على حزب وداد

بسم الله الرحمن الرحيم

على حزب وداد هذا هو الوصف السليم للاحزاب المصرية تلك الاحزاب التى لا تغنى ولا تسمن
من منا يعلم عن تلك الاحزاب شىء اذا سالت طالب جامعى او موظف او عالم او طيب او حتى رجل سياسة
هل يعلم عدد الاحزاب فى مصر اعتقد ان الكثير سوف تكون اجابتهم بالنفى
او ربما سوف يقول لك فى البداية الحزب الوطنى – حزب الوفد – حزب الغد – حزب التجمع
وبعدها سوف يغوص فى بحر من التفكير والصمت وبعدها يقول لا اتذكر
هل يعلم اى منا من رئيس كل حزب من تلك الاحزاب انا نفسى لا اعلم من رئيس اى من تلك الاحزاب
هل يعلم اى منا ما هو البرنامج الخاص بتلك الاحزاب او ما هو نشاطها السياسى على الساحة
اعتقد ان جميع تلك الاسئلة سوف تكون اجابتها بالنفى
الوعى السياسى عند مختلف شرائح المجتمع غائب ومهمش ربما تكون
السياسة فى حد ذاتها اخر ما يفكر فيه المواطن المصرى با اختلاف شرائحه
حتى من ينتمون الى اى حب او تنظيم لا يعلم ما هية التنظيم وربما فكره الا قلة صغيرة
تسمى نشطاء الحزب هم من يكون عندهم الوعى شبه الكامل بامور السياسة
فى مختلف احناء العالم هناك وعى سياسى لدى المواطن البسيط والمثقف العامل والمزارع
الجميع يعى ماهية السياسة لانهم يعلمون جيدا ان السياسة فى حد ذاتها
بينها وبين مستقبلهم رابط مشترك
فالوعى السياسى عند المواطن يمكنه من اختيار مرشحه فى المستقبل
يجعله قادر على التمييز بين الافضل له ولمستقبل بلده
عندنا فى مصر الرابط المشترك بين جميع المواطنين النوم فى العسل او لقمة العيش
لانكترث كثير بمن يحكم حتى لو كان جمال الغندور لا يفرق معانا الملاك ولا حتى الشيطان المهم
ان يجد كل منا لقمة عيشه باى حال من الاحوال (ياعم احنا مالنا والسياسة .. ادى العيش لخبزه)
اعتقد ان المسئول الاول عن الفشل الذريع فى فكرة النمو الفكرى لدى المواطن
هى تلك الاحزاب جميعا
يوجد فى مصر 24 حزبا جميعها فشلت فى ان تخلق عند المواطن وعى سياسى
كلها فشلت فى ان تعرض برامجها السياسية ربما لان هنا فى مصر
نعمل بمبدأ الحزب الاوحد الحزب الوطنى الحزب الذى يحكم الجميع الحزب
الذى يمتلك السلطة والاعلام والصحافة وغيرها من وسائل الاتصال المباشرة بالجماهير
لكنه فى نفس الوقت فشل سياسيا واعلاميا للوصول للجماهير ولنشر فكره ذلك
افكر الذى وعد من خلاله بالجنة التى سوف تجرى تحت اقدام المواطنين ربما لان الفساد المنتشر
داخل الحزب نفسه حرم الجميع من اى ثمرة من ثمار التغيير
خلاصة القول ان الحياة السياسية فى مصر تعد الاسواء فى الوقت الحاضر بفضل
مجموعه من الحمقاء الذين يتحكومون فى احزاب شفهية فقط لا دور لها على الساحة السياسية
والان مع نظرة سريعة على اسماء الاحزاب فى مصر
ملحوظة بالبلدى
(انا عارف ان كتير مش هيقدر يستوعب مضمون الموضوع- وعارف ان الاكتر مش هيقره الكلام ده كله ... لكن يكفينى انى بعبر عن اللى جويا بالكتابة )

شكرا
1. الحزب الوطني الديمقراطي
2. حزب مصر العربي الاشتراكي
3. حزب الأحرار الاشتراكيين
4. حزب التجمع الوطنى الوحدوي
5. حزب الوفد الجديد
6. حزب الأمة
7. حزب الخضر المصري
8. حزب الاتحاد الديمقراطي
9. الحزب العربي الديمقراطي الناصري
10. حزب التكافل الاجتماعي
11. حزب الوفاق القومي
12. حزب مصر 2000
13. حزب الجيل الديمقراطي
14. الحزب الدستوري الاجتماعي الحر
15. حزب شباب مصر
16. حزب السلام الديمقراطي
17. حزب المحافظين
18. الحزب الجمهوري الحر
19. حزب الجبهة الديموقراطية
20. حزب العمل المصري
21. حزب مصر الفتاة الجديد
22. حزب الشعب الديمقراطي
23. حزب العدالة الإجتماعية
24. حزب الغد

[Cray_Bird91]

زمان كانت الاحزاب على الاقل واعية وخاصة فى عهد مصطفى كامل ومحمد فريد

ومن اول الملك فاروق لحد دلوقت الاحزاب بتضعف

مش عارفة بعد كدة الضعف حيكون ازاى

شكرا على المعلومات

اول مرة اعرف بعض الاحزاب

[Rien]

يعنى مش انا لوحدى اللى ماعرفش حاجة ف السياسة

المشاركة الأصلية كتبت بواسطة _ESLAM_

4. حزب التجمع الوطنى الوحدوي

ويعنى ايه ( الوحدوى ) ؟!

[***star***]

لا لا لا لا انت نسيت حاجه مهمه ( حزب الحريه للبنات) اللي موجود هنا علي المنتدي ..في المجموعات


موضوع حلو يااسلام....بس مش عارف ليه حاسس ان عقلك الباطن مخزن شويه كراهيه كدا لناس معينه...وبتحاول تطلعها في كتاباتك بطريقه جميله ..يعني بالمعني الاصح( تهزيق اللا تهزيق)......دي بس من وجهه نظري...وبنسبه كبيره ممكن تكون غلط............بس بالنسبه للاحزاب لازم تبقي كتير...لان مش كل الناس زي بعضها...ولا تفكيرها زي بعضه....ولولا اختلاف الاذواق........تقبل مروري

[شموخ مسلمة]

و الله يا اسلام انا من رايى اننا مانقدرش نلوم ع الشعب اللى هو احنا
ليه؟
حرام لما تيجى تلوم ع واحد انه مش يعرف الاحزاب فى البلد و مش عارف الخطط بتاعتهم و هو اصلا مش لاقى لقمة العيش هتلوم عليه ازاى ؟
يااسلام و الله انا فى ناس ببقى متوقعة انهم مش ليهم فى السياسة خالص بسلما تستفزهم فى الكلام تلاقيهم فتحوا فى الكلام ومش بيسكتوا بس مش بيقولوا كلام ناس فاهمة السياسة هما بيقولوا كلام ناس عايزة لقمة العيش مهما كان ماينفعش نتجاهل الواقعه اللى مايعلم بيه الا ربنا
ماينفعش واحد عنده اسرة مثلا 3 ابناء و غير هو وزوجته و تيجى تقوله انت تعرف ايه عن الاحزاب فى مصر ؟! فى الوقت ده هيقولك انتو مش حاسين بحاجة

اما بالنسبة لى
انا فعلا اول مااخدت الاجازة قريت عن الاحزاب اللى فى مصر كلها و عن تاريخ تاسيسها و كل ده و عن الدستور المصرى
بس الى حد ما نسيت كتير جدا من اللى قريته ليه؟
لانى اصلا مش حاسة بوجود الاحزاب دى
هقولكم مثال يمكن يقرب وجهة نظرى
لو انت مثلا فى مدرسة و طبعا كلنا عارفين اتحاد الطلبة و المسابقات لما يبقى فى مسابقة تلاقى الاخصائى قعد يحفظك مسئوليات الاتحادومش عارف ايه و ازاى ننظم المدرسة وكده
كلام لو احنا مطبقينه فى المدرسة مش هنحتاج نحفظه
فانت بتحفظ الكلام و تروح تحطه فى اسئلة المسابقة و تنساه لانك مش محتاجه لانه مش مطبق اصلا انما لو انت بتطبقه فى المدرسة مش هتنساه ومش هتحتاج تحفظه لانه هيبقى واقع انت عايشه
معلش طولت فى الكلام بس يارب اكون قدرت اوصل وجهة نظرى

شكراااااااااااااااااااااااااا يا اسلام ع الموضوع المميز

[وفاء البحر]

طب ايه لزمه ان احنا نعرف كل الاحزاب دي وهي اصلا ملهاش لزمه
مع احترامي ليك يا اسلام
ومشكور ع الموضوع

[COoL HEaRT]

كلمه قالتها ارق ملاك انا مش حاسه بوجود الاحزاب دى .... مجرد مسميات ....يااسلام الناس متفرقش معاها السياسه ولا غيره
الناس بدور ع حاجه يكملو بيها يومها اكلهم شربهم احتجات عيالهم ..مش هتلاقى واحد عنده اسره وبيفكر فى حاجه
بس الاحلى ولاحلى ان الكبار لعبوها صح اوى ***وا اى حد ممكن يفكر صح ..وده الهدف الاساسى عشان يعرفوا يمسكو البلد
كل واحد مشغول فى عيلته مشكله الغلاء الكادر الثانويه العامه حتى ماتشات الكوره بقت من اهتمامات المواطن واهتمام من الدرجه الاولى
غير ده اللى يفكر فى ان يكون ليه راى يعبر عنه اخرته بتكون ايه ؟؟؟؟؟؟؟؟؟؟ اكيد كلنا عارفين اى حد رافض نظام حكومى هيحصله ايه
ثم انا اعرف ليه عن احزاب تانيه انا اصلا معرف عن الحزب الوطنى الديموكراتى
انا مثلا اتولدت مسلمه ...مناقشتش حد انا ليه كده ..دى حاجه انا مسلمه بيها
الحكومه كده انت طلعت ع وش الدنيا لقيت نفسك كده لا عارف تغير ولا عارف تفهم
مع الفرق الشاسع فى التشبيه ..كلنا لما كبرنا وعرفنا ان احنا مسلمين كان فخر لينا
اما كل متكبر وتحس بمدى غبائك فى انك فى ظل حكومه عوزاك دايما حمار ....ده اللى عمر الواحد مهيفخر بيه
شكلى خرفت كالعاده وخرجت عن الموضوع ..ماعلينا انا ع ادى فى المواضيع دى
بس حبيت اتكلم شويه
مشكور ع الموضوع يااسلام ..ومبروك العضويه الجديده

[ahmed2845]

شكرااا على الموضوع
بس تصور اول مرة اعرف ان فى مصر 24 حزب انا كنت فاكرهم 8 ولا 9
يلا ربنا يزيد ويبارك هههههههه

المشاركة الأصلية كتبت بواسطة moonlife

زمان كانت الاحزاب على الاقل واعية وخاصة فى عهد مصطفى كامل ومحمد فريد

ومن اول الملك فاروق لحد دلوقت الاحزاب بتضعف

مش عارفة بعد كدة الضعف حيكون ازاى

شكرا على المعلومات

اول مرة اعرف بعض الاحزاب

بالعكس الاحزاب السياسية ايام الملكية كانت نشيطة جدا
كان فيه حزب الوفد ومصر الفتاة والحزب الوطنى اللى اسسه مصطفى كامل
وكان ليهم ثقل فى الشارع
شكرا ليكى ياندى

يعنى مش انا لوحدى اللى ماعرفش حاجة ف السياسة

اها الحمد لله يعنى ايه انتى كنتى فكرة نفسك مصدومة 95% من الشعب المصرى لا يفقه شى فى السياسة

[Dr.diamond]

المشاركة الأصلية كتبت بواسطة _eslam_

بسم الله الرحمن الرحيم

على1. الحزب الوطني الديمقراطي (بتاع مصر بتتقدم بينا)

2. حزب مصر العربي الاشتراكي
3. حزب الأحرار الاشتراكيين
4. حزب التجمع الوطنى الوحدوي
5. حزب الوفد الجديد
6. حزب الأمة(هو ده بتاع الراجل الكبير الى كان لابس طربوش ولا ايه )
7. حزب الخضر المصري(طب بجد ده بتاع ايه)
8. حزب الاتحاد الديمقراطي
9. الحزب العربي الديمقراطي الناصري
10. حزب التكافل الاجتماعي
11. حزب الوفاق القومي
12. حزب مصر 2000
13. حزب الجيل الديمقراطي
14. الحزب الدستوري الاجتماعي الحر
15. حزب شباب مصر
16. حزب السلام الديمقراطي
17. حزب المحافظين(ده فعلا اول مره اسمع عنه)
18. الحزب الجمهوري الحر
19. حزب الجبهة الديموقراطية
20. حزب العمل المصري
21. حزب مصر الفتاة الجديد
22. حزب الشعب الديمقراطي
23. حزب العدالة الإجتماعية
24. حزب الغد

معرفش غير دول الصراحه

فعلا عندنا مفيش وعى باى حاجه فى اى اتجاه

بس لو كان ليهم نشاط كانت الناس حست بيهم وعرفتهم

اذا كان الراجل رئيس حز ب مش عارفه ايه فى انتخابات الرئاسه المزعومه كان هيرشح رئيس الحزب الوطنى عشان بيحبه (كلنا طبعا محدش يقدر ينكر )
دى احزاب دى الواحد يعرفها

[C A N D Y]

7. حزب الخضر المصري
8. حزب الاتحاد الديمقراطي
9. الحزب العربي الديمقراطي الناصري
10. حزب التكافل الاجتماعي
11. حزب الوفاق القومي
12. حزب مصر 2000
13. حزب الجيل الديمقراطي
14. الحزب الدستوري الاجتماعي الحر
15. حزب شباب مصر
16. حزب السلام الديمقراطي
17. حزب المحافظين
18. الحزب الجمهوري الحر
19. حزب الجبهة الديموقراطية
20. حزب العمل المصري
21. حزب مصر الفتاة الجديد
22. حزب الشعب الديمقراطي
23. حزب العدالة الإجتماعية

احم..لا دا كدا كتييييير
بس هما دول بيظهرو فين اصلا عشان اى حد يعرف عنهم اى حاجة
و بعدين موضوعك دا ع اساس ان الشعب اصلا عارف ابسط حقوقه السياسية و مش بيتبهدل فى الاقسام عشان يبتدى يعرف عن الاحزاب اللى مش ليها اى دور

ثانكس ع التوبيك
لانه مهم كتير
و الجهل السياسى من اكبر اسباب مشاكلنا
و طبعا الحكومة بتحاول تلخم الشعب عن السياسة بكل الترق عشان يفضل كدا
و يرجعو يقولو البلد بايظة
و مش عارفين ليه
...........................
هنقول اى بس

اكتب براحتك

[الشفق الباكي]

ياهوووو ياهووو ونعم الاحزاب

على فكرة ياجماعه مش شرط تكون الاحزاب كتيرة علشان يقولك فيه حرية سياسية
عندك فى امريكا حزب ديمقراطى وحزب جمهورى ومفيش حد تقريبا سمع عن حزب
الخضر او حزب المحافظين
انما مصر فيها 24 حزب ده بجانب 6 احزاب محظورة يعنى العدد 30
اقوى حزب سياسى هو الحزب الوطنى
يليه اخوان المسلمين مع انه حزب محظور الا ان ليه قوة وشعبية عريضة وسط الطلاب وبعض المثقفين
بس الحزب الوطنى فى مصر طاغى على جميع الاحزاب مبططهم بمعنى اصح
شكرا لكل اللى شركونا الحوار

[Travel]

المشاركة الأصلية كتبت بواسطة ***star***

لا لا لا لا انت نسيت حاجه مهمه ( حزب الحريه للبنات) اللي موجود هنا علي المنتدي ..في المجموعات

مالهم البنات
حد جايب سيرتهم فى حاجة

[فداك يا مصر]

أعتقد لو أعطيت لهذه الأحزاب حقها في ممارسة أنشطتها بحرية الوضع سيتغر كثيرا