لاعيبة الزمالك .. أنتوا ولا حاجة

[mostafa1991]

أن تخسر مباراة شئ عادي ووارد في كرة القدم حتى ولو خسرت من الفريق صاحب الترتيب الأخير في جدول المسابقة التي تشارك فيها .

طالما أن هذا الفريق أدى المباراة بشكل أفضل منك فهو يستحق الفوز حتى ولو كان هو الأضعف لأن هذه هي كرة القدم في جميع أنحاء العالم فلا مشكلة أن تخسر حتى ولو بالتلاتة من فريق ضعيف .

المشكلة في شئ أخر وهو – النخوة والرجولة – وأنت تمارس أي عمل وليس كرة القدم فقط يجب أن تشعر بالغيرة على المكان الذي تنتمي له حتى ولو كانت تحيط بك المشاكل في عملك أو مع بعض الأفراد في هذا العمل لسبب بسيط أن هذا العمل هو – شغلك – وبالتالي فهو بيتك الثاني وبالتالي فأنت مطالب بأن تشعر بالغيرة عليه وتعمل كل ما في وسعك حتى ترفع أسمه وأسمك في نفس الوقت .

أما إذا كنت لا تريد أن تعمل أو تلعب في هذا المكان فأتركه فورا دون أن – تمثل علينا – وعلى نفسك وتقول أني ألعب في أكبر فريق وولائي لهذا الفريق علشان التمثيلية بقى دمها تقيل .

لاعيبة الزمالك اللي فيهم لاعيبة دولية تمثل منتخب مصر تلعب للزمالك وكأنها تلعب لفريق عادي لا يمتلك جماهيرية كبيرة داخل وخارج مصر وهذه مشكلة .

لاعبو الزمالك فقدوا كل معاني النخوة والرجولة والغيرة على فريقهم وعلى سمعتهم هم أنفسهم وبالتالي يستحقون أن – تسن لهم السكاكين – وأن يتم وصفهم بأنهم لاعيبة – غلابة – لا يمتلكون شئ ليقدموه وبالتالي فهم لا يستحقو أن يمثلوا لا الزمالك ولا منتخب مصر .

من وجهة نظري تقويم هؤلاء اللاعبين يقع أولا على الجهاز الفني للزمالك وثانيا على جهاز المنتخب وثالثا على جماهير الزمالك .

على الجهاز الفني أن يقوم بحركة – تطهير – في هذا الفريق وأتحدى انه لو أعتمد الزمالك على ناشئيه بدلا من – العتولة – اللي في الفريق سوف يجد روح وجدية أكثر ويجب أن يتم معاقبة اللاعبين بشكل مناسب لما يقوموا به من – حرقة دم – لجماهيرهم ولكل من يشاهدهم وهم يلعبون الكرة – او الحكشة التي يلعبها بعضهم – .

وعلى الجهاز الفني للمنتخب أن يعلن إستبعاد كل لاعبي الزمالك من منتخب مصر وأن يصدر بيان بأن اللعيبة ديه لا تستحق أن يمثلوا منتخب مصر لأنهم ببساطة – مش رجالة في الملعب – ولا يشعرون بالغيرة على التي شيرت الخاص بناديهم .

وعلى جماهير الزمالك أن تضع هؤلاء اللعيبة في مكانها الطبيعي فهم مجرد – لاعيبة – كرة قدم هواة لا يمتلكون أي عقلية محترفة على الإطلاق وهم بلا أي شك يستحقون أسوأ وأفظع التشبيهات التي نخجل من ذكرها في موقعنا .

إليكم فريق الزمالك :

عبد الواحد السيد : الحارس اللي كان أمين دلوقتي بقى .......... معلش علشان الرقابة !

هاني سعيد : روح إلعب في الأهلي أحسن يا كابتن !

محمود فتح الله : شعرك حلو !

أحمد مجدي : يلعب ويجري ويذهب ويروح ولكنه في النهاية يلعب منفردا

محمد عبد الله : يلعب بطريقة هي بنا نجري في الحديقة وطز في الناس التانية !

أجوجو :متستهلش ربع الفلوس اللى انت واخدها اخرك تجيب الكرة من ورا الجون

مصطفى جعفر : بلدية المحلة مكانك الحقيقي !


جمال حمزة : الكبير يجب أن يكون كبير في كل شئ !

أحمد غانم : لاعب يمكن لك أن تبني عليه خطة كاملة لكي تفوز على الزمالك !

محمود سمير : الكرة اللي بتلعبها ديه كانت زمان يا كابتن دلوقتي فيه كرة تانية خالص !

أحمد عبد الرؤوف : أنت أيه اللي جابك في الفرقة ديه يا أبني !

أخيرا هولمان وجهازه المعاون : ممكن حد فيكم يقولنا انتوا بتعملوا أيه في التدريبات ؟ وممكن حد يقولنا أنتوا أمتى حتاخدو قرارات حاسمة مع لاعبين فقدو كل معاني النخوة والرجولة في الملعب ؟ لو مش حتقولوا أو حتعملوا حاجة يبقى كل واحد فيكم يروح يتعاقد مع قناة فضائية يحلل فيها المباريات علشان – يفتي – براحته وهو- الفتي- اللي في التلفزيون أفضل كتير من –الفتي- اللي في الملعب وهو كله أكل عيش !

أخيرا في حد ممكن الزمالك يتعاقد معاه وحيكون أفضل من بعض اللاعبين في الزمالك وهو – القرد اللي بيتكلم بتاع موبينيل – وهو دلوقتي راح شومبونجو وممكن تلاقوا سعره أتظبط !! أرحمونا الله يرحمكم .
منقول

[marwa.m]

انا مش عارفة اقول اية
بس ياريت بلاش القسوة دى والمطالبة بالاستبعاد من المنتخب

ان شاء الله الزمالك راجع تانى

[Sharp]

الواحد زهق واتعقدت في عيشتة من شيئين
الزمالك والثانوية العامة

[ميراج]

المشاركة الأصلية كتبت بواسطة antidisestablishmentarianism

الواحد زهق واتعقدت في عيشتة من شيئين
الزمالك والثانوية العامة

والله بجد معاك حق هما دول الحاجتين اللى خانقونى بالنسبه للثانويه معروف

اما بالنسبه للاعيبه الزمالك بصراحه لاعيبه متتوصفش اى حد فيهم يمسك الكوره لازم يقع مش عارفه هما معمولهم عمل ولا ايه

ربنا يستر على جماهير الزمالك قولوا امين

[aldemerdasch]

ازاى ميكنش قاسى عليهم يا مروه دول مش لعيبه لأن كلمة لاعب تطلق على من يتوفر فيه شروط اللعبة الانتماء الى النادى-- اللعب الجماعى - المهاره - الروح - القتال .... قولى لى مين فى الزمالك لدية هذه الامكانيات هنقول هم احسن لعيبه طيب فين ربنا يستر *** اول مره اشوف فريق بينافس على بطوله بيدافع لمدة 45 دقيقه امام بتروجيت ليحصل على التعادل حتى لا ينهزم والله العظيم مسخره؟؟؟؟؟؟؟؟؟؟؟؟؟؟؟؟؟

[thechampion]

ردا على كاتب الموضوع
سيادتك قلت ان عبد الواحد وحش يا اخى حرام عليك بقى ده لعيب عنده دم وجامد يبدو انك بتتفرج على ماتش تانى

[Not Allowed]

واللهى الراجل الى كاتب الموضوع دة بيفهم

الزمالك دة كان زمان

[mostafa1991]

اولا انا اهلاوى ثانيا انا بتفرج على كل ماتشات الزمالك ثالثا عبد الواحد محترم جدا انمما خلاص راحت علية

[الباشا هنرى]

انا هزعل منك يا مصطفى هما اصلا حاجة