اللى داخل امتحان الكادر 26/7/2011 يدخل هنا

[waleed7988]

المشاركة الأصلية كتبت بواسطة مشتاقه لمصر

ربنا يوفقك يا استاذ وليد ويسدد خطاك

وبالنسبه للاسئله

انا عملتها الكاتب موضوعى

والقمر مختال لانه انسب لما يعنيه النص والله تعالى اعلم

المشاركة الأصلية كتبت بواسطة mahmoud1011

ربنا معاك في امتحان النهاردة يا وليد وكل الدعوات ليك بالتوفيق

النموذج اللي انا منزله ده عامله زميل تاني وهو اللي قام باعداده.. بس زي ما انت شايف الاجابات قريبة من بعض جدا في بعض الاسئلة وأنا عن نفسي هختار

( أ ) واقعي للسؤال الأول

والسؤال التاني

مره يقول معنى (زاه رفراف ) ومرة يقول معنى( زاه ) بس.. علشان كده هتلاقي اختلاف كتير

أما أنا يا سيدي لو جت هختار (ساطع)..

وربنا يوفقك مرة تانية ومستنيك الليلة علشان تطمنا ونناقش الاسئلة

تقبل تحياتي

ربنا يبارك فيكم يارب
وربنا يسترها بقه النهارده والسرفر والاجهزة تكون تمام
وانا لسه قاري الوقتي على اليوم السابع
ان الامتحانات بدل ماهي ثلاث لجان في اليوم هتبقه اربع لجان وهتبدأ من الساعه 8.30 صباحا
وده رابط الموضوع علشان اللي حابب يطلع عليه
انا وضعته بالمرفقات لاني بعمله بالموضوع بيقول لابد من ان تكون مشاركاتك 25
وان شاء الله اشوفكم بالليل واقولكم ايه حصل

[mahmoud1011]

المشاركة الأصلية كتبت بواسطة waleed7988

استاذ محمود اولا حمدالله على سلامتك

وكان لي استفسار بالنسبة لقطع العربي اللي انت منزلها بمشاركتك السابقه

قطعه البحر

4- يرى الكاتب أن الإنسان فى الحياة يشبه السفينة بين أمواج البحر . بم تحكم عليه فى ضوء قراءتك للنص
( أ )واقعى ، لأنه يعبر عن واقع حياة الإنسان .
( ب ) انهزامى ، لأنه يرى الإنسان ضعيفا مقهورا .
( ج ) قدرى ، لأنه أغفل إرادة الإنسان وقدراته.

( د ) موضوعى ، لأنه أقر للإنسان قانونه ، وللطبيعة قوانينها .

5- ما معنى كلمة " زاه " فى الفقرة الثالثة؟
( أ )متعال . ( ب ) ساطع .
( ج ) مختال . ( د ) منير .

دي اجاباتك في الملف اللي انا لسه منزله وانت لسه رافعه
مع العلم انك قايل لاجابة لي قبل كده
ان اجابة السؤال الاول واقعي
واجابة السؤال الثاني مختال
اختار انا بقه اي اجابة

شوف يا وليد انا بحثت بسرعة دلوقتي بين معظم الاجابات للزملاء الخاصة بالسؤالين اللي انت ذكرتهم وشفت إنك تختار

الاول : موضوعي
الثاني : مختال

وربنا يوفقك

[waleed7988]

المشاركة الأصلية كتبت بواسطة mahmoud1011

شوف يا وليد انا بحثت بسرعة دلوقتي بين معظم الاجابات للزملاء الخاصة بالسؤالين اللي انت ذكرتهم وشفت إنك تختار

الاول : موضوعي
الثاني : مختال

وربنا يوفقك

توكلت على الله واذا جت هختارهم ورزقي على الله

[waleed7988]

الف شكر على الاهتمام استاذ محمود
وربنا يوفقك انت كمان

[طارق نجاح]

ربنا يوفقك يا استاذ وليد اناعايز اسال سؤال هل كل اللى بيمتحن امتحانات زى بعض مع اختلاف الترتيب فقط يعنى تربوى الاول او تخصص او عربى وارجو اى حد امتحن انجليزى اعدادى يقول كان فى اية لانى مسافر بكرة والامتحان يوم الثلاثاء واشكر كل من شارك فى هذا الموضوع وجزاة اله خير

[badnamef4]

السلام عليكم و رحمة الله و بركاته
أنا بدخل على موقع أكاديمية المعلمين و بكتب كود المعلم و الرقم القومي و الباسوورد صح
و بتفتح الصفحة المفروض أطبعها
و بدوس على زرار الطباعة و بيبفتح المربع إياه عادي جداً لكن المشكلة إن فيه كلام فيه بالمقلوب زي كلمة القاهرة مثلاً و كده
فأعمل إيه عشان أحل المشكلة دي؟
و شكراً مقدماً
السلام عليكم و رحمة الله و بركاته

[mahmoud1011]

شوف يا أخي بادنام ( داخل الصفحة فيه إرشادات تعملها قبل الطباعة ) شرحها ليك الأخ وليد في الصفحة السابقة ولو استمرت المشكلة - اعمل كليك يمين وشوف اللغة ( الترميز) وخليه unicode اما اذا استمرت المشكلة فعليك بعمل الاتي

1- طباعة الصفحة كما هي ولن يضر عدم وضوح كلمة أو أكثر
2- محاولة فتح الصفحة من جهاز آخر وطباعتها من جهاز آخر
3- يمكنك بعد فتح الحساب تدخل من قائمة ملف ( file) وتختار حفظ باسم ( save target as ) وتختار امتداد ويب أرشيف web archive .. وبكدة لو الجهاز التاني معندوش نت تقدر تطبع الصفحة دي الملف اللي حفظته..
وعاوز أقولك أن أهم حاجة في طباعة الورقة إن يبقى فيها اخطار مكان وتاريخ الامتحان مع الاسم والكود ليس الا
وربنا يوفقك

[waleed7988]

السلام عليكم ورحمة الله وبركاته

الحمدلله انا روحت النهارده وخلصت
بجد كانت حاجه حرق اعصاب
بس والله العظيم اطمنكم النت كان سريع جدا وانا حليت الـ100 سؤال ورجعتهم كمان مرتين غير الحل يعني قرأت الامتحان تلات مرات ماشاء الله يعني
وكنا بنتكلم مع بعض عادي جدا وبنحل مع بعض عادي وكان فيه ناس بتتكلم في التلفون عادي برده
يعني من الاخر متشدوش اعصابكم الدنيا بقت سهله والله

أما الاسئله اللي جاتلي

العربي
قطعه الحاكم الصيني وقطعه الصيف بالاضافة لقطعه جديدة

اقرأ القطعة التالية وأجب عما يليها
التخلق غير الخلق وأكثر الذين نسميهم فاضلين متخلقون بخلق الفضيلة لا فاضلون؛ لأنهم إنما يلبسه، هذا الثوب مصانعة للناس أو خوفا منهم أو طمعا فيهم فإن ارتقوا عن ذلك قليلا لبسوه طمعا في الجنة التي أعدها الله للمحسنين أو خوفا من النار التي أعدها الله للمسيئين أما الذي يفعل الحسنة لأنها
أما الذي يلعن المعصية لأنها حسنة أو يبتعد عن المعصية لأنها سيئة، فذلك من لا تعرف له وجود أو تعرف له
لا ينفع المرء أن يكون زاجره عن الشر خوفه من القانون أو خوفه من الناس، لأن الناس لا ينفرون من الرذائل بل ينفرون مما يضر بهم، رذائل كانت أم الفضائل، وإنما ينفع المرء أن يكون ضميره هو الضوء الذي يهتدي به ومناره الذي يستثيره بدوره في طريق حياته، وما زادت الأخلاق بخير حتى خذلها الضمير وتخلى عنها، وتولت قيادتها العادات والمصطلحات، والأنظمة ففسد أمرها، واستحالت إلى صور ورسوم وأنابيب وألاعيب
الخلق هو الدمعة التي تترقرق في عين الرحيم كلما وقع نظره على منظر من مناظر البؤس، أو مشهد من مشاهد الشقاء
هو القلق الذي يساور قلب الكريم، ويحول بين جفنيه والإغماض، وكلما ذكر أنه رد سائلا، أو أساء إلى ضعيف أو مسكين، هو الحسرة التي تلبس وجه الحيي خجلا من الطارق الذي يستطيع رده ولا يستطيع مد يد العون إليه،واللجلجة التي تعتري لسان الشريف حينما تناله من الأيدي من العبث بعرضه أو برسالته،هو الصرخة التي يصرخها الأبي في وجه من يحاول مساومته على خيانة وطنه0
1) أي البدائل التالية لا يظهر فيها مفهوم التخلق كما ورد في القطعة:
أ‌- الإحساس بمعاناة الفقراء
ب‌- الإساءة للضعفاء والمساكين
ت‌- تلبية السائلين وإكرامهم
ث‌- العطف على الأيتام
2) بم توحي عبارة يحول بين جفنيه والإغماض في الفقرة الأخيرة:
أ‌- المعاناة من الأرق
ب‌- عذاب الضمير
ت‌- حب السهر
ث‌- الإصابة بالتوتر
3) أي مما يلي يؤدي إلى الحفاظ على الأخلاق طبقا لما ورد في القطعة:
أ‌- تطبيق القانون وتجنب الرذائل
ب‌- الحرص على فعل الخيرات
ت‌- مراعاة الضمير في كل فعل
ث‌- الحرص على العادات والتقاليد
4) في ضوء معلومات القطعة،بم تفسر: دمعة الرحيم وقلق الكريم وحمرة الحيي، ولجلجة الشريف في المواقف الإنسانية الصعبة:
أ‌- العاطفة الفياضة
ب‌- رقة الشخصية
ت‌- السلوك المتحضر
ث‌- الضمير الحي
1) أي الكلمات التالية أقرب إلى كلمة مصانعة كما وردت في الفقرة؟
أ‌- النفاق
ب‌- الإرضاء
ت‌- التقليد
ث‌- التصنع

وطبعا بالاضافه لاسئله تانية هحاول افتكرها

- أي الجمل التالية صيغ صياغة صحيحة ؟
- اجتهد مهندسو السد العالي
- حضر ألوا الفضل للحكم في المنازعة
- أتقن مصممو المنهج عملهم
- اقتنع معارضو الفكرة بالحجة

السؤال ده يا استاذ محمود جه كده بالحرف الواحد وأنا اخترت أجهتد مهندسو السد العالي

وفيه سؤال تاني كانت جمله في اخرها كلمتين الحياه الجامعيه
حدد الرسم الصحيح لاخر حرف في الكلمتين

1- تاء مربوطة - هاء
2- هاء - تاء مربوطه
3-تاء مربوطة - تاء مربوطة
4- هاء - هاء

- المعلمون صانعو حضارات

أ) مازل المعلمون صانعي حضارات
ب)مازل المعلمين صانعو حضارات
ج)مازال المعلمون صانعو حضارات

- أيتها المعلمه أن ..... الجهد ......... الاجر

أ) تبذلين - تنالين
ب) تبذلي - تنالي
ج)تبذلين - تنالي
د) تبذلي - تنالي


وفيه اسئله تانية لو افتكرت منها حاجه هقولها ليكم

[waleed7988]

وفيه سؤال تاني برده عاوز فيه ايه مجموعه مما يلي يجب حذف الهمزة من أوائل كلماتها
بس صراحة والله مش متذكر الكلمات
بس حلها طبعا يهكون سهل
هنضيف الواو لاول الكلمة نطق الحرف لاول يبقه مش هنحذف الهمزة منطقش الحرف الاول هتكون نحذف الهمزة

[mahmoud1011]

المشاركة الأصلية كتبت بواسطة waleed7988

السلام عليكم ورحمة الله وبركاته

الحمدلله انا روحت النهارده وخلصت
بجد كانت حاجه حرق اعصاب
بس والله العظيم اطمنكم النت كان سريع جدا وانا حليت الـ100 سؤال ورجعتهم كمان مرتين غير الحل يعني قرأت الامتحان تلات مرات ماشاء الله يعني
وكنا بنتكلم مع بعض عادي جدا وبنحل مع بعض عادي وكان فيه ناس بتتكلم في التلفون عادي برده
يعني من الاخر متشدوش اعصابكم الدنيا بقت سهله والله

أما الاسئله اللي جاتلي

العربي
قطعه الحاكم الصيني وقطعه الصيف بالاضافة لقطعه جديدة

اقرأ القطعة التالية وأجب عما يليها
التخلق غير الخلق وأكثر الذين نسميهم فاضلين متخلقون بخلق الفضيلة لا فاضلون؛ لأنهم إنما يلبسه، هذا الثوب مصانعة للناس أو خوفا منهم أو طمعا فيهم فإن ارتقوا عن ذلك قليلا لبسوه طمعا في الجنة التي أعدها الله للمحسنين أو خوفا من النار التي أعدها الله للمسيئين أما الذي يفعل الحسنة لأنها
أما الذي يلعن المعصية لأنها حسنة أو يبتعد عن المعصية لأنها سيئة، فذلك من لا تعرف له وجود أو تعرف له
لا ينفع المرء أن يكون زاجره عن الشر خوفه من القانون أو خوفه من الناس، لأن الناس لا ينفرون من الرذائل بل ينفرون مما يضر بهم، رذائل كانت أم الفضائل، وإنما ينفع المرء أن يكون ضميره هو الضوء الذي يهتدي به ومناره الذي يستثيره بدوره في طريق حياته، وما زادت الأخلاق بخير حتى خذلها الضمير وتخلى عنها، وتولت قيادتها العادات والمصطلحات، والأنظمة ففسد أمرها، واستحالت إلى صور ورسوم وأنابيب وألاعيب
الخلق هو الدمعة التي تترقرق في عين الرحيم كلما وقع نظره على منظر من مناظر البؤس، أو مشهد من مشاهد الشقاء
هو القلق الذي يساور قلب الكريم، ويحول بين جفنيه والإغماض، وكلما ذكر أنه رد سائلا، أو أساء إلى ضعيف أو مسكين، هو الحسرة التي تلبس وجه الحيي خجلا من الطارق الذي يستطيع رده ولا يستطيع مد يد العون إليه،واللجلجة التي تعتري لسان الشريف حينما تناله من الأيدي من العبث بعرضه أو برسالته،هو الصرخة التي يصرخها الأبي في وجه من يحاول مساومته على خيانة وطنه0
1) أي البدائل التالية لا يظهر فيها مفهوم التخلق كما ورد في القطعة:
أ‌- الإحساس بمعاناة الفقراء
ب‌- الإساءة للضعفاء والمساكين
ت‌- تلبية السائلين وإكرامهم
ث‌- العطف على الأيتام
2) بم توحي عبارة يحول بين جفنيه والإغماض في الفقرة الأخيرة:
أ‌- المعاناة من الأرق
ب‌- عذاب الضمير
ت‌- حب السهر
ث‌- الإصابة بالتوتر
3) أي مما يلي يؤدي إلى الحفاظ على الأخلاق طبقا لما ورد في القطعة:
أ‌- تطبيق القانون وتجنب الرذائل
ب‌- الحرص على فعل الخيرات
ت‌- مراعاة الضمير في كل فعل
ث‌- الحرص على العادات والتقاليد
4) في ضوء معلومات القطعة،بم تفسر: دمعة الرحيم وقلق الكريم وحمرة الحيي، ولجلجة الشريف في المواقف الإنسانية الصعبة:
أ‌- العاطفة الفياضة
ب‌- رقة الشخصية
ت‌- السلوك المتحضر
ث‌- الضمير الحي
1) أي الكلمات التالية أقرب إلى كلمة مصانعة كما وردت في الفقرة؟
أ‌- النفاق
ب‌- الإرضاء
ت‌- التقليد
ث‌- التصنع

وطبعا بالاضافه لاسئله تانية هحاول افتكرها

- أي الجمل التالية صيغ صياغة صحيحة ؟
- اجتهد مهندسو السد العالي
- حضر ألوا الفضل للحكم في المنازعة
- أتقن مصممو المنهج عملهم
- اقتنع معارضو الفكرة بالحجة

السؤال ده يا استاذ محمود جه كده بالحرف الواحد وأنا اخترت أجهتد مهندسو السد العالي

وفيه سؤال تاني كانت جمله في اخرها كلمتين الحياه الجامعيه
حدد الرسم الصحيح لاخر حرف في الكلمتين

1- تاء مربوطة - هاء
2- هاء - تاء مربوطه
3-تاء مربوطة - تاء مربوطة
4- هاء - هاء

- المعلمون صانعو حضارات

أ) مازل المعلمون صانعي حضارات
ب)مازل المعلمين صانعو حضارات
ج)مازال المعلمون صانعو حضارات

- أيتها المعلمه أن ..... الجهد ......... الاجر

أ) تبذلين - تنالين
ب) تبذلي - تنالي
ج)تبذلين - تنالي
د) تبذلي - تنالي


وفيه اسئله تانية لو افتكرت منها حاجه هقولها ليكم

مبروووووووووووووك مقدما يا وليد..

ويارب يطمنك زي ما طمنتنا..

بس بصراحة يا وليد عاوز اقولك حاجة شوفتها فيك..

إنك بسم الله ماشاء الله مجتهد قوي..

بعد الامتحان وصيام وإرهاق وكمان عرفنا أنه فترة ثالثة..

وترجع البيت أول حاجة تعملها ترفع لينا الاسئلة..

احنا بجد عاجزين عن الشكر..

بالتوفيق دايماً

والله انت تستاهل كل خير..

[mahmoud1011]

علم "اليوم السابع" أن وزارة التربية والتعليم انتهت من تصحيح امتحانات كادر المعلمين المساعدين
بالجيزة والسادس من أكتوبر، والتى خاضها نحو 4500 معلم فى الـ 26 من شهر يوليو الماضى.

ورجحت المصادر أن تعلن الأكاديمية المهنية للمعلمين عن النتائج خلال أسبوع أى قبل عطلة عيد
الفطر بعدما دخلت الاستعدادات لإعلان النتيجة مراحلها الأخيرة، ولم يتبق سوى اعتمادها من قِبَل
المركز القومى للامتحانات والتقويم التربوى ثم أكاديمية المعلمين ثم الوزير د. أحمد جمال الدين
موسى.
وتوقعت المصادر أن تتجاوز نسبة النجاح الـ 90 % فى هذا الامتحان الذى أدى فيه كل معلم اختباراً
فى 4 مواد هى "اللغة العربية - التخصص-الكفاءة التربوية - اللغة الإنجليزية"، وسيلحق الناجحون
بالمعلمين الذين قررت الوزارة تعيينهم على درجة معلم بالقرار الوزارى 244/2011 الذى استفاد منه
ما يزيد عن 60 ألف معلم مساعد.

عقبالنا يا رب

[waleed7988]

المشاركة الأصلية كتبت بواسطة mahmoud1011

مبروووووووووووووك مقدما يا وليد..

ويارب يطمنك زي ما طمنتنا..

بس بصراحة يا وليد عاوز اقولك حاجة شوفتها فيك..

إنك بسم الله ماشاء الله مجتهد قوي..

بعد الامتحان وصيام وإرهاق وكمان عرفنا أنه فترة ثالثة..

وترجع البيت أول حاجة تعملها ترفع لينا الاسئلة..

احنا بجد عاجزين عن الشكر..

بالتوفيق دايماً

والله انت تستاهل كل خير..

عقبال الجميع يا رب كده يطلعوا مبسوطين حتى لو مكنش الحل أد كده بس يطلعوا مبسوطين وخلاص

وعقبالك ان شاء الله يا استاذ محمود ما تخلص الامتحان وييسر ليك الامور يارب

وطبعا ده اقل واجب يتعمل مع الناس اللي هنا بالمنتدى

زي ما كانوا بيتعبوا معايا ومع غيري وبيجتهدوا فلازم اتعب شوية

يمكن حد رايح يمحتن بكرة ولا حاجه ويشوف سؤال ويجيله

على العموم ربنا يوفقك ويوفق الجميع يارب

[النهضة قادمة]

لو سمحتم كتاب تحفة النظار فى غرائب الأمصار وعجائب الأسفار هو عنوان كتاب رحلة قام بها من ؟؟؟؟؟
ابن الاثير ام ابن بطوطة ....

عاش ابو تمام فى العصر العباسي ام الجاهلي وشكرا

[هدهوده]

أنا أمتحنت الكادر اليوم وجاء العديد من الأسئلة المتداولة على النت وأيضا جاء أسئلة أخري لم أرها من قبل مثل
1- عند تصحيح معلمين لإختبلر كانت الدرجات المعطاه مختلفة ( بهذا المعنى ) كان سؤال الاختبار
أ- مقالي ب - اختيار من متعدد ب - إكمال و ج- ....... أنا عملتها مقالي

2- سؤال آخر بيتكلم عن نتيجة إختبار أجابه صح 90% من المجموعة النشيط و30% من المجموعة الضعيفة وطلب شئ أنا لا أذكره وأعطى خيارات مثل 0.6 و0.9 و 0.12 وطبعا لا أعرف الصح

3- السؤال الغامض اجتهد مهندسو السد العالي وباقي الجمل والتي لا أعرف أيها أصح ولماذا
4- ليت ..................خبرات
أ- العاملون ذوو
ب- العاملين ذي
جـ - العاملين ذوو
د - العاملين ذوي ولا أعرف الصح وعملته العاملين ذوي

[ندي محمد ابراهيم المليجي]

الزملاء الأعزاء

زملائي الأعزاء مشتاقة-محمود

السلام عليكم ورحمة الله وبركاته


اشكركم علي مساعدتي في حل هذه الأسئلة الغير مفهومة وفيه اسئلة ثانيه بس هحاول أركز فقط في اللي أنتم نصحتوني بيه.

وأنا وصلت أمبارح مصر وأمتحاني بكرة إن شاء الله فدعواتكم كده ليه ( عايزة دعاء حار من القلب ) عشان انا محتاجة جدا للدعاء

وأشكرك يا أستاذ محمود علي دعائك ليه فأنت نعم الزميل وإن شاءالله يجعله في ميزان حسناتك.

وربنا يطمنك يا أستاذ وليد بس أيه القطعة بتاعة الخلق دي..... الكلمات صعبة شوية .... شعرت لما قراءتها أننا داخلين نمتحن بالسربون مش الكادر بتاعنا

وعاجبتني قوي حتته الموبيل يعني في الأمكان ادخل بالمذكرات بالمرة الامتحان ولا دي هتكون صعبة شوية .

حبيبتي مشتاقة نفسي أبعث ليكي رسايل علي الخاص وقربت أوصل ل50 رسالة عشان أبقي أبعث لك
فدعواتك كدة لأختك أني أفتكر الأجابة من كثرة العزومات اللي هتنسيني الاجابه