تعيش وتآخد غيرها

[أحمـدنجـم]

لو تدققي النظر يا همس في ايد المالكي هتلاقي عليها ختم البيت الأبيض الراجل معذور يا أخوانا .. مسير ومش مخير .. لو محطش كفه عشان يخمس على بوش من حساده وعزاله وكياده .. هيلاقي ألف كف نزلت على قفاه .. أصل المحروس المالكي دا من الناس اللي قلعوا عين الحسود عشان مطولش سي بوش اسم الله عليه .. أما بالنسبة لمنتظر الزيدي .. وحكاية لو أنا مكانه هعمل كده ولا لأ .. بصراحة مقدرش أقول آه ومقدرش أقول لأ بس أكيد لو اتعمل في مصر اللي اتعمل في العراق - بعد الشر والشر بره وبعيد - أكيد لو انا مطرحه هعمل كده .. اوعوا حد بقى يقولي هي مش العراق أرض عربية وانت بتفرق بين مصر والعراق وانت معندكش عروبة ولا انتماء .. عاوزين نكون حياديين الراجل بوش دا يا جماعة بيحب مصر وكان حاططها دايماً في عنيه و حاططها في الحسبان والله صدقوني .. بس ملحقش يا عين امه يختمها .. قصدي يخدمها .. زي ما خدم العراق ..

والله والله .. أنا لو مكان الزيدي ودا من قلبي والله سيبكوا من التهكم اللي فات دا والله يا أخوانا .. لكنت دورت على اقدم جزمة - لا مؤاخذة معدتش الجزمة كلمة وحشة طبعاً - وكنت ضربتها على خدوده الحمرا بتاع الحرية والديموقراطية دا .. بوش اللعين .. -لا مؤاخذة إني قلت اسمه - بس عاوز أقولكم حاجة .. هو المضروب بالجزمة دا هو بس اللي يستحق الضرب .. مفيش غيره يعني ؟؟ والله كل سلبي كل حرامي كل متخاذل كل بايع كل خاين كل مستسلم كل غبي كل نايم يستاهل ألف جزمة تنزل على دماغه .. وسلملي على باتا ..

[همس]

المشاركة الأصلية كتبت بواسطة نجم المشاعر

لو تدققي النظر يا همس في ايد المالكي هتلاقي عليها ختم البيت الأبيض الراجل معذور يا أخوانا .. مسير ومش مخير .. لو محطش كفه عشان يخمس على بوش من حساده وعزاله وكياده .. هيلاقي ألف كف نزلت على قفاه (ههههههه صح فعلا .. زي ما المنتظر خد عل قفاه وعلى دماغه وعلى كل حتة في جسمه).. أصل المحروس المالكي دا من الناس اللي قلعوا عين الحسود عشان مطولش سي بوش اسم الله عليه .. أما بالنسبة لمنتظر الزيدي .. وحكاية لو أنا مكانه هعمل كده ولا لأ .. بصراحة مقدرش أقول آه ومقدرش أقول لأ بس أكيد لو اتعمل في مصر اللي اتعمل في العراق - بعد الشر والشر بره وبعيد -( ربنا يحفظنا .. مش محتاجين احنا بوش .. في عندنا الي مكفينا وزيادة .. شكلي كدا هقضي بقية التيرم في امن الدولة ) أكيد لو انا مطرحه هعمل كده( اممم وجهة نظر برده مقنعة للغاية ) .. اوعوا حد بقى يقولي هي مش العراق أرض عربية وانت بتفرق بين مصر والعراق وانت معندكش عروبة ولا انتماء .. عاوزين نكون حياديين الراجل بوش دا يا جماعة بيحب مصر وكان حاططها دايماً في عنيه ( الاهي يعمى هو وامثاله.. قولوا آمين ) و حاططها في الحسبان والله صدقوني .. بس ملحقش يا عين امه يختمها .. قصدي يخدمها .. زي ما خدم العراق ..

والله والله .. أنا لو مكان الزيدي ودا من قلبي والله سيبكوا من التهكم اللي فات دا والله يا أخوانا .. لكنت دورت على اقدم جزمة - لا مؤاخذة معدتش الجزمة كلمة وحشة طبعاً - ( هههههههه صح مش بوش انضرب بيها لو هي كلمة وحشة امال اسم بوش يبقى ايه )وكنت ضربتها على خدوده الحمرا (هههههههه اه خدوده حمرا جدا فعلا .. اكيد بيتغذى كويس )بتاع الحرية والديموقراطية دا .. بوش اللعين .. -لا مؤاخذة إني قلت اسمه - بس عاوز أقولكم حاجة .. هو المضروب بالجزمة دا هو بس اللي يستحق الضرب .. مفيش غيره يعني ؟؟ ( لا فيييييييه غيره كتيييييير )والله كل سلبي كل حرامي كل متخاذل كل بايع كل خاين كل مستسلم كل غبي كل نايم يستاهل ألف جزمة تنزل على دماغه( صح عندك حق والله يا استاذي الفاضل ) .. وسلملي على باتا ( مين باتا عموما يوصل ان شاء الله )..

والله انا موضوعي المتواضع تشرف وزاد اشراقا ونورا بمرور حضرتك بجد

سلمت يداك يا استاذي الفاضل على ردك الرائع