"ملتقى طلاب 3 ثانوي"

[سارة عطالله]

اكيد اعلى من التنسيق بتعنا
ولما نشوف مين هيكون الوزير ليهم

[msh motafa2el]

انا حاسس ان هندسة هتطلع 96 بس يارب تكون اقل من كدة هههههههههه

[دى برولى]

انا اتوقع اقل هندسة تاخد من 95

[لوجين 3]

لسا بدري اووووووووووووووووووي علي الكلام ده
علي حسب الامتحانات وربنا معاكم

[the matrix 50]

بصراحة امتحانات المرحلة الاولى السنة دى جات سهلة قوى وشوفتوا بنفسكم المجاميع كانت عاملة ازاى دا اقل واحد جاب 97 وعلى فكرة الوزير احمد جمال موسى اتهزأ على سهولة الامتحانات يعنى لو جاء وزير جديد او فضل هو زى ماهو فى احتمالين وارجح الاحتمال الاول ان الامتحانات تكون صعبة وممكن تكون اصعب من 2008 وتنقص المجاميع العالية وكده التنسيق ينخفض ويريح بتوع التنسيق وممكن تيجى امتحانات سهلة ودا صعب الا اذا حدثت ثورة تانية وساعتها التنسيق حيكون مرتفع جدا يعنى ممكن طب تاخد من 99 وربنا يسهل ومتبصوش للتنسيق هيكون عامل ازاى
اهم حاجة تركزوا فى مذاكرتكم وربنا مش بيضيع مجهود حد

[د.ميرو (باذن الله)]

ربنا يبشركم جميعا بالخير يا جماعه عملتو اللي عليكو زياده ف التخويف وغيرة

حرااام عليكو تفاؤلو بالخير تجدوووووووووه

[highlight]

عارفين يا جماعة.........والله الاختيار صعب
على الرغم من الثورة واللى حصل
يعنى انا كنت متوقعة انهم يخافوا و يحترموا نفسهم وينزلوا التنسيق
وان المجلس الاعلى كان جنبينا (الى حد ما)
الا ان ده محصلش على الرغم من الثورات
فا مقدرش احكم ابدا على الوضع هيكون ازاى
بس فكرة جامدة يا تويتى

[romyo999]

الله يرحم انا مكنتش اعرف يعني ايه تنسيق الا بعد ما ابتدينا نملا الرغبات و الله

[only one]

انا مش هقووول غير
ربنا يستر!!!!!!!!!!!!!!!!!!!!!!!!!!

[zamalek1]

اكيد امتحانات علمى 3 ثانوى 2012 هتكون تعجيزية بجد اكيد سمعتوا عن امتحانات على 2008 الحكاية ان فى 2007 حصل نفس الموضوع والدرجات كانت كلها فوق التسعين ممكن تتطلعوا على تنسيق 2008 اعلى طب فى مصر 97.1% لان نسبة الرسوب فى مادة الفيزياء عدت ال43% من جملة طلاب علمى وكذلك رياضة 2 واحياء وكيمياء فبلاش تسالوا عن التنسيق وذكروا وبس بس جامد شوية عشان التوقعات ده توقعات الخمس مدرسين اللى عندى وانا كمان عندى المدرسين اصغر واحد فيهم معدى ال50 سنة

[د/نداء الجنة المصرية]

المشاركة الأصلية كتبت بواسطة zamalek1

اكيد امتحانات علمى 3 ثانوى 2012 هتكون تعجيزية بجد اكيد سمعتوا عن امتحانات على 2008 الحكاية ان فى 2007 حصل نفس الموضوع والدرجات كانت كلها فوق التسعين ممكن تتطلعوا على تنسيق 2008 اعلى طب فى مصر 97.1% لان نسبة الرسوب فى مادة الفيزياء عدت ال43% من جملة طلاب علمى وكذلك رياضة 2 واحياء وكيمياء فبلاش تسالوا عن التنسيق وذكروا وبس بس جامد شوية عشان التوقعات ده توقعات الخمس مدرسين اللى عندى وانا كمان عندى المدرسين اصغر واحد فيهم معدى ال50 سنة

هو الكلام ده اللى منزل المستويات لان كله قلقان وخايف متهيالى الامتحانات مش هتبقى صعبةبس اللى اعصابه هادية هو اللى هيحقق درجات عالية السنه دى

[ningooooo]

لـــــــــــــــــــــــــسة بدري عليكم
انت بتعقدم نفسكم من دلوقتي أمال هتعملوا و انتم مستنيين نتيجة التنسيق

و احب اطمنك أن كل التوقعات غلط و سيبك من الجرايد و الكلام الفاضي ده و عمر ما في حد يقدر يتوقع نتيجة التنسيق خالص

[TheMobiler]

انا متهيألى كدة لو الامتحانات جت زى مستوى السنة اللى فاتت كدة ..

التنسيق هيضرب فى السماء

إنما بقى لو رقعونا امتحانات محترمة ( بس أكيد مش أعلى من 2008 ) ,

التنسيق هيفضل زى ما هو ولا هيطلع ولا هينزل .. دة من وجهة نظرى يعنى

تحياتى .

[Engineer ..]

طيب أنا أحترم كلماتكم وتعليقاتكم


ناخد بالنا من حاجه

الإمتحان هتيجي صعبة والطلبة هتغش وهتجيب مجموع والطب 99 مش هينزل عن ال99 وبكره تقولوا اني قولت كده
الصيدلة 97،5 والأسنان 98 والهندسة حسب طلبة علمي رياضة لو كتير هتبقى حد أدنى 96 ولو قليل 95

أتمنى الطب يبقى من 94 والله لكن هنعمل ايه طول ما في غش اعرف ان التنسيق في السما

[highlight]

المشاركة الأصلية كتبت بواسطة Dr.Mohamed Taha

طيب أنا أحترم كلماتكم وتعليقاتكم
ناخد بالنا من حاجه
الإمتحان هتيجي صعبة والطلبة هتغش وهتجيب مجموع والطب 99 مش هينزل عن ال99 وبكره تقولوا اني قولت كده
الصيدلة 97،5 والأسنان 98 والهندسة حسب طلبة علمي رياضة لو كتير هتبقى حد أدنى 96 ولو قليل 95

أتمنى الطب يبقى من 94 والله لكن هنعمل ايه طول ما في غش اعرف ان التنسيق في السما

الله ينور عليك