نقع وننكسر.........ونقول يارب

hazem_ayman · #1 08-12-2008, 10:03 PM

بسم الله الرحمن الرحيم

ساعات الواحد بيكون من الدنيا مخنوق وخلاص جاب آخره منها

فاهم حياته اللى عايشها غلط

آتأثر بلى حوليه ...وتاه من عقله الصح والغلط

وغير كدة وكدة الشيطان دايما وراه يستنى ليه على غلطه علشان يبين فى عنيه

ان اللى بيعمله دة صح ...ويخليه يغلط تانى وتالت لغاية لما يبقى الغلط فى حياته

هو الصح

ويقع وينكسر............ ويقول يارب

يشغل باله وتفكيره بحاجات تافهة عايز يحققها ويقول لنفسه

وهى الحياة تبقى حياة من غير ما أحققتش الحاجات دى

سيجارة فى أيده

طريقه كله تحقيق مطامعه ورغباته ومش مهم اللى حوليه هيضر ولا لأ

أضحك على دى وأربط معاها

وأمشى فى الشارع فاكرها منظرة

مش مهم

المهم أتسلى وأدينى بضيع وقتى

تعدى فى حياتنا فترة بتكون أفكارنا مش متوازنة وكلامنا متناقض

ونضايق ونقول يارب تعدى

ونقع وننكسر .....ونقول يارب

لغاية لما ربنا يستجيب لدعاؤك لأنك قولتها بقلب صافى.... عايز تتغير

وربنا يبعتلك شخص خد من الدنيا تجارب ودروس ....قابلته فى مكيروباص... فى الشارع.... فى

الجامعة

تاخد منه دروس وتستفيد منها

حياتك تنقلب وتتغير وتقول بينك وبين ربنا

أنك فى السكة دى مش راجع ...

أتعلمت خلاص

حياتى هتبتدى من النقطة دى

هبتتدى خطوة خطوة

هجمع أفكارى وأولوياتى وفى الطريق الصح همشى وبأسمك توكلت

وتمر عليك أيام وليالى تضعف وتنكسر من تانى

وتصرخ باعلى صوت وتقول يارب أنا عبدك ساعدنى

فراق أنكسار جرح آلم

وتتألم وتنادى بأعلى صوتك وتقول حياتى بعد فراقهم صعبة

وتقع من تانى وتنكسر وتدعى........... وتقول يارب

وربنا يستجيب لدعاؤك مرة تانى لأنك لجأتله بكل صفى ونقاء

ويمر موقف قدام عينك أو تسمع عن مصايب غيرك

وتنزل من عينك دمعتين

ومتطلعش منك غير قوله الحمد لله

وتقول يارب

خلاص فهمت درسك ليا

دنيا=

نتعلم منها دروس ونعلمها لغيرنا

=فانية

=نعيشها لغيرنا مش لنفسنا

=نقع وننكسر ونجرى عليك .....ونقول يارب

Last Fantasy · #2 09-12-2008, 02:05 AM

مشكور جميل أوي الموضوع وبجد ده اللي بيحصل

Hamset_Etab · #3 09-12-2008, 08:19 AM

ثانكس على التوبيك
بجد الحاجات الى قلتها حقيقه جدا جدا

m.hazz · #4 09-12-2008, 08:55 PM

شكرااااا على مواضيعك