الضرب!؟ المشكلة والحل*من فضلك ادخل وشارك معانا فى وضع حل لهذه المشلة التى تؤرق الجميع

[موري2]

الم نفسي ايه يا استاذ أحمد في عيال فعلا يستاهلوا الشنق

لما تبقي واقف في الفصل و تلاقي مليون مشكله في دقيقه واحده و كام عيل ضارب كام عيل
انا عن نفسي بيبقي قدامى حوالي 90 عيل في الفصل و الله ما ببالغ فعلا 90 عيل في فصل واحد و الاولاد بقي ايه متشردين و تلاقي كام بنت برضه عايزين يترموا من الشباك
مجرد ما تخلص الكلمتين اللي بتشرحهم و تدير وجهك تلاقي كل ولد ماسك في اللي جنبه بيضرب فيه او كل مش في مكانه بخلص الحصه و اطلع العن في العيال و الحصه و المدرسه كلها
و الكلام دة بقي متفشي من ساعت ما سمعوا ان ممنوع الضرب و طبعا العيال فجرت فجرت بمعنى الكلمة و يردوا على المدرسين و عارفين ان المدرس مش هيقدر يعمله حاجة
لدرجة ان الطلاب بقوا يتبلوا على المدرسين و جايبين مصايبب للمدرسين اقسم بالله زميله ليا اتبهدلت بسبب ان طالب كان بيتخانق مع زمايله على ازازة مايه في الحصه فهى خدت منهم ازازة المايه و رمتها تانى يوم الولد جاب ابوه و عملولها محضر و قالوا انها ضربته في صدره و لما سالت الولد ( انا يبنى ضربتك في صدرك ) ( قالها اه و صدري من امبارح بيوجعنى ) و البت مقربلهوش اساسا و اولياء الامور كل يوم بشكااااااااااااااااوى توجع الراااااااااس كان العيال مشتغلش عندهم الفشه و الكليه و الدوخه و الصداع الا اليومين دول
ناقص لو جيت كحيت جنب عيل يشتكوك
و الله انا ماشايفه حاجة تفرح في التربيه و التعليم دى اساسا و عايزة اسيبها و لما افكر في كدة اقول طيب ياخساره تعليمك و طلوع عينك في كليه التربيه و اللي اهلك صرفوه عليكى علشان تبقي مدرسه

[نورا ميلاد]

يا جماعة بلاش ضرب احسن دة راييى