنبه اعتقد انها حالة نفسية و بيعمل كده من اللى شافه كرامته اتهانت

لا طبعا انه يمارس البلطجة دي من قبل القضية ويمكنك العودة للوراء وستجدي اني محق فتاريخه في الموقف معروف من زمان
ولكننا دوما نجد عذرا للبطلجي وللطالب المتشرد وللسائق المخالف ولا نجد الا الاعدام المعنوي للضابط والمدرس وحتى عسكري المرور
ويعيش اعلام ساويرس وبهجت وراتب
دمت بخير وكل سنة وحضرتك طيبة

[مريم زيدان]

انا قولت لحضرتك ان الظابط بيبقى مدرب نفسيا و لازم يبقى بارد
لكن بقى لو اعصابه على كف عفريت يبقى ميشتغلش الشغلانة دى
يعنى مينفعش يقتلوا المواطنين و نقول معلش اصله مواطن مستفز
مينفعش كمان المقارنة بين ظابط الشرطة و المدرس
لان ظابط الشرطة هو اللى بيحمى البلد و بيحافظ على الامن العام
و غلطة الشاطر بألف
و بالنسبة للظابط اللى عذب عماد فملهوش اى عذر
لان مفيش اى حاجة ممكن تأدى الى ان ظابط يعذب شخص و يهتك عرضه و يصوره .. ايه اللى حصل ممكن يوصل لكده ايه ؟؟
دى مش لطشة ألم عشان نقول فقد اعصابه دى بلطجة
و كل سنة وحضرتك وحضراتكم طيبين

[الأستاذة هدى]

المشاركة الأصلية كتبت بواسطة مريم زيدان

لا ده الظابط ابن المفترية صور عماد الكبير بالفيديو و هو بيهتك عرضه عشان يذل عماد
و يفضحه فى الشارع و نشر الفيديو يعنى دى بلطجة ظابط جواه غل دفين مش مجرد فقدان اعصاب للحظة وخلاص
و لو كان عماد بيتبلطج دلوقتى اعتقد انها حالة نفسية و بيعمل كده من اللى شافه ، كرامته اتهانت المسكين

وايه دخل الأمهات بين البلطجية بقى
لا انا كده مش هالعب معاكم خاااااالص