موضوع مبتذل ...... ديموقراطى جدااااااا

[الرهينه]

المشاركة الأصلية كتبت بواسطة استاذ بدوى الدجوى

معلهش هتقل عليكم شوية
بس الواحد بيبقى محتاج يفضفض
ولو فيها رزالة افضفض معاكم
وطبعا مش هتبخلوا علينا

احنا نطول يا مستر

ايه الموضوع بقى ؟
انا اسمع ان ليا وضع تقريبا فى المنتدى ده
بس مخنوق ....... طب واحنا مالنا ؟
عادى بلاش ترد

كتير اوى بيستبعدوا فكرة انى اتوقف
مستحيل طبعا .... مستر بدوى يتوقف ازاى ؟

بس انا قررت اتوقف بقى ...... يالا معايا ساعدونى
عايز اشوف احلى لون اسود ...... طب نساعدك ازاى ؟
اقولكم ...... اللى هيتكلم يتكلم براحته ومش هيتوقف لانى انا اللى هتوقف
يعنى انا اللى هتحاسب على كلامه بس بشرط ان يخلو كلامه من الالفاظ السيئة
وان لم يكن كذلك انا اللى هوقفه ...... ده لو ماكنتش اتوقفت

خلصنا بقى هنتكلم فى ايه ؟
المنتدى مش عاجبنى ..... وحاسس انى ماليش لازمة فيه

انا عن نفسى بجد مش متخيله المنتدى من غير حضرتك ومستر محمد سرور .. بحس انكوا فاكهة المنتدى ماينفعش من غيركوا فعلا

بمعنى ان متطلبات المنتدى ليس لى دور فيها ..... ايه رأيك ؟

احنا اتفقنا نتكلم بصراحه صح؟ .. ساعات بحس ان حضرتك لما بتكون فى مشكلة او اقتراح حضرتك مش بتحب تتدخل الا لو حد طلب رأى حضرتك ودايما بتكون اراء عاقله وموفقه وعشان كده انا بستغرب ليه بحس ان حضرتك بتحاول تتجنب التدخل ف مشاكل المنتدى

وبالنسبه لمتطلبات المنتدى لما حد بيطلب من حضرتك حاجه وعن تجربة لو فى ايدك تساعده مش بتتأخر عنه بس زى ما قولت قبل كده ان حضرتك مش بتحاول تدور مثلا على حد عنده طلب من حضرتك بعيدا عن الدراسه طبعا

اما بالنسبة للدراسه بما انى مش بدخل المنتديات التعليميه غير نادرا جدا فمقدرش احكم لكن شوفت موضوع قبل كده ان حضرتك بتخير الطلبه ف الاجزاء اللى يحبوا حضرتك تشرحهالهم عجبتنى جدا ديقراطية حضرتك وقرأت كل الردود لقيت ان حضرتك قريب اوى من الطلبة وبجد يا بختهم بحضرتك واخدينك مننا على طول

طب انت حاسس انك ليك دور ؟

ليا انا؟ .. مش عارفة بس بحاول على اد ما اقدر

طب المنتدى عايز مننا ايه ؟

ان يكون شغلنا فيه خالص لوجه الله ونحاول نطور فيه ونحاول نصلح سلبياته ونكون مثل للاعضاء الجدد

هل هو تعليمى ؟ طب يعنى ايه تعليمى ؟ مش عارف بصراحة

جزء من المنتدى شبابى و ناقم على الكبار و افكارهم

اها فعلا جزء كبير جدا من المنتدى شباب وكبار بس انا شايفه ان دى ميزه ف المنتدى مش موجود ف منتديات تانيه كتير يعنى تحس انها اسرة كبيرة مش بس مقتصرة على سن معين

جزء اخر و هو نصيب الاسد وهو كادر المعلم وهو ليس قسم هو منتدى لوحده و محدش يقدر عليه ولا هيقدر
ولا حد يقدر يقول بيقدم ايه للمنتدى غير كلام لا تخلو منه البلاغة بس مكسب كبير للمنتدى وده حقيقى
بدون زعل طبعا

هو من ناحية مكسب فهو مكسب كفاية اوى الشهرة اللى هو سبب كبير فيها وفعلا منتدى كامل يعنى اى حد فيهم عايز يناقش اى موضوع حتى لو مالهوش اى علاقة بالكادر بيناقشوه ف القسم ده

بس بصراحه هما مش عليهم غلط المفروض من الاول كان اول ما ده حصل حد من المشرفين ينبههم وانا من رأيى ان مس امال تفضل مشرفه عليه عشان متابعة مواضيع الكادر بس يكون فى مشرف تانى تكون كل وظيفته تنظيم المواضيع وتبيه الساده المدرسين

والجزء المتبقى وهم اللى فاهمين غلط وبيحبوا المنتدى بجد مش حب بالكلام بالفعل وبيقدموا خدمات حقيقية

القسم التعليمى له رواده وله ايضا متطفليه
به من يستحق وبه ايضا من لا يستحق ابدا
به اعمال رائعة وبه اعمال تضر بسمعة المنتدى والاثنين لهما نفس قدر الشكر
وليس لنا اى رد فعل لهذا ...... لا يوجد من ينكر هذا

للاسف ده فعلا موجود .. انا دخلت مرة كان ف قسم الفرنسى تقريبا لقيت مدرسين بيكلموا بعض باسلوب مش لطيف خالص ادام الطلبة طيب بعد كده مين ف الطلبة هيحترم المدرسين دول .. بس مستر عصام ربنا يكرمه ويجازيه كل خير بيعمل فى المنتديات التعليميه مجهود جبار ربنا يقويه

الاقسام الاخرى نشطة والشباب فعلا جعلونى اصل الى حد الغيرة منهم
جرأة فى الرأى حتى النفاق يمكن التغلب عليه فى اقسامهم ..... يفعلون ما بوسعهم

حد يكمل اللى انا عاوزه او يصحح ما كتبته

حاجه بس مش صح ف اللى حضرتك قولته

دى مش صح ابدا والله يا مستر حضرتك بتحتل مكانة كبيرة اوى .. واكيد ده حضرتك عارفه .. ده حضرتك اشهر من النار ع العلم يا مستر .. انا مش بحسد والله

تكملة بقى للى حضرتك قولته قسم اقتراحات وحلول اللى سورى يعنى اتكوم كله ف كام موضوع تقريبا مستر اشرف كان عنده امل ان المشاكل تقل لما يجمع القسم ف كام موضوع بس المشاكل ما قلتش ولا حاجه كل الحكاية ان زاد على المشاكل عدم تنظيم عشان اللى عنده مشكله بيكتبها ف اى قسم والمشرف يا ياخد باله يا لا
وف الاخر صاحب المشكله يقول دى ديكتاتورية واهمال وو ......

وكنت عملت موضوع من فترة وكان تعليق استاذ اشرف انه قفل القسم عشان مافيش خناقة زى دى تحصل رغم انه كان توضيح لوجهات نظر وباسلوب مافيهوش اى حاجه غلط ولا نرفزة حتى
وكمان لو استاذ اشرف بيعتبر دى خناقة اهى حصلت رغم ان القسم مقفول

بس ياريت اشوف مشاركة متحضرة حتى لو كانت ضد اى شخص فى المنتدى
عايزين نقتل شعور اى عضو بترك المنتدى وهذا الشعور كثيرا ما يقابل الاعضاء
اتكلم كما تشاء وارمى الحذاء فى وجه بوش
شكرا لكم

اها ليته كان حذائى

حاسه انى رغيت كتير اوى بس يارب اكون قولت حاجه مفيدة

تشكرات مستر بدوى