السلام عليكم و رحمة الله
وعليكم السلام ورحمة الله وبركاته
"عاااااااااااااااااالم فاضية"
يا بنتى دول زى ما انتى بتقولى عالم فاضية وانا دماغى مش فاضية يبقى ليه هبص او هشغل دماغى بناس فاضية !!!!!!
السؤال بقى
ياترى العيب فى مين فى اللى بيصدق و لا اللى فى حاله
انا من رايى انه اكييييييد العيب فى اللى بيصدق واكيد اللى نقل الكلام ده يا ذكاااء
ياترى اللى فى حاله ده
لازم يدافع ع نفسه
لازم يضيع وقته و يحرق اعصابه عشان يدافع ع نفسه ادام حد المفروض يكون عارفه
يا بنتى وانا اضيع وقتى ليه فى انى اغير كلام اتقال عليا انا كل اللى اعمله انى اكون كويسة واعمل اللى عليا فى كل حاجة من غير ما احط فى بالى حاجة المهم انى مش اغضب ربنا وخلاص طالما انا كويسة والناس كلها بتقول كده الا الناس اللى هم زى ما انتى بتقولى فاضيين يبقى مع نفسهم.....
و لا خلاص بقى هو اللى اختار
و هو اللى عايز يفهمه غلط
كل واحد حر فى رايه وفى ناس ما بتصدق يعنى عايزين يصدقو اصلا الكلام الفاضى ده فكل واحد حر فى دماغه وانا اقدر اثبت لاى حد ان فعلا الكلام ده فاضى لكن من غير ما احرق دمى واتعب اعصابى
ياترى العيب فى مين فينا
فى الطيب و لا الغبى اللى بيصدق كل كلمة
ما قلنا يا بنتى فى اللى بيصدق وعلى فكرة مش شرط يكون غبى عشان يصدق
يا ترى لو الطيب ده مش دافع عن نفسه هنقول عليه سلبى
لا سلبى ولا حاجة يا بنتى وهو اصلا ليه يرد على كلام فاضى ده لو رد عليه باه هيكون فاضى يكبر دماغه ويعيش حياته وهو ولا فى باله اصلا كلام فاضى وهايف
طيب ليه هو مطالب انه يحرق اعصابه عشان حاجة مش ليه ذنب فيها
سبحان الله على ذكائك..... ما قلنا مش يحرق اعصابه ويعيش حياته فل يعنى ولا فى اى حاجة
طيب يا ترى الناس اللى متعتها توقع بين الناس دى
بتستمتع بايه؟
ناس فاضية يا بنتى لا وراها شغل ولا مذاكرة ولا عيال عايزة تتربى فيعملو اييييييه باه؟؟؟؟؟؟
يطلع كلام على الناس ويستمتع باه بيقضى وقت فراغه هواية يعنى
بتحبو اوى تشوفو الخناقات كتير
و الكره بيكتر
و الحب بيروح
بجد كلمة واحدة هقولها ليكم و سورى بجد
"بلا قرف"
لاتعلييييق على هذه الكلمة
سورى بجد ع الكلمة لكل حد مش فيه الصفة دى بس صراحة مش لاقية وصف اوحش من ده عشان اوصف بيه الناس دى
ولا يهمك يا ختى قولى قوووووولى
بجد
حسبنا الله و نعم الوكيل فيكم
"تايهين فى الدنيا"
شوفى يا بنتى اختصارا لوقتى ونصيحة من اختك الكبيرةالحل الوحيد لاى حاجة هو الدين
لو اى مشكلة عندنا او اى حاجة فى حياتنا مشينا فيها بالدين الحياة هتبقى احسن حاجة ده رايى باختصار
"عيب يا ولد .....احترم اللى اكبر منك"
الجيل اللى اكبر مننا -بابا و ماما كده يعنى-
لما يقولو راى
هل المفروض ننفذه بلا مناقشة و بلا تفكير
طيب لو اتناقشنا
و مش اقتنعنا و عايزين نجرب
هل نبقى ناس غير محترمة لاننا مش احترمنا رايهم؟
بصى هو مش عيب اننا يكون لنا راينا منفصل وكمان نناقش ماما وبابا وهم ممكن يقتنعو وممكن بس فى حاجات مهما بنتناقش هم بيتمسكو برايهم وفى الحالة ديه مش حلو انك تقفى قصدهم يعنىحاولى تشغلى دماغك وتظبطى امورك توفقى بين الرايين كده يعنى
هل التفكير بيحكمه السن؟
لا........خالص
طيب مش ممكن حد فى سننا بس يكون شايف مستقبله كويس
و عارف هو بيعمل ايه
حتى لو استفاد اكيد بخبرات اللى اكبر منه
اه ممكن جدااااااا بس لازم خبرات الناس كبيرة يعنى ما هو مش هتمشى بدماغك وخلاص يا قطة
بس ليه لازم ننفذ و عينينا مغمضة؟
لا مش لازم......وهسالك وتردى بامانة
انتى بتنفذى وانتى مغمضة ؟؟؟؟؟؟!!!!!
سؤالى للجيل اللى اكبر مننا
ليه بتحاسبونا على اننا اصغر من حضراتكم فى السن ؟
لا تعليق بردو
"غلطت و اتصلحت ........اعمل ايه تانى؟"
مين فينا ملاك؟
مين فينا مش بيغلط
كبير و صغير
متعلم و جاهل
ملتزم و غير ملتزم
بنت و ولد
هاتو كده حد فيهم مش بيغلط؟
متهيالى مافيش
طيب
مادام الك بيغلط
يبقى مين احسن
اللى يغلط و يغلط و يغلط و هيا هيا نفس الغلطة
و لا اللى يصلح و يتعلم من غلطته؟
هتقولو طبعا اللى يصلح و يتعلم من غلطته
اوك
انا مقتنعة بده تماما
بس هاتولى دليل واحد ع كلامنا
احنا دايما بنقول لازم لما نغلط نصلح الغلط
بس اللى يغلط فينا و يصلح الغلط
بيبقى كانه عمل غلط اكبر
مافيش حد يقول ليه هو يهتم براى الناس
لانه عايش فى مجتمع
هنقول لازم رايه هو فى نفسه و لازم تكون فى ثقة فى النفس
بس برده هو بشر لازم هتيجى لحظة و يضعف و يسمع لكلام الناس
السؤال بقى
ليه بنهد بعض؟
ليه مش بنشجع بعض ع الصح حتى لو كنا بنعمل الغلط؟
ياريت ياريت ياريت
"حب لاخيك ماتحبه لنفسك"
مفيش تعليق ليا لان كلامك فى الحوار ده نفس رايى
(الموضوع طول اوى المرة دى
اه جدااااا
بجد فى حاجات كتير اوى كنت عايزة اقولها
كفاية كده المرة ديه
بس اعذرونى ع الاطالة
عااااااادى ولايهمك
و معلش لو كانت طريقتى بايخة المرة دى
هههههههه لا عادى متعودة
كل سنة و انتو طيبين
وانتى طيبة 
10-12-2008, 12:50 AM
العرض المتطور
