اقتباس:
المشاركة الأصلية كتبت بواسطة الرهينه
السلام عليكم ورحمة الله وبركاته
وعليكم السلام ورحمة الله وبركاته
ازيكوا يا بناويت ويا شباب يارب تكونوا بخير 
الحمد لله
اظن شوفتوا العنوان قبل كده وكانت ملاك هى اللى عملاه احنا قررنا اننا نعمل نقاط تفتيش سلسلة متتابعة وهنطرح قضايا ومشاكل ونحاول مع بعض نحلها
اسيبكوا مع الموضوع
فى مرة من المرات وانا رايحة الجامعة وزى كل مرة ركبت ميكروباص بس فى المرة دى
كام حاجة كده مش غريبة هى بقت حاجة عادية وتكاد تكون اساسية
السواق كان مشغل اغانى اقل حاجة ممكن تتقال عليها انها هابطة .. الموضوع ده زى ما قولت
قبل كده بقى عادى ويمكن كتير اتكلموا فيه قبل كده بس اللى لفت نظرى او خلينا نقول سمعى
اغنية غريبة شوية كان فيها جملة بتقول "ده ربنا بيقول فى كتابه انه لا يحب المستهزئين"
_على مانا فاكرة يعنى_ انا سمعت الجملة دى صوعقت  يعنى للدرجادى وصل بينا الاستهتار
اننا ندخل آيات قرآنية فى اغانى وبالطريقة الهزليه دى وكمان بالمستوى ده واللى بيستفزنى اكتر
الحجة اللى بيتخذوها فى التبرير وهى انهم بيحاولوا يوصلوا الدين للسواقين الوطبقة اللى بتسمع
الاغانى الشعبية باسلوب سلس ويكونوا حابينه
يعنى زى ما بيقولوا بيزودوا البله طين!!
تصدقى بالله يا جيجو آخر يوم شفنا بعض فيه ركبت ميكروباص كان مشغل الاغنية الهابطة دى بس بصراحة كان نفسى اضرب السواق والتباع .. ربنا يهدى الجميع
بصراحة مش عارفة ايه السؤال اللى ممكن يتسأل فى موضوع زى ده اصل مش هينفع مثلا اقول
انت مع ولا ضد ان الايات القرآنية تدخل فى اغانى
بس ممكن نقول ...
ايه رأيك فى الظاهرة دى؟
دا الطبيعى .. توقعى أى شىء من نوعيات الناس الحششين دول بيقولوا أى حاجة فى أى حاجة علشان يجيبوا قرشين يشتروا بيها حته حشيش حلوة تروق مذاجهم 
ومن وجهة نظرك ممكن نعمل ايه نمنع بيه اللى بيحصل ده او على الاقل نقلله؟ هو المفروض إن المصحات النفسية دى تشتغل على الفئة دى من الشعب ويكون فى توعية نفسية وإجتماعية .. بس بما إن المجتمع المصرى بينظر للمصحات النفسية دى بصورة وحشة وبرده المجتمع بينظر للفئة دى من الشعب على إنهم هيفضلوا كده ولا يمكن إصلاحهم .. بالرغم من إن مفيش حاجة مالهاش حل .. ومفيش فى أى بلد برا السواقيين اللى عندنا أو الحشاشين اللى عندنا
دلوقتى عندنا المصحات النفسية عايزة إصلاح .. و الطبقة دى من الشعب عايزة إصلاح نفسى وإجتماعى فا أقدر أقولك إن ديل ال ... عمره ما يتعدل ولو علقنا فيه قالب لإن الطبع فيه غالب .. ومفيش فى إيدنا حاجة غير إننا ندعى ربنا يهديهم ويهدينا
***********
فى عز بقى ما الاغنية دى شغالة والمطرب_على حد استعبارهم ليه_ بيقول الله لا يحب المستهزئين
عمو التباع عمال يرقص ويقول يا لهوووووى وولعها وحاجات من هذا القبيل
الغريب انه كل اما يشوف حد ماشى قريب من الميكروباص يضربه ويضحك 
كل ده ممكن نعديه رغم انه سفه ومالوش محل من الاعراب يعنى مثلا هو بيعمل كده عشان يفرح
الناس معاه؟ .. بس ده بيضربهم!! 
اللى استغربتله بقى بجد فى الحكاية دى ان فى ضباط واقفين عبر المحطات اللى بيعدى عليها و
صاحيين على غير العادة "بس انا ساعتها حمدت ربنا انه حققلى امنيتى قبل ما اموت وشوفتهم صاحيين" 
انا قولت اقل واجب يوقفوا الميكروباص وياخدوا البنى آدم اللى عمال يلطش ف خلق الله ده ويشرف
فى اى قسم شوية ويعملوا معاه الواجب  .. لكن دول لما بيشوفوه بيعمل كده يضخكوا وكأنهم بيتفرجوا
على مشهد كوميدى وكأنهم نسيوا انهم المفروض ضباط وبيقوموا بعملهم فى الوقت ده
ايه رأيـــــــــــــــــكم؟!
هما دول الظباط .. مش حاجة غريبة حالياً كويس إنهم ماراحوش يضربوا معاه .. وبعدين مع غحترامى للجميع الظباط مستواهم التعليمى يزيد شىء صغير عن مستوى تعليم السواقيين والتباعين .. يعنى يحسبوا من ضمن الطبقة وخاصتاً غن كتير من الظباط اليومين دول ( حرامية ونصابين ومعندهمش أخلاق ) يمكن هما افسد من الطبقة اللى بتكلم عليا
وبتهيقلى الحل الوحيد للمنظر ده إن يكون فى تعليم صحيح لطلاب كلية الشرطة علشان نلاقى ظابط محترم وابن حلال وعنده اخلاق وضمير
وبما إن ده صعب يتحقق فا مفيش فى إيدنا حاجة إلا الدعاء .. ربنا يهديهم ويهدينا
*********
اخيرا بقى وبعد ما وصلت الحمد لله المكان اللى هنزل فيه .. المفروض انى هنزل كوبرى وبعد كده
هركب مواصلة تانية .. المفروض والطبيعى انى انزل الكوبرى فى ثوانى معدودة يوميها بقى نزلته
فى حوالى ربع ساعة
ايه السبب بقى؟!
لما ربنا اكرمنى ووصلت لحد تحت لقيتهم حافرين الرصيف اللى ادام الكوبرى مش عارفة بصراحة
ايه سب الحفر
بس يعنى خلاص حبكت  .. ما ادامهم الجمعة والسبت اجازة والضغط بيكون اقل واللى بيعملوه مهما
كان مش هياخد اكتر من يومين
طيب ليــــــــــــه؟!
إيه يا جيجو إنتى مش عاجبك حاجة كده ليه؟!! .. ناس فطرت فول على الصبح فا عملوا كل ده إنتى إيه اللى مزعلك بس 
وبعدين يمكن قالوا احنا نشتغل فى الأيام دى علشان ناخد يوم يوم اجازة ..ومفيش فى إيدينا غير الدعاء .. ربنا يهدينا ويهديهم
ربنا يهدى المصريين كلهم ويصلح حالنا المايل ده 
*********
معلش طولت عليكوا
بس حاجة اخيرة .. ياريت مانكونش سلبيين ونقول يعنى احنا اللى هنغير الكون والكلام ده
وما ننساش اننا يوم القيامة هنتسأل عن الغلط اللى بنشوفه ومابنحاولش حتى مجرد محاولة
عشان نصلحه
أكيد هتقوليلى ردك سلبى يا ماهى
و اكيد هقولك هو ده الشعب المصرى يا جيجو
فى انتظار ارائكــــــــم
|
تم بحمد الله
وأشكرك بشدة يا جيجو على الموضوع
12-12-2008, 04:39 PM
العرض الشجري
